حبيبي 😻عسكري😘

باارت 23😇

ناض يحرك في جسمو....شافها مازالت راقدة..رقبتو تعوجت..ناض جبد تريكو دبو لبسو...وخرج يماه وهيبة في الكوزينة... نوفل: راكم مبكرين.. هيبة: ياربي مانروحو...الدار وحدها.. نوفل: راكم قاعدين.. صفية: المرة الجاية تجي انت ونورسين..وزيد ماراناش بعاد ساعة وانت وصلت.. نوفل: ان شاء الله... فات للدوش...عمل دوش خفيف...وخرج.. فات للشمبرة مازالها راقدة... نوفل: نورسين...نورسين نوضي.. نورسين: ام..راني نايضة.. نوفل: يما وهيبة مروحين عيب تبقاي..راقدة وماتسلميش عليهم... نورسين ناضت من الفراش..شافاتو يلبس دورت بعيد وجها....لبس سروال الكومبا وزاد الصباط تاعها... حط الشان دوقير في رقبتو.. نورسين: هذي القلادة تاعك.. نوفل: هه ايه قلادةحربية.. شاندوقير وعليها اسمي.... نورسين: واتاتك.... هبطت راسها وخرجت.... صبحت عليهم فاتت للدوش غسلت عليها...راحت لبست وقعدت معاهم.. نورسين: سامحيني ماما صفية...على البارح كنت تعبانة...واليوم نتوما تحطو فالفهوة.. صفية: ماعليش يابنتي المهم ترتاحي.. هيبة: ماتقوليش هكذا...نزعف نورسين.. خرج نوفل...قابلها في الطابلة صبتلو هيبة حليب..راح تحطلو قهوة.. نورسين: لالا ماتحطيلوش ..مايشربهاش.. هيبة: اوك...في بالي كان يشربها.. نوفل: بطلتها عندي مدة.... شاف معاها مازال وجها صفر...والعيا باين عليها.. صفية: نوضو نروحو ..هذاك هو.. بقاوهم بالسلامة هيبة جابت فاليزتهم...وراحو.... رجع لكوزينة..... نوفل: ريحي....ونجيب معايا غذا.. نورسين: لالا نورمال نطيب نحس روحي مليحة... نوفل حقا عطيني لادريس تاع لاسيتي...باش تبعثلي مروة دوسياتي... نوفل: خلي نوصي ولد عمي يجيبهم..راه فالعاصمة...وغدوة يجي..يفوت عندكم للدار يجيبهم في طريقو.. نورسين: اوك..خير مالا نقول لمروة باش تعطيهملو... نوفل: نروح ...راح عليا الحال.. دخل لشمبرتو هز..لبلون تاعو وخرج.. نورسين: هذا الي كنت ترسم فيه فالليل... نوفل: ايه... نورسين: علاش انت رسام.. نوفل: هههه لالا هذا بلون تاع لاكراش..راح نبنوها لولاد العسكر.. نورسين: انت ارشيتكت.. نوفل: ايه..قريت جيني سيفيل.. ونخدم فالمنشآت العسكرية... نورسين ودعتو....قفلت الباب... دخلت لمت الكوزينة.....فاتت دوشت وحطت لغذا يطيب... فاتو هذ الأيام عاديين...نوفل يخرج يخدم يرجع يتغذا..وفي الليل يتعشاو وكل واحد يفوت لشمبرتو..... صباح جديد...وحياة كي العادة...سيتي ميليتير....حس الجنود..والاولاد..سمفونية تستقبل بها صباحها.... ناضت ...جازت على شمبرتو..لقاتو ماكانش اليوم بكر ...على غير عادتو.... حطت فطرت....وبدات تسيق سمعت الباب تطبطب... نورسين: زعمة هو جا.. علاش ماحلش بالمفتاح.. بلا مانتنبه لروحها وواش راهي لابسة حلتها.... نورسين تفاجات شافت جون قدامها...بقا باهت فيها.. رجعت روحها للوراء ..وطلت غير براسها.. نورسين: نعم واش تسحق... منجد: نوفل راه هنا.. نورسين: لا خرج. منجد: الحاصول اعطيلو هذ البابيي جبتهملو من العاصمة..عيطتلو فالتلفون ماهزش جيتو هنا.. نورسين شدتهم عليه: ميرسي يعيشك خويا.. منجد: انا ولد عمو منجد...انت مرتو.. نورسين حركتلو راسها بقاتو بالسلامة وقفلت الباب.. .... منجد( ياربي واش هذ الزلة ..يانوفل..طيح غير على الصحاح...نعدين عمري..الدنيا مدتلو اكثر مما يستحق) حط نظاراتو...ومشا ركب في الطونوبيل وديمارا.. نورسين دخلت لشمبرتها عرفت بلي اوراقها تاع الجامعة...حطتهم وخرجت