غمضت عينيا بقوة..جابها لروحو..مصر ميخلينيش نروح حتى ####..فلحظات رجعتلي صورتو و هو يديرلها فالسنسلة بين عينيا..كبست على يدي بكل قوتي..معندوش الحق يقيسها..ولا يدنا ليها لهاديك الدرجة..معندوش الحق يشم ريحتها ولا يتنفس من هواها..معندوش الحق يقيس شعرها ولا حتى شعرة منها..معندوش الحق يدنا جيهتها..فيرا ملكي انا..انا و برك..حسيت ناااار و فورت فياا..ناوي على اخرتو..تلفت ليه..اول ما لحق لعندي..رفد يدو باش يردلي الضربة..اول ما لحقت يدو لوجهي..بحركة خفيفة شديتو من يدو لفيتها على ظهرو و طبعتو عالحيط..جبدت سلاحي بالزربة..موجهو ليه..تلفت ليا..تبسم على جنب..نسمع فصوتو مورايا..
امين: هشام ### وااااش راك دير
مرديتلوش..جيست مركز معا ### لي قدامي..راصي يقولي نفرغ فيه سلاحي كامل..ضحك..تف فالارض يحكي..
مهدي: تعرف مليح انو مشي فصالحك تقتلني
انا: هههه و تعرف مليح انو عمري ما خمم فصلاحي لي تضرب فمخي نديرها
مهدي: ممممم اقتلني و كي يسقسوك علاه قتلتني قوللهم خاطر فيرا كارهتني و راحت لعندو
غمضت عينيا بالقاوي و رجعت فتحتهم..نحاول نتمالك اعصابي..الفرخة قايلتلو انها تكرهني..كبست عالسلاح فيدي بكامل قوتي..رجع حكا..
مهدي: تهمك لهاد الدرجة ؟
يدي رعشت..عضيت على لساني مالداخل..نحاول نهدي روحي قد ما نقدر..حطيت يدي عالزناد..تبسمت على جنب نحكي..
انا: مشي شغلك و...
قبل ما نرجع نحكي..حط امين يدو على يدي لي شادة السلاح فكو مني بالزربة..يتمتم فودني..
امين: دين ### بلللع رااح تفضح روحك تحصلك روووحك و تحصلهاا معاك خمم فيهاا
غمضت عينيا بقوة..جات صورتها بين عينيا..اي غلط مني دك راح يرميها للهواية..جبدت روحي منو بالزربة..رجعت بعينيا لمهدي..رفدت يدي فوجهو..
انا: نزيد نلقاك قدامها ####
مهدي: هههههههه نشوفو
ڨحرتلو..جبدت سلاحي من يد امين..و عطيتهم بالظهر..كون مدخلش منعرف واش كنت حنعمل فيه..مكنت نفكر اصلا..تمشيت حتى لدخلة تاع لوتال..عقدت حواجبي و انا نشوف فرجالي مخرجين زوج لابسين لبسة لوتال..قربو ليا..
انا: شكون هادو ؟
_بوس هادو من اتباعو كانو يعسو فلوتال..حكمتهم عيون الجليد
عينيا وساعو..رمشت عينيا نحاول نستوعب كلامو..
انا: كيفاه ؟
_كانو حابسينها فبيت لفوق و هربت منهم واحد ضرباتو فالبيت و الثاني لقيناه مرمي فالاسونسور ،فمي تحل..غمضت عينيا بالقاوي و رجعت فتحتهم..مشي مصدق لي نسمع فيه..من جيهة مصدووم من عملتها..و من جيهة نحس فنار فورت فيا اكثر ما راهي شاعلة..مزدت حتى كلمة..زربت بخطواتي لطونوبيل..حسااابي معاااها..تي الفرخة على شوية كاااانت راح تروح فيها..ركبت و طرت بيها..ديراكت لعندها..الا ما نخرج فيها هاد لعمايل وحدة بوحدة..كبست عالفولون بكل قوتي..مفهمتتتش واش جااب ### مفهمتش بواش من عقل كانت تخمم وقت لحقتني..فكرة انو كان ممكن تصرالها حاجة خرجتني من عقلي..نسوق و طاير فالطريق..الاما نتفاهم معاها..
فيرا تحكي:
رميت يدي للمنشفة جبدتها ليا..خرجت من تحت الماء..لفيتها على بدني..يادوب مغطية اللازم فاللازم حوايجي نسيتهم برا..خرجت..وقفت عند لمرايا..رفدت يدي مسحت الضباب لي عليها..تبسمت و انا نشوف معا روحي..راضية على نفسي لاقصى درجة..عمري ما كنت فخورة بنفسي و واثقة بروحي لهاد الدرجة..منيش مصدقة اني درتها و قدرت نسلكو مالموت..يمكن هادي احسن حاجة درتها فحياتي كامل..كون صراتلو حاجة انا مستحيل كنت نقدر نعيش..تنهدت..منيش حابة نخمم فهاد الاحتمال خاطر مجرد التفكير فيه يخلي قلبي يعصر عليا..رفدت يدية رديت شعري لتالي..تلفت للباب..فتحتها..خرجت..اول ما طلعت راصي طاحت عيني في عينو..عينيا وساعو..بحركة لا ارادية حطيت يديا على صدري نغطي فيه..
