عسلامة الناس الكل ...عيدكم مبارگ كل عام و انتم بالف خير ..ينعاد عليكم بالصحة و الهناء ...بش نوضح نقطتين .
#النقطة_الاولى: كرونيگ قيد الكتابة ...بلا كملي كملي .
#النقطة_الثانية : علقو وطاقيو صحباتكم يقرو
هاني جيت و جبت معااايا جزء الثاني من كرونيگ #...
في الكوزينة حلت الفريڨوا ...هزت دبوزة الما ..و خرجت تسحب في رجليها ..سمعت الباب وقت تقفل ..ثبتت نظرها عند الباب ..ضيقت عينيها تتأكد ملي تشوف فااه ...هزت حاجبها مستغربة ..خرج صوتها ببحة نوم .
هناء: ميراان ؟!
ميران حبست من حركة ...لونها تخطف ..قطرة دم مابقاتش في بدنها من الفجعة ...عضت ع شفافها ....غمضت عيونها..و رجعت تلفتت لمصدر صوت أمها .
ميران بلعت ريقها و نطقت : أمي .
هناء قطبت حواجبها :شنوى تعمل عندك؟؟ وين كنت ؟؟
ميران تمهمه : امي هو هو ...امي وين عندي نروح ..اطلع تكمل نومك الوقت توخر .
هناء: ع هذيكا سالتك ..علاش فايقة لتو ؟؟ ميران لعبت بعينيها يمين و شمال..مشات لامها : كنت في طالة نراجع دروسي لكنترول ..وقتها جاني صوت من برا ...ياخي لقيتها قطة ...هزتلها شويا حليب...ماطوعنيش قلبي نخليها للجوع مسكينة ...تذبل في عويناتها
هناء تبسمت مسحت ع شعر بنتها بحنية : مولات القلب الحنين .
ميران: و انت علاش ساهرة لتوا ؟!
هناء: خاص العمية غير الكحل ..قمت من نوم عطشانة .
ميران: صحا العوينة .
هناء: اطلع ترتاح بنتي ..الوقت توخر بش تصبح اون فورم و تنجم تركز .
ميران : حاضر .
هناء: الله يوفقگ .
ميران: امين ...ع خير امي .
هناء: ع خير ....تقدم باست امها من خدها ..و طلعت لبيتها ..لقات أختها فاتحة عيونها سيف علاها تكونكتي .
وفاء قحرتلها :كون قعدت بت ثماگ ..علاش ارجعتي ؟!
ميران حطت قشها ع طاولة ...و رجعت تكات ع فراشها ..رمات بنتوفتها : ماكرهتش نباات بحذاااه ..و نحضنوااا و نشم ريحتواتت ....يااربي قداشني نعشقوااا ❤❤...كون تشوفوا سخطة كل يوم يزيد يزيااان .
وفاء تنهدت بحسرة : ميرو عزيزتي ...حاول تبعد ع يوسف .
ميران:علااش ؟!
وفاء هربت عيونها منها ..تفرگ في صباعها : هاگ .
ميران نزلت حواجبها ...قوصت عينها فاها : انتي تعرفي شي و ماخبيااتوا علياا ؟!
وفاء تربثت : ااه لا شي ..مانعرف شي .
ميران: متأكدة وفااء 😒😒
وفاء هزتلها راسها تتهرب : اهيه ..نعست ...ليلة سعيدة .
ميران : ليلتگ أسعد .
ميران تكسلت في بلاصتها ...تخمم في هذا الحب الي عندوا سنين .. حب طفولة ...حب كبر معاها و فاها ... عشعش في قلبها كل اليوم يزيد يكبر ...عيلتها و عيلتوا اوكل يعرفوا بحكااية حبها و عشقها ...حتى منو هو يعرف و اعترفتلوا شحال من مرة اما يديها ع قد مخها ...اصل تعودت ع معاملتوا معاهت ..من صغرتهم يعاملها ببالجفااء..مش عاطي اهمية لمشاعرها صاافية ....رجعت بها ذاكرة ل15 عام لتاالي .
#نهال_أنصاري
يتبع ....
Oops! Bu görüntü içerik kurallarımıza uymuyor. Yayımlamaya devam etmek için görüntüyü kaldırmayı ya da başka bir görüntü yüklemeyi deneyin.
❤#المجنونة_و_الملتزم❤
رجعت باها ذاكرة ل15 عام لتاالي .
نوقز الجرس ثنااعش منتصف النهار ...طفلة صغرونة تعمل 7سنين تلم في دوزانها بزربة حطاتوا في محفظتها الوردية مزينة بصورة لأميرات ديزني...حطااتوا ع كتاافها ..جرات لكلاص متاعوا لقااتها فاارغة ..رجعت خطفت رجليها خاارجة تجري ترمش في عوينتها ع الاتجاهات الكل بلاكش تلمحوا ..بوزت شفافها بحزن ..دخلت يدها لجيب لابلوز جبدت مصاصة و حطتها في فمها تمص و تمشي تضرب في الحجر برجليها و يد حاكة باها سبتة المحفظة ...لين سمعت صوتوا ..هزت عيونهااتجاه صوت ...بسمة غزات ثغرها الصغرون الي تلون بلون المصاصة ..حطتها في فمها ...و جرات اتجااهوا ضفيراتها يروح شمال و يمين ...حتى وصلت لاه .
ميران نحات مصاصة من فمها : يوسف ..حطت يدها ع كتفوا .
يوسف تلفتت لاها : مش قتلك ماتزيدش تلحقني ؟! علاش تبعتني ؟!!!
ميران قربتلوا شبكت صباعها وسط صباعوا تتبسم بالبرأة : مش ابي و عم آدم قولناا ..ابقوا ديما مع بعض..ووصونا بش نتلهوا ببعضنا ..و مانسيبوش ايدين بعض .
يوسف نطر يدوا ..و خزرلها بغش ..هز يديه و ثبتهم مع صدرها الصغرون و دزها..تشتت ثباتها ..و وقعت في الأرض ..مصاصتها بحذاها ملوثة بالترااب ...دموع تجمروا في عيونها .
يوسف : تزيدش تلحقني ..فهمت !!
هزت برااسها باهيه ..و دموع نزلواا و تشهق ...عطاها بالظهر مااشي مع صحااابوا ...مخليها في الأرض ..يدها وجعتها كفها تسلخ هابط منوا دم ...زاادت في بكيتها ..قامت تنفض في ثيابها ..و رجعت لبيتهم تبكي و تمسح في دموعها بكف يدياتها ...تنهدت بحسرة ...تسلسلت يدها اليمنى تحت مخدة ...ووخرجتها هاازة فوطوهم وهم صغار ...عدات أناملها ع وجهوا و باستوا .
ميران : اينتاااا بش تحس بيااا يااا يووسف .. ...قدر حبي ليك ..راني تشويت في عشقك ..و تكويت في بعدك ...كل سجدة كل ركعة ندعي من الله تكون ليا و حلاالي ..نعشقك يا عسولي هههه...رجعت فوطو تحت الوسادة و غفات في النوم.
بعد ماوصلها دور ساقيه رجع ...طلع لبيتوا ...غلق البيسي متاعوا الوقت توخر ساعتين ليل ..اصلا يحس في نفسوا فشل ..و ماعندوا خلوق و طاقة بش يقرا و يكسر مخوا ...نحى تشيرت رماه ع جنب صدروا ع برا ...بقى غير بسيرفاتمون تمد في فراشوا ...يد تحت راسوا رجل مكسلة و رجل مثنية ...مخوا خادم ..هو عارفها الي هي تحبوا ...من صغرها إعترفاتلوا..ماهي مرة ماهي ثنين ..اما يقولگ حب المراهقة توا فترة تمل مني ..اصلا يحسها بعيدة كل البعد علاه ..مفماش نقطة متشابهين فاها و لا اي صفة من الي يحبذوهم فاها ...هو يحب طفلة رزينة متحجبة عاقلة...و كل خطوة تخطيها تخمملها مائة مرة ...اما ميران طفلة في نظروا خفيفة متهورة ممشاااكسة... تتصرف بلا عقلانية يحسها مازالت صغيرة في مخها طفولية ...عمرها وين و تصرفاتها وين ...حتى انوا تغاضى ع حبها و مشاعرها دفئة و البرأة ...ديما يعاملها بالجفااء عارف بمعاملتوا قاعد يجرح فاها ..اما هذا الحل الوحيد بش يخليها بعيدة علاه و يتلزم بخدوظ الي راسمهم بينهم ...تنهدت تنهيدة طويلة...غمض عيونوا و استسلم لنوم .
#نهال_أنصاري .
Oops! Bu görüntü içerik kurallarımıza uymuyor. Yayımlamaya devam etmek için görüntüyü kaldırmayı ya da başka bir görüntü yüklemeyi deneyin.
