Word Lane

Mauulit

Matang nangungusap
Labi na ngumingiti
Tainga na nakikinig
Ilong na lumalanghap
Isipang matalas
Pusong nagmamahal
Damdaming nasasaktan
Lungkot na panandalian
Kasiyahang pangmatagalan

Simple lang sana ang buhay
Sisikat ang haring araw
Magigising sa umaga
Gagawa ng trabaho
Lulubog ang araw
Mawawala ang liwanag
Kasabay ang pagdilim
Paligid na magpapaalala
Na hindi simple ang buhay

Maghahanap
Iibig
Tatakbo
Iiyak
Babangon

Mauulit ang lahat
Hahanap ng bago
Iibig na muli
Ipaglalaban
Masasaktan
Babangon muli

Matang lumuluha
Labing ngumingiwi
Taingang naririndi
Ilong na magsasawa
Isipang irasyonal
Pusong nagngangalit
Damdaming manhid
Lungkot yumayakap
Kasiyahang nagpapaiyak