نوفيلا نيران بقلم/مريم مصطفي (مكتملة)

البارت الثامن

طيب عشان خاطر الست سيهام واستاذ محمد قررت إني انزلكم بارت كمان النهاردة
نوفيلا نيران
البارت الثامن
بقلم/مريم مصطفي
ليقوم من مكانه ويتجه إلي نيران ليمسكها من معصمها
عبدالحميد:يلا روحي للشارع اللي انتي جاية منه
ليقوم نائل من مكانه بسرعة ويتجه إليه
نائل:انت شكلك نسيت مين هو نائل السيوفي ياعبدالحميد بيه
صدم الجميع من وقوف نائل علي قدمه وكانت الصدمة الاكبر من نصيب فاطمة وعبدالحميد والحاجة
الحاجة بدموع:انت واقف علي رجلك ياحبيبي
نائل:للأسف ياعبدالحميد انت اللي عجلت بالإنتقام ودا مش ذنبي
عبدالحميد:كنت بتستغفلنا ياابن أخوي ومفهمنا انك مشلول
نائل:معلش دي لسه اول صدمة
عبدالحميد:ليه هو فيه صدمات تاني
نائل:ياجدع هو احنا لسه عملنا حاجة الا صحيح اخبار عملية أول امبارح اي
تحول وجه عبدالحميد إلي الوان الطيف:عملية اي
نائل:اقول ياعبدالحميد ولا أقولك مش انا اللي هقول الفيديوهات هي اللي هتقول
ليقوم بتشغيل هاتفه ليظهر فيديو لعبدالحميد وهو يقوم بإحدي صفقات السلاح ويظهر وجهه وصوته جيدا ليفصله نائل
نائل:اي رأيك كدا ياعبدالحميد بيه وتحب أوريك الصدمة الأكبر بقي ولا بلاش
الحاجة:في اي تاني يانائل اخس عليك ياعبدالحميد صحيح انك واطي بتاجر في السلاح
نائل:لسه ياأمي الصدمة الجاية أكبر امسكي أعصابك
أميرة:هو فيه اكتر من كدا لتكمل كلامها بسخرية ياعمي
نائل:فيه الصدمة الاكبر بقي وإن عمكم المبجل هو اللي قتل أبوكم
اميرة:نائل بس بابا مات موتة ربنا
نائل بسخرية:كان بيتحطلو السم اللي بيموت بالبطئ
ليسود الصمت بين الجميع وخاصة والدة نائل التي صدمت مما حدث أكثر من الجميع
لتقوم من مكانها وتتجه إليه
الحاجة:كان بيعاملك بما يرضي بس انت متستاهلش لتضربه علي وجهه صدم الجميع من فعلتها
الحاجة:الالم دا مبردش ناري بس هونها لتضيف بصرامة نائل اطلب الشرطة
ليرد عبدالحميد:ايوا قتلته كان واخد كل حاجة حب ابوي وكل حاجة هو اللي ورثه وعطاني شوية ملاليم وعايزني اسكت بعد دا كله وأنا برضو اللي دبرت الحادثة لنائل وكنت عايزه يموت بس مماتش بس ع الأقل اتشل بس ياخسارة طلع كله اونطة
الحاجة:نائل اطلب الشرطة بدل مااجوم من مكاني واجتلو
ليأتي صوت الضابط من خلفهم
الظابط حسن:أنا موجود وهو اعترف ومعانا فيديوهاته خدوه ياعساكر
فاطمة:أبويا معملش حاجة انتو ازاي تقولو علي كبيركم كدا
أميرة:اخرسي هو عمره ماكان كبيرنا كبيرنا كان أبويا وبعد ماابوكي قتله كبيرنا بقي نائل هو كبيرنا وانتي يلا اتكلي ملكيش مكان مابينا احنا مبنربيش عقارب
حمدان:أميرة لمي لسانك
أميرة:لا مهلمش وانت فاكر انك تقدر تكلمني ولا اي
في لمح البصر كان حمدان يجذب اميرة من حجابها
حمدان:لما تكلميني يبقي تحترمي نفسك
ليقترب نائل ووائل وحسن منه
نائل:انت اتجننت بترفع ايدك علي اميرة السيوفي
حمدان:ربي أختك قبل ماتتكلم مع أبوي
