المجنونة والملتزم

الحلقة العشرون🍬

❤#المجنونة_و_الملتزم ❤

#الحلقة_العشرون

يوسف: أختي !!!
هزت أشرف عيونوا فااه ...زاد قحر لنجوظ الي جات بش تتكلم ...مش عاارف علاش متحملش طفل يحكي معها .. و نجود فيسع لمت روحهاا و بلعت ريقها ساكتة ..تتبسم دااخلها حااسة بغيرتوا عللاها ..اما ماحبتش تتأمل بلاااش ...قطب حواجبوا لبعض : نعم اخوياا !!
يوسف : سلام عليكم .
أشرف: و عليكم السلام و الرحمة .
يوسف: ساامحوني كان قطعتكم .. نعرفكم صحاب ميران ..و حبيت نسالكم علااها ..وينهاا ؟!
أشرف : انا ما ندرسش معااهم ...خزر لنجود : ميران وينها ؟!
نجود : خرجت يالله شوياا تمشاات للبيت .
أشرف هزلها براسوا و عاود ع يوسف اش قالت لاه نجود بالباء و التااء .
يوسف تنهد : صحيت ..سامحوني مرة أخرى كان قلقتكم و قطعتكم ع حديثكم .
أشرف : لا مهني اخويا ..ما وقع شي .
يوسف تبسملوا : خليتلكم الراحة .
أشرف : عيشك .
عطاهم يوسف بالظهر مااشي.

أشرف خزر لنجود ع جنب لبقات متبعة يوسف ..كبس ع يدوا ..هز حاجبوا رسم بشمة ع شفافو متهكمة : عجبك ؟!!
نجود خزرتلوا مقوصة عيونها فااه : ااه ؟! شنواا قلت ؟!
أشرف : قتلك عجبك هذااك ؟!
نجود : لاا .. تنهد بالراحة و هي مبعدا خزرت فااه لاقاتوا متبعها و نظراتوا في غير شكل ..تبسمت بالمكر دااخلها و نطقت تلعب بشعرها القصير : هو الصراحة مزيااان كل شي فااه معبر سبحان الي خلقوا تبارك الله علاه ..اما اناا قلبي يحب وااحد الشااادي مش داايها فياا .
أشرف رص ع سنيه من كلااامها تهنى من واحظ خرجلوا الثااني حمر العين فاها : شكونوااا هذاا ؟!! اهدرري ؟!
نجود تجبد علاه بالدم الثقيل عجبااتها حاالتوا : اوووووه علينااا ...تي كاالم تواا..انت علاااش معصب هاااك ؟!!
أشرف مسح ع لحيتوا ..مش عاارف شبيه و علاااه تعصب زياادة : شوف اانجود ..رااك باست فرااند متااعي ... و مااانحبش عليييك ...و تقلقت بيسك خاايف عليييك ..نحبك تحكي و تتبسمي غير ليا...بوووحدي ..غيري لااا ...نحب اناا نكون محور حياااتك انااا بحاالي ماتعرفش ذراري من اخرين .
نجود فتحت عيونها بؤبؤهم توسع ترسمت البرأة فااهم و فجوة أمل تشع منهم ..قلبهاا يدق بالزربة ..نبضااتوا في وذنيها : علاااش هذاا اوكل ؟! ..علااش حاب تربطني كاان بيك ؟!
أشرف ثبت مع عيونها الي خلاوووه يساافر بالبعيد ..حمحم يتقااتل مع الاحاسيس الي جتاجوه...نااكرهم في لحظة هذي : بيسك نشوفك زي أختي الصغيرة .
نجود تلااشى الأمل في عيونها و تلبدوا بالدموع الخيبة ..نطقت بصوت مغصوص : تشوفني زي أختتك ؟؟
أشرف عدى صباعوا وسط شعروا : اهيه .
نجود تبسمت بباهتة : باااهي ..حتى انا ما تأملتش يااسر .
أشرف بعدم الفهم : شنواا تتأملي ..مافهمتكش ؟!
نجود : بلا ما تفهم اصل ما عندك مااتفهم .. توخرت رااجعة للبيت سلاام ..عطااتوا بالظهر تحارب في مشااعرها و دموعها الي تجمروا ع جنب شوافرهاا متهيئين في اي لحظة ممكن ينزلوا .
أشرف مسكها من يدهاا : استنى نوصلك .
نجود نطقت بصوت حاصلة لاها شهقة : لا مشكور .
أشرف هز حااجبوا لما حس باها ..نقز واقف قداامها طلعلهاا رااسها الي محدر في الأرض ..يتفرج مع تقااسيمو : شبيك ؟؟ علااش تبكي ؟!
نجود : تأ شي بعوضة يمكن دخلتلي العين .
أشرف : نجووود ..بلااا ماتكذبي
نجود خزتلوا...جرحها و يسال فاهاا شنوا يبكي فااها ...هي شحال من المرة تلمحلوا بلي تحبوا ..هو كالأطرش في الزفة و لا عاامل روحوا ما يفااهمش ...ملصت يدهاا بعنف ..قطرة التاالية من صبرهاا فاايضت الكااس : شاااادخلك فياااا نبكي و لااا نندب ...اديهاا في رااسك و في سوووقك...خليني علييييك هزت سااقيهاا تمشي بالزرربة قلبهااا وجعها ..اما أشرف بقى مدهوووش من تصرفهاا ..حاب يتبعهاا اماا عرف كون يلحق تزيد تضخم الامور و يمكن يخسروا صدااقتهم الي جمعتهم مؤخرااا ..هزت رااسوا بعدم الاستعااب ..حط الكااسك و ركب موطوره و ديماارا

اماا يوسف كاان شااد طريق ... يخمم في جااست ميراان في بالوا كانت تضحك بركا مش تحكي بجدها...يسوق لين لمحهاا ..ڨارا بالسيارة يتفرج مدهووش في الي يشوفوا ..من كل عقلهااا هذي ...طفلة في 22 تلعب مع بناااات صغاار ...ثنين بنوتاات شاادين الحبل ..و هي تنقز و تهبط تلعب في الحبل و بنات لاخرين يغنواا في غنية ( تفكرت غنية اليزي اليزي دوما في المحطة 🙊🙊🙈🙈🙉..طفولة ياااا زيناااتي ) ..تبسم ع جنب ...متبعها .. البسمة ع وجهاا حتى عيونهاا يضحكوااا شعرها ناازل طاالع كاانت في صورة
طفلة صغيرررة ...مولاات 8 سنوااات ...هذا وين لحقت بااش تعيش طفولتهاا..اما كشر وقت لمح زوج ذراري يتفرجوا معاها يتغمزوا لكن هي مملاحظاهمش ..مخوا هزوا الي هي شاايفهم و عااملة هااك بش تجلب الأنظاار .

يوسف  خزرلها  بغزول : يااخي حاالة ..طفولية ..لوى شفافوا مش عاجبوا الحال و كمل سوقانوا لداارهم .

#نهال_أنصاري