𝗟𝗶𝘁𝘁𝗹𝗲 𝗗𝗼 𝗬𝗼𝘂 𝗞𝗻𝗼𝘄

(( 1 ))

Unicode

Present , September 13/ 2026

'တီ တီ တီ'

၆:၀၀နာရီAlarmသံမြည်တော့ အိပ်ယာကထပြီးကုမ္ပဏီကိုအချိန်မှီရောက်ဖို့ဘတ်စ်ကားမှီအောင်အမြန်ပြင်ပြီးမှတ်တိုင်ဆီကိုပြေးရတာ မနက်စာတောင်စားဖို့အချိန်မရှိတဲ့နေ့ရက်တွေ။

သာမန်အခြေခံလူတန်းစားအိမ်ယာရပ်ကွက်ခေါင်းမိုးထပ်အခန်းလေးမှာငှားနေရင်းအထက်တန်းကတည်းက တစ်ယောက်တည်းဘဝကိုရုန်းကန်ပြီးကိုယ့်အားကိုကိုယ်ကိုးပြီးကြီးပြင်းလာခဲ့သည်မလို့ မိသားစုမရှိမိဘမဲ့တစ်ယောက်ဖြစ်သည်ပေါ့။

ဘွဲ့ရပြီးအခုတော့ကုမ္ပဏီတစ်ခုမှာ အောက်ခြေဝန်ထမ်းအလုပ်နေရာတစ်နေရာရထားတာကြောင့် သူ့မှာတစ်နေ့တစ်နေ့အားစိုက်စရာဆိုလို့ အလုပ်လုပ်ရတာပဲရှိသည်။

ဒီနေ့ကလည်းအမှန်ဆို သူ့မွေးနေ့။

တစ်ယောက်သောသူကရော?? သူကတော့မနေ့ညကတည်းကmissed callတွေဝင်ထားတာတွေ့ပေမဲ့ သူလစ်လျူရှုထားမိသည်။ ငါမင်းကိုအခုမတွေ့ချင်သေးဘူးSoobin...ငါသိပ်ကိုပင်ပန်းနေတယ်။

မိဘမဲ့တကောင်ကြွက်ဖြစ်တဲ့သူ့ဘဝဟာ အားကိုးရာကိုယ့်ကိုကိုယ်ကလွဲပြီးမရှိသည်မလို့ ဘယ်သူ့ကိုမှမယုံကြည်မမှီခိုပဲသန်မာအောင်နေခဲ့ရသည်။

သို့သော်ထိုသို့အမြဲမှောင်မိုက်အထီးကျန်နေခဲ့တဲ့သူ့ဘဝထဲသို့ ရူးမိုက်စွာတိုးဝင်ခဲ့တဲ့သူ။ သူ့ဘဝရဲ့တစ်ဦးတည်းသောအလင်းရောင်ဖြစ်ခဲ့တဲ့လူ။ သူ့ဘဝတလျှောက်လုံးသန်မာလာခဲ့သမျှကို ပျော့ညံ့သွားစေခဲ့တဲ့သူ။ သူ့ထက်တစ်နှစ်ငယ်တဲ့Choi Soobinလို့ခေါ်တဲ့ကောင်လေး...တစ်နည်းအားဖြင့် သူသိပ်ကိုချစ်ရပါသော မောင်...
-
-
-
-
-
-
ကုမ္ပဏီရောက်တော့လည်း အဖွဲ့မှုးဖိသမျှရုံးတွင်းတောက်တိုမည်ရကအစ စီနီယာတွေရဲ့လချုပ်စာရင်းတွေစစ်ပေးရဟိုဌာနပြေးရဒီဌာနပြေးနဲ့။ လူကနားချိန်တောင်မရှိ။

'ဒူ ဒူ ဒူ'

မိတ္တူခန်းထဲမှာစာရင်းတွေမိတ္တူကူးနေတုန်းဝင်လာသည့်ဖုန်းcall။ ခေါ်ဆိုသူကိုကြည့်လိုက်တော့ 'မောင်'ဆိုသည့်နာမ်စားလေးကထင်းခနဲ။