نهوة استاذي

البارت الثالث والعشرون

نهوة استاذي ❤️

بقلم _Zoza25
(البارت الثالث والعشرون)
قرائه ممتعه ♥️
....................................
‏من قال أن الكلمات لا تفعل شيئًا؟
إنها تلمس وتُغرق وتُنقذ وتُدفء،
تجعلك تطير وتتسع، وأحيانًا
تلصقك في الأرض لتتمزق ..!

...........................................
دنيا _مرت سبوعين هادئه مابيها اي شي جديد.. وحالتي النفسيه صارت افضل من ابتعدت عن هذاك البيت بس بقه اصرار احمد انو ياخذني للطبيب

طبعا كل تواصله ويه بابا اني اصلا لا يحجي ولا يدزلي شي وحته مخابره ميخابر واني كذلك.. إذا ميسأل عليه شكو اني اسأل خلي ملتهي ويه حبيبته ماعرف على شنو خطبني اذا يحبها..

صار وكت الغده التمينه كلنه على السفره شويه وحجه حسين __z͠o͠z͠a͠2͠5͠

حسين _يابه عدي موضوع وياكم

ابو حسين _اي بويه كول

حسين _احم يابه اني قررت اخطب

ام حسين _يااا صدك يمه.. يوم عيد عدي... شلون خبر حلوو هذا واخيراً راح افرح بيك

ابو حسين _ بيها الخير ان شاء الله

حسين _ان شاء الله يابه

ام حسين _ادورلك على مره اني لو اكو ابالك وحده؟؟

حسين _احم... اي يمه اريد اخطب صديقه دنيا نور..

دنيا _كوووول والله....

مينا _ عليك االله
... تحجي صدك لو تشاقه

حسين _ههه اي والله شبيكم

ابو حسين _اني ماعرفهم حق المعرفه راح اسأل عليهم وان شاء الله الي تريده يجرالك ومادام صديقه اختك يعني خوش بنيه..

ام حسين_اي والله عبد الله خوش ناس وامها محترمه والابنيه حبابه.. من غير جمالها ما شاء الله عليها.. والله يا حسوني عرفت تختار

حسين _ كام باس رأسهم...الله يخليكم اليه يارب.. زين شوكت نروح نخطب؟؟

ابو حسين _هههه معرفتك هيج مستعجل ولك اصبر خلي ارتب اموري __z͠o͠z͠a͠2͠5͠

حسين _حط ايده على ركبته... وابتسم بخجل
هاهيه بويه على راحتك

دنيا _اي عيني تطورات من ورايه وتغمز اله

حسين _طايحه الحظ شنو قصدج

دنيا _ههه انته تعرف

حسين _يمه شوفي بتج طلعت عينها من خطبت

دنيا _ الي يسمعك يكول مكابلني وكاعد

ام حسين _هههه ياا هاي شبيكم جنه بوحده وصرتوا ثنين يا فرحتي بالدنيا انتوا...يوم الي يتمملكم على خيير