THE PRESIDENT'S WIFE (PUBLISHED UNDER PSICOM)

Chapter 6

Summer

Present

Nagising ako dahil may balasubas na nagbukas ng kurtina at direktang tumama sa' kin ang sinag ng araw.

Nagtakip ako ng unan sa mukha dahil nasisilaw ako at ang sakit sakit ng ulo ko.

"Summer, bumangon ka na nga riyan!" sigaw nito sa' kin.

"Pam, please! May hangover ako," sabi ko at pinikit ang mata ko.

Hinila n'ya ang comforter na nakabalot sa' kin.

"Alam mo ba anong pinaggagawa mo kagabi?"

Awtomatiko akong napabangon dahil sa tanong n'ya.

What the hell happened? Alam ko naman na nasa wisyo pa ko nung umalis si Julian habang umiinom ako sa bar counter.

Did I cry out loud? Nagbasag ba ko?

"Anong iniisip mo?" my manager asked me.

Naihilamos ko sa mukha ko ang mga palad ko.

"Pam, ano na namang ginawa ko?"

I feel irritated kasi ang sakit na ng ulo ko at sa way pa ko tingnan ng manager ko ay parang napakalaki ng ginagawa kong kalokohan.

"Ha! You wouldn't believe it if I tell you," sabi nito at umupo sa couch sa harapan ng bed ko at nag-cross arms.

"Ano nga?!"

"Well, partially siguro kasalanan ko dahil nag-standby ako. Pero kasi naman Summer may sparks talaga kayo ng asawa mo no?"

"What are you saying? Si Julian?"

Umalis na siya 'di ba? OMG.

"Sino pa ba, may nauna ka pa bang maging asawa? Grabe, susunduin na sana kita kaso nagwala-walaan ka sa entrance tapos grabe ang lakas nung dating nung i-ni-level n'ya 'yong sarili n'ya para magkapantay kayo. Para akong nanonood ng kdrama! Ang gwapo-gwapo ni Mr. President!"

"I'm so dead, I'm so dead. Nagwala ako sa harapan ni Julian?! Summer Madelaine! I cannot believe myself, ano kayang pinagsasabi ko doon? May nasabi kaya ako?"

"Aba malay ko Madelaine! I-inom-inom ka riyan! Pero malas mo lang talaga dahil 'yong dahilan ng pag-inom mo ang naka-spot on sa 'yo pero girl. Grabe bagay na bagay kayo. Feeling ko sa Malacañang ka dapat matutulog dahil buhat ka na n'ya kung hindi lang ako umepal syempre ayokong sumaya ka," sabi nito at tumawa.

Pero ako mismo hindi ko magawang matawa, hindi ko lubos maisip kung paano akong pinagtatawanan ng Julian na 'yon ngayon.

This is frustrating as fck.

May photoshoot ako that day pero parang lutang ako at hindi ko namalayan na matatapos na ito. Geez, ano kayang itsura ko sa mga picture ko?

Magkaibang industry pa rin naman ang politics and showbiz 'di ba? Tho connected pero parang pinagdidikit kami ng tadhana ni Julian.

Utang na loob kupido! Ilang taon mo na kaming pinaniwalang magkakatuluyan kaming dalawa pero hindi naman pala! Durog na durog pa ko cupid, 'wag ka na mag round two pa.

"That's a wrap! Summer, you're a goddess. Thank you for doing this, I know you just got back but I just wanna thank you for accepting to be our cover," sabi sa' kin ng chief-editor ng PWM (Philippines Women Magazine) na si Seth.

"It's actually my pleasure Seth," sabi ko kahit pakiramdam ko, wala naman talaga akong ginawa dahil napakasabaw ng utak ko. "Please do send me that photo, keep it private. I really appreciate it."