قلب يحيهِ العشق

البارت السابع عشر

#قلب يحيهِ العشق
للكاتبة ضوء القمر

اااه لو تعلم مدي اشتياقي لك
مدي حنيني لكلماتك ومجلسك
لعفويه لم اجدها سوي بقلبك
لليل ما اجمله عندما تشرق
فجره بمصاحبتك
الا ليتك تعود لتعلم كم من
قلوب احبتك
وكم بغيابك تالمت وبكت
ودعوت الله من اجل عودتك

.....
كمال.صفنت الشيخ وراها شي واكيد شي جبير
:شيخنه خير ان شاء الله

شيخ عكاب :والله ياولدي الحجي اهواي وسالفتك هاي صارلها زمن انت شعرفك بيها
كمال :أي اعرف شيخنه صارلها عشر سنوات وبديت احجيله سالفتي وياه واشلون كل هذا وسبحان من جمعنه بنفس الظروف

شيخ عكاب :اثاري السالفة هيجي بس وانه ابوك أهل الولد مااجو ولا واحد منهم اشتكه ولا اعتده علينه
كمال :صح كلامك شيخ بس هذا الشخص ماتعرفه كدي واكو ادله على كلامي والي يخلي لا يجي ولايشتكي هاي مااعرفها بس احتمال كلش جبير انو انتقامه أكبر هذا واحد كل همه نفسه السلطة والفلوس ومستعد يسوي أي شي علمود ولده شحال لو كان هالولد المدلل عنده برايك يعديها هيج لابد من انو ينتظر شي

شيخ عكاب :صج كلامك بس عشر سنوات اهواي مو اشويه كل هالمدة يخطط لهالشي

كمال :لا اكيد بس كان ينتظر الوقت المناسب وهم يوصل لمنصب محد يكدر عليه
شيخ عكاب :منصب والله يولدي السالفة تصير
كمال :اهواي بس كلها كم يوم ونعرف كلشي
بقينه نسولف وهم منتظر جان يمنه اجاه اتصال وكام هالولد مو طبيعي اتوقع اكو شي

منتظر.مجرد ماخابرني وكلي ركبت سيارتي وسقت بكل سرعتي: وين تروح مني هين اجاك الموت ياتارك الصلاة لا والله اجاك الموت الاحمر وصلتهم ونزلت لكيت صفوان منتظرني

..حياهم الله
صفوان :هلا والله الله يحيك
منتظر :وينه هالخسيس
صفوان :ههه جوة بس مااتوقع راح تعرفه
منتظر :ليش مااعرفه
صفوان :هه الجماعة اهواي تكرمو بضيافته
منتظر :لا على بختك لا تكول واني جاي شايط وين اذب حركتي
صفوان :عادي يرتاح اشويه وهو الك
منتظر :ماشي يله امشي
دخلنه جوة اكو بالمزرعة سرداب جوة الكاع تفاجأت هالمكان كان عبارة عن غرف يمكن ثلاث او هيج شي هذا الصفوان عجيب دخلنه لغرفة الي جان مضيفين الورد بيها هه وجه مختفيه ملامحه
..ههه لك هاي شنو والله اهواي متكرمين
صفوان :جا اشلون معروفين بكرمنه
منتظر :ونعم منك ابو ذياب
رحت عليه جان فاقد من التعب شريت عليه مي فز أعوذ بالله من الشيطان شنو من بشر هذا
..اي افندي اشلونها الضيافة ان شاء الله الجماعة خوش ضيفوك
ضحك باستهزاز ركعته بالبطل جرحت وجه
..عار على شنو تضحك على سواد عينك لو على بطولاتك

سعدون :انتو منو وشرايدين هاا
صفوان :حقيرر لا تعلي صوتك سامع ادماغسزز
منتظر :عوفه دواه عندي اريد نطاق اذا اكو
صفوان :هاك هذا نطاق بس على مهلك
منتظر :ههه لا توصي حريص
وبديت اضربه على وين اليوجعه لحد ماكد جهازي خرب هذا منو باوعت لكيته كمال
..الوو
كمال :منتظر انت وين هاا
منتظر :خير خما اكو شي
كمال :منتظر جاوب جاي اسمع يمك واحد يون ليكون لزمتو
منتظر.اخذت نفس :أي لزمناه.
كمال :منتظر اياك انت وصفوان تسوله شي سامع
منتظر. باوعت وضحكت غير صاير خارطة :اا تأخرت اهواي
كمال :اشلووون لا منتظر منو هيج الحجي ولكم هيج خربتو كلشي
منتظر :مافهمت شخربنه
كمال :مفترض متأذو علمود نستفاد منه صدك جذب عود انتو ضباط وهاي شغلتكم
منتظر :ههه مااكدر علموني على كرم الضيافة
كمال :لا لعد راح بيها الرجال ولكم انتو وين
منتظر :بالمزرعة يم صفوان
كمال :هه استغفرالله الشيخ يكول اياك تسووله شي يريده عدل
منتظر :ها هو مال عدل بي نفس بس شكلن مااظن تعرفو اني ماعرفته
كمال :لا حول ولا قوة الا بالله يابه الحجي وياكم ضايع المهم احنه جاين والله يستر
منتظر :ههه هلا بيكم