#UNICODE
"မာမီ"
မင်းစေလိုရာ ဒေါ်နန်းထိုက်ပန်းအားမထင်မှတ်ပဲတွေ့လိုက်ရသဖြင့် တံခါးပေါက်အဝတွင်ကျောက်ရုပ်တစ်ရုပ်လိုပင်သာကြောင်ပြီးရပ်ကြည့်နေမိသည်။
"ဖယ်စမ်း"
ဒေါ်နန်းထိုက်ပန်း မိမိ၏အရှေ့တွင်ပိတ်ရပ်နေသော မင်းစေလိုရာအားဆောင့်တွန်းကာပင်အခန်းထဲသို့ပင်ဝင်သွားလေသည်။
"မာမီက...ဘယ်လိုကနေဘယ်လိုဒီကိုရောက်လာတာလဲ။"
အခန်းထဲသို့မိမိအားတိုက်ပြီးဝင်သွားသောဒေါ်နန်းထိုက်ပန်း အနောက်အားမင်းစေလိုရာတစ်ယောက်အမြန်ပင်လိုက်၍အကျိုးအကြောင်းအားမေးမြန်းနေလေတော့သည်။
"အဟက်..."
"မင်းစေလိုရာ...ငါ့သား...မင်းယောကျာ်းတွေကိုကြိုက်တတ်မှန်းအမေဖြစ်တဲ့ငါကမသိခဲ့ရပါလားဟမ်။"
ဆေးရုံကုတင်ပေါ်တွင်ဆေးပိုက်များ အောက်ဆီဂျင်ပိုက်တို့ဖြင့်ဆက်သွယ်ထားရသောမှူးသခင်ဆီသို့ ဒေါ်နန်းထိုက်ပန်းလျှောက်သွားပြီးမင်းစေလိုရာအားခနဲ့နေတော့သည်။
"......."
"ငါ့သားရယ်...ငါ့သားလိုရုပ်ရည်နဲ့အရည်အချင်းတွေနဲ့များ ဘာစိတ်ကူးပေါက်ပြီးဟိုကောင်မရဲ့သားကိုမှသွားယူရတာလဲ။"
"ချစ်လို့...ကျွန်တော်သူ့ကို...ချစ်လို့"
ဒေါ်နန်းထိုက်ပန်း၏အမေးအား မင်းစေလိုရာ မှူးသခင်အားကြည့်လိုက်ရင်းပင် အသံတုန်ရီစွာဖြင့်ပြန်ဖြေလိုက်လေသည်။
"ချစ်...လို့....အဟက်...."
မင်းစေလိုရာ၏အဖြေအဆုံး ဒေါ်နန်းထိုက်ပန်းတစ်ယောက်မှူးသခင်အားစိုက်ကြည့်ပြီးမဲ့ပြုံးတစ်ခုကိုဝတ်ဆင်လိုက်ပြီး မင်းစေလိုရာအားပြန်ကြည့်ကာစကားအားတစ်လုံးချင်းစီပြောလေသည်။
CZYTASZ
Till My Last Day {နောက်ဆုံးနေ့ရက်ထိတိုင်အောင်}{နောက်ဆုံးနေ့ရက္ထိတိုင်အောငျ}
Romans(UNICODE//ZAWGYI) #🚨Abuse Type ပါနော်🚨# Mature Onပါ။🚨 ဒီ fic ထဲမှာပါတဲ့အကြောင်းအရာအားလုံးက MEI ရဲ့စိတ်ကူးသက်သက်မျှသာဖြစ်၍စိတ်ကူးယဉ်အတွေးများသာဖြစ်ပါတယ်နော်။ မည်သူ့အပေါ်ကိုမှထိခိုက်နစ်နာစေလိုသည့်ဆန္ဒမရှိပါ။ထို့ကြောင့်နားလည်ပေးစေလိုပါသည်။? Start D...