- არ მეგონა, დღესაც თუ მუშაობდი - შავ წინსაფარს ვიკეთებდი, როცა ნაცნობი ხმა მომესმა შორიდან. თავი ავწიე და კარებისკენ გავიხედე - ჩემი ცვლა დამთავრდა, იმედია ისიამოვნებ ღამით მუშაობით.
- ხვალ არ ვიქნები და მის მაგივრად დღეს მომიწევს აქ ყოფნა, უფროსთან მოვაგვარე უკვე - კარადაში ვათავსებდი ტანსაცმელს და ისე ველაპარაკებოდი - როგორც ვხედავ, კლიენტები ბევრია.
- დილიდან ბევრი ხალხია. დოროთი და ვერნონი წავიდა, მეც მივდივარ, ძალიან დავიღალე - ოთახში შემოვიდა და კარებს ზურგით მიეყრდნო. ხელები ერთმანეთზე გადაიჯვარედინა, მარჯვენა ფეხი კი მარცხენაზე გადაიდო - იმედია მალე წავლენ და დიდხანს ყოფნა არ მოგიწევს.
- არ ვიცი, დღეს ისედაც გადატვირთული დღე მქონდა, იმედია იმის ძალა მაინც შემრჩა, რომ ჭიქები მაგიდამდე მივიტანო და გული არ წამივიდეს - ჩავიცინე და კარადა დავკეტე - შენი გოგო როგორ არის? ბოლოს, რომ გამაცანი, მაშინ ვნახე, არადა მეგონა, ჩემთან ურთიერთობას არ დაუშლიდი - მოჩვენებითი წუხილით ვეუბნებოდი, მაგრამ ბოლოს მაინც ჩამეცინა.
- ჯერ ეს ერთი, ''ჩემი გოგო'' არაა. მერე მეორეც, კარგადაა, გამოცდები აქვს და გარეთ სატანტალოდ არ სცალია - ბოლო ოთხ სიტყვაზე ყურადღება გაამახვილა, რაც მაშინვე შევამჩნიე.
- ხომ არავიში გეშლები? გამოცდები მეც მაქვს. შენი აზრით, მარტო ცხოვრება ადვილია? მაგას მშობლები ჰყავს გვერდით და გადასახადებს მაინც უხდიან. მე კი რომ დავფარო, მუშაობა მიწევს. ეს, გარეთ ''ტანტალი'' არ არის - ხელით ბრჭყალები ვუჩვენე და თავი დავუქნიე.
- კარგი, რა ვთქვი ისეთი - ხელები გაითავისუფლა და კარებს მოშორდა.
- წავედი, სანამ შენიშვნას მომცემენ. წარმატებები შეყვარებულთან - ტუჩებით კოცნის იმიტაცია გავაკეთე, სწრაფად გამოვედი ოთახიდან და კარები დავკეტე.
- შე პატარა მაიმუნო - როცა გაიაზრა, რაც გავაკეთე, კარის უკანა მხრიდან მომაძახა.
YOU ARE READING
Me, Taehyung And Gallery
Romanceამბობდა, რომ შავი სძულდა, მაგრამ მარტო ყოფნისას მხოლოდ ამ ფერს იყენებდა. როცა გვერდით ვყავდი, საღებავებს მაჩვენებდა ხოლმე და მხოლოდ ლურჯით აფერადებდა ნახატს. მეუბნებოდა, რომ მისთვის ცა ვიყავი, უსასრულო, ღია ცისფერი, რომელშიდაც სიამოვნებით დაიკარგებო...