قمر وسهر اليالي

قمر وسهر اليالي البارت 6

"أليس من الغريب أن الطرقات تصبح أطول عندما نشتهي الوصول"

قمر
ما انتبهت غير واني اشوف نفسي طايح على وجهي والغراض بكل مكان حسيت جسم

تكسر وركبت رجلي ماحس بيه جان اسمع احد يكول🙎 اسف بس مال واحد مرتبك ومتوتر

كال خو ما بيج شي رديت وكتله لا مابيه شي ردت اكوم جان باوعت بوجه ياربي هذا شنو

جان شكله كلش حلو ومرتب والعطر الي يفوح منه يخبل اني بنيه وبحياتي كله ما حاطه

هيج عطر تحركت دا اريد ألم الغراض والله جسمي احسه متكسر ورجلي ماكدر احركه بس

جنت اضغط على نفسي جان اريد اتحرك كال وين خلي اخذج للمستشفى كتله يا مستشفى

لا مابيه شي ميحتاج مستشفى كال لازم ترحين مستشفى كتله ماكدر والله اذا تأخرت

الدنيا تنكلب عليه حباب خلي اروح كال وين ترحين باعي على رجلج شلون تجري دم

يمعود متشوفين كومي كتله كتلك خلص ماكدر اروح كال وإذا صار بيج شي منو راح

ينطيج تعويض هااا غير اني كتله مابيه شي وإذا صار بيه شي عود اخذ تعويض منك كال

اوكي لا ترحين بس نطيني تلفونج حتى اتطمن عليج لو لا ليش

هذا تلفوني راح انطيج رقمي واي شي تحتاجو أو أي ألم عندج تصلوا على هذا الرقم واني

بابا يشتغل بالمستشفى همين ضحكت بكلبي وكلت شوف هذا الفايخ
يريد تلفوني هو اني بحياتي تلفون نوكيا ما لازمه من وره البومه الي عدنا بالبيت
جاوبت ماعندي تلفون اني كال شنو ماعندج تلفون اكو احد هس ماعند تلفون لعد اتصلي من

أبوج ضحكت كتله ابوي ماعندي ماعرف ليش نكرة ابوي وكلت ماعندي يمكن من وره الضيم الي معيشه النا كال اسف مو قصدي والله كتله لا عادي كال لعد من تلفون امج كتله

امي ماعده تلفون كال هاي شنو انتو وين عايشين جاوبت كتله ترى الناس مو كلهم نفس الوضع يعني اليوم انت متوفر الك كلشي بس الغير ما متوفر كال اسف والله مو قصدي بس

طلعت بالغلط كال لعد شلون اعرف انتي بخير كال الله يخليج خلي نروح مستشفى كتله لا

مايحتاج والله اذا اتأخر أكثر تصير كارث بالبيت كال انتي من منو خايفه جاوبت من مرت

ابوي يله اريد اروح وبديت ألم الغراض كال انطيني عنوان بيتكم لعد كتله ماكدر كال لعد

بقه حل واحد ولازم تقبلين بيه وبعدين ترجعينه والله بعد ما اطمن عليج كتله شنو كال هذا تلفون اني عندي غيره جان فتح السياره وطلع منه تلفون وكالي اتفضلي بس اتطمن عليج

وشوكت متردين رجعي الي جنت رافضه الفكره وهزيت راسي بلا كتله لا مستحيل ماخذ انت تريد تورطني الله يخليك كال اترجاج وعد باجر أو شوكت ميصير عندج وكت ترجعينه

تاخذينه لو ترحين للمستشفى اختاري جان لازم اوفق غصبا لان مبين على شكله عنيد واني متأخر على البومه الي بالبيت وهذا شكله ماراح يخليني اروح جنت مضطره اقبل .......
&&&&&&&&&
مصطفى

جانت البنيه كلش عنيده وجانت رافضه روحه على المستشفى وحتى مقبلت اوصله للبيت

وما انطتني تلفون أحد من عائلتها بس جان مبين عليه ال استعجال والخوف ماعرف شبيه

خلال ما اني احجي وياه تذكرت عندي تلفون بالسياره وكلشي بيه خط وكذا كلت اله لعد

عندي حل ولازم توافقين بيه طلعت التلفون من السياره وجنت رايد انطي اله جان فضت

بالبدايه بس بعدين وافقت وأخذت التلفون ونطيته اني حافظ الرقم الي الي انطيته اله

جان هي رادت تروح بعدها بدت خطواته تبتعد اني هم درت وجهي وردت اركب السياره

جان اسمع تصيح لحضه التفتت عليه واني عاقد حواجبي جان كالت بس اني ماعرف

استخدمه باوعت عليه بصدمه😨 كتله شنو الي متعرفين تستخدمينه كالت هذا الموبايل كتله

شنو هاي معقوله !!!! بابا احنه 2018 اكو احد ميعرف يستخدم مبايل اطفال عمرهم

6 سنوات وأصغر كالت ترى مو عجيبه هواي بنات ميعرفون يستخدمون الموبايل وبعدين

تفضل هذا تلفونك ماحب احد يتمنن عليه كتله اني ما دا اتمنن عليج بس أمرج عجبني جان كتله والتلفون احنا اتفقنا وخلص لا تضلين هيج تسوين عجيب اول مره اشوف بنيه
بهل عناده شكد عنيده انتي سكتت وماردت

كتله التلفون اني اتصل بيج كولي هم متعرفين تفتحين خط بعد كالت انت ليش تحجي

وياي بهذالاسلوب كتله اسفه مو قصدي كالت تريد الصدوك 😯جاوبته اي شنو كالت

ماعرف افتح خط ضحكت بداخلي ياربي هاي شنو من بنيه هههه عجيب أمره كتله انطيني

شوفي راح اتصل عليج راح يضهر علامات اثنين وحده حمره والخ خضر انتي اضغطي على

الخضره كوالي هم ماتعرفين ال ألوان الخضره هيج باعي اتصلت وراويته اله جان أخذت

التلفون وكالت فهمت يله رايحه ضحكت على تصرفه هههههه شلون تتصرف بعفويه تامه

ياربي وابد ما تتصنع جاوبته اني كتله باي روحي راحت وهي مستعجله تكول طير بس خطيه جانت تعرج من رجله
&&&&&&&&&&&&&
قمر
أخذت التلفون منه ورحت جان اسلوبه وياي ضوجني يكول متعرفين تستخدمينه

لعد شعرفني قابل عندي مبايل علمني شلون ارد عليه وصلت للبيت دخلت للمطبخ وحطيت

الغراض على الطاوله جريت نفس وشربت مي جنت تعبانه حيل بعدها رحت انطيت

الغراض للخاتون الي من وراه جنت راح اموت اليوم دخلت للغرفه مالته لكيته تخابر

وتضحك وتسولف ويه اخته جان من شافتني كالت اله باي باي شوي واتصل عليج سدت

التلفون وكالت ها جبتيهم كتله اي جبتهم كالت جيبيهم لهنا مابيه حيل وديتهم يمه جان

كالت ضل فلوس كتله اي كالت وينهم جان ادور على الفلوس ماكو كلت ياربي وين راحو

شيخلصني حسيت كلبي وكع ............ يتبع
💕💕💕💕💕💕💕💕💕💕💕💕💕💕💕💕💕
نهاية البارت
اتمنى تعجبكم 😊
طبعا أرحب بكل المتابعين الجدد واشكر ال اخت ميم ❤