#حلقة_واحد_و_ثمانون : جالسة بحذاه ع طاولة غداء ... تخمم كيفاش تجبدلو لموضوع من غير ما يتغشش ... تعرفو بلخف يقلق ... لاحظها متوترا و ساكتة عرف انو كاين حكاية ... حط مغرفة من ايدو وجبد طبسي ع جنب ... حط ايديه ع طاولة مربعهم
سليم : شبيك ساكتة ظاهر فما حكاية
مريم : لا شي ... كنت تايها برك
سليم : احكي شعندك ... نعرفك وقت تسكت يعني فما موضوع
مريم : باهي .... لحقيقة صباح جاتني كريمة صحبتي عرفتها ؟
سليم : مرحبا بيه ... هيه كمل
مريم : جات خطبتني في يسرى
سليم : شنيااا ... مش ولدها معرس و عندو صغير ؟
مريم : صحيح ... اما مرتو توفات
سليم : نفهم من كلامك انو حابين يسرى تتزوج براجل ارمل و فوقها عندو صغير
مريم : يخي نرمال مافيهاش عيب
سليم : لاا انا مش موافق
مريم : علاه بربي ... طفل قاري و مثقف و بخدمتو و بدارو شنياا لعيب فيه ! شنيا خصو ؟! .... ولا ع خاطر مرتو توفات و خلاتلو طفلة صغيرة ؟
سليم : هييييه
مريم : حط في بالك انو اعمار بيد الله سبحانو ... مراة وصلت ساعتها وتوفات هو شنيا يعمل راح يشد روح متاعهاا قبل لا تطلع ؟ ولا راح يعلم لغيب وقت مشا يتزوج بيهاا انو هي باش تموت وتخلي وراها طفلة صغيرة
سليم : ....
مريم : حط في بالك يا سليم انو شي لي قاعد دير فيه غلط كبير ... انت هكذا راح تحرم بنت خوك من انو تبني عايلة لي تحرمت منها ... واذا تزوجت بوائل نظن انو مفيهاش عيب ... بلبعكس خي باش تفرح لانو باش تعاون طفلة صغيرة وتعوضلها حضن ام لي فقداتو ... لانو يسرى هي لوحيدة لي تقدر تفهم وصال و لعكس ثاني يمكن يسرى تلقا دفئ لي محرومة منو عند وصال و وائل... ولقرار يرجعلك
سليم : وانا لي عندي قلتو
مريم : نعرف فاش قاعد تخمم ... وانا من تو نقولك انسا انك باش تفرق بين محمد وآية ... لولد ختار مرتو بإيدو... و هو راضي بزواجهم وفوقها يحبو بعض ... وانا مش راح نسمحلك تفرق بين ولدي وبين بنت أختي ... اذا خممت فيها باش تلقاني في وجهك وباش ننسا اني مرتك
قامت من مكانها متوجهة للكوزينة تغسل لماعون ... مخليا وراها سليم غاطس في افكارو ... كل كلمة حكاتها صحيحة ... وعندها لحق فيها تو عوض ما يفرح لولدو و بعرسو قاعد يخمم يفرقهم ... قام من مكانو متوجه لصال دوبان ... توضا و فرش سجادة متاعو يصلي صلاة الاسترخاء ... وقت كمل رفع ايديه يدعي في الله يغفرلو ذنبو ... حاس بلغلط لي عملو و عرف عملتو وقرر يصلحها ... وقت كمل ستغفر وقام رجع سجادة لمكانها و توجه للكوزينة ... لقاها مزالت تغسل لماعون ... تقدم ناحيتها وقف مقابلها
سليم : انا موافق
مريم : ع شنيا
سليم : بخصوص موضوع خطبة يسرى ... خبر كريمة انو خطبة بعد أسبوع ان شاء الله... وانا راح نخبر يسرى
مريم : ان شاء الله تو نخبر كريمة ... متأكدة انو هي باش تفرح
سليم : لفضل لكل ليك ... تقدم باسها من جبينها
سليم : كون مش انت لي واقفة معايا كون ضعت
مريم : واجبي ... ونتمنا منك تصلح علاقتك مع محمد في أقرب وقت
سليم : ان شاء الله... ع كل انا باش نمشي حذا يسرى نحكي معاها ... وانت تفاهم مع كريمة
مريم : باهي ... متنساش تبلغلي سلامي ليسرى
سليم : يوصل
مشا سليم ومريم شدت لفون شكلت رقم كريمة تطلب فيها
كريمة : آلو
مريم : عزيزتي عندي ليك بشارة
كريمة : متقولش سليم وافق
مريم : هههه نعم وافق و طلب خطبة تكون بعد اسبوع ان شاء الله
كريمة : مكانش مشكل ... تو نخبر وائل ونحظرو رواحنا
مريم : ان شاء الله ... تو انا نخليك بسلامة
وقت علقت ع كريمة رفعت ايديها تحمد في الله و تدعي تكمل فرحة و ترجع تجتمع لعايلة من جديد
..
VOUS LISEZ
المجنونة والملتزم
Roman d'amourعسلامة الناس الكل ...عيدكم مبارگ كل عام و انتم بالف خير ..ينعاد عليكم بالصحة و الهناء ...بش نوضح نقطتين . #النقطة_الاولى: كرونيگ قيد الكتابة ...بلا كملي كملي . #النقطة_الثانية : علقو وطاقيو صحباتكم يقرو هاني جيت و جبت معااايا جزء الثاني من كرونيگ #...
