حب منبوذ

٢٧

ﻣﻊ ﺻﻮﺕ " ﻋﺸﻨﺎ ﻭ ﺷﻮﻓﻨﺎ ﻟﻴﻜﻢ ﻧﺎﺱ ﺑﺠﻮﻛﻢ ﺑﻲ ﻋﺮﺑﺎﺕ ﺯﻱ ﺩﻱ ﻳﺎ ﻣﻘﺎﻃﻴﻊ " !!
ﺍﺗﻠﻔﺘﻨﺎ ﻛﻠﻨﺎ ﺍﻟﺨﻤﺴﻪ ﻣﻊ ﺑﻌﺾ ! ﺑﻘﻴﻨﺎ ﻧﻌﺎﻳﻦ ﻣﻜﺎﻥ ﺍﻟﺼﻮﺕ ﺩﺍ ! ﺳﻤﻌﺖ ﻃﺎﺭﻕ ﺑﻴﻘﻮﻝ ﺑﻲ ﺻﻮﺕ ﻣﺴﻤﻮﻉ ﻟﻴﻨﺎ ﺍﺣﻨﺎ " ﺭﺑﻨﺎ ﻳﺸﻔﻴﻚ ﻳﺎﺥ " ﺍﺗﻔﻀﻠﻮ ﻳﺎ ﺟﻤﺎﻋﺔ ..
ﻭ ﺍﻧﺎ ﺍﺑﺪﺍً ﻣﺎ ﺭﻛﺰﺗﻪ ﻓﻲ ﻛﻼﻡ ﺍﻟﻤﺮﺓ ﺩﻱ ﻻﻧﻪ ﺍﺻﻼ ﺷﻜﻠﻬﺎ ﻣﺎ ﺍﻭﻛﻴﻪ ، ﻭﺣﺴﻴﺘﻬﺎ ﺑﻲ ﻧﺺ ﻋﻘﻞ ﻳﻌﻨﻲ ﻛﻮﻥ ﻭﺣﺪﺓ ﺗﻔﺘﺢ ﺍﻟﺒﺎﺏ ﺑﺎﻟﻄﺮﻳﻘﻪ ﺩﻱ ﻭ ﺗﺘﺼﻨﺖ ﻋﻠﻰ ﺍﻟﺠﻴﺮﺍﻥ !
ﺍﻛﻴﺪ ﻣﺎ ﺍﻧﺴﺎﻧﺔ ﻭﺍﻋﻴﺔ !!
ﺍﻣﻲ ﻗﺎﻟﺖ : ﻻ ﺣﻮﻝ ﻭﻻ ﻗﻮﺓ ﺇﻻ ﺍﻟﻠﻪ ، ﻳﺎ ﻭﻟﺪﻱ ﻏﺎﻳﺘﻮ ﺭﺑﻨﺎ ﻳﺼﺒﺮﻛﻢ ﻭ ﻳﺸﻔﻴﻬﺎ !!
ﺍﻧﺎ ﻛﻨﺖ ﻣﺼﺪﻭﻣﺔ ﻣﻦ ﻃﺎﺭﻕ !! ﻡ ﻛﻨﺖ ﻗﺎﺩﺭﺓ ﺍﺻﺒﺮ ﻋﺸﺎﻥ ﺍﻓﻬﻢ ﺍﻟﺒﺤﺼﻞ ﺷﻨﻮ ﻭ ﻫﻮ ﻣﻦ ﺍﻟﺘﻮﺗﺮ ﻟﻤﻦ ﺑﻘﻰ ﻳﻘﻄﻊ ﻓﻲ ﺍﻟﻜﻼﻡ .. ! ﻭ ﺍﻧﺎ ﻓﻲ ﺩﺧﻠﺖ ﺍﻟﺤﻮﺵ ، ﺍﻣﻲ ﺟﺎﺕ ﻣﺴﻜﺘﻨﻲ ﻣﻦ ﻳﺪﻱ ، ﻫﻤﺴﺖ ﻟﻲ ﻗﺎﻟﺖ ﻟﻲ " : ﺑﺘﻌﺮﻓﻴﻬﻮ ﻣﻦ ﻭﻳﻦ ! ﺷﻜﻠﻮ ﻋﻼﻗﺔ ﺍﺧﻮﻛﻲ ﺑﻲ ﺍﺧﺘﻮ ﺩﻱ ﻃﻮﻟﺖ ! ﻟﻤﻦ ﻋﺮﻓﻚ ﺑﻴﻬﻢ "
ﻗﻠﺖ ﻟﻴﻬﺎ : " ﺩﺍ ﻡ ﻭﻗﺖ ﻛﻼﻡ ، ﻟﻤﻦ ﻧﺮﺟﻊ ﺍﻟﺒﻴﺖ ﺣﺄﻓﻬﻤﻚ ﻋﻠﻰ ﻛﻞ ﺣﺎﺟﺔ " .. ﻭ ﻗﺒﺎﻝ ﻧﻮﺻﻞ ﺩﺧﻠﺔ ﺍﻟﺒﺮﻧﺪﺓ ، ﻛﺎﻧﺖ ﻭﺍﻟﺪﺗﻬﻢ ﻓﻲ ﺍﺳﺘﻘﺒﺎﻟﻨﺎ ! ﺍﺣﻜﻲ ﻟﻴﻜﻢ ﺷﻨﻮ ﻭ ﺍﺧﻠﻲ ﺷﻨﻮ ؟ ﻋﻦ ﺩﻓﺊ ﺍﻟﺒﻴﺖ ﺩﺍ ؟ ﻭ ﻻ ﻋﻦ ﺍﻟﻄﻴﺒﺔ ﻭ ﺍﻟﺒﺴﺎﻃﺔ ؟ ﻭ ﻻ ﻋﻦ ﺍﻣﻬﻢ ﻭ ﻭﺷﻬﺎ ﺍﻟﺒﺸﻮﺵ ﻭ ﻣﻼﻣﺤﻬﺎ ﺍﻟﺤﻨﻴﻨﺔ ؟ ﺑﺎﻟﺠﺪ ﺍﻟﺒﻴﺖ ﺩﺍ ﺑﻴﺸﺒﻪ ﻭﻫﺎﺩ !
