قلب يحيهِ العشق

البارت السادس

#قلب يحيهِ العشق
للكاتبة ضوء القمر

الصبح مر الصبح واندار
ذكرني بسواليفك
يـ الوجهك ( صباح الخير )
ومسامر حچي العشاگ
مرني الهور الـبروحي
اشتـهه دوسة مشاحيفك

.......
كمال .بعد العقد رجعنه للبيت والخطار راحو بقو بس اخواني واخواتي والشباب خطية عاقلين كلش صرعو راسي بالديجي جنت ادقق بكم ملف وصلني وذولة الساقطين صوتهم عالي
..ولكم هي دماغسزز موكافي ناس منا عيب على شواربهكم شنو هالصوت

ايسر :نعتذر عمي هذا هو راح نطفي
كمال :ادري فرحان ومن حقك بس عيب الصوت عالي اكو رجال مريض اكو مرة تعبانه طفل ميكدر ينام ومنا جوارين عيب
يوسف :أي والله عمي حقك  نعتذر يله شباب خلي نشيله منا ونكعد كله من وره هالافندي

ايسر :هاا مو ابدي اقسم تره
يزن عاد هسه كلش ساكت
كمال :وعلي متصيرلكم جارة كل واحد شكبره والعقل

ليث :ههه صخلة
كمال :همزين تعرفون
عفتهم ودخلت جوة بس انتبهت على شخص مالكيته باقر ماكو وين راح واصلا وضعه معاجبني شسالفته دخلت للمطبخ لكيت البنات هناك
.هاا الله يساعدهم

رونق :هلا بالغالي ويساعدك
كمال :عيني جهزتن الاكل خلو الولد يفرشون بالحديقة أحسن
سرى :أي والله صار اشكد مكاعدين هيج كعدت
كمال :ايي ان شاء الله دوم نلتم يله بس نصلي

عفتهن ورحت ادور على باقر طبعا ايسر ويوسف وحسن  وجوان ولد جواد  اما يزن وباقر وقطر الندى وسها ولد اكرم اما ليث وعلي وصلاح ولد اختي رونق وجنه بنت كرم
باقر مريض من هو صغير كل شهر يحطوله دم والسنين تمشي ويحلى بعيونه أكثر ونخاف لا يجي يوم منشوف طوله باقر تخرج من كلية هندسة حاسبات عبقري والإلكترونيات ويحبها من غير الكل هو عاقل و حتى بالنقاش من يدخل ويانه قليل يتكلم طبعا ماخلينه طبيب يعتب وهم نفس الكلام يباي لحظة يموت زين وكل هالسنين هو عايش اكرم وامل ميتين خوف عليه الكل يحبه ويحترمه طبعا اني معتمد عليه بشغل الشركة وخاصه هو هندسة حاسبات والالكترونيات. بس هالفترة شفت حالته مو كلش خايف عليه دورت عليه لكيت كاعد بالحديقة يخابر انتظرته يكمل

باقر :اسف عمي خليتك تتنظر
كمال :لا عادي أي كلي أشلونك
باقر :الحمدلله عايش واشم الهوى
كمال :باقر وضعك معاجبني
باقر :ليش اشبي وضعي شايفني بوضع مزري
كمال :باقر انت واعي شجاي تحجي
باقر نزلت راسي وتنهدت :أي واعي وهم كلش
كمال :صار فترة وضعك معاجبني كلي اشبيك واياك تكول مابيه تره تكدر تجذب على الكل بس عليه متكدر
باقر كمت من مكاني وخليت اديه بجيوبي :وليش اجذب وضعي مابي اطمن
كمال :بااقر لحد هسه جاي احجي بهدوئ وياك واعرف كل الزين اكو شي ضامه فاحجي أحسن

باقر :وين الناس راح يفيدك اذا عرفت او لا تره نفس الشي
كمال عصبت منه يحجي ببرود وادري بي متاذي من داخله :اهوواي استفيد وكافي تراوغ واحجي
باقر رجعت كعدت وباوعت بعيونه :اسألك سؤال
كمال :اللهم طولج يروح احجي
باقر :إذا حجيت راح تكدر ترجع عافيتي تكدر توكف الزمن لهنا تكدر ترجع الزمن يبه لا تدري ليش لان مكتوب عليه اتحمل كل هذا وايامي صارت معدودة