فصليه الشيخ وضاح

البارت الثالث وثلاثون(الجزء الثاني)

مفاجئه 💛

<فصليه الشيخ وضاح>

<البارت الثالث وثلاثون>

-نويت انساك بس شفتك مرض بيه
-تروح الغيري مده وترجع عليه

علي كريم

-وداعتك كلما تمر نسمة
-التفت حسبالي انته

   كاظم خبط

مريم:-وصلنه البيت جدي نزلت وشايله
جهال دخلت للبيت كلها استقبلتني واني
احس حيلي كله مهدود وشهكه لهسه بلعومي
اجت امي اخذ مني توم وانطتهم روئ بت
عمتي سعاد وحضنتني واني مثل جثه صاير
ابتعدت عنها

الام:-سوده عليه يمه شصاير بيج

سلام:-خويه ام احمد بعدين احجو وياها البنيه
حيل مهدود شووفو شون صايره كومي خالو
هاجر صعدي بت خالج فوك

هاجر:-تعاالي مريم

مريم:-اخذتني واني كوه امشي احس الدنيا <br>
تفتر بيه بسرعه حسيت كلشي صار اسود ووكعت

هاجر:-يااااا مرريم شجاااج

سلام:-بسررعه مااي

الام:-يمه بنيتي

احمد:-ناخذها للمستشفى

سلام:-لاا ميحتاج هاي كام تصحى

مريم:-فتحت عيوني راسي بحضن هاجر
وعمي سلام يذب مي على وجهي

سلام:-هاا عمو شجاج

مريم:-بقيت ساكته اجه احمد اخويه
شالني وصعدني فوك نيمني على الجربايه
ومسح على راسي

احمد:-يروح اخوج لاسوين هيج بنفسج
اذ صار بيج شي جهالج منوو الهم

مريم:-بقيت ساكته عافني وطلع سمعته
يكلهم عوفها وحدها لحد يدخل يمها بقيت
صاافنه ودموعي تنزل اخذت تلفون فتحته
لكيته متصل 6 مرات غلست عليه رجعت
مددت واني الف فكره وفكره براسي من كد
التعب نمت

وضاح:-حسيت روحي طلعت وياها
كسرت حيلي بس ماابيدي شي ولااكدر
اطلكها وهيه وصيه اخويه وامانتي
كاعد بلصاله ولازم راسي وصدري
كاام يوجعني بسرعه خشمي نزف

ام محمد:-ولكك يمه شجااك ولج
جنه بسررعه جيبي حب ضغط مال اخوج

جنه:-هااج يمه

وضاح:-اخذت الحب وشربت ماي كمت
للحمام وفتحت الماي على راسي انطتني
امي الخاولي

ام محمد:-ولك يمه بس اهدئ مو زين
عليك وهيه جم يوم بلكي الله يهديها
وترجع

وضاح:-بقت تحجي امي واني مدد على
القنفه ولازم راسي

شمس:-خويه والله اني ماريد اخوب بيتك
ومرتك حقها بلي سوته ولو وحده مكانها
ماتسكت طلكني ورجع مرتك لاتعوفهم هيج
جهالك بعدهم صغار