هيج نتلاگة ضلع يشبگ ضلع
انخلي دگات الگلب ماتنسمع
من ابوسك اقفل اشفافي عليك
حتئ باجر بالزعل ماتنشلع
،،،،،،،،،،،،،
قصة
# راهب_ابو_غضب
# للكاتب علي الفتلاوي
# البارت5
علي الفتلاوي 👈مساء الورد علئ احلئ متابعين
وهذا البارت الي وعدتكم بي لان تستاهلون
شفتو اشلون مدللكم انه 😂
يله كل واحد يشمرله عشرين تعليج
والتصويت اجباري 😜😂
وحگ روح سعديه جارتنه كاضكم اليوم گوة ماكو فلته 😂
يمعودين ترة مرات اريد اعلق الروحي حتئ تصعد الغصه واگول فشله 😂😂😂😂😂
علئ فكرة اكو اهوي متابعين للقصه بس مامتابعين الحسابي لان اكو جدد بالبرنامج مايعرفون المتابعه
اشلون تصير
المهم ابكل الاحوال تابعوني 😜
اروح اتريگ ومن ارجع اشرحلكم 😂😜
،،،،،،،،،،،،،،،،،،،،،،،،
لارا،،مرت الايام مخلصتها بين البيت والجامعه وحتئ طلب استاذ عمار نسيته ماحاطته ابالي
اتذكرت من شفته گدامي
اجت طالبه قبل المحاضرة گالت استاذ عمار رايدج بمكتبه
عرفت شيريد اترخصت من البنات ورحتله ساندرا عدها علم بالموضوع وفرحت من سمعت الخبر وصارت تقنعني اوافق اتگول الاستاذ يشبهج واذا قبلتي اكيد خلفتج تطلع تخبل مثلكم
دمغتها وگمت علئ تفكيرها بعدني مارجعتله خبر وهاي فكرت بخلفتنه
دگيت الباب ودخلت من شافني نهض من مكانه مد ايدة اتصافحنه وسمحلي اگعد
استاذ عمار،،شنو تشربين?
لارا،،شكرا استاذ ماكو داعي
استاذ عمار،،بشريني يمعودة ترة الله شاهد ليلي مانايمه احس گاعد علئ نار منتضر جوابج
لارا،،انقهرت علئ كلامه دنكت وگلت خل انطي جوابي خطيه مايستاهل اخلي ينتضر اكثر
گتله اسفه استاذ طلبك علئ عيني وراسي والف وحدة تتمناك
قاطعني بكلامه
عمار،،بس اني رايدج الج مارايد الالف
لارا،،اعتذر استاذ ماكو نصيب لان مامفكره ارتبط حاليا وشايله الفكرة من بالي اريد اكمل كليتي
عمار،،وبرايج هذا حل ?
زين اذا ارتبطتي بيه راح اگعدج بالبيت?
لارا اني استاذ جامعي مو متخلف واگعدج بالبيت وابطلج من دوامج
خلي يكون هذا الشي بعلمج
ع العموم ردت الجواب واخذته الله يسعدج بحياتج تگدرين تتفضلين
لارا،،حسيته انقهر من كلامه دنگ يباوع بالحاسبه بدون مايباوعلي كمت وطلعت من المكتب
بس حاسه بالذنب مااعرف ليش يمكن ضيعت من ايدي فرصه تحلم بيها كل ابنيه يجيها شخص كامل والكمال لله يعني استاذ مثقف ومن عشيرة معروفه بسمعتها الطيبه وغير كل هذا وسيم الابعد الحدود
