عراقي انا وافتخر...

الشاعر إيهاب المالكي

بعد ماجيب جرحي ,,,
ايهاب المالكي,,,
:
بعد ماجيب جرحي تروفه إليه ردود
أنا استجمعت حيلي وبالصبر رفته
أمـر .. وتشوفني شلونه الوكت وياي
ما مهموم , وأضحك , والحزن عفته

ماخليتلك خيط أمل تترجاه
كفظ , حتى الخيال من الجفن شلته
وضعف روحي , بـأيدي جريته أمثل بيه
گدام اليضدك للصلب گدته

إذا تشوفني ؟ تعرفني!؟ .. لا والله
مو ذاكه الغشيم الــ من گبل شفته
گبالك غير واحد , بي شبه من ذاك
مايشبه هذاكه الـ بي جرح عفته

مــُـره التجربه المريت بيهه وياك..
مــُـره , وعلمتني ,, وحنضلك ضگته

ولو خسران ,, بس الله يعوض الراح
حـُـب راح بعشرتك و أنتهى بوكته

عفتك دونما تسمعلي وقع أقدام
ما تحچي الشموع .. وينطفن سكته ..

عارض گدامي ظلي , وعطلت ممشاي..
حاچيته , ونصحته , ومن رفض !! , دسته

وظل حلمك بعيني على الجفن مطروح
چذاب الــ يگلك من رحت جسته

ولأن ماردت منك شي يظل تذكار..
ماردته بحياتي و عــ الخلق سمته

مــنوووو الياخذ حلم !... منو ينطي زايد بـــي!؟
حلم كلش جديد وما أستعملته

أبيعه لغير واحد مثل ما سويت وياي
وحنينك للـــغــُــربه بعته

مثل سچينتك , راح أنسحب بـهداي
حتى أترك حياتك وأطلع بــ سكته

بلا ما تشعر و يكسر قراري الشوگ
وأرجعلك و أگول تسرعت , خذته

ردت ينباگ جرحي , و رصعت بي ماس
ردت أغوي الحرامي , ومن رفض .. لـمته !!

أنا الطير النزل من حطيت روحك للضحية
ومن نزل , صدته
ترك لأجلك سمه , و راويته المجازاة !!
من گصيت جنحه , و للقفص جبته

عفتني ويه الجگاره , ثنينه مورثين
محد طفه الأخر , وأنطفيت انته

قبل چم مره أجيلك مشتري و مابيع
وأسمع صوت روحي تگلي عاذرته

وأنكثلك أسراري بـ حضن لحظة شوگ
بس تالي ألگه اسراري الناس سامعته

چنت مثل الهوه , موتي بصفنتي يصير
يحـيـيـنـي اليگلي الشادهك شفته

وأحلف كارهك , وأكتشف يطلع شوگ !!
من ضمن السوالف بالحچي الـ گلته

ردت چم مره اطلعك ,, گلبي مابي باب !
دورته على كيفي و كل كتر درته

وتعلمت كلشي في سبيل أنساك
بس فراگ وجهك ما تعلمته

هسه بــ سد خريفك حطبت ذكراك
خاف يرد خضارك و أنتشي بـ جيته

بعد ماريدك تظل خيط أچلب بي
وأبقى متاني چفك يفزع يعته

تعوف الدفن حبك مثل سر بالراس !؟
وتركض عــ اليحطك راس سالفته !؟