تلك الحيآة فلأ أمان بظلها،للكاتبه:منار الكريري

بـ٣ـارت

‏-على قيد الحياة,فجأة أجِدني مصدوماً بغرابة تعبيرٍ كهذا..كما لو أنه لا ينطبِق على أحد .
.
.
.
صباح يوم جديد سـاعه ٩
صحى سنـد وكان الكل مجتمع عندهم الجد كسار وأعمامه وابوه وأخوه ناصر وشادي ،،
سـند  اللي كان يسمع اصواتهم لكن ماهو قادر يفتح عيونه بشويش لاحظه ابوسند : سند ياولدي تحس بشئ يالمك ،،التفتوا كلهم على صوت عبدالمجيد
سنـد وبصوت مبحوح تعب :لا ،بس ابي مويه
أعطاه ناصر المويا وبدا يشربه رجع راْسه وتذكر ريان جاء بيقوم لكنه وقفته عصاة جده : الحمدلله على سلامتك ياحفيدي ماتشوف شر
سـند  وببتسامه : الشر مايجيك ،،سكت وثواني وقال بخوف ناسي نفسه وباله كله مع ريان : وين ريان بقوم اشوفه
الكل ضحك ،، الجد كسار بضحك :يذا بجنبك ماقوى قلوبنا نفرقكم
سـند  لف وجهه لجهة اليسار وشافه للحين نايم :للحين ما قام
لف شادن راْسه بالنفي : للحينه نايم مخدر منوم
سـند  رجع راْسه وانسدح والتعب طايحه حيل دقايق ورجع نام اما ريان بعد ساعه صحي وجت امه وجدته وزاروهم ورجعوا البيت وجلس ابو سـند  عندهم ..
{عند منـار س١٢م بالجامعه}
جالسه والدكتور يشرح وطول الوقت مسرحه ولا هي معه
زولوف داقتها:منار خير علميني ايشش فيك
منـار :مافيني شى بسس تعبانه ابي اطلع وارجع البيت
زولوف :اشلون تطلعين والمحاضرة باقي لها ساعه وكمان باقي محاضره علينا
منـار زفرت وهي مو طايقه المكان ولا احد :بسحب عليها
زولوف : تحملي باقي ساعه بس تراك داخله طب وصعب لا تتساهلين فيه
منـار هزت راْسه باقتناع وهي تبي بس زولوف تسكت عنها
مرت ساعه وكانها يوم كامل بالنسبه لمنار
طلعت من القاعه ونزلت كتبها ربطت شعرها وجات بتاخذ الكتب وقفتها يد زولوف
زولوف وبزعل:منـار مو حن اتفقنا نعلم بعض بكل شى يصير لنا وش اختلف الحين
منـار : ما اختلف شى والشئ اللي فيني تافه وماينقال
زولوف :دامه تافه علميني
منـار بملل:خلاص اعلمك بالبيت الحين انا راجعه
زولوف :تمام
طالعت منـار وهي ودها تطلع حرتها با احد قدامها
صارت تمشي وما حست اللى بوحده اصدمت من كتفها صرخت وطاحـت علـى الارض قامت بسرعه ومشى لحد عندها مسكتها من تأشيرتها :خير انتي ما تشوفين عميه وين عيونك
البنت ببتسامه شر: عيوني على جمالك
منـار وشياطين الدنيا تجمعت برأسها أعطتها لكمه وكانه يد مو بنت كانه يد ولد
منـار اللي وجها حمر من العصبيه : تقلعي من وجهي لا ولا وربي تطلعين من الجامعه جنازه
مشت ودقائق تجمعوا صديقاتها على منـار
اللي جواتها نار ولا انطفت من لكمتها ودها باقي تكلم : نعم واقفين قدامي تبون مثلها يعني
