AUTOPHOBIA (Complete)

13(unicode)

လွမ်းမောဖွယ်ကောင်းတဲ့ ပုံပြင်လေးက ဒီကနေစတယ်။
ရှောင်ရှောင်းကျန့်ရဲ့ အသက်နှစ်ဆယ်ပြည့် မွေးနေ့မှာ ရေခဲမုန့်စားချင်လွန်းလို့ အမေကိုပူဆာနေတဲ့ ကောင်လေးတစ်ယောက်နဲ့ ဆုံတွေ့ခဲ့တယ်။

ပါးဖောင်းဖောင်းလေးနဲ့ ချစ်စဖွယ်ကောင်လေးကို မြင်မြင်ချင်း ချစ်ခင်မိတာမို့ ကောင်လေး လိုချင်နေတဲ့ရေခဲမုန့်လေးကို ဝယ်ကျွေးခဲ့တယ်။

ကံကြမ္မာဆိုတာကို ဘယ်သူက ကြိုမြင်နေမှာလဲ။
အိမ်အပြန်လမ်းမှာ ကားမှောက်မှုဖြစ်စဉ်တစ်ခုကိုမျက်မြင်တွေ့ခဲ့ရတဲ့ ရှောင်းကျန့်က အကူအညီပေးရန် လူတွေ အုံနေတဲ့ ကားအနားကိုသွားကြည့်တော့ သေဆုံးနေပြီဖြစ်တဲ့ယောကျားနဲ့မိန်းမအလောင်းကိုတွေ့ခဲ့ရတယ်။
အရေးပေါ်ကားရောက်လာတဲ့အချိန် ကားထဲကနေဆွဲထုတ်လာတဲ့အမျိုးသမီးရုပ်အလောင်းကို ကြည့်လိုက်တော့
ထိုအမျိုးသမီးမျက်နှာက မနက်က ကစားကွင်းမှာတွေ့ခဲ့တဲ့ကောင်လေးရဲ့မိခင်မျက်နှာနဲ့တစ်ထေရာတည်းပဲ။

ဒါဆို ကောင်လေးကရော..

ရှောင်းကျန့်က ရှုပ်ထွေးလွန်းတဲ့ လမ်းတွေကြားထဲ တစ်လမ်းဝင်တစ်လမ်းထွက်ရှာနေခဲ့တယ်။
ဟိုးဝေးဝေးမှာမြင်နေရတဲ့မီးတိုင်အောက်က ကောင်လေးက
သူ့မွေးနေ့အတွက် ဘုရားသခင်က ပေးတဲ့လက်ဆောင်မွန် တစ်ခုဖြစ်ခဲ့တယ်။

အတိတ်ကိုလုံးဝမမှတ်မိတဲ့ ကောင်လေးကို သူပိုပြီးယုယကြင်နာခဲ့တယ်။
သူ့ကမ္ဘာမှာ ကောင်လေးပဲရှိသလို
ကောင်လေးရဲ့ကမ္ဘာမှာလဲ သူတစ်ယောက်ပဲရှိနေခဲ့တယ်။

ထားခဲ့သမျှရည်စားအကုန်လုံးကို ကောင်လေးကိုအပြစ်ပြောနေပြီဆိုတဲ့တစ်ခုသောအကြောင်းပြချက်နဲ့ သူစွန့်လွှတ်ခဲ့တယ်။

တစ်နေ့ပေါ့။
စန္ဒယားသင်ပေးနေတဲ့နေ့က မတီးတတ်ပါဘူးလို့ လိမ်နေခဲ့တဲ့ကောင်လေးက သူ့ကွယ်ရာမှာ သီချင်းသံစဉ်တွေကို ကျွင်းကျွင်းကျင်ကျင် တီးခတ်နိုင်ခဲ့တယ်။
ကောင်လေး ဘာကြောင့် သူ့ကိုလိမ်တာလဲ။

အမြဲတမ်းခရီးထွက်ရတဲ့သူ့အလုပ်ကြောင့် ကောင်လေးကိုတစ်ယောက်တည်းအိမ်ထဲမှာမကျန်စေခဲ့ဖို့ ခွေးလေးတစ်ကောင်ဝယ်ပေးခဲ့တယ်။