المجنونة والملتزم

الحلقة الاولى 💙

عسلامة الناس الكل ...عيدكم مبارگ كل عام و انتم بالف خير ..ينعاد عليكم بالصحة و الهناء ...بش نوضح نقطتين .
#النقطة_الاولى: كرونيگ قيد الكتابة ...بلا كملي كملي .
#النقطة_الثانية : تعليقاات في الريبونص
هاني جيت و جبت معااايا جزء الثاني من كرونيگ #وقعت_في_حب_سلفية ...تحت عنوان :
❤#المجنونة_و_الملتزم❤
#الحلقة_الاولى
متربعة ع فراشها ..هازة شعرها طومات بطريقة عشوائية ... و خصلات نازلين ع جناب ..يدها ع خدها ...عيونها مركزين ع كتبها و پولي كوپ الي محوطين باها ..تمط في شفايفها للقدام الي هازة باهم ستيلوا ...تحس في روحها داايخة من كثر ما دقت في الوراق ..مش مستوعبة شي..مخها مركا erreur...نفخت تتأفف فادة .
ميران حضنت راسها بين يدياتها :اووووف شنوى هااا تخربيط روينة  ...ماعدتش فاهمة شي ؟! اااه ياااربي !!!
سمعتها هزت الغطا ع راسها ..فتحت عيونها ذابلين من النعاس ..خزرتلها .
وفاء: اووف منگ يااا ميرو ...ما درست ماخليتني ناام .
ميران : فديت رااني والله ...لو معنديش كنترول تلقانيش ساهرة و نكسر في رااسي ...عقلي مش مستوعب .
وفاء: انتي اينتا فهمت و درست ..و اليوم جاتگ ع دراسة ؟!
ميران : سد لغبگ ..ناقصني كلامگ انتي .
وفاء: راه حداش ليل ...عيش اختي اقفل الضو ..خليني ناااام .
ميران نطت من فراشها للأرضية تنط هنا و لهيه : لقييتها ..اااااه قداااشني دغفة !!
وفاء باستهزاء: صباح النور هذا وين وعيت ع روحگ دغفة !!
ميران قحرتلها ..مبوزة شفافها : تعد كلام مثل هذا ...نتفگ فااهمة !...ختك الكبيرة احترمني !؟
وفاء: انتي قلت ع روحك مش انا 😏 ..انا أيدت فقولك بركا ...قلي شنوى الي لقيتها !!
ميران بابتسامة حلوة ع شفافها : نسيت الي يوسف يدرس هندسة مدنية ..و انا بش نمشيلوا يساعدني .
وفاء تقعدت في فراشها تخزر لاختها : رجعنااا ...لسيرة يوسف !! ..ابنتي خلي عليگ طفل ...شفتش كيفاش يرمي في الكلام عليگ ماهي مرة ماهي ثنين  بش ما تقربلوش ؟!
ميران عوجت شفافها ..تجاهلت كلام اختها ..كأنها ماسمعتش و طرشت ...لبست بنتوفتها ...قصدت الخزانة جبدت فاست صوف لبستها فوق البيجامة .
وفاء: اااي انتي وين ؟!
ميران: طرشت ؟! ...ماشية عند يوسف .
وفاء تلفتت لاها بزربة عيونها مفتوحين ع وجها ملامح الدهشة : اركح مكااانگ اا بنتي ...راااهو ليل !!
ميران تهز في كتبها و پولي كوپ : ماشية نقرا مش نلعب .
وفاء: والله ...عارفة دراستگ كيفاش
..شد مكانگ و ارقد بلا لعب...زعما راگ كبيرة !!
ميران : انتي بش تغطي عليا فااهمة ؟!
وفاء كتفت يدها : لا امبوسبيل ...نمشي معك في الخط .
ميران قحرتلها : زمر ...هنسألك لاخر مرة ..تغطي غ غيابي و لا ؟!
وفاء بحدة و جدية : لاااا ...لاااا ..و ختمها بنظرة ثاقبة .
ميران هزت مخدتين رحكتهم في مكانها : بااهي يا لالة عندك تجني شي نهار و تطلب مساعدة مني ..هزت الغطى غطات باه هذوك المخاد .
وفاء نفخت و غمضت عينيها : باهي باهي ...امشي و انا بش نغطي عليك .
ميران تبسمت بالنصر و رقصت حواجبها ...دورت ساقيها هزت دوزنها في يدها ..فتحت الباب خزرت يمين و شماال: غطي ع غيابي 😏...بيدما رجعت ...مااشي !؟
وفاء نفخت عارفة اختها وقت تحط شي في راسها ماتتهنى حتى تعملوا : قتلك بااهي  برااا .
ميران تبسمتلها رسلتلها بوسة في الهوا و خرجت ع طراطش صباعها ..خايفة اذا يفيق باها بوها و لا امها ..هزت المفاتيح من طابل ...غلقت الباب بلا حس ...ضربتها نسمة باردة ...تكشمت وسط فاست صوف حاجة يدياتها لبعض ..دنيا ليل الحي منور بالاعمدة الانارة ..نجوم و البدر متوسط سما..بن آدم مفماش براا ...من غير قطااطس الي تتعوا ..هزت ساقيها للحي الثاني ..مرة ع مرة تلفتت لوراها خايفة ...لين وصلت لبيت معشوقها ...طفل الي فتحت عيونها علاه .
..حبها لاه تغرس في قلبها و هي صغيرة ..هزت عينيها وين بيتوا ...ضو خاافت خارج من شباگ ...هزت حاجبها تخمم في الي مسهروا لتوا !! ...تلفتت ع جنابها يمين و يسار ...طبست هزت حجرات صغار في يدها ...حط كتبها ع جنب ...تبسمت ع جنب ...رجعت يدها لتالي و سيبت الحجرة ..جات ديراكت في شباگ هزت حواجبها يتراقصوا فرحاانة .
ميران كمشت يدها بوكس هزت في سما و نزلتها جاست هذي 💪: ايييي  برااافو ..دقة التصويب .
شاعل ضو الفيوز الي منور البيت ...مثبت مع البيسي الي في حجروا ...ستيلوا في يدوا ...يسجل في ملاحظات الي تساعدوا في ميموار ..سمع شي ضرب في شباگ ...تجاهلوا محسوب قطة ..و رجع مركز مع الي قداموا ...لين عاود سمع حجرات في الشباگ ..نفخ رجع شعروا لتالي ...فتح الشباگ و طل من البالكون ...قابلتوا لتحت تنط و تريش بدياتها .
يوسف عينيه تبحلقوا ..ملامحوا غزاتهم الدهشة مصدوم ...صاح : ميرااااان ؟!!
ميران حطت صبعها ع فمها : اششت ياااا زمر بلا مااا تصيح ...توا تفياق الجيران .
يوسف : اش تعمل عندگ و علاش خارجة عڨاب ليالي ؟!!
ميران حطت يديها توال ثغراها بش صوتها يعمل صدى و يتسمع ..بحال المكبر الصوت...نطقت بصوت مهموس: افتحلي الباب ...نحتاجگ .
يوسف شورلها بيدو (جاست متاع روح ) : برااا ارجع للبيت .
ميران : انزل افتحلي الباب .
يوسف: مانفتحش برا ع روحگ .
ميران هزت حاجبها فاه : مثبت ماتحلش الباب !؟
يوسف : اهيه مثبت ..هبلتي انتي .
ميران هزتلوا كتافها : باهي .
يوسف تنهد ..و هي نحات الفاست متاعها حطت فاها كتبها و وراقها ...عملاتوا كيف رزمة (موزيط ههههه ناس بكري يقولها ) علقاتوا ع ضهرها ...بدات تشبط و تسلق  مع أغصان الشجرة  زي القرد ...يوسف حل عينيه صحافي من هبال طفلة هذي .
يوسف: اش تعمل ا مجنونة براا..ارجع من جيت .
ميران  هبطت نظرها ..تشوف وين تركز رجلها ...و رجعت هزت نظرها فاه: اسكت علياا ...انا نوقع .
يوسف : يااااربي صبر من عندگ ...لا حول و لا قوة الا بالله العلي العظيم .
رجل برجل ع شجرة تشبط و تعلق زي القرد..لين وصلت للبالكون ...حطت ساقيها ع حافة البالكون ...و يديها ع البوردااج .
ميران مدتلوا يدها ...تذبل في عيونها : ساعدني !!
يوسف خزرلها ..رجع تلفت : يخلق الله من شبه الاربعين (يقصد زيها زي القرد هههه).. استغفر الله ...ربي يهديگ و يخفف عليگ ...اش ما جايبگ ؟!
ميران طلعت و نزلت صارت في البالكون : تراا فياا مجنونة ؟!
يوسف : برا ارجع لبيتگ ...توا عمي آدهم يتحير عليگ .
ميران مشات متجاهلاتوا قعدت ع الفراش : ايجاا ايجاا ...تخافش مش حيلاحظوا غيابي ...اصلا خليتكم داخلين في سبات .
يوسف عطاها بالظهر : ما يصريش ..شي الي تعمل فاااه غلط كله من الاول لتالي ؟!
ميران هزت حاجبها : وقت تتكلم ماتعطيش لغيرگ بظهرگ ...شوف في وجهوا ...شنوى قلة ت ....بلعت ريقها لا ستوعبت شنوى كانت حتقول : اوكي ...قلي شنوى الي نعمل فاه غلط ؟!
يوسف : خروجگ من البيت  ..و جيتگ عند ولد في عڨاب لياالي  عازبي ..تخافش ع روحگ..ولا ع كلام كون يراك شي حد  ؟!
ميران : بفففف ندمتني ع دقيقة الي خممت نجيگ فااها ..و جيتگ بيسگ احتاجتگ ..مي تبانلي قلقتگ ...سامحيني ع ديرونجموا ...هااني ماااشية ...هزت ساقيها للبالكون .
يوسف نفخ ...حگ مقدمة لحيتوا و تكلم : باااهي بااهي ....ايجا قلي شنوى تحتاج !!؟..لا قدرني الله نعاونك .
ميران تبسمتلوا : تفهمني في موديل MDC .
يوسف: باهي ..تعالي اقعد .
هزتلوا براسها فرحانة ...هزت كتبها و راحتلوا قعدت بحذاه ع طاولة .

#نهال_أنصاري .