البنت :يعني وش بتسوين
منـار بستفزاز: ببوسك ياشيخه ،وقربت منها ومسكتها من شعرها ويدها على فكها :اجل وش باسوي
البنت بانت على محلامها الخوف وغصب تتكلم من قوة مسكت منـار بيدها : ايه وش بتسوين يعني بتقتليني يا سخيفه
منـار وبعصبيه فكتها ودافتها وطاحت بالارض بقوه على ظهرها والبنت اللي طاحت ولا قدرت تقوم وثواني أغمي عليها البنت وصديقاتها خافوا من منـار وراحوا لها ،،تجمعوا عليهم البنات والأولاد وجوا حراس الامن وكمان مدير الجامعه الجامعه اللي صارت كارثـهه وفوضه دقايق معدوده وأسعفوا البنت وجت الشرطه واخذ منـار،،منار اللي كان لا احساس ولا ضمير ولا كانها سوت شى
{عند سـند }
صحى من نومه ولف وشاف ريان صاحي تنحنح وقال بمزح : معك معك في السرا والضرا
ريان اللي لف عليه وضحك : هالله هالله والله صراحه ماهقيتها منك
سـند  قام وسحب المغذي من يده وشاف لسى البدله عليه: تخسيي وتبطئ افا عليك
ريان ببتسامه غمز له : وطلعت تحبّني وتخاف من ورا اخصص ياجبروت
سـند  ناظره بصدمه : ياحيوان استحى على وجهك اللي يشوفك يقول حارمك من حناني
ريان وصار يضحك بأعلى صوته : يعني نقول نوعاً ما
سـند  رمقه وقام ودخل الحمام توضى وطلع يصلي فروضه خلص وقام
سـند  :الحين انا طالع بغيت شى
ريان ولا وده يجلس دقيقه هنا :يعني الحين تقول بتكتب لك خروج وبتطلع وتخليني تخسي والله اني معك والحين تروح تكتب لك ولي ونطلع للبيت مرا وحده
سـند  :بس انت للحين ماطبت
ريان : ياشيخ امش بسس ان ماكتبت لي بقوم الحين وبروح واكتب خروج
سـند  :طيب الحين فيه احد كان جالس من الاهل هنا ولا رجعوا
ريان : شادن موجود والباقي رجعوا البيت بس تلاقيه برا قال جوعان بياخذ له اكل ويجي
سـند  :اك لا جاء خبره انى بنطلع
ريان هز راْسه وسند طلع يخلص الاوراق وعلى مسؤوليتهم بيطلعون ورجع واخذ ريان معه ورجعوا للقصر
{عند منـار بتحديد مركز الشرطه}
زولوف اللي سحبة عبى المحاضره وراحت تبلغ ام منـار وجت ام منـار وكونازي
ام منار"انجلى" لكونازي :ياربي شئون هذي البنت من مصيبه على نفسها
زولوف :كل اللي صار هم جو لها وهم يستاهلون وقليل بحقهم
كونازي : اسكتي انتي الحين مو وقتك الحين لو سجنوها لازم تطلع
انجلى :بدق على جدها لزوم يوصله الخبر اذا ماطلعوها وبانت برأتها
زولوف اللي مو فاهمه شى ومين جدها اللي تقصدها :مين جدها تقصدين
انجلى اللي نست بوجود زولوف : ولا شى اللي سمعتيه ولا كانك سمعتيه
زولوف اللي حست نفسها تدخلت بموضوع مالها دخل فيه لكن الفضول قتلها ومين هذا جدها من هو ووش قصدها ام منـار لان ام منـار ولا كونازي عندهم اباء ...