في هذا الوقت لكمه حسن في وجهه
حسن بحدة:مابلاش انت تتكلم عن التربية عشان الكل عارف عمايلك الوسخة ليشير لأحد العساكر خدوووه ع البوكس جنب ابوه
ليذهب العساكر ومعهم عبدالحميد وحمدان بينما ظلت فاطمة تندب حظها
نيران بهمس:نائل حرام سيبها ملهاش حد
نظر لها نائل باحترام:فاطمة تقدري تخليكي هنا
كادت اميرة ان تتحدث ولكن نيران شدت علي يدها ونظرت لها لتطمئنها
&&&&&&&&&&&&&&&&&
في المساء اجتمعت العائلة جميعها حتي فاطمة كانت معهم
نائل:امي إن شاء الله فرحي انا ونيران بعد يومين وأنا اتصلت علي اهلها وعلي بكرا الصبح هيكونو هنا
صدمت نيران مماسمعت وابتسمت بحب لمن سرق قلبها
أميرة:الحمد لله واخيرا هيبقي عندنا فرح
وعد:ايوا خلونا نتبسط بقي ونهيص
نيران:ايوا صح لازم نهيص نائل ممكن اتصل بورد تيجي تقعد معانا اليومين دول
نائل:انتي بتستأذني انتي تعملي اللي انتي عيزاه
وعد:احم احم نحن هنا
وائل:تمام وأنا كمان هقولكم حاجة مهمة أوي بكرا
نيران بفضول:اي هي
وائل:بقول بكرا
الحاجة:طيب انا هطلع أنام
وعد:وانا كمان عشان نبقي فايقين
لينسحب الجميع
نائل:يلا بينا احنا كمان ولا اي
نيران:يلا انا هموت من التعب
ليصعدو إلي غرفتهم
تقدمت نيران ولكن يد نائل جذبتها إليه واحتضنها
نائل:تعالي هنا رايحة فين
نيران وهي تحاول ان تخرج من احضانه:عايز اي
نائل:وحشتيني
نيران:وحشتك اي انا معاك من الصبح
ليقبلها من خدها بتمهل ثم خدها الاخر
نيران:بس بقا
نائل:لأ انتي وحشتيني
نيران:طيب ياسيدي وحشتك خلاص عرفت وانت كمان اوعي بقا عايزة أنام
نائل:ياشيخة فصلتيني غوري يانيران نامي
&&&&&&&&&&&&&
في غرفة اخري كانت تشتعل بنار الغل والحقد
فاطمة:هيعملو فرحهم علي جثتي انا هوريهم هعمل فيهم اي اما بوظت فرحتهم مبقاش انا فاطمة
لتفكر في امر ما وتقوم بالإتصال بأحد الارقام لياتيها الرد وتطلب شئ سيغير امورا كثيرة
&&&&&&&&&&&&&&&
أتي الصباح محملا بأحداث جديدة
ليضج المنزل بالحركة تجهيزا لإستقبال عائلة نيران وورد صديقة نيران التي اتت من الصباح الباكر لتدلف العائلة وسط ترحيب الجميع
الحاجة:نورتونا والله
أحمد:دا نورك ياحاجة
وبعد السلامات جلس الجميع وسط فرحة عارمة ستحولها فاطمة إلي حدث أليم في حياة نيران
أميرة:اي ياجماعة الصمت دا شغلي يابت وعد الصب
ليفعلو المهرجانات ويبدأو الغناء معها
امجد وهو يهمس لنائل:كنت عايزك في موضوع ضروري
نائل:تعالي معايا في المكتب
ليذهبو إلي المكتب
&&&&&&&&&&&&&
نائل:ها ياعم عايز اي
امجد:بصراحة أنا كنت عايز اطلب ايد اختك وعد
نائل:ياجدع مش تقول كدا
امجد:اخلص يانائل شوفلي رأيها
نائل:حاضر
ليسمعو صوت صراخ يأتي من الخارج
ليتوجهوا إلي الخارج ليجدو الجميع مصدوم مما فعلته فاطمة ونيران تبكي بحرقة علي الأرض
ياتري فاطمة عملت اي لنيران
ووعد هتوافق علي امجد ولا لأ
مفاضلش غير بارتين والنوفيلا تخلص بحبككم جدا ويارب البارت يعجبكم
نوفيلا نيران
بقلم/مريم مصطفي