انا: هشاااااام اخررررج وااش رااك دير هناااا
مردليش..هزني و حطني..عينيه حسيتهم عراوني..يشوف فيا ملفوق للتحت..قرب بخطوة ليا..رجعت بخطوة لتالي..نحكي
انا: ه هشام
مردليش..جيست يقرب ليا..حسيت بظهري وقت تخبط فالحيط..غمضت عينيا بقوة..مبقاش عندي وين نهرب..فتحت عينيا بلعقل وقت حسيت ببدنو لي لاسقني..و نفسو لي فوجهي..طلعت راصي ليه شوية..مبقاتش مسافة بيناتنا..رفدت يديا بالسيف حطيتهم على صدرو نحكي..
انا: ه هشام ب بعد
شدني من يديا لي على صدرو..يديه باردين ڨلاااس..قرب ليا اكثر..حط جبتو على جبهتي..نيفو على نيفي..النفس تقطع عليا..قلبي دق بالقاوي..
هشام: واش درتي
صوتو خرج ببحة غريبة..خرج هادي و باين عليه الزعاف فنفس الوقت..بلعت ريقي بالسيف..فهمت قصدو..
انا: و والو..هشام ب بعد
على كلمتي لسق فيا اكثر..حط يدو على كتفي العريان..نزل بيها على طول يدي بحركة بطيئة..جسمي قشعر..وصل بيدو لخصري..لف يدو عليا طلعني ليه حتى وليت معاه فالطول..موليتش نحس بالارض تحتي..طاحت عيني فعينو..عينيه لڨري يلمعو..يلمعو لمعة غريبة خلات قلبي ضرب بالقاوي..حط يدو على شعري لي من قدام..رفدو بين صبعتيه يحكي فودني بصوت هااادي علخر..
هشام: مسلك شعرك هكا هو
مرديتلوش..غمضت عينيا بالقاوي..يمكن لوكان مكانش رافدني راني طحت..رجعو للور..دخل يدو وسط شعري..كبس عليا..عضيت شفتي و رجعت راصي لتالي ملوجع..
انا: اااه هشام و وجعنني
حط راصو على رقبتي..و طلع بيها حتى ودني جسمس قشعر..كورون سرا فيا
.يحكي..
هشام: نحلفلك و يزيد يقيسك غير تخلصيها غاالية
صوتو هاد المرة خرج بزغاف..بنبرة تهديد.. غمضت عينيا ملوجع..مقدرتش نردلو..مقدرتش نخرج لكلام..قلبي نحس فيه يدق بالقاوي..رخف يدو على شعري..نزل براصو لرقبتي فوق كتفي..حط نيفو يعدي فيه و يحكي..
هشام: ريحتك بنينة..
قلبي حسيتو ضرب ضربة وحدة..رفدت يدي بحركة لا ارادية شديتو من شعرو متالي نبعد فيه..
انا: ه هشام ا ابعد
مردليش..قبل ما نرجع نحكي محسيت غير بسنانو لي خترقو رقبتي..قبل ما نلحق نعيط شدلي فمي بيدو..عينيا خرجو ملوجع..كبست على شعرو بزوج يدين..نجبد فيه..و هو والو..متحركش..دموعي نزلو..اول ما حس بدموعي على يدو..جبد سنيه بلعقل..بعد وجهو من رقبتي..و بعد يدو على فمي..حط يدو على وجهي..يمسح فدموعي و يحكي..
هشام: اشششش علاه راكي تبكي
مفكرتش مرتين..ترميت فحضنو..لفيت يديا على ظهرو..نبكي بالشهقة..حط يديه على ظهري متالي..كبس عليا..
انا: و وجعتتتتني
كبس عليا اكثر..
هشام: باش تترباي و كلما تجي تديري حاجة تتفكريها..
غزلني..كلامو غزلني..جبدت روحي منو شوية حطيت يديا على صدرو طبعتو..
انا: بعددد علياا اخرررج متحكيش معايا..
