نهوة استاذي

البارت الرابع

نهوة استاذي ❤️

بقلم  _Zoza25
قرائه ممتعه ♥️
...............................
انا ذاك الگاعد متانيله صدفه تلمه بيك
انه ذاك الشاف كومه وجوه حلوه
وگلبه مارَف بس عليك
انا ذاك......
...............................
(قبل متقرون بارت دوسوا على نجمه ⭐)

نور _بقت تحجيلي شعورها وشنو تحس وتذكر مواقف صارت بينهم عفتها تحجي كلت عسى ولعل ترتاح بهل اثناء هيه تحجي واني اسمعها جان تنفتح باب الغرفه ويطب علينه نفس الولد الي فتح النه الباب وجان مبين عليه كلش عصبي ودمارات كصتة واضحة..

اني من خرعتي جنت نازعة الحجاب طفرت بسرعة احطه على راسي بس هوه مجان مهتم ظلت عيونة على دنيا الي جانت عيونها متروسه دموع_zoza25

دنيا _ح..حسين بس خليني افهمك و...

حسين _بهدوء عكس العصبيه الي جانت على وجهة سكتيي ولا كلمة شغلة وحده اريد افهمها منج شبييج....

نور_ كلت اكيد حتصير مصيبة وهذا مبين كلش طاكة عده لازم اساعد دنيا تطلع من هذا الموقف لانو حتلو مجان سامع كلامنه من بعد مشاف وجوهنة شلون تتلاطم اكيد تأكد اكو سالفه ورانة

جان تجيني فكره نقذتنة..
احم عفوا بله زحمه عليك ممكن تطلع اريد البس حجابي وانته طبيت جفت  بس خل البس حجابي وبعدين كمل كلامك..

التفت الي وكأنوا ستوه شافني حته رأسا دار وجهه لانو مجنت لافه شال بس حاطته على راسي حته يضطر يطلع _zoza25

حسين _ كلش اعتذر خويه مجنت منتبهه عليج هنا عبالي دنيا وحدها..

نور _مصار شي بس ممكن تطلع امي تنتضرني نريد نرجع للبيت..

حسين _اكيد خويه، واني أكرر اعتذاري مره ثانيه، باوعت على دنيا الي مخلت عينها بعيني وظلت ساكته وراها طلعت..

نور_يمممه الف الحمد لله على دقيقه وجان رحتي بيها والله

دنيا _... اخ نور كلش خايفه وكعدت ابجي..

نور _الله يطيح حظك اذا صدك يا فادي.. اوف سمعيني لج كافي بجي تره والله اكوم اكتلج ضوجتيني، عوفي البجي وركزي وياي زيين تمام

دنيا _ اا اي كولي....

نور_ شوفي يمعوده عوفي فادي الن..... هسه وفكري شنو رح تكولين لاخَوج من يسالج تره مبين عليه يلكفها وهيه طايره وهم ميصدك اي شي

دنيا _مادري والله مكاعد اكدر افكر بشي عقلي احسه ثكيل...

نور_ يااربي اني ويامن احجي دنيا ماعدي وكت تره امي رمشتلي حته نروح شغلي عقلج وياي عسريع االله يخليج_zoza25 ..

دنيا _ بقيت ساكته دقايق، روحي نور اني احلها خاله كاعد ادك عليج صار اكثر من مره..

نور_هسه معليج بيه كوليلي شراح تحجين لو تسوين خاف تحركين الدنيا اكثر من ما هيه محتركه؟؟؟