ﺍﻣﻬﻢ ﺳﻠﻤﺖ ﻋﻠﻰ ﺍﻣﻲ ﺍﻻﻭﻝ ﻭ ﻓﻀﻠﺘﻬﺎ ، ﻭ ﺑﻌﺪﻫﺎ ﺳﻠﻤﺖ ﻋﻠﻰ ﺭﺯﺍﻥ ، ﻭ ﺑﻌﺪﻫﺎ ﺳﻠﻤﺖ ﻋﻠﻰ ﻭ ﻟﻤﺖ ﻳﺪﻫﺎ ﻓﻲ ﻳﺪﻱ ﻛﺪﺍﺍ ﺑﻘﻮﺓ ، ﺍﺣﺴﺎﺱ ﺍﻧﻬﺎ ﺳﻠﻤﺖ ﻋﻠﻲ ﺑﻲ ﻗﻠﺒﻬﺎ ﻣﺎ ﺑﻲ ﻳﺪﻫﺎ ! ﻭ ﻫﻲ ﺑﺘﻔﻀﻠﻨﻲ ﻓﻀﻠﺖ ﻣﺎﺳﻜﺔ ﻳﺪﻱ ﻟﻤﻦ ﻭﺻﻠﺖ ﻣﺤﻞ ﺣﻘﻌﺪ !
‏( ﻛﺎﻧﻮ ﺳﺮﻳﺮﻳﻦ ﻣﻘﺎﺑﻼﺕ ﺑﻌﺾ ﻓﻲ ﻧﺼﻬﻢ ﻃﻘﻄﺎﻗﺎﺕ ﺍﻭ ﻃﺮﺍﺑﻴﺰ ﺗﻼﺗﻪ ﺍﺣﺠﺎﻡ ﻣﺘﻔﺎﻭﺗﺔ ! ﺳﺘﺎﺭﺓ ﻣﻄﺮﺯﺓ ﺑﺎﻟﺒﺮﺗﻘﺎﻟﻲ
ﻭﺍﻟﺪﻫﺒﻲ ﻭ ﺷﻜﻠﻬﺎ ﺷﻐﻞ ﻭﻫﺎﺩ ﻃﻘﻢ ﺍﻟﻤﻼﻳﺎﺕ ،، ﻭ ﺑﻲ ﺟﻮﺍﻧﺐ ﺍﻟﺴﺮﺍﻳﺮ ﻓﻲ ﻃﻘﻢ ﺟﻠﻮﺱ ﺧﺸﺐ ﻭ ﻓﻲ ﻧﺼﻬﻢ ﻃﺮﺑﻴﺰﺓ ﻓﻴﻬﺎ ﺟﻚ ﻣﻮﻳﺔ ﺑﻲ ﻛﺒﺎﺑﻴﻬﺎ .. ﻭ ﻗﺪﺍﻡ ﻛﺪﺍ ﻣﻦ ﺍﻟﺠﻠﻮﺱ ﻓﻲ ﺍﻟﺘﻠﻔﺰﻳﻮﻥ ﺍﻟﺼﻐﻴﺮ ﻣﻌﻠﻖ ‏) !
ﻣﻦ ﻗﻌﺪﺕ ﻭ ﻃﺎﺭﻕ ﺑﻌﺎﻳﻦ ﻓﻴﻨﻲ ! ﻭ ﺍﻟﺨﻠﻌﺔ ﻇﺎﻫﺮﺓ ﻓﻲ ﻭﺷﻮ ﻭ ﺩﺍﻳﺮ ﻳﺘﻜﻠﻢ ﺑﺲ ﻣﺤﺮﺝ !! ﻟﻤﻦ ﻏﻠﺒﺘﻮ !
ﻗﺎﻝ ﻟﻲ : ﺻﺪﻓﺔ ﻏﺮﻳﺒﺔ ﻳﺎ ﺍﺳﺘﺎﺫﺓ ﺭﻳﻢ ﺻﺮﺍﺣﺔ !
ﻗﻠﺖ ﻟﻴﻬﻮ : ﺍﻟﺪﻧﻴﺎ ﻣﺎ ﺿﻴﻘﺔ ﻭﺍﻟﻠﻪ ﻳﺎ ﻃﺎﺭﻕ ، ﺑﺲ ﻧﻘﻮﻝ ﺷﻨﻮ ! ﺳﺒﺤﺎﻥ ﺍﻟﻠﻪ !! ﻭ ﺍﻟﻤﻬﻢ ﻓﺮﺻﺔ ﺳﻌﻴﺪﺓ ﺷﺪﻳﺪ ﻭﺍﻟﻠﻪ ، ﻳﻌﻨﻲ ﻣﻦ ﺩﻭﻥ ﺍﻟﻨﺎﺱ ﺍﻟﻠﻲ ﺣﻮﻟﻴﻨﺎ ﺩﻳﻞ ﺭﺑﻨﺎ ﻛﺘﺐ ﻟﻴﻨﺎ ﺻﺪﻓﺔ ﺯﻱ ﺩﻱ !
ﻃﺎﺭﻕ : ﻓﻌﻼ ﻭﺍﻟﻠﻪ ﻳﺎ ﺍﺳﺘﺎﺫﺓ ، ﻋﻈﻴﻢ ﺍﻟﺸﺮﻑ !
‏( ﻛﻠﻬﻢ ﻛﺎﻧﻮ ﻋﺎﻳﺰﻳﻦ ﻳﻌﺮﻓﻮ ﻭ ﻳﻔﻬﻤﻮ ﺍﻟﺤﺎﺻﻞ ﺷﻨﻮ ! ﻡ ﻛﺎﻥ ﻳﻨﻔﻊ ﻧﺘﻜﻠﻢ ﻓﻲ ﺣﺎﺟﺔ ﻭ ﺍﻟﻠﻲ ﺣﻮﻟﻴﻨﺎ ﻣﺎ ﻓﺎﻫﻤﻨﻬﺎ ‏)
ﻗﻠﺖ ﻟﻴﻬﻢ : ﺳﺒﺤﺎﻥ ﺍﻟﻠﻪ ، ﻃﺎﺭﻕ ﺑﻴﺸﻐﻞ " ﻣﻌﺎﻧﺎ " ﻓﻲ ﺍﻟﺸﺮﻛﺔ ، ﻣﻦ ﺍﻟﺸﺒﺎﺏ ﺍﻟﻠﻲ ﺟﻮ ﺟﺪﻳﺪ ﻓﺎ ﺑﺎﻟﺼﺪﻓﺔ ﺍﺗﻼﻗﻴﻨﺎ ﻫﻨﺎ ﻛﻤﺎﻥ ﻫﻬﻬﻬﻬﻬﻪ . ‏( ﻛﻨﺖ ﻗﺎﺻﺪﺓ ﺍﻗﻮﻝ ﻣﻌﺎﻧﺎ ﻗﺪﺍﻡ ﻭﺍﻟﺪﺗﻮ ﻋﺸﺎﻥ ﻡ ﺗﺤﺲ ﺑﻲ ﺣﺎﺟﺔ ﻡ ﻣﻮﺟﻮﺩﺓ ﻭ ﺗﺘﺒﻨﻲ ﺣﻮﺍﺟﺰ ﻣﻦ ﺍﺳﻲ ‏) ..
ﻭﻟﻴﺪ : ﻳﺎ ﺯﻭﻭﻭﻭﻭﻝ ! ﻋﻠﻴﻚ ﺍﻟﻠﻪ ﻫﻬﻪ ﻭﺍﻟﻠﻪ ﻳﺎﺥ ﺻﺪﻓﺔ ﺳﻤﺤﺔ ﺩﻱ ﻭ ﻭﺍﺿﺢ ﺍﻧﻪ ﻟﻲ ﺧﻴﺮ ﻫﻬﻪ ..
ﺍﻣﻲ : ﺳﺒﺤﺎﻥ ﺍﻟﻠﻪ ﻭﺍﻟﻠﻪ !
ﺍﻣﻪ : ﻣﻌﻘﻮﻝ ﻳﺎ ﻃﺎﺭﻕ ! ﺳﺒﺤﺎﻥ ﺍﻟﻠﻪ !
‏( ﺣﺒﻴﺖ ﺍﻏﻴﺮ ﺍﻟﻤﻮﺿﻮﻉ ‏)
ﻗﻠﺖ ﻟﻲ ﻭﻟﻴﺪ : ﻭﺍﻧﺎ ﺑﻀﺤﻚ ! ﻣﺎ ﺍﻟﻘﺎﻙ ﺑﻜﺮﺓ ﺟﻴﺖ ﺍﻟﺸﺮﻛﺔ ﺗﻮﺻﻲ ﻋﻠﻰ ﺍﺑﻮ ﺍﻟﻨﺴﺐ ﻫﻬﻬﻬﻪ !
ﻗﻌﺪﻭ ﻳﻀﺤﻜﻮﻭﻭﻭ ..
ﺍﻣﻬﻢ ﻛﺎﻧﺖ ﺑﺘﻘﻮﻝ : ﻳﺎ ﻣﺮﺍﺣﺐ ﻭﺍﻟﻠﻪ ﻳﺎ ﺍﻫﻼً ﻭ ﺳﻬﻼً ‏( ﻭ ﻫﻲ ﻋﻴﻨﻬﺎ ﻓﻲ ﺍﻻﺭﺽ ‏)
ﺍﻣﻲ : ﺍﻟﻠﻪ ﻳﻌﺰﻛﻢ ﻳﺎﺭﺏ ﺗﺴﻠﻤﻲ ﻛﺘﻴﺮ ﻭﺍﻟﻠﻪ ..
ﻃﺒﻌﺎً ﺭﺯﺍﻥ ﻣﻌﺎﻧﺎ ﺯﻳﺎﺩﺓ ﻋﺪﺩ ..
ﻗﻠﺖ ﻟﻴﻬﺎ : ﻛﻴﻔﻚ ﺧﺎﻟﺔ ؟ ﻃﻴﺒﺔ ﺍﻥ ﺷﺎﺀﺍﻟﻠﻪ ؟
‏( ﺍﻣﻲ ﻭ ﺭﺯﺍﻥ ﻋﺎﻳﻨﻮ ﻓﻴﻨﻲ ﻓﻲ ﻧﻔﺲ ﺍﻟﻠﺤﻈﺔ ﺍﻧﻲ ﺑﻘﻴﺖ ﺑﺘﻜﻠﻢ ﻣﻊ ﺍﻟﻨﺎﺱ ﻋﺎﺩﻱ ‏)
ﻗﺎﻟﺖ ﻟﻲ : ﻭﺍﻟﻠﻪ ﻳﺎ ﺑﺘﻲ ﺍﻟﺤﻤﺪﻟﻠﻪ ... ﻋﺎﻳﻨﺖ ﻟﻲ ﻭﻟﻴﺪ ﻗﺎﻟﺖ ﻟﻴﻬﻮ ﻧﺎﺩﻱ ﺍﺧﺘﻚ ﺗﺠﻲ ﺗﺴﻠﻢ ﻋﻠﻰ ﺍﻟﻀﻴﻮﻑ !!
ﻭﻟﻴﺪ ﻃﻮﺍﻟﻲ ﻗﺤﻘﺢ ﻭ ﺍﻇﻦ ﻏﻠﺒﺘﻮ ﺍﻟﻘﻌﺪﺓ ﻭ ﺑﻘﻰ ﻳﺘﻠﻔﺖ ﺑﻲ ﺣﺮﻛﺔ ﻻ ﺇﺭﺍﺩﻳﺔ !
ﺍﻣﻲ : ﺍﻱ ﻭﺍﻟﻠﻪ ﻧﻔﺴﻲ ﺍﺷﻮﻓﻬﺎ ، ﺭﺑﻨﺎ ﻳﻜﺘﺐ ﺍﻟﻨﺼﻴﺐ !
‏( ﺍﻣﻲ ﻟﺤﺪ ﺍﻟﻠﺤﻈﺔ ﺩﻱ ﻡ ﻛﺎﻧﺖ ﻋﺎﺭﻓﺔ ﺍﻥ ﻫﻲ ﺩﻱ ﺑﺘﺎﻋﺖ ﺍﻟﺘﻴﺎﺏ ‏) !
*ﻭﻫﺎﺩ ﺑﺘﺤﻜﻲ :*
ﻟﻤﻦ ﻋﺮﻓﺖ ﺍﻧﻬﻢ ﺟﻮ .. ﺍﺗﻮﺗﺮﺗﺎ ﺷﺪﻳﺪ ﻭ ﻛﻨﺖ ﺣﺎﺳﺔ ﺍﻥ ﺍﻟﻮﻗﺖ ﻗﺎﻋﺪ ﻳﻘﺮﺏ ﻋﻠﻰ ﻣﺨﺎﻭﻓﻲ ! ﻭ ﻛﻞ ﻛﻼﻣﻬﻢ ﻛﺎﻥ ﻣﺴﻤﻮﻉ ﺑﺲ ﻡ ﻗﺎﺩﺭﺓ ﺍﺭﻛﺰ ﻭ ﻭﺍﺻﻠﻨﻲ ﻋﻠﻰ ﺷﻜﻞ ﺟﻮﻃﺔ ﻛﺪﺍ ﻭﻻ ﺷﻨﻮ ﻡ ﻗﺎﺩﺭﺓ ﺍﺷﺮﺡ ﻟﻴﻜﻢ !!
ﻟﻤﻦ ﻓﺠﺄﺓ ﺍﺻﻮﺍﺕ ﺿﺤﻜﻢ ﺑﻘﺖ ﻋﺎﻟﻴﺔ ! ﻛﻨﺖ ﻗﺮﺑﺖ ﺍﻓﺮﺡ ﺑﺲ ﻣﺎ ﻗﺪﺭﺗﺎ ﻭ ﺑﺴﺮﻋﻪ ﺭﺟﻌﺘﻪ ﻟﻲ ﻋﻘﻠﻲ !!
ﻭ ﻓﺠﺎﺓ ﻟﻘﻴﺖ ﺑﺎﺏ ﻏﺮﻓﺘﻲ ﺑﻴﻔﺘﺢ .. ﻟﻘﻴﺘﻮ ﻃﺎﺭﻕ !!
ﺟﺎ ﺩﺧﻞ ﻭ ﺗﺎﻛﺎ ﺍﻟﺒﺎﺏ ﺑﻲ ﻭﺭﺍﻫﻮ ، ﻭ ﻭﺷﻮ ﻣﺎ ﻗﺎﺩﺭﺓ ﺍﻓﺴﺮ ﻓﻴﻬﻮ ﺣﺎﺟﺔ ! ﺟﺎ ﻋﻠﻲ ! ﻭ ﻫﻮ ﺑﻴﺘﻜﻠﻢ ﺑﺮﺍﺣﻪ ، ﻗﺎﻟﻲ : ﺩﻱ ﻋﻮﺟﺔ ﺷﻨﻮ ؟
** ﻓﻲ ﺷﻨﻮ ؟
__ ﻣﺎ ﻋﺎﺭﻑ ! ﻟﻜﻦ ﺟﺪ ﺍﻧﺘﻲ ﻭﻟﻴﺪ ﺩﺍ ﻣﺎ ﺣﺼﻞ ﺷﻔﺘﻴﻬﻮ ﻭ ﻻ ﺑﺘﻌﺮﻓﻴﻬﻮ ؟؟
** ‏( ﻫﺰﻳﺖ ﻟﻴﻬﻮ ﺭﺍﺳﻲ ﺑﻲ ﺧﻠﻌﻪ ‏) ﻻﻻ ﻟﻴﻪ ؟
__ ﻭﻫﺎﺩ !! ﺍﺍﺍﺍﺍﺍﻩ ﻣﺎ ﻋﺎﺭﻑ ﺍﻗﻮﻟﻴﻜﻲ ﺷﻨﻮ ﻟﻜﻦ ...
** ﻃﺎﺭﻕ ! ﺑﺮﺍﻱ ﻣﺘﻮﺗﺮﺓ ! ﻓﻲ ﺷﻨﻮ ﻗﻮﻝ ﻟﻲ ﺍﺻﻼ ﻣﺎ ﺩﺍﻳﺮﺓ ﺍﻃﻠﻊ ﻋﻠﻴﻬﻢ ﻭ ﻋﺎﻳﺰﺓ ﻟﻲ ﺳﺒﺐ !!
__ ﻫﺒﻠﺔ ﺍﻧﺘﻲ ، ﻳﺎﺥ ﻣﺎ ﻗﺼﺪﻱ ﺍﻭﺗﺮﻙ ﻟﻤﻦ ، ﺍﻟﻨﺎﺱ ﺩﻱ ﻭﺿﻌﻬﻢ ﻓﻮﻕ ﺍﻟﻤﻤﺘﺎﺯ !
** ﺍﻫﺎ ﻭ ﺍﺫﺍ !!! ﻳﻌﻨﻲ ﺷﻨﻮ ؟ ﺑﻴﺘﻨﺎ ﻣﺎ ﻋﺎﺟﺒﻬﻢ ؟ ﺑﻌﺎﻳﻨﻮ ﺑﻲ ﻧﻈﺮﺍﺕ ﻓﻴﻬﺎ ﺗﻌﺎﻟﻲ ﻭ ﺗﻜﺒﺮ !! ﻣﺎ ﻋﺎﺟﺒﻬﻢ ﻭﺿﻌﻨﺎ ﻃﻮﺍﻟﻲ ﻳﻔﺘﺤﻮ ﺍﻟﺒﺎﺏ ﻭ ﻳﺘﺨﺎﺭﺟﻮ ﻳﻤﺸﻮﻭﻭﻭ ! ﻭ ﺍﻟﻠﻪ ﻳﺰﻳﺪﻫﻢ ﻭ ﻳﺮﺯﻗﻨﺎ !!
__ ﻻ ﺣﻮﻻﺍﺍﺍﺍ ﻳﺎ ﻭﻫﺎﺩ ﻋﺎﻣﻠﺔ ﺯﻱ ﺍﻟﺸﺮﺍﺭ ! ﺍﻧﺎ ﻡ ﻗﻠﺖ ﺣﺎﺟﺔ ﻣﻦ ﻛﻼﻣﻚ ﺩﺍ ﻛﻠﻮ ﻭ ﺑﺎﻟﻌﻜﺲ ﻧﺎﺱ ﺿﺤﻜﺔ ﻭ ﻭﻧﺎﺳﻴﻦ ﻭ ﻃﻴﺒﺎﻧﻴﻦ ، ﺑﺲ ﺍﺍﺍﺍﺍﺍ *... ﻗﺎﻃﻌﺘﻨﺎ *
ﺍﻣﻲ : ﻓﻲ ﺷﻨﻮ ﺍﻧﺖ ﺟﻴﺖ ﺍﻧﺤﺸﺮﺕ ﻣﻊ ﺍﺧﺘﻚ ﻗﻠﺖ ﻟﻴﻚ ﻧﺎﺩﻳﻬﺎ ﻣﺶ ﺗﻘﻌﺪ ﺟﻤﺒﻬﺎ !! ﺍﻟﻨﺎﺱ ﻣﻨﺘﻈﺮﻳﻦ ﻭ ﺑﻌﺪﻳﻦ ﻣﺎ ﻗﺪﻣﻨﺎ ﻟﻴﻬﻢ ﺣﺎﺟﺔ ﻏﻴﺮ ﻣﻮﻳﺔ .. ﻳﻼ ﺍﻣﺮﻗﻲ !
** ﻃﻴﺐ ﻃﻴﺐ ..
ﺍﻣﻲ : ﺗﻌﺎﻝ ﻣﻌﺎﻱ !
** ﺍﺟﻲ ﺳﺎﻱ ﺍﻭﻝ ﻭ ﻻ ﺍﻏﺸﻰ ﺍﻟﻤﻄﺒﺦ ﺍﺟﻴﺐ ﺍﻟﺤﺎﺟﺎﺕ ﻣﻌﺎﻱ ؟
__ ﺗﻌﺎﻟﻲ ﺍﻧﺎ ﺑﺠﻴﺐ ﺍﻟﺼﻴﻨﻴﺔ ﻭ ﺑﻘﺪﻡ ﻟﻴﻬﻢ !
** ﻛﻴﻒ ﻳﻌﻨﻲ ﺗﻘﺪﻡ ﻟﻴﻬﻢ ﺍﻧﺖ ؟
__ ﺍﻟﻠﻪ ! ﻡ ﻋﻨﺪﻧﺎ ﺑﻨﺎﺕ ﻭﻳﻦ ﺍﻟﻤﺸﻜﻠﺔ ﻳﻌﻨﻲ ﺍﺧﺘﻲ ﻭ ﺑﺴﺎﻋﺪﻫﺎ * ﺍﻣﻲ ﺟﺮﺗﻮ ﻭ ﻛﺮﺑﺖ ﺗﻮﺑﻬﺎ ﻭ ﻣﺮﻗﻮ *
ﺑﻌﺪ ﺗﺮﺩﺩ ﻭ ﺧﻮﻑ ﻭ ﺩﻋﺎﻭﻱ ﻛﻤﻴﺔ ، ﺍﻻ ﺍﻧﻲ ﻡ ﻛﻨﺖ ﺳﺎﻣﻌﻪ ﻏﻴﺮ ﻛﻼﻡ ﺍﻣﻲ ﺍﻟﻘﺒﻴﻞ ﻭ ﻫﻲ ﺑﺘﻘﻮﻝ ﻟﻲ : ‏( ﺩﺍﻳﺮﺓ ﻣﻨﻚ ﻃﻠﺐ ، ﺍﻧﻚ ﺗﺨﻠﻲ ﻣﺨﺎﻭﻓﻚ ﻭﺭﺍﻙ ﻭﺗﺠﻲ ﺭﺍﻓﻌﻪ ﺭﺍﺳﻚ ﻭ ﺗﻘﻮﻟﻲ ﺍﻧﺎ ﻭﻫﺎﺩ ﺑﻨﺖ ﺣﻨﺎﻥ ﻭ ﺣﺴﻴﻦ ﻭ ﺍﻧﺠﺒﺘﻨﻲ ﺍﻟﺪﻧﻴﺎ ، ﻭ ﺍﻟﺪﺭﺍﻧﺎ ﺣﺒﺎﺑﻮ ﻭ ﺍﻟﻤﺎ ﺩﺍﺭﻧﺎ ﻫﻮ ﺣﺮ ‏)
ﺑﻲ ﻛﻞ ﻗﻮﺗﻲ ، ﺭﺳﻤﺖ ﺍﺑﺘﺴﺎﻣﺔ ﻋﻠﻰ ﻭﺷﻲ ﻭ ﻃﻠﻌﺖ ﻣﻦ ﻏﺮﻓﺘﻲ ﻭ ﺟﺮﻳﺖ ﺍﻟﺒﺎﺏ ﻭﺭﺍﺍﻱ ..... ﻭﻣﺸﻴﺖ ﻋﻠﻴﻬﻢ !!
*ﻓﻲ ﺟﺎﻧﺐ ﺻﻼﺡ ﺍﻟﺪﻳﻦ ‏( ﺍﺑﻮﻱ ‏)* -
*ﻣﺼﺮ 2018*
ﺩﺍﺧﻞ ﻋﻠﻰ ﻣﻜﺘﺐ ﺯﻭﻝ ﻣﺴﺆﻝ ﻭ ﻫﻮ ﺑﻴﻘﻮﻝ ﻟﻴﻬﻮ :
** ﻣﺴﺎﺀ ﺍﻟﺨﻴﺮ ﻳﺎ ﺳﻌﺎﺩﺓ !
__ ﻣﺴﺎﺀ ﺍﻟﻨﻮﺭ ﻳﺎ ﺍﺳﺘﺎﺫ ﺻﻼﺡ ، ﻭ ﺑﻌﺪﻳﻦ ﻣﻌﺎﻙ
ﻫﺘﻔﻀﻞ ﺗﺮﻭﺡ ﻭ ﺗﻴﺠﻲ ﻭ ﺗﺮﻭﺡ ﺗﻴﺠﻲ ﻟﺤﺪ ﺍﻣﺘﻰ ؟
** ﺍﻧﺖ ﻗﻮﻝ ﻳﺎﺭﺏ ﻭ ﺍﻟﺒﺎﻗﻲ ﺗﺴﺎﻫﻴﻞ ﻣﻦ ﻋﻨﺪ ﺍﻟﻜﺮﻳﻢ ، ﺍﻧﺎ ﻣﺎ ﻃﺎﻟﺐ ﻣﻨﻚ ﺣﺎﺟﺔ ﺻﻌﺒﺔ ، ﺍﺩﻳﻨﻲ ﺍﻻﺫﻥ ﺑﺲ !
__ ﻳﺎﺻﻼﺡ ﺍﻧﺖ ﻣﺶ ﺑﺘﺘﻜﻠﻢ ﻓﻲ ﻳﻮﻣﻴﻦ ! ﺩﻭﻝ ﺳﻨﻴﻦ ﻳﺎ ﺃﺧﻲ ! ﻭ ﻗﻠﺘﻠﻚ ﻗﺒﻞ ﻛﺪﺍ ﺍﻱ ﻋﻴﻞ ﺗﺤﺖ ﺍﻟﻌﺸﺮﺓ ﺳﻨﻮﺍﺕ ﺑﻴﺒﻘﻰ ﻣﺘﻀﺎﻑ ﻋﻦ ﺍﺑﻮﻩ ﻓﻲ ﺍﻟﺠﻮﺍﺯ ﻳﻌﻨﻲ ﻣﺴﺘﺤﻴﻞ ﻳﻜﻮﻥ ﻟﻴﻪ ﺟﻮﺍﺯ ﻟﻮﺣﺪﻩ ﻋﺸﺎﻥ ﺍﻗﺪﺭ ﺍﻭﺻﻞ ﻟﻠﺒﻴﺎﻧﺎﺕ ﻣﻦ ﺧﻼﻝ ﺻﻮﺭﺓ ﻭ ﺍﺳﻢ ﺣﺘﻰ ﻣﻦ ﻏﻴﺮ ﺃﺏ !
** ﻃﻴﺐ ﺍﺫﺍ ﺍﻧﺎ ﻣﺎ ﻗﺎﺩﺭ ﺍﻗﻨﻊ ﺍﺳﻮﻱ ﺷﻨﻮ ؟ ﻣﺎﻫﻮ ﻣﺎﻓﻲ ﺣﺎﺟﺔ ﺍﺳﻤﻬﺎ ﻣﺴﺘﺤﻴﻞ ﺑﻐﺾ ﺍﻟﻨﻈﺮ ﻋﻦ ﻏﻠﻄﻲ ﺍﻧﺎ ﺍﻟﻐﻠﻄﺘﻮ !
__ ﻣﺎﺷﻲ ﻳﺎ ﻋﻢ ﺍﻧﺎ ﻣﻌﺎﻙ ﺧﻄﻮﺓ ﺑﺨﻄﻮﺓ ﺍﻫﻮ ، ﻭ ﺑﻌﺪﻳﻦ ﻣﺘﻨﺴﺎﺵ ﺍﻥ ﺍﻧﺎ ﻣﻜﻨﺘﺶ ﻣﻮﺟﻮﺩ ﻓﻲ ﺍﻟﻮﻗﺖ ﺩﺍ ﻳﻌﻨﻲ ﺍﻧﺎ ﻣﺴﺌﻮﻝ ﻣﻦ ﺍﻭﻝ ﺍﻟﻔﺘﺮﺓ ﺍﻟﻠﻲ ﻣﺴﻜﺖ ﻓﻴﻬﺎ ! ﻓﺎﻫﻤﻨﻲ ؟؟
** ﺍﻧﺖ ﺗﻌﺎﻝ ﺑﺲ ﻣﻌﺎﻱ ﺍﻟﺴﻔﺎﺭﺓ ﺣﻴﺎﺧﺪﻭ ﻭﻳﺪﻭ ﻣﻌﺎﻙ ﻓﻲ ﺍﻟﻜﻼﻡ ﻣﺎ ﺯﻱ ﺃﻧﺎ ! ﻳﻌﻨﻲ ﻣﻦ ﻟﺒﺴﻚ ﺍﻟﻠﻲ ﺍﻧﺖ ﻻﺑﺴﻮ ﺩﺍ ﺣﺘﻘﺪﺭ ﺗﻮﺻﻞ ﻟﻜﻞ ﺍﻟﻤﻌﻠﻮﻣﺎﺕ ﺍﻟﻠﻲ ﺻﻌﺐ ﻳﻮﺻﻠﻮ ﻟﻴﻬﺎ ﺍﻟﻨﺎﺱ ﺍﻟﻌﺎﺩﻳﻦ ﻭ ﺍﺫﺍ ﺣﺼﻞ ﺑﻴﻜﻮﻥ ﺑﻲ ﺟﺮﺟﺮﺓ ﻭ ﻋﻠﻰ ﻳﺪﻙ ﺷﻮﻑ ﺍﻧﺎ ﻟﻲ ﻛﻢ ﺳﻨﺔ ﻣﺘﺠﺮﺟﺮ ﻭ ﻏﻴﺮﻭ ﻧﺎﺱ ﻭ ﺟﺎﺑﻮ ﻧﺎﺱ ﻛﻢ ﻣﺮﺓ ﻭ ﺍﻧﺎ ﻣﺎ ﺍﺗﻮﺻﻠﺖ ﻟﻲ ﺣﺎﺟﺔ !!
__ ﻃﻴﺐ ﻳﺎ ﺻﻼﺡ ﻫﻤﺸﻲ ﻣﻌﺎﻙ ! ﺭﻭﺡ ﺍﻧﺖ ﺩﻟﻮﻗﺘﻲ ﻭ ﺍﺳﺘﻨﻰ ﻣﻨﻲ ﺗﻠﻔﻮﻥ ﻋﻠﻰ ﺑﻜﺮﺓ ﺍﻟﺼﺒﺢ ﺍﻥ ﺷﺎﺀﺍﻟﻠﻪ !
** ﻭ ﻓﻄﻮﺭﻙ ﻋﻨﺪﻱ ﻛﻤﺎﻥ ! ﺍﺗﻔﻘﻨﺎ ؟
__ ﺍﺗﻔﻘﻨﺎ ﻳﺎ ﻋﻢ !
** ﻳﻼ ﺳﻼﻡ ﻋﻠﻴﻜﻢ ......
*ﻭﻫﺎﺩ ﻣﻜﻤﻠﺔ ﻛﻼﻣﻬﺎ ﻭ ﺑﺘﻘﻮﻝ :*
ﺍﺻﻮﺍﺗﻬﻢ ﻛﺎﻧﺖ ﻣﺘﺪﺍﺧﻠﻪ ﻓﻲ ﺑﻌﺾ ، ﺑﺲ ﻣﻊ ﺩﺧﻠﺘﻲ ﻭ ﻭﻗﻔﺘﻲ ﻭ ﺃﻧﺎ ﺑﻘﻮﻝ " ﺍﻟﺴﻼﻡ ﻋﻠﻴﻜﻢ " ﺣﺼﻞ ﻫﺪﻭﺀ ﻏﺮﻳﺐ ﻫﺪﻭﺀ ﻣﺎ ﻋﺎﺩﻱ ! ﻭ ﻳﺎﺩﻭﻭﻭﺏ ﺭﻓﻌﺖ ﺭﺍﺳﻲ ﻟﻘﻴﺖ ﻭﺟﻮﻫﻢ ﻛﻠﻬﺎ ﻣﺒﺘﺴﻤﺔ ! ﺇﻻ ﺍﻧﺎ ﺍﻟﻤﺼﺪﻭﻣﺔ ﺍﻟﻮﺣﻴﺪﺓ !!
ﻻﻻ ﺩﻗﻴﻘﺔ !!! ﻣﺶ ﺩﻱ ﺍﻟﻌﺮﻭﺳﺔ ﺣﻘﺖ ﺍﻟﺘﻴﺎﺏ ؟؟ ﻭ ﺩﻱ ﻣﺶ ﺍﺧﺘﻬﺎ ؟؟ ﺑﻘﻴﺖ ﻭﺍﻗﻔﺔ ﺑﺲ ﻣﺼﺪﻭﻣﺔ ﺭﺟﻮﻟﻲ ﻣﺎ ﻗﺎﺩﺭﺓ ﺍﺣﺮﻛﻬﻢ !! ﻟﻤﻦ ﺳﻤﻌﺖ ﺻﻮﺕ ﻭﻟﻴﺪ ﻭ ﻫﻮ ﺑﻴﻘﻮﻝ " : ﻭ ﻋﻠﻴﻜﻢ ﺍﻟﺴﻼﻡ ﻭﻫﺎﺩ "
ﺍﻧﺎ ﻫﻨﺎ ﺍﺧﺪﺕ ﻭﻗﻔﺔ ﻓﻲ ﻧﺒﺮﺓ ﺻﻮﺗﻮ ! ﺍﻟﺼﻮﺕ ﺩﺍ ﺍﻧﺎ ﺳﻤﻌﺘﻮ