بحركة لف يديه على كرشي..رجع جبدني ليه..قبل ما نلحق نستوعب واش دار..حسيت بشفافو لي تحطو على رقبتي بلاصة العضة..غمضت عينيا بالقاوي..قلبي رعش بين ضلوعي..شفافو سخووني..باسني بلعقل..غمضت عينيا بالقاوي..جبد روحو بهدوووء كأنو متعمد يعمل فيا هكا..قلبي نحس فيه راح يخرج مبلاصتو..بعد شوية..و انا مزال مغمضة عينيا..حطني بلعقل عالارض..فتحت عينيا شوية..طاحت عيني فعينو..يشوف معايا و يضحك..فقت على روحي..حطيت يديا على صدرو طبعتو لتالي..نحاول نبعد فيه عليا..نحاول نخرجو قبل ما يحس بيا..قبل ما يحس بقلبي لي يدق فوجودي و بدني لي يستسلم ليه و لمساتو..
انا: بعد عليااا بعد
تبسمت على جنب..رفد يدو عدا صوابعو على خدي بخفة..يحكي
هشام: امسحي ## الدمووع منزيدش نشوف ####
ڨحرتلو نحكي..
انا: مكااان ما دخلك اخرج
رجع قرب ليا..حصرني معا الحيط بين زوج يديه..
هشام: مكانش هادا كلامك مقبيل
رجليا حسيتهم ترخفو..رفدت يدي بالسيف حطيتها على صدرو..
انا: و انا دك قتلك اخرررج
تبسم بخبث..عقدت حواجبي..قبل ما نسيي نفهم سر التبسيمة هادي..بحؤكة خفيفة رمى يدو للمنشفة..جبدها..نحاهالي و عطاني بالظهر..عينيا خرجو..عيطت بكامل صوتي..حطيت يديا على بدني نغطي فروحي..
انا: هشاااااااااام وااااش درت
ضحك بكاااامل صوتو و هو عاطيني بالظهر..رجعت عيطت..
انا: اخررررج
هشام: ممم شفتيني شحال محتشم ديتها و درت..بصح واش رايك ندور ليك دك
رجليا ترخفو..جيت طايحة اجونو عالارض..نترعد..
انا: هشااام اخرج
صوتي خرج يترعد..خلى الضحكة تاعو تتمحى..حسيتو تخلع..حسيت بيه..كان راح يدور..رجعت عيطت..
انا: مدووورش..مدوورش مبيا والوو
هشام: متأكدة ؟
انا: مممم اخرج
هشام: البسي بالزربة دك تمرضي و نشفي شعرك
مرديتلوش..جسيت مركزة معاه..رمى المنشفة ليا و تمشى للباب..حط يدو عالبواني..يحكي..
هشام: والله ما عطاني قلبي نخرج
انا: هشاااااام
هشام: ههههه راني رحت
فتح الباب بلعقل..يلعب بأعصابي..خرج و غلقها موراه...تنهدت براحة..رفدت روحي نجري للخزانة..مفيهش لامان قادر يعاود يدخل فاي لحظة..لبست بالزربة..اول حاجة جات فطريقي..تكيت عالخزانة نرد فالنفس وقت كملت..مزالني نترعد للدك..رفدت يدي بالسيف حطيتها على رقبتي..منحرف..تبسمت تلقائيا و انا نتحسس فبلاصة البوسة..قلبي مزالو يخبط..مزلت لتو نحس بيه و بيديه..مزلت نحس بنفسو فوجهي..و بضربات قلبو..منيش مصدقة انو بدني خاني قدامو و ستسلملو..منيش مصدقة انو قلبي تناغممعاه و معا كل حركة منو..تنهدت..احاسيس مخلطة قاعدة نحس بيها..فرحة و خوف..قلبي يقولي استسلمي ليه و عقلي يقولي بالاكي فيراا..باالااكي ديريها..
خذيت نفس طوييل نبعد فهاد الافكار..معادش يهمني..راح نعيش كل نهار على انو الاخير..موليتش حابة نفكر فلي جاي..قربت للمنشفة رفدتها نشف فشعري..رديتو لتالي و رميتها فوق السرير..قربت لباب فتحتها و خرجت..نزلت لتحت..نحوس عليه لعينيا..قربت لصالة دخلت..طاحت عيني عليها..قاعدة عالفوتاي تقرا فكتاب..
انا: خالتي
اول ما سمعت صوتي طلعت راصها ليا..حطت لكتاب من يدها..
وردية: وي بنتي
انا: مكاشو ؟
وردية: شكون
بلعت ريقي..نزلت راصي نلعب بصوابعي عارفتها متعمدة تحشمني..سمعتها وقت ضحكت تحكي..
وردية: كان راح يقعد للعشا..اما جاه تيليفون قام راح
طلعت راصي ليها..سقسيت من غير ما نفكر..
انا: ليديا عيطتلو ؟
وردية: نو منظنش..اكيد الخدمة
انا: ممم
تبسمتلي..عارفة مخها وين داها..اصلا منهار لول شاكة فيا..رديتلها التبسيمة..تلفت خارجة..زعما صح خدمة..زعما متكونش هيا..و ادا حكاتلو لي درتو فيها..زعما راح يزعف مني ؟..قطع سلسلة افكاري صوت الباب..عقدت حواجبي قربت ليه..مكاش شكون لي يجينا دك..فتحت الباب..عينيا وساعو و انا نشوف فيه..
انا: مهدددي
تبسملي يحكي..
مهدي: جيت نطمن عليك
بلعت ريقي بالسيف..الا ما يدبحني هشام..حكيت بالسيف نحاول نهدي روحي..
انا: اتفضل ادخل
مهدي: ههه نو منحبش هاد الدار..خلينا نحكو فلجنينة
تبسمتلو..هزيتلو براصي ايه..خرجت و غلقت الباب مورايا..تمشى بخطوات قبلي..وقف فالوسط و وقفت قدامي..نسمة هواء باردة تضرب فيها..ضميت يديا لصدري..تلفت ليا يحكي..
مهدي: خفت عليك وقت شفتك صباح هربتي تجري منو..دارلك حاجة ؟
انا: نو عيط عليا برك
قلب عينيه..نفخ بالقاوي..
مهدي: وي عادتو يحب يتأمر
انا: ههه وي
مهدي: متوقعتكش تعيشي فهاد الدار
انا: علاه متحبش دار هادي
مهدي: ههه باينة خاطر دارو
انا: ااه وي..سكنت فيها غير خاطر مكاش وين نسكن
مهدي: وي عارف..لمهم انا طمنت عليك..الاحسن نروح دك..
انا: بهاد السرعة ؟
مهدي: ههه وي منحملش البلايص لي فيهم ريحتو
ضحكت..رجع حكى
مهدي: واش رايك تجي معايا غدوة ؟
انا: وين ؟
مهدي: بلاصة خاصة..و متأكد راح تعجبك
سكت شوية نخمم..يمكن تصحلي فرصة غدوة اني ندي تيليفونو..يمكن هادي هي فرصتي..رجعت حكيت
انا: ممممم ادا هكا انا موافقة
تبسم..حط يدو على كتفي..تهزيت و تنفظت..والله يقتلني هشام قلبي نحس فيه راح يخرج مالخوف..بلعت ريقي بالسيف..نسمع فيه..
مهدي: ميرسي مرة وحدوخرا لوكان مجيتيش رانا ميتين
انا: و واجبي..
تبسملي..جبد يدو..ودعني و راح..بقيت نتبع فيه بعينيا كي ركب..عملي باي باي مالطونوبيل..رفدت يدي بالسيف روشتلو..ديمارا و خرج..تنهدت براحة..قريب مت من خوفي..رجعت دخلت لدار بالزربة..اول ما غلقت الباب جات فوجهي..تهزيت و تنفظت..
انا: خلعييتيني
وردية: نااوية على اخرتك..كون يسمع هشام يقلب الدار فوق راصك
انا: هو لي طلللب مني
وردية: محسوب كون تقوليلو هاد الهدرة راح يفهم هاكي شفتي الخريطة لي دارهالك فرقبتك
عينيا وساعو..رفدت يدي نجري حطيتها عليها..متوقعتهاش باش تنتبهلها..وجهي حسيتو راح يطرطق مالحشمة..ضحكت على جنب..مقدرت نزيد حتى دقيقة قدامها..جبدت روحي منها و طلعت نجري..نسمع فيها تضحك..محاولتش حتى ندور..دخلت للبيت..ترميت ديراكت عالسرير..تبهدلت..رفدت يدي حطيتها على رقبتي..هو منحرف و خامج فمخوو انا نباصي بيه..تبسمت تلقائيا..كرشي دغدغتني وقت تفكر مقبيل..بزاف اسئلة فراصي..زعما يحبني..واش تفسير تصرفاتو معايا..علاه يعمل فيا هاد الشئ..و ادا كان يبادلني الشعور علاه مهدرش..واش حيكون مصيرنا..منعرفش..كلش نعرفو اني نعشقو..ضحكتو..عينيه..كلامو..حتى زعافو..حاجات انا ادمنت عليهم و رجعو يمشولي فدمي..انا عايشة بيه و ليه..منعرفش كيفاه حيكون مصيري..ليوم هنا يمكن غدوة منكونش..تبقى لعبة الموت..و كل واحد عندو هدف..لي نعرفو اني مستعدة نموت على خاطرو..و عمري ما راح نتخلى عليه..ولا نطلق يدو..يدو لي مزال حتى معطاهاليش..و لي محرم عليا حتى اني نقيسها..
★★★
الحلقة😙..
رايكم و توقعاتكم 💋
تصويتاتكم😑
YOU ARE READING
عيون الجليد
Action_______❄عيون_الجليد❄______ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطالية أن العميل اذا مات تتولى مهامه زوجته..و تعرف بعدها بإسم عيون_الجليد _انطلاقا من هاذ القانون فصووول قصتنا راح يبد...
