Phenomenal Fate

Chapter 4 🍃

Kasalukuyan akong naglilimot ng mga basura ngayon dito sa gilid at hindi ko katabi si Lloyd cause nag-request ako sa kanya na makipag-usap din naman sa ibang mga estudyante.

"Pst," nakarinig ako ng isang tunog mula sa kaliwa kaya naman lumingon ako dito

Nakita ko ang babaeng nasa panaginip ko, ipinikit ko pang muli ang aking mga mata upang kumbinsihin ang aking sarili na isang imahinasyon lamang iyon ngunit hindi pa din ito nawala sa aking paningin. Sa kadahilanang ayaw kong maniwala ay tinawag ko ang aking mga kaibigan na hindi naman ganoon kalayo ang agwat mula saakin.

"Hoy mga gaga"

"What?"

"Oh? ano kailangan mo?"

Itinuro ko ang pwesto ng babaeng nakikita ko at tinanong sila. "May nakikita kayo?"

Lumingon silang dalawa at napakunot ang noo saakin

"Oo, baket?"

"Talaga?" Hindi ko maiwasang hindi maipahalata ang aking pagka-gulat, "Ano nakikita niyo?"

"Puno at dahon girl!"

"Wala nang basura don kaya wag mo nang pagkaabalahan pa," dugtong pa ni Trisha sa sinabi ni Jenny.

Muli akong napalingon at andun pa din ang babae na nakatitig lamang saakin at kung minsan ay nasulyap sa aking kuwintas. Hindi ko alam kung bakit hindi man lang ako nakakaramdam ng kaba kahit na hindi na normal ang nangyayaring ito. May parte din ng aking pagkatao ang nagsasabing hindi imahinasyon ang lahat ng aking nakikita. Hindi ko na alam ang nangyayari saakin.

Napailing na lamang ako at pumunta sa ibang gawi para doon naman maglinis. Nakakailang minuto pa lamang ako ay may tumawag na sa pangalan ko...

"Lhiana," lumingon ako para makita kung sino iyon kahit na iisa lang naman ang natawag saakin sa pangalawang pangalan ko

"Yes? What do you need Lloyd?"

"Nothing. Our teacher asked me to tell you that we're already done and ikaw na lang ang natitira sa side na ito," napakamot pa siya sa kanyang batok at umiwas ng tingin saakin.

Pinagmasdan ko ang buong paligid at maging ang dalawa kong tarantadong kaibigan ay iniwan na ako, kahit kailan talaga trip na trip akong pag-tripan, sarap sakalin e. Akmang tatayo na ako nang ilahad saakin ni Lloyd ang kamay niya at alalayan akong tumayo, syempre di na ako choosy mga teh dahil ang hirap naman talagang tumayo agad.

"Thanks"

"You're welcome"

Naglakad na kaming dalawa at abala sa pagku-kwentuhan kaya naman hindi namin namalayan na may tao pala sa harap namin at nabunggo namin ang mga ito, si Jenny at Trisha pala. Bahagyang napaurong si Jenny na syang nabunggo ko habang halos mag dire-diretso naman sa sahig si Trisha dahil sa mas malaki pa sa kanya ang hinarang niya, natawa ako ng bahagya.

"Sorry Miss," paghingi ng paumanhin ni Lloyd kay Trisha

"Ikaw? di ka magso-sorry saken teh?" nakahawak pa sa kanyang bewang si Jenny at nakatingin saakin

"Asa ka! Ikaw tong nakaharang e. Bleehh," sagot ko dito dahil alam ko namang hindi siya magagalit.

"Pasalamat ka kaibigan kita," kitang-kita ko sa mga mata ni Jenny na anytime ay pwedeng-pwede na niya akong patayin dahil sa gigil pero dahil nga kaibigan niya ako, mahal niya ako diba?

Hindi ko din maintindihan kung bakit ba andito pa ang dalawang toh at nag-aabang saamin ni Lloyd kung kanina pa naman silang nakaalis at nagawa pa nila akong iwan kanina doon sa area namin. "Bakit nga ba andito pa kayo?" nagtataka nga ako kaya nagtanong diba?