قمر وسهر اليالي

قمر وسهر اليالي البارت " 1 "

" سكان إلابراج ليسو أقرب للسماء من سكان الاكواخ
فكل ارتفاع ثمنه هبوط "
# قمر وسهر اليالي
# بقلمي بسمه
جنت نايم بالحديقه واحده من اديه مخليه جوه راسي والثانيه ارفع بيه شعري جنت مخلي رجل على رجل ودا اباوع على النجوم واتأمل شلون راح يكون باجر بلحظة ما حسيت غير شفت شخص ما أعرف رجال أو مره ما جان واضح عندي تحركت وبصوت طلبت منه يوكف حتى ما التفت الي وضل على نفس وضعه يركض ما حسيت غير أحد دا يصيح باسمي مصطفى اكعد جان طلعت هذا امي جنت نايم ماحسيت على نفسي جنت نايم من غير ما احس على نفسي اتوقع من التعب والدوام والدراسه الي شاغله بالي فركت وجهي بأديه وكمت واني متكاسل رحت صعدت للغرفه مالتي ذبيت نفسي على الجربايه بدون ما حتى ابدل ملابسي أخذت تلفوني جانت الساعه 12 باليل وقت التلفون ساعه 7 صبح لازم اكعد
ارتب أموري واروح للكليه طفيت الضوه وحطيت راسي على المخده فجاءه اجه على بالي ذاك الحلم منو جان ذاك الشخص وجانت بنيه لو ولد يله خلي انام اكيد هذا من التعب غطيت راسي ونمت نومه عميق...... كعدت الصبح على صوت الموبايل يدك كعدت جانت الساعه سبع صبح جان راجع بيه النشاط رحت أخذت شاور وطلعت جنت لاف المنشفه على جسمي وطلعت من الحمام فتحت الكنتور وأخذت ملابسي وطلعت الساعه والعطر والشوز
وأخذت سويج السياره وطلعت واني دا امشي صادفت اسوله بت اخوي فدوه شكد احبه ضليت ابوس بيه وأريد التهمه تخبل حبيبتي وهي تكولي صوفي جيب وياك شكولا بدون ما تكول ال ماما هههه خطيه أمه تخاف عليه بسته بخده وكتله صار يا حبيبيت صوفي بس بشرط اريد بوسه نانه يعني (هنانه) وأشرت اله على خدي نزلت جوه لكيت الكل كاعد على الطاوله دا ياكلون رحت للمطبخ فتحت الثلاجه وأخذت تفاحه وشويه عصير برتقال اكلتهم وطلعت من المطبخ امي صاحت ورايه جانت تريد أتريك طبعا اني ماحب الريوك الي يكون بيه هاي الشغلات الجبن والقشطه بس رحت كعدت على حسابهم عيب من بابا صبية جاي وشربت شويه منه وكلت لكمتين وكملت وكلت الحمد لله اني طالع للدوام محتاجين شي الكل كال سلامتك الله يحفضك باي طبعا كلش احب عائلتي بس بعض الأحيان شويه امي تعارضني بعض القرارات الي تخص حياتي انزعج شويه من هذا الموضوع بس اكول عادي هي أمي ومن مصلحتي تحجي بابا لا الحمد لله مخليني على راحتي ويكول هاي حياتك المهم الي تختاره صح وصلت للدوام صفيت السياره ودخلت للدوام فورا جان عندي محاضره والحمدلله لحكت عليه ودخلت قبل لا تبدي بعد ما كملت المحاضرة واني دا اطلع سمعت صوت أحد دا يصيح الي ألتفت ورجعت درت وجهي واني استغفر وامسح بوجهي واكول اوووف ياربي جانت مريم اجت بتجهاهي وكالت صباح الخير مصطفى رديت بابتسامه مزيفه ومجامله صباح النور جان كالت اني اليوم ما فهمت من هذا المحاضرة شي تكدر تساعدني رفعت عيوني وغمضتهم ورجعت فتحتهم واني استغفر بداخلي كتله اسفه sorry والله ماكدر اليوم كلش مشغول ماكدر شوفي اي واحد من القسم يشرحه الج okay ردت وهي زعلانه أوتتضاهر انو هي زعلانه حتى بلكي احن واوفق كتله هس استأذن baby ردت baby رحت اني طبعا مريم زميله عادي وياي بالدوام وتحاول تتودد الي دائما طبعا اني ماحبه ابد وماعندي اي نيه انو تكون عندي علاقه وياه أو ويه غيره بالجامعه ابد اصلا هاي السالفه مو يمي لان واثق الي راح احبه والي راح تدخل حياتي تختلف اختلاف تام عن هذول الشكال ومتأكد همين وذيج الساعه إذا لكيت البنيه الي بالي مستحيل احد راح يكدر يمنعني لا امي ولا اي شخص لاخ منو كان لان راح تكون حبيبت قلبي وتوأم روحي همين كعت بالحديقه مال الجامعه وجنت ادرس واحضر كلشي الحمد لله اني من نوع الملتزم بالدراسه واهتم بمستقبلي بشكل كبير جدا بعد لحضه اجه صديقي علي يمي وبدينه نسولف ونضحك طبعا هو أقرب صديق الي والباقي زملاء عادي لان اني مو من نوع اطوخ ويه الكل ولا اكول الكم مو اجتماعي لا بس عادي كلش اضحك وسولف ويه الكل بس شغلاتي الخاصه بيه تكون خاصه بيه وبس كملت كلام ويه علي وستأذنة منه وطلعت من الدوام ورحت للسياره فتحت السياره باوعت على جه واشوف التلفونات الي حاطهم صدوك ضحكت على نفسي اني اشيل وياي 3 تلفونات بالسياره ههه واستخدم واحد فقط اما الباقين هيج ماعرف الشنو حاطهم بس اني احب أجمع تلفونات ماعرف ليش المهم حركت السياره طبعا دائما بعد ما اخلص من الدوام احب اروح للحديقه اشم هو هناك ومنه
أخذ راحه وحدي بعيد عن الكل اكعد اتأمل وبعدها اروح للبيت فورا واني بالحديقه جنت اباع على لأطفال شلون حلوين وشلون يلعبون بهاي الساعه تتمنى ترجع طفل وتفجر كل طاقاتك مثل هذول لأطفال طلعت من الحديقه واني دا ارجع للبيت تذكرت اسوله وصتني على شوكلا اجيب وياي رجعت لمحل الحلويات وأخذت اله علبة شوكلا وغلفته اله وأخذت وياه لعبه حلو ورجعت للبيت جان البيت هدوء مابي احد لان الكل دوام لكيت اسوله هي والمربيه هاي تجيبه ام اسوله من تروح للدوام ومن ترجع تخليه تروح البيته اني طلبت منه تروح وكلت اله اني أضل وياه....... يتبع
***************
نهايه البارت
صباح الخير على الكل 😊
طبعا اعرف البارت قصير بس حتى تكون الروايه مو ممله هذا شي
الشي الثاني هنا الحد هس ما عرفتكم على الشخصيات راح اعرفكم بيه بالتدريج
الشي الثالث اتمنى من كل كلبي تعجبكم الروايه وإذا عجبتكم كبداية وشفت تفاعلكم وتشجيعكم الي راح انزل البارتات البقيه طبعا ماعرف اي شخص موجود هنا بس الكل اخواني واخواتي

احبكم بقلمي" بسمه " 😊
@بسمه