منـار اللي كانت بغرفة التحقيق بعد ماحطوهت بالنظاره لحد ماوصلهم خبر انه جاء للبنت ليلوناز كسر برأسها
المحققه :وش السبب اللي خلاك ضربينها وتدفينها
منـار اللي كانت ساكته وتناظرها وبكل ثقه ولا كانه مسويه شى
منـار وببتسامه استفزاز: كل اللي بقوله انها تستاهل واللي صار قليل بحقها
المحققه ضربة بيدها بالطاوله وصبرها نفذ من منـار اللي كانت تحاول تحقق عن الموضوع وساكته واخيراً تكلمت وهذا ردها :انا اسألك عن السبب ،،قولي اللي عندك مبرر وسبب ضربك لها واللي فهمته انه دفاع عن النفس ولكن لازم ناخذ منك البراءه لطلاق سراحك او اذا السبب غير مقنع ومعتمده راح تسجنين
منـار اللي كان مو فارق عندها طلعت ولا جلست بالسجن لكن قررت تتكلم ومستحيل تسكت عن حقها او تسجن عشانها مين تكون اصلاً وصارت تحكي لها االي صار
المحققه:ولكن ذا مو سبب قوي عشان يتعرضون لضرب منك
منـار سكتت وبدت تتنرفز وأعصابها باقي اقل من رمشه عين وتنفجر عليها: قلت اللي عندي الحين بتطلعني ولا
المحققه : الصراحه لا لزوم تصحى ليلوناز وتطلق صراحك وكان السبب ماله داعي يتعرض للضرب
منـار اللي تجمعت جنونها برأسها وودها تقوم وتكمل الباقي فيها :اجل توكل عن وجهي الحين
المحققه :ماتوقعت الاسلوب اذا على كذا تستاهلين السجن وقليل بحقكك
منـار وبتتسامه وغمزة لها وثقه: ماتوقع السجن له دخل بالأخلاق وضحكت
المحققه اللي طلعت وأعصابه نار من منـار وأسلوبها اللي يستفز وينرفز ،،انجلى اللي شافتها وهي طلعه وباين عليها العصبيه
انجلى : المحققه الله يسعدك وش صار على منـار
المحققه :صراحه بنتك تستاهل السجن وثانياً السبب مايشفع لها تطلع لانها مال دخل انها تضربهم
انجلى اللي خافت انها منـار تسجن مده طويله وهذا مو مكانها وهي تدري لو مكان البنت اللي استفزوا منـار بتسوي مثلها صارت تناظر كونازي ودموعها بعيونها :انا ادري اللي تسويه منـار عقاب لي
كونازي :اهدي اول شى وبعدين ومنار ماسوت شى ولو بقت بالنظاره حدها ثلاث ايام واذا ماتنازلت حدها شهر وتطلع
انجلى رفعت راسها وكانت تبكي : وليش تجلس اصلاً سوى شى خلوها يطلقون سراحها بريه بنتي انا ادري انهم استفزوها وتعرفها ماتحمل وتاليها اللي صار
كونازي : راح انتصل بجدها الحين ،، زولوف هنا ماتت فضول ونفسها مين هذا جدها تعرف قررت تروح تطلبهم تشوف منـار واكيد منـار تعرف مين جدها واللي يتكلمون عنه كيف ماتدري
كونازي اللي دق على ابو غصان "كسار" وعلمه بالسالفه
___
عند الجد كسار طلـع من مكتبه وواضح الغضـب عليـه ومن قوة العصبيه مو شايف اللي قدّامه قابل عبدالمجيد الـلي داخل البيت وتوه راجع من الشركه ،،عبدالمجيد اللي انتبه لا ابوه
عبدالمجيد بقلـق :ابوي خير ماشر وشبك معصب
الجد كسار : امش معايه اعلمك بالسياره اطلع قابلي وقول للسواق يجهز السياره ودق على المحامي يجي الشركه
عبدالمجيد الي مو فاهم شى لكن متاكد انه مليون بالمئه فيه مصيبه دام ابوه معصب لهدرجه راح يمشـي وبسرعه نادا السواق وجاب السياره ركب ودق على المحامي يجي الشركه
عبدالمجيد اللي يحاول يتذكر شى يتعلق بالشركة لكن مافيه شــى دقايق وجاء الجد كسار ركب
عبدالمجيد بفضول :ابوي ايشش السالفه وش صاير