حبيبي 😻عسكري😘

🤗29بااارت 😋

.... اعد الايام...واشتاق للزمن ان يعود...اشتهي ان تمضي كالبرق...تومض ثم تنثر بريقها على قلبي..واذ بي أخطف هذا البريق لاضيأ به الماضي..كشريط معلق في ذاكرتي يحتاج..ألف كل النور كي أراه....او المح طرفا منه فاتو يومين....ناضت من فراشها..قررت تنفض عليها لغبينة.....وتروح تسجل في الجامعة.....جبدت مفتاح تاع الدار الي عطاها كريم....كان خلاه نوفل عندو وصاه يمدهولها.. غسلت..وفاتت لدارها.. فتحت الباب....تنفست فيها بعمق..شحال تحب ريحتو كي تضربها....طلت للكوزينة كما خلاتها......شافت فالصالون مقفول.....عدات لبيتها...رمات عينها لشمبرتو....دزت الباب تحلت..كي العادة مرتبة...وريحتها تشل...قربت من فراشو..شافت قلادتو فوقو..هزتها...شافت الإسم مكتوب بالفرنسية كابتان نوفل سلطان. اول مرة تعرف اسم عايلتو..عندو حق كي قالي مانعرفو حتى شيء على بعض...هزت مخدتو...شمتها...ناضت لخزانتو دات منها تريكو..وراحت جابت كواغطها وحوايجها ...وعاودت قفلت الباب وخرجت.... .... لعشية كي عادتو جا...من نهار راحت نورسين...مايجيش وقت لغذا..حتى ماتجرأش يروح يشوفها علابالو ماتقابلوش.. دور المفتاح...دخل نحا صباطو...علق لافيست تاع الكومبا...فات لشمبرتو.. كمل نحا حوايجو....جبد تريكو وسيرفات وفايت للدوش...انتبه لشان دوجير ماشي منين دارها...زعمة تكون جات.. راح يجري لبيتها..شاف خزانتها محلولة وحوايجها ماكانش..عرف بلي جات في غيابو... .. حطو يتعشاو...دايرين كامل.. نورسين: خويا كريم..ماعليش تقولي وين جات جامعة الحقوق...حبيت نسجل غدوة.. كريم: زعمة مافاتش الوقت.. نورسين: لالا مازال شوية كريم : اوك غدوة نوصلك.. شافت فيها شبيلة...كملو ياكلو..جمعو الطابلة كل واحد فات لبيتو.. شبيلة: اسمع كريم هذي علواش ناوية.. كريم: حابة تقرا واش فيها.. شبيلة: لازمها ترجع لراجلها واش من قراية...اسمع نوفل لازم يعرف..هذي دوك راح تقعد لاصقة عندي.. كريم: هي من حيث لازم ترجع..واحنا محال نحاوزوها...خليني نخمم..لازم نلقيوهم يقعدو ويحكو... شبيلة: ان شاء الله. .... نورسين تتقلب في فراشها النوم هجرها.. جاء في بالها...(...ياربي كيفاش راه عايش يادرا وين ياكل..شكون يغسلو حوايجو. .توحشت نشوفو.توحشت ريحتو وجسمو كي يكون لابس من تحت وعريان من فوق...غبية يانورسين..انساي جدو...هو ماشي مخمم فيك طول..بصح اعترفلي بعشقو...اعترف بلي يحبني وحاب يكون معايا.اووف يارب ساعدني باش مانغلطش)..ناضت..من فراشها وراحت للطاقة سندت تتفرج في النجوم قاعد في شمبرتها..راقد في فراشها....الشوق طواه...والحنين رشاه ناض حسها تعيطلو....حل الباب خرج..وراح قابل دار كريم ...(صغيرتي...تبا للشوق الذي يندلع اليك.....هذا انا في ذكرياتي غارق...وجئت أطلب من عينيك الرأفة.. رفقا بي. صغيرتي..رفقا) شافت للتحت...حطت يدها على فمها...ماشي ممكن نوفل...ياربي واش يدير هنا هذا هبل....توله ليها...عينيه يترجاو فيها....نظراتهم ملات الكون.....(سامحني حبيبي...سامحني انا ماظلمتكش انت ظلمتني)....ردت الستار ..ودخلت.. (اه منك نورسين...تقتليني ...تحرقي قلبي..بتصرفاتك