قمر وسهر اليالي

قمر وسهر اليالي البارت 4

                              "   الحب كا المطر
              بعضنا حبه مطر استوائي لا يتوقف
             وبعضنا حبه مطر صحراوي لا يأتي إلابطلوع الروح
            وبعضنا حبه مطر مداري مجنون يصحو شتاء ويمطر صيفا !! "
مصطفى
وصلت العبة تصادم السيارات وشفت اسوله واكفه هناك دا تباوع على الي يلعبون
اني ركضت عليه وكتله اسوله هاي شنو تسوين هنا كالت عمو اريد العب بهاي كتله
اي حبيبتي بس مو كتلج لا تتحركين الحد ما اني ارجع صارت بالنص ساعه اني ادور عليج خوفتيني كلش شسويتي بيه امشي يله كالت وين كتله نروح على البنيه الي دلتني عليج واكول للشرطه الي خليتهم يدورون وياي عليج كالت والعبه كتله ماكو هاي عقوبه حتى بعد ما تكسرين كلام احد جبير يكولج شي كالت صوفي اسفه ماعيده بعد كتله وعد كالت وعد كتله يله امشي وبعدين نرجع كالت وعد كتله
وعد بس خلصينه امشي رحت على الطفله الي دلتي ب اسوله خطيه الحد هس منتضر بسته وفركت شعره وكتله شكرا حبيبتي كالت عفو عمو كتله انت امج وين
كالت ذيج هي كاعد هناك كتله يله حبيبتي روحي اله ولا ترحين منا لو منا وتخليه دور عليج مثل ما صار بيه كالت اوكي عمو باي كتله باي حبيبتي راحت هي ورجعنا اني واسوله لعبة تصادم السيارات لعبنا بيها ورجعنا للبيت كلت اسوله إذا أحد سألج ليش تاخرتو كولي جنا نلعب اوكي حبيبتي ترى إذا عرفو الصار بعد ماما متخليج تطلعين وياي اوكي هزت رأسه بأي دخلنا ولكينا الكل كاعدين بالصاله جانت الساعه ثمانيه باليل جانو يتكلمون ويضحكون دخلنا وامي كالت هاي أجو خبصتونا بتنا وبتنا هاي بتكم سلمت عليهم ودخلت كدنا شويه بالصاله  شويه وابوي اجاه اتصال راح للمستشفى لان هو مساعد دكتور طبعا بيتنا احنا مسوينا
عبارة عن ههه شقق تقريبا اخوي وزوجته ألهم الطابق الفوك الي على جهة اليمين وكله كامل يعني كانه بيت واني همين الي ال على جهته اليسار وهمين كامل صعدو اخوي وزوجته وبتهم ضلينا اني وامي كاعدين شويه ندردش امي كالت يله تصبح على خير اني رايحه انام واني كتله وانتي من اهل الخير رحت على المطبخ طلعت فواكه وكعدت على التلفون شويه واني دا اكلب على الفيس شفت منشور كلش
زعجني انو طفله عمره 8 سنوات متلقيه تعذيب من زوجته ابوه وحالته خطره
صدوك ضجت بوكته معقوله اكو هيج عالم لا مستحيل وهو شنو المستحيل ضل شي بهاي الدنيا مستحيل والله صدوك نكسر كلبي عليه كمت رجعت الفواكه للثلاجه وصعدت الغرفتي طبيت للحمام سبحت ونمت وقت التلفون ساعه سبعه صبح اكعد علمود اروح للدوام
******************
قمر
اني لا يمكن أكثر  واحد يعرف بيه هو اليل ومخدتي الي توكع عليه قطرات دموعي
واني كل ساعه احترك من وره مرت ابوي كل ليله تمر مستحيل تعدي بدون ما ابجي و اتعذب ااااخ يله الله كريم دائما اردد هاي العباره مابعد وقت الضيق اله الفرج اكيد واني عندي ثقه تامه انو راح اخلص وراح يجي يوم وارتاح اكيد الله فوك وهو الي يشوف واني دا افكر اجاني صوت هلو عيني هلو بشنو تفكرين بس لا بفارس الحلام الي راح يجي وياخذج على حصان أبيض هههه صدوك هل مره روحي طفرت كتله اي دا افكر بيه الي راح يجي وياخذني منج ويريحني واخلص من العيش الكشر وياج زين اي عندج مانع افكر بيه لو حتى تفكير تمنعيني عاطت بوجهي وهي تضحك وتكول هههه وانتي منو ياخذج اكيد واحد مجدي مثلج وملطلط يعني شنو تتوقعين تتزوجين ضابط لو دكتور لو مهندس ههههه كتله شمدريج الله شنو كاتب الي هو الفوك وهو الي يشوف لج بابا انتي حامل كافي هاي الشيطنه مالتج بعد كم يوم وارج ولاده كولي خاف اموت خاف الطفل يطلع بيه شي عوفي الناس ترتاح وانشالله الله يخلصني اكيد وارتاح منج جان تكول والله اله اخليج هيج تخدمين وما تتزوجين بحياتج واخليج تكرهين الساعه الي اجيتي بيه للدنيا سمعتيني ويله روحي سوي عشه احسن الج قبل لا يجي أبوج
واخلي يربيج من جديد اجت امي كالت شكو كالت اله عيني بتج تفكر بحبيبه
ومن اجيت كتله كومي سوي عشه مدت السانه متر عليه اني ضليت صافنه عليه
بس مع كل هذا اني سكتت لان اعرف كلامه جذب ميحتاج ابرر اله امي كالت اله حبيبه شنو لا يابه ماكو هيج شي اكيد انت تعرفيه طفله وتخروت بالحجي (يعني اخرب بالحجي) امي كالت يله قمر روحي سوي عشه اني ما قاهرني غير امي ولو اعرف شنو مسويه اله وليش تخاف منه هيج جان ارتاحيت رحت للمطبخ بديت احضر العشه اجت أمي ورايه للمطبخ وكالت شحاجيه وياه واني شكم مره منيه عليج ما تحجين وياه شي لو تردين عليه كتله يمه بس كالت لابس ولا شي يمعود مالي خلك مشاكل لا تردين عليه مو والله تعبت كملت العشه ورحت صليت ودخلت للحمام سبحت وطلعت ورحت على فراشي اريد انام جان اسمع عياط بره كلت خير يارب الله يستر جان شويه واجت اختي الزغيره تصيح عليه قمر بابا  يصيحج كتله
شنو يريد حبيبتي كالت ماعرف هو كال خلي تجي بسرعه كتله اي هس رايحه بس
حبيبتي اكعد هنا ولا تطلعين ابد ماشي كالت ماشي طلعت صعدت الغرفه ابوي ومرته دكيت الباب ودخلت جان اباع على ابوي ........ يتبع
&&&&&&&&&&&&&&&&&&&&&&&&
نهاية البارت
                               مساء الورد🌷حبايبي شلونكم
طبعا ماعرف الروايه دا تعجبكم أو لا  لان احس التصويت قليل والي يصوت يعني حبه
         ومتشوق للحداث على كل حال اشكر الي دا يصوتون احبكم واتمنى
                تصوتون اذا حبيتو  هذا البارت اشكركم باي 😊
                                             :
                                             :
Love you 💗
بسمه

وصدوك اعذروني راح أغير الغلاف لان بعده مو ثابت