# راهب_ابو_غضب
# علي الفتلاوي
# البارت2
هو الشيء الوحيد الذي لم يكن من اختياري
ولكنني امنت به وأمنت بأن الحب لعنة
وامنت بأن لعنة الحب قد اصابتني
وامنت بانه قدري
كنت وقتها ساذجه في فهمي للحب وللحياة وللناس
للأسف لم يكن محبوبي سوئ شبه انسان استباح قلبي وسرق مني شبابي وحبي للحياة
سلب مني كل شي حتئ قلبي سلبه وسيطر عليه
لم يعد بمقدوري فعل شي انه لعنتي الابدية
،،،،،،،،،،،،،،،،،،،
قصة راهب ابو غضب
للكاتب علي الفتلاوي
،،،،،،،،،،،،،،،،،،،،،،،
غوالي بداعت الاعزاز ادوسون النجمه لان اهم شي عندي التصويت حتئ تصعد الروايه
اليحبني ويعزني ويقدر تعبي يضغطها
،،،،،،،،،،،،،،،،،،،،،،،
ام احلام،،بقيت اربع ساعات يم القابله بين ماارتاحيت والطفل بس يبجي بالبدايه خفت لان مايقبل يسكت بس ام شهاب گالت البجي يفيد الطفل حديث الولادة لان يفتح الشرايين المسدودة عندة وينضم الدم بالجسم
لذالك تركته يبجي ماخفت بعد
رجعنه ابو قاسم للبيت والمرة هم انبلت بيه وهي عمر ابنها قاسم سنه عافته يم اختها العفناها يم بناتي
رجعنه للبيت الطفل جوة عباتها مخليته واني امشي علئ كيف لازمه بطني والكانونه بيدي
دخلت والتمن عليه بناتي مثل الحمامات هاي التبوسني وهاي التاخذ عباتي
وفطومه توها گاعدة مبينه من عيونها بس صافنه ماتعرف شكو
احلام فرشتلي بالگاع اتمددت وام قاسم راحت جابتلي سله احط بيها الطفل خاصه للاطفال
طبگت البطانيه وحطتها بالسله مثل الدوشگ
خلت عليها ملحف الطفل والمخدة نيمته ودثرته بالبطانيه
گالت خلنه دافي لان طفل انفاس يريد دفو مثل ماجان ابطن امه
خليت المخدة سندتها علئ الحايط وانتجيت عليها طلعت صدري رضعته
سبحان الله بعدة عمرة ساعات بس ملامحه حادة
گصته مطرگه عاگد حواجبه
باوعتله ونزلت دمعه من عيني
گتله اجيت للدنيه حاد اسنونك علئ الي اخذو حگ ابوك وضيعو تعبه
مااتحملت صرت امسح دمعه تنزل الثانيه
مرة السنين وراهب كبر صار عمرة 15سنه بس اتحسه عمرة 100بسبب عقله
صار هو ابو بيتي والعايل عائلته
اسمني كلساع ادزة بمكان ساعه جيب مسواگ ساعه صمون ساعه ودي هاي وجيب ذيج وهو مايحجي رغم دراسته وهو هم السنه بكلوريا صف ثالث متوسط
