حبيبي 😻عسكري😘

Part 75

💖حبيبي عسكري💖

وصل للاكريش..تلاقا كريم...المديرة معاهم...يشوف في خدمتو. .بعدما خلاصت....يدورو على كامل لبلايص.. .مخو معاه وماشي معاه...داو كامل تصاور يحتاجوهم ..فاتو معاها لقاعة كبيرة...يكملو الهدرة..
"": مدام...راهي لحقت السيدة انفال وفريقها...
المديرة: فوتيهم.....
مزية راكم هنا تحضرو معاي اول اللمسات باش نكمل تجهيز لاكريش.....
كريم: اوك مدام..كابتان نوفل تعب باش خرج خدمة شابة كما هذي....
نوفل: ولادنا يستهالو بلاصة يرتاحو فيها...
دخلت مدام انفال...ومعاها نورسين..والطاقم الاخر...
قربو من المديرة...كان عاطيها بظهرو..
تبادلو التحيات. .شم ريحة بارفان يعرفها(kenzo)...تفكر نهار رايحين ياكلو هو وياها برا...نهار ركبت البابور وخافت..لحظة خلاتو ينطق اسمها(نورسين)....جازت من حذاه..قربت للمديرة مدتلها يدها..
المدير:مرحبا بكم تفصلو..هذو العسكر الي شرفو على مخطط وبناء لاكريش..
دورت راسها..هز راسو يسلم عليهم...هي..لالاخاطيها تشبهلها...قلبها تحل....شدت فالطابلة قريب طاحت..
نوفل: هي...ايه....تبدلت . .كبرت ...زيانت....ياربي واش دارت لشعرها قصتو مجنونة .
كلاها بعينيه..دورتهم بعيد منو ...
المديرة: كابتان نوفل..واجودان شاف كريم..هذي مدام انفال مديرة لاجونس الي تشرف على تجهيز لاكراش..سيكرتيرتها نورسين....
كريم ماشي مصدق واش يشوف..نوفل فهمهم بلي نورسين راحت عند والديها...كملو الجلسة بطلوع الروح عينيه تحوس على تفسير...قدرت تتحكم في روحها...وتكون هادئة.....خلصو...ناضت بزربة حابة تخرج...تهرب من عينيه الي مانحاهمش منها....اخر بلاصة توقعت تلقاه فيه....بعد ماطلقها وماحوسش عليها....
شافها خرجت...طلب من كريم يروح ومايستناهش...خرج وراها...
شافها واقفة برا....قرب منها
نوفل: نورسين....وين كنتي...وينك حوست عليك ومالقيتكش..معقولة هذي انت
دورت ليه: علاش تحوس عليا...شكون انت حتى تحوس عليا....مايربطني بك حتى شيء..من فضلك بعدني نروح..
نوفل: اذا بدلتي هيئتك..عينيه نظرتهم مستحيل تتبدل...تقدري تحلفي اذا ماخممتيش فيا..وماتوحشتيش تشوفيني..او حتى فت على بالك..
نورسين: خرجتني من دارك مدلولة...مكسورة..مليانة وجاع وخيبة...عملتك..فيا..ماننساهاش..جامي خممت فيك... لاني نسيت حتى وجودك..
نوفل : تبعيني....ارواحي معايا
نورسين طلقني...خليني...
جرها بسيف لبرا....: اركبي لازم نهدرو...
نورسين: مابينا حتى كلام..نهار كنت حابةنهدر انت ماخليتنيش ..واليوم ماعدتش نسمعلك..خلاص...كذبتني وصدقت واش شفت في صور مدلولها مايعنيش حقيقتها
نوفل: قلت لك اطلعي....ونهدرو
مدام انفال: نورسين كاين حاجة..عندك مشكلة مع المسيو
نورسين: لالا...ماكاش مدام..
كريم: نوفل امشي ..لازم نروحو..
نوفل: نورسين...من فضلك..
راحت وخلاتو....انتصرتي نورسين..هكذا حبيتي تشوفيه..مذلول يترجاك...وقلبك...الي يترعد لداخل...بركان الشوق الي كان راح يزلزل كيانك...
ركبت مع مدام انفال..عينيه معاها....وقلبو واحاسيسو تناديها..خبط كريم على كتفو...وطلع يركب...لحقو..ركب معاه وديماراو