نوفيلا نيران بقلم/مريم مصطفي (مكتملة)

البارت الأخير

نوفيلا نيران
البارت العاشر والأخير
بقلم/مريم مصطفي
حسن بتردد:التاني أنا جاي عشان اطلب ايد اختك أميرة
نائل بصدمة:اميرة الصغيرة
حسن:اها والله هي
نائل:تمام هاخد رأيها وارد عليك
&&&&&&&&&&&&&&
لينتهي هذا اليوم وياتي اليوم التالي وهو يوم الحنة وعقد القران للبعض منهم
في صباح هذا اليوم
استيقظت نيران لتجد الغرفة فارغة لترتدي ثيابها وتتوجه إلي الأسفل لتجد الجميع يجلس لتبتسم بسعادة لفرحة أسرتها والبسمة المرسومة علي وجوههم
نيران بابتسامة:صباح الخير
نائل:صباح الجمال
لتجلس بجوار الفتيات ويظل الحديث دائراً حتي يتحدث نائل موجهاً الحديث لأميرة
نائل:أميرة انتي جايلك عريس
أميرة:عريس اي دلوقتي أنا لسه صغيرة
نائل:مش لما تعرفي هو مين الأول
وعد بفضول:مين هو
أمجد:وانتي مالك هو جايلك انتي ولا اميرة
وعد:أختي وبطمن عليها
نائل:حسن صاحبي
وعد بتهكم:الظابط
نائل:اها ومالك قلبتي وشك كدا
وعد:لأ عادي بس هو شافها فين أصلا
نائل:بصي ياأميرة خدي وقتك وردي عليا
أميرة:تمام
نائل:أمجد انت ووائل تعالو معايا هنظبط حاجات
الحاجة:وانتو يابنات جومو جهزوا نفسكم لليلة وشوية والبنات هيوصلوا
نيران:تمام يلا بينا يابنات
&&&&&&&&&&&&
صعدوا الفتيات للأعلي
نيران:النهاردة عايزين نفرح لان اليوم دا مش هيتكرر
ورد:أكيد عايزين نعمل حاجة مختلفة
وعد:أنا عندي فكرة كدا كدا الحنة بنات بس ومعظمهم حبايبنا فااحنا هنتجنن عادي
لتروي لهم فكرتها وهي تبتسم بخبث
ورد:الله حلوة أوي الفكرة دي اصبري هتصل بالميكب ارتيست تجيب الحاجات معاها
نيران بقلق:مش عارفة خايفة من النتيجة
وعد:يابنتي متخافيش الحاجات دي مبتحصلش غير مرة واحدة في العمر خلينا ننبسط
نيران:خلاص تمام
&&&&&&&&&&
وبدأ الجميع بالتجهيز لتلك المفاجأة التي ستبهر الجميع وخاصة أزواجهم
حل المساء ليبدا الضيوف بالحضور ودخول الرجال في اماكنهم المخصصة ودخول النساء في مكانهم المخصص
والدة نيران وهي تامر الخدم:ودي دي هناك وخلي بالك عشان ميحصلش مشاكل
الخادمة:حاضر
الحاجة:طب ارتاحي انتي واقفة علي رجلك من بدري
والدة نيران:والله ماتعبانة دا أنا مبسوطة ليهم من قلبي ودا مودي الوجع
الحاجة:ربنا يفرح قلبك وقلوبهم
&&&&&&&&&&&&&
في الأعلي
نيران:احنا كدا جاهزين يلا البسوا بقا الحاجات دي خلونا ننزل
ورد:يلا
وعد:أنا مبسوطة ومتشوقة إني اشوف ردة فعلهم
ورد ونيران:واحنا كمان
اميرة:انا عن نفسي هموت وأشوف ردة فعلهم
&&&&&&&&&&&&&
لتنزل الفتيات ليصدم الجميع من ارتدائهم لملاحف سوداء طويلة وطرح طويلة
ليدخل الشباب برفقة الشهود والمأذون ويصدمو من مظهر العرائس ويتم عقد قران وعد وأمجد وورد ووائل وسط ذهول الجميع من هؤلاء المجانين
وبعد انتهاء عقد القران
تصيح أميرة بصوت عالي
اميرة بضحك:نرجو من جميع الرجال التوجه لخارج القاعة ليتم الإعلان عن المفاجأة ماعدا العرسان
ليقف نائل وبعده وائل ومن ثم أمجد ومازال يظهر علي وجوههم الصدمة لتبدأ العرائس في نزع هذا الرداء الأسود ليظهروا بساري هندي
كانت نيران ترتدي ساري باللون الأسود الذي اظهر صفاء بشرتها وكانت يتسم بالحشمة لوجود وائل وتركت لشعرها العنان
أما ورد فكانت ترتدي ساري باللون الاحمر مما جعلها آية في الجمال وتركت شعرها وكان نفس التصميم مثل نيران
أما وعد فكانت ترتدي أميرة كانت ترتدي ساري باللون الوردي وتركت شعرها ونفس التصميم
واميرة أيضا نفس الشئ
كل هذا وسط اندهاش الجميع لتأمرهم ورد بتشغيل الاغاني
لتبدأ بأغنية حبيتك بالتلاتة
"مالي حاسة بارتباك وبحالة مش عادية عقلي اتجنن معاك مش عارفة اي اللي فيا قوم فض الإشتباك أو خبي عنيك شوية دا انا واقعة فيك بجد من كلمتين يادوب بلاقيني في حتة تانية مبشوفش فيك عيوب وبراقبك ثانية ثانية ازعل هتقوم حروب مش واحدة لا تمانية هو انت أي حد"
لترقص الفتيات بفرحة لتتحول حالة الإندهاش الي سعادة من أجل هؤلاء الفتيات التي الفرحة كانت تظهر علي وجوههم جميعا لينضم الجميع ماعدا نائل الذي وقف مكانه بهيبة ووقار وهو ينظر إلي نيران التي ترقص بسعادة مع أمجد وورد وكأنه يستعد لفعل شئ ما معها
انتهت هذه الليلة ع الجميع بفرحة ليغيروا ثيابهم ويجلسوا مع الجميع
ليتحدث نائل بثبات:نيران تعالي عايزك
نيران بقلق:حاضر
ذهبت نيران خلفه
وائل:ورد تعالي
ورد باستغراب:حاضر
&&&&&&&&&&&
عند نائل
بمجرد دلوف نيران الي الغرفة جذبها من يديها بشدة ووضعها بينه وبين الحائط
نائل بعصبية مكتومة:سيبتك تفرحي وترقصي وانا ساكتلك سيبتك تفرحي براحتك
نيران:انا عملت اي طيب
نائل بثبات انفعالي:هو مش المفروض ان حضرتك محجبة والنهاردة نازلة من غير طرحتك لا وكمان ببتاع مفصل جسمك وعيزاني اقف اتفرج كاميليا انا بقي
نيران:دي حنة بنات بس
صح نائل بها بعصبية:وبالمسبة لوائل اي
احست نيران بخطأها:أنا آسفة بس هو مش معقول هيسيب عروسته ويبصلي
نائل:عارف بس ان شفتك بالمنظر دا تاني هزعلك وهيبقي ليا ردة فعل وحشة شعرك دا ميظهرش غير ليا فاهمة ولا لأ
نيران:حاضر
نائل:طب يلا روحي بقا عشان هتنامي مع البنات النهاردة
نيران:ماشي
&&&&&&&&&&&&&&
عند وائل
دلفوا إلي الغرفة ليجلس وائل وهو ينظر إلي ورد
وائل:تعرفي لولا انك كنتي فرحانة كنت هنكد عليكي
ورد:اي الهجوم دا ليه كل دا
ليمسك وائل بيديها بقسوة واليد الاخري تجذب حجابها وتمسك بشعرها:عشان اللي مبيناه دا قدام نائل وأمجد دا وعمالة تترقصي
ورد:طب مانت رقصت معايا
وائل:عشان مكسرش فرحتك وقسما عظما ان بان قدام حد تاني هتزعلي
ورد بضحك:حاضر
وائل بغل:متضحكيش
ورد:حاضر
وائل:يلا روحي
&&&&&&&&&&&&&
ذهبت الفتيات لغرفه واحدة ليناموا سويا كنوع من التوديع قبل الزفاف
لينتهي هذا اليوم ويأتي اليوم المنتظر الذي ينتظره الجميع حتي يجتمع العشاق تحت سقف واحد
&&&&&&&&&&&&&&&&&&
في صباح اليوم التالي استيقظ الجميع بنشاط فاليوم زفاف أبناء السيوفي ليامر نائل بدبح العجول وتوزيعها علي جميع البلدة ويشتعل المطبخ بالحماس فالطبخ فأكبر الرجال من البلاد الاخري سياتوا لمجاملة أبناء السيوفي
بينما العرائس جاء اليهم الفتيات من مركز التجميل بفساتين الزفاف التي أوصي بها نائل للفتيات التي تشبه بعضها
&&&&&&*&&&&&&&&
وكانت عبارة عن فستان من اللون الفضي وبه فصوص تشبه الالماظ وله ذيل طويل من الخلف ويتسع من منطقة الخصر وعليهم الطرحة الطويلة ليشبه فساتين الملكة
&&&&&&&&&&&&&&
ليتم الإستعداد علي اكمل وجه وترتدي كل منهما فستانها ليشبهوا الملكات فكل منهم ملكة علي عرش حبيبها لتهبط العرائس إلي اسفل ليفاجئو بالعرسان يرتدون الزي الصعيدي وهي الجلباب الصعيدي المميز ليظهروا في اجمل طلاتهم ليكون هناك قسم للنساء وقسم للرجال
احتفل الجميع بفرحة عارمة وخاصة العرائس وانطلقت الزغاريط والتهاني لفرحة ابناء السيوفي وعمت السعادة أرجاء المكان لينتهي هذا الزفاف الذي سعد الجميع به ويتوجه كل ملك لاخذ ملكته ومنهم من ينتظر الرد من ملكته المستقبلية
أخذ نائل نيران وصعدوا إلي غرفتهم وهكذا فعل وائل أما امجد فأخذ وعد إلي غرفتها حتي يسافروا غدا إلي منزلهم
&&&&&&&&&&&&
عند نائل
نائل بسعادة شديدة:انا مش مصدق اخيرا بقينا مع بعض انتي كنتي حلم بعيد والحمد لله اتحقق وبقيتي ملكي كنت خايف متبقيش ليا بس الحمد لله دعائي استجاب وبقيتي ليا
نيران:الحمد لله
ليقترب منها نائل ويقبل جبينها
بس نسكت هنا بقي
&&&&&&&&&&&&
عند وائل
وائل:من اول مرة شفتك فيها وأنا بدعي ربنا إنك تكوني من نصيبي مكنتش بقدر اشيل عيني عنك ولما قلتلك إني بحبك كان نفسي انتي كمان تقولهالي
ورد:مين قال اني مبحبكش انا من اول مرة شفتك فيها وأنا معجبة بيك بس ديني بيأمرني بغض البصر
وائل:مكنتش بقدر عشان كدا اتقدمتلك واتجوزتك بسرعة عشان مكنتش هقدر امنع نفسي إني ابصلك وكفاية كلام بقي
ليقاطعها وهو يقبلها باشتياق
لتصمت شهرزاد عن الكلام غير المباح
&&&&&&&&&&&&
عند أمجد
أمجد:بصي انا مش هقول حاجة غير إنك سرقتي قلبي من أول مرة شفتك فيها تصدقيني لو قلتلك انك الوحيدة اللي قدرتي إنك تخلي قلبي يدق
وعد بفخر:طبعا دا أنا وعد السيوفي
أمجد بضحك:ياجامد
وعد:تصدق لو قلتلك إني ببادلك نفس المشاعر من أول مرة شفتك فيها بس كنت بقول انك عمرك ماهتبقي ليا بس شفت قدر ربنا تبقي انت نصيبي
امجد:حياتي ياناس تعالي بقا اعترفلك بحقايق أكتر من كدا
وعد بخجل:بس بقا
لياخذها إلي بحور عشقهم ويغرقها بهم
&&&&&&&&&&&&&
"كم عشقت هذه القصة التي ستكون انت بطلها وأنا بطلتها لنروي قصة عشق لم ولن تنتهي قصة دامت وستدوم إلي اجل غير مسمي"
مريم مصطفي
&&&&&&&&&&&&&
لتنتهي هذه الليلة علي العشاق جميعهم وهو فرحون لان القدر دعمهم ووقف معهم حتي تحقق حلمهم وأصبحوا نصيبا لبعضهم البعض منهم من كان يري الأخر حلما بعيدا صعب المنال ولكن القدر ساندهم حتي حققوا احلامهم
*****************
بعد مرور ثلاث سنوات
كان القصر ممتلئ ويوجد حركة كبيرة فاليوم هو زفاف اميرة السيوفي
نيران:ياحمزة تعالي هنا ياولد تعالي هنا
نائل وهو يحمل حمزة:في اي يانيران
نيران وهي تمسك بطنعا:ابنك مغلبني ومش راضي يقعد ياكل زي ابن عمو وائل لتضيف حمزة لوزر
لينظر نائل إلي ابنه صاحب العامين وهو يضحك:مغلب ماما ليه ياولد
نيرات بغل:انت بتضحكله طب روح اكله بقي عايزة اطلع لأميرة
نائل:هاتي وأنا هوريكي هيجي ياكل من ايدي ولا لأ
نائل وهو يمسك الملعقة:خد ياحبيبي
لينزل حمزة من علي يديه ويجري بسرعة:ديدو ديدو
ناىل وهو ينظر للسقف:اي الإحراج دا
نيران:هاهاهاي عشان تعرف
نائل وهو يحتضنها:أهم حاجة متتعبيش نفسك عشان اللي في بطنك
نيران بحب:حاضر
&&&&&&&&&&&&
ورد:وائل وائل
وائل:اي ياحبيبتي
ورد:انت جيت امتي معلش كنت في المطبخ مع ماما واتفاجئت دلوقتي من أم سعد انك جيت
وائل:لا ياحبيبتي ولا يهمك انا جيت قعدت مع حازم علطول
ورد:طبعا حبيب أبوه
وائل:وبعدين انتي ازاي تقفي في المطبخ وانتي حامل والدكتورة قالتلك متتعبيش نفسك
ورد:عادي والله انا كويسة وبعدين دا يوم يعني مش حوار المهم انا طالعة عشان ابقي مع أميرة وماأسيبهاش
وائل:ماشي
&&&&&&&&&&&&&&&
صعدت ورد ونيران إلي اعلي ليجدوا اميرة ترتدي الفستان وكان عبارة عن فستان من اللون الأبيض يتسع من منطقة الخصر وضيق من عند الصدر لتكون آية في الجمال بحجابها وأدوات التجميل البسيطة لتظهر في اجمل طلاتها
ورد:اي القمر دا
نيران:ماشاء الله ياقلبي شكلك حلو اوي
وعد ببكاء:مش قادرة اصدق كبرتي ياميرو وبقيتي عروسة وهتتجوزي وتسيبنا
نيران بضحك:طب بس بدل ماتولدي دلوقتي ببطنك دي
(توضيح دا أول حمل لوعد لان هي وأمجد اجلو الموضوع شوية)
وعد:لسه في السادس الدور والباقي عليكم انتو اللي في التامن
ورد:متفكرنيش
&&&&&&&&&&&&&
ليحل المساء وسط فرحة الجميع وحزن البعض منهم علي فراق أميرة
لتنزل تميرة لتأسر عيون حسن التي ظلت عليها طوال الليلة والذي رفض ان يتوجه للرجال في الخارج وظل بجوارها
نيران وهي تحتضن اميرة:من يوم ماجيت هنا وانتي موجودة متعودتش علي فراقك هتوحشيني أوي
لتأني بعدها ورد
ورد بدموع:هتوحشيني أوي واحتضنتها
وعد:انا عيطت كتير كفاية بقي هتوحشيني اوي ياصغنن
اميرة وهي تحتضنها:إنتوا أكتر
لياتي بعدها نائل
نائل:مش مصدق إنك كبرتي والنهاردة فرحك ليوجه كلامه لحسن:تعرف إن زعلتها هزعلك
حسن:وأنا اقدر دي قلبي
لتنتهي هذه الليلة ويتم توديع اميرة بالدموع
نيران بدموع:هتوحشني أوي
نائل:ياروحي دي معانا اي وقت تعوزيها روحيلها
نيران:بجد
نائل:اها طبعا
نيران:بحبك
&&&&&&&&&&
ورد:البيت هيبقي وحش من غيرها
وائل:نبقي نجيبها
ورد:ياريت
وائل:احنا عندنا كام ورد
ورد:حبيبي
&&&&&&&&&
وعد:مش مصدقة ان الصغنونة بتاعتنا اتجوزت خلاص
أمجد:عقبال ولادنا ياقلبي
وعد:مش لما أجيب دا الأول
أمجد:ان شاء الله نجيبه ونجيب عشرة كمان
وعد:بحبك
&&&&&&&&&&&&&&&
في منزل حسن
دلف حسن وبعدها أميرة
حسن:ياااااه اخيرا بقيتي من نصيبي أنا مش مصدق نفسي انا مستني اللحظة دي من زمان
أميرة:كان لازم أخلص دراستي عشان أبقي متفرغة ليك
حسن:حبيبي ياناس اللي بيفكر فيا وهمه علي مصلحتي
أميرة:بس بقا بطل تحرجني
حسن:أموت في الفراولة اللي بتظهر علي خدودك دي بحبككك
أميرة بخجل:وأنا كمان
ليقترب منها وهو يهمس باجمل كلمات الغزل ليجتمع عشاق اخرين وقصص رويتها أنا لكم لنجمع كل من دق قلبه للأخر
تمت بحمد الله
نوفيلا نيران
بقلم/مريم مصطفي
(سندريلا الإبداع)