قلب يحيهِ العشق

البارت التاسع والعشرين

#قلب يحيهِ العشق
للكاتبة ضوء القمر 

خلصت عمري جرح وعيوني ذبلانه
ادور السنين واضل ذاك أنه
متروسه روحي حزن علماهم ويانه
تشبع لوادم ضحك وأنه اشبع متانه
تخلص دنيه شوكت مو روحي خلصانه
حال جوان بعد وفاة باقر 💔
........
يزن :هااج هاي الج من باقر

جوان.اشكد جنت اكول اني قوية بس خانتني دمعتي ليش الكل يذكرني بي مو جاي احاول انساك ليش الكل يسولف بيك يماخذ الكلب وياك  ماالك جيه علينه
..هااي شنو

يزن :صارلي فترة اعزل بغرفته ولكيت هالصندوك وكاتب عليه اسمج مااعرف شنو بي المهم هو الج

جوان.اخذته منه جان مزخرف اسمي عليه
..راح تنقفل هالغرفة للابد
يزن :ايي الوالدة جاي اتعبنه وهم احنه مجاي نكدر نتقبل بس الحمدلله على كل حال

جوان.شفت باقر مو بس اني مجاي اكدر الكل
واغراضه وين راحن
يزن :اكو بعض منهن انطينهن وبعض حركتهن وبعض بقن بمكانهن

جوان :تمام الله يرحمه
توني اريد امشي ووكفني كلامه

يزن :جوان اعرف انو باقر يحبج بس مرضه منعه واعرف هم انتي تحبي بس جوان باقر مات والحياة لازم تستمر متوكف على احد عيشي حياتج وحبي وتزوجي باقر راح يفرح أكثر لاتخلين نفسج بقوقعة الماضي انتو مكان بينكم شي يجبرج تبقين كملي حياتج ادري كلامي راح يجرحج بس لازم تتقبلين لا تسألين اشلون عرفت لا تخجلين عرفت وتاكدت بيوم سنويته انتي الوحيدة الي بقيتي واكفه تراقبين من بعيد اشوكت نعوفلج المكان وعمي كمال الي بقى وياج نصيحتي خلي الحياة تمشي مثل مامكتوب

جوان.كال كلامه وعافني دخلت لغرفة قطر وسديت الباب سندت ظهري عليه وحضنت الصندوك لحد ماربعت من كد ماسمعت كلام صرت اتخبل احد ينصحني بهاي السالفة بجيت والدمع شيفيد اااخ كلبي لاشوكت تبقى تكابر يجي يوم وكل هذا يصير ماضي مسحت دموعي وفتحت الصندوك جان بي اوراق وصور الي وكم وردة ماكدرت افتح أي شي اخاف تنزل دموعي واشلون اطلع الكل راح بيه بجيت شميت عطره وتنزلت دمعة تايهه دمعة كلها حزن وخوف بقيت اباوع أحس نفسي بدوامه مجاي اكدر اطلع منها اااخ
وكفت اباوع لنفسي الكحل سايل على خدودي غسلت وجهي وعدلت مكياجي صح مبين عليه باجيه بس ميخالف ظميت الصندوك ونزلت اكمل العقد

جان يوسف توه داخل رحت سلمت وباركتلهم
..الف الف  مبروك غوالي وأخيرا عقدتو
يوسف :يروح اخوج الله يبارك بيج يوم اشوفج عروس وافرح بيج
جوان.ليش يوسف مااريد هالامنية منك ابتسمت بحزن بس داخلي يتكطع الف قطعه
..تسلم حبيبي .ندو غلاي لج وأخيرا راح يصير واحد وياي بيت يله استعجلو بالعرس
قطر الندى :هه حياتي جنو هههه لا هسه اخذج وراي واريد اشوف الي يبقى
جوان :ههههه اذا سباعية سويها
اخذت صور وياهم فدوة مرت عمو اجتي ذولة طيور حب لابسه قفطان مغربي لونه بيجي كولش حلو عليها و مكياج بسيط عمي هنياله على هيج چكليته