عراقي انا وافتخر...

الشاعر مأمون النطاح

مأمون النطاح شاعر، كاتب و رجل أعمال عراقي يحمل الجنسية الهولندية
الميلاد: 12 أغسطس 1976 (العمر 43 سنة)
عائلة: العبدالله بو كليب
اسم الولادة: مأمون مشعان محمد عبدالله النطاح
سبب الشهرة: كتابة وإلقاء الشعر

اتركني احبك💕
أتركني احبك ، مثل ما اني اريد
وخلي أترجم لك عظيم إحساسي

بين حظنك غافي انا مثل الوليد
يالله بوّس عيني انته وراسي

يالله اسرع خلي ينصهر الجليد
معقوله أذكرك ليش انته ناسي ؟

بين اديك أني ومتوسد الوريد
أنسى ظلم الوقت وشگد قاسي 

مو بديه الشوق ما ينقص يزيد
ولمى اشوفك أهجر أهلي وناسي

على الهامش عايش وياك وسعيد
جبل حبك فوق قلبي راسي

اني بيك اتوحدت وانته الوحيد
من أشم ريحك تطيب أنفاسي

أتركني احبك أتركني احبك....
مثل ما اني اريد ......
ابقي عند اهلج عزيزه..

إبقي عند اهلج عزيزه وشبعي من إمج دلال
صح كثيرات الشوارب بس قليلين الرجال
لا تگولين النصيب ... لا ولا سوء إختيار
ابقي وحدج بالمحطة  حتى لو عدى القطار
ما يبدل الذهب لونه  شما قست فوگه النار
النجمة  يتلاشى ضوها  لمن تغيّر  المدار
في عرين الاسد كوني ثابت رسوخ الجبال 
الاصيله تريد غانم .. ما تبي أشباه الرجال

#مأمون_النطاح

نرجسيه...
الله خالقها بشر كله عناد                  نرجسية وصعب يعجبها العجب

مهرة برية ويميزها الجموح            ولو مشت تنثر على النار الحطب

عنفوان وعجرفة وعزة وإباء          كبرياء وغطرسة وكتلة لهب

الحجي اللي بلسانها يقطر عفاف      وفحوى حجي عيونها قلة ادب

جمعت الضد التواضع والغرور        والهدوء العايش بوسط الصخب

إن تدنو تسمع للمنية حسها           تستل نصل السيف من غمد الهدب

براقة سراقة في وصفها قد أعجزت من قال شعرا او كتب

أوتنأى أظلمت الربوع لفقدها         شوق الخلال إلى ذكاء والرطب

تشقى الجموع لرقة وعذوبة         تدع الفئام من النواحي في نصب

قد اتعبت صبري بسحر مؤرق       والنجم يرقب لا نعاس ولا وصب

قد جمعت من كل حسن حسنها      فلها الفخار على جميلات العرب

وبعد بيها تجمعن كيد ودهاء        وجمعت الضدين مالح والعذب

لبوة شرسة بثوب انثى من الضباء  وحمل ساكت يصبح بلحظة ذئب