مساء الورد على احلا متابعين
#رغد -علي
اديل: منو حضرتك
اكرم : اني اكرم معقولة متذكرتيني
اديل: شوكت طلعت من السجن
اكرم: لعد عبالج من تبلغين علية انسجن طول العمر طلعت بس هاي المره محد يخلصج
اديل: وهسه شنو تريد مني
اكرم : اريد حقي
اديل : حق شنو
اكرم: تعرفين كلش زين
اديل: انت مخبل ماعندك حاجة يمي يلا روح
اكرم : والله اذا ماطلع السنين الي نسجنتها من عيونج ياحقيرة
اديل: انت الحقير مو اني ويلا ولي
اكرم: اذا سديتي التلفون قبل ماكمل كلامي اجيج للبيت واذبحج واخلص العالم منج
اديل: انت فاهم غلط المفروض انت تموت حتى تخلص العالم منك لان انت المجرم مو اني
اكرم : والله العظيم ماعوفج واطلع عذاب كلبي والسجن السجنتة من عيونج
اديل: انت ليش ماريد تفهم اني مالي دخل بيك انت واحد مريض
اكرم: اني مريض مو
اديل: اي نعم
اكرم: لا والله مو بس مريض و جحش ابن ستين جحش لان حبيت وحدة مثلج حقيرة
اديل: انت اناني متعرف بس تحب نفسك
اكرم : لج تجذبين على نفسج انتي تعرفين اني انسجنت ظلم
اديل: لا مو ظلم انت قتلت الولد
اكرم: واني ليش حتى اقتل واحد ماعرفة كلة من ابن خالج النذل
اديل: هسه شتريد
اكرم : احجي عدل ولاتستفزيني
اديل: اكرم عوفني بحالي
اكرم: ابن خالج النذل سجني حتى ياخذ راحتة
اديل: اكرم اني مو الك افهم عاد
اكرم : لا مافهم جبت عمري كلة احبج بس هسه عندي استعداد احركج
اديل: سد التلفون بوجهي مكالمت اكرم رجعت ذاكرتي قبل ٤ سنين
جنت وية صديقتي خلص دوام المدرسة واريد اروح للبيت جنت واكفه
انتظر الخط وصديقتي تنتظر اخوها حتى يجي ياخذها لان الخطها
عندة حالت وفاة وميكدر يداوم
رحاب (صديقتي) : هذا اخوية تاخر
اديل: حتى اني الخط تاخر
رحاب : هسه وكتها تموت ام ابو الخط مالتي
