مساء الخير
#زغد_علي
اديل: انت مو تريد تطلكني ليش تحاسبني
الشيخ مناف: طلاك ماطلق وباجر اجي اخذج
اديل: شلون يعني تجي لربيل
الشيخ مناف: اي
اديل: بس منو كال اني اريد ارجع وياك
الشيخ مناف: ترجعين مو بكيفج غصب عنج
اديل: متكدر تغصبني
الشيخ مناف: لج حيوانة تتحديني
اديل: ماريد ارجع وياك
الشيخ مناف: ويطبج مرض اني اريد ابني
اديل: لا مستحيل
الشيخ مناف: يا ترجعين يا اخذ ابني منج وتحلمين تشوفية
اديل: تمام باجر راح ارجع لبغداد وعكب باجر انت تعال
الشيخ مناف : ماشي
اديل: سديت المكالمة منة واخذت جنطة لميت بيها اغراضي
ومحمد ومن الصبح رجعت لبغداد وبقيت يم امي للليل رحت
لبيت خالي هيثم ودعتة ورجعت خالي هيثم اعز من ابوية هو
المربيني وحتى محمد يموت علية ويكول هذا ابن بنتي كلش
احبة ثاني يوم اجة مناف ورجعنا للعمارة بس مبين من عيونة
مليانة غضب فتت للبيت الكبير سلمت على الحجية وبقيت محمد
يمها حتى ارجع ارتب البيت لان اكيد هسه وصخ فتت للبيت جان
نظيف وبارد دخلت للصالة وماحسيت غير بس انجريت من شعري
الشيخ مناف: لج ساقطة عفتج فترة الكاج رايحة لربيل من وره ظهري
وفوكاها رايحة وية صديقج
اديل: مو صديقي والرب اخوية بالرضاعة
الشيخ مناف: اششششش ماريد اسمع صوتج
اديل: شعري فدوة كطعتة
الشيخ مناف: بعدج مشايفة شي
اديل: والرب اخوية بالرضاعة واذا ممصدك خابر امي وسالها
الشيخ مناف: اكيد امج من نفس الزمرة هم كح...
اديل: دفعته وعيطت ... امي اشرف منك ومن عشيرتك افتهمت لتجيب
سيرتها على لسانك
الشيخ مناف: لج ترفعين صوتج بوجهي وتراددين وتغلطين شكلج
تعالي خلي اشوفج الادب يادب سز
اديل: كافي لتضربني عندك اسلاح بطلقة وحدة انهي امري وريحني
الشيخ مناف: لج عرمة اليوم اعيد تربيتج
اديل: انزعجت مو تنزعج من واحد يحجيلك الحقيقة
الشيخ مناف: اذا ماربيج اليوم واعلمج ان لله حق
اديل: جرني من شعري واخذني لغرفة فارغة مابيها
اي شي قفل الباب ضربني راجدي وكعني بالكاع
دنك ورفعني من شعري
شيخ مناف: لج ساقطة تطلعين من دون علمي
اديل:مو انت شمرتني سنة تريد مني اخذ اذنك
قبل ماطلع ...حجيت هيج هو هجم علية راجديات
وضرب مكدرت ادافع عن نفسي طلع من الغرفة
ارتاحيت عبالي بعد ميرجع بس رجع وبيدة مسدس
غمضت عيني باستسلام وجهة علية ثواني وخر المسدس
ودنك يمي وحجة ماخليج تموتين هيج بسهولة راح اموتج
باليوم الف موتة
اديل: ابتسمت بوجة وحجيت بستهزاء ...اني من يوم الي تزوجتك
اعتبرت نفسي ميتة ماكو شي تغير
الشيخ مناف: سهلة اذا مابجيج دم
اديل: طلع من الغرفة وقفل الباب جانت درجت الحرارة كلش عالية
والسبلت والمروحة مطفية حاولت اجمع قوتي حتى اكوم بس
مكدرت اوكف على حيلي جسمي كله يوجعني والجو حار
محسيت على شي فتحت عيوني ماعرفت المكان الي اني
بية من صحصحت يلا كدرت اركز
الشيخ مناف: وره مخابرت اديل اجتني رسالة
...(اليوم اديل جانت وياية بس مو المفروض تكون وياك)
الشيخ مناف:(لو انت زلمة تطلع بوجهي وتحجي)
...(بعدين نتقابل من اخذ اديل من حظنك)
الشيخ مناف: (تحلم تلمس شعرة منها )
...(نشوف بس كول الها جود مشاقلج هواي يلا باي)
الشيخ مناف: ماظل عقل براسي من كال يريد ياخذ اديل مني
من رجعت اديل من بغداد كتلتها كتلة خليتها مجنزة يلا عفتها
وسيم: مرت فترة طويلة وعرفت اديل حامل كرهت الدنيا والبيها
واذا واحد حجة وياية هاي الله كاتبه علية حاولت اعيش حياتي
بس مكدرت امي حاولت وياية حتى اتزوج بس اني رافض
قررت اخلي اديل تطلك منه حتى اني اتزوجها فتت على صفحت
اديل لكيت عدها اكثر من صورة وية شاب بالاول ماعرفتة وراها
سالت صديقتها وعرفت انو هو ابن خالها وجان يحبها اخذت كل
الصور وكدرت ادبر رقم زوجها لاديل دزيتلة رسائل مستفزة
وره اسبوع عرفت اديل رجعت لبيت اهلها بس ممطلكة مرت سنة
كل يوم افوت على صفحتها بالفيس والانستا عرفت بيها رايحة
دزيتلة رسائل تخلية يطلكها بس ماكو فايدة لان اجة واخذها وياه
يتبع...
اسفة على التاخير ان شاء الله ميتكرر
احبكم هواي 😘😘
