قوارير من فضة

تنويه + مشهد صغير

شلونكم حبايب ❤
هواي ديسألون موعد التنزيل ..
صحيح گلتلكم بعد الولادة .. لكن مو مباشرة ..
لان تعرفون مسوية قيصرية والازرارات لسا مفاتحتهن ..
وثاني شي نازك دتنزل قصتها بالبيج مااگدر انزل ..
ولااگدر اترك جماعه الفيس وانزل فقط بالواتباد لان هم الهم حق عليه ..
اصبروا عليه بس هالفترة بين ماتخلص نازك روايتها وابدي بعدها ان شاء الله..
ادعولي بالصحة الي والابني ..
وهاي الخاطركم مشهد الهناء ..
#مشهد_قوارير_من_فضة

أنا امرأة كنت صامتة عنك ..
والآن سأتحرر ..
كنت خائفه منك !!
والآن سأثار
خيانتك مفجعة تستلزم وقفة !!
صدقي العميق معك سأقتله بصفعة ..
لا تستحق حبي يامن بعثرتني
ويا من محوت بيدي كل عبارات حبي لك

احاول أغمض عيني وانسى الموقف حتى من اغمض اشوف بالظلام خيانتهم ..
كنت اتمنى يطلع كلشي حلم واصحى منه ..
ضربتين بالراس توجع زوجي وحبيب طفولتي وصديقة طفولتي الي كانت شاهدة ع كل لحظة من لحظاتي وياه
كانت تعرف كل تفاصيل عشقي وهيامي اله ..
حرت اسامح منو ؟؟
وانسى ذنب منو بيهم ؟؟ ومنو بيهم اكثر يستحق أعاقبه او ادعي عليه ..

دمعة اجت تنزل من عيوني خزنتها بين جفوني مااريد بعد أبچي مااريد اضعف واستسلم ..

زوجي خاني للمرة الثانية ماادري الثالثة او الرابعه او كم. مرة اصلا ..
لان بصراحة جنت مغفله وعايشه حب اعمى الوحدي ..
كسر گلبي بعد ان نطيته كلشي .. الحب والاهتمام والاولاد والبيت الهادئ حياة يتمناها كل رجال .. 
لكن للاسف جازاني بخيانة ليست كـ اي خيانه ..
خيانة قلب .. وجسد .. مع اقرب صديقة الي .. لابل اخت 
او كنت اعتبرها اخت..

كنت شبه صاحية بالمستشفى افكار كثيرة براسي وطعنة بداخلي ..
اهلي كلهم يمي والكل قلق ويحاول يعرف شبيه ..
سمعو صوتة بباب غرفة المستشفى ..
غمضت عيني مااريد اشوفه .. ولا الي القدرة اواجهة حاليا ..
اتقرب مني وباس راسي اشمئز جسمي منه ..
لأول مرة احس بهيج شعور اتجاهة .. حتى جسمي رافض يتقبله ..
همساته وطريقة كلامه المستفزة وهو يحاول يقنعني مقابل ارضائي بعد حين ..
مثل كل مره يريد يتعشى بمشاعري قبل لا يتغدى بخبثه
مااتحملت تلك الانفاس الكريهة والصوت المزعج ..
صرخت بلا وعي بقدر حرگة گلبي وعذابي ..
كل الكلام الي كان بداخلي وكاتمته .. ترجمته على شكل صرخات مكتومة محطمة نادمة ..

" أطللللللع براااااااااا اطلللللع.... اطللللع مااريد اشوفك طلعوه منا طلعوه ..
كانت نظراته متفاجأة مني...لاول مرة اوگف بوجه ذكوريته... مايعرف هو السبب !!
هو الي قتل هنا الهادئة .. وخلق بمكانها هنا  العصبية هنا الي مستحيل راح تذل نفسها بعد الان ولو كان الثمن انه تقلع قلبها من بين اضلاعها ..

بصراخي مااستغرب هو بس بل كل الي كانو موجودين ..
اتقرب نسر وعصر ايده حيل ودفعه ..
سأله " شسويتلها وهيج صارت حالتها .. لك ضغطها مرتفع وبداية جلطة لو ماالله ستر احجي شسويتلها ؟؟"

" لاتنتظر مني المسامحة .. لاني حذفت من قانوني الطيبة بعد الان !! "
#شمس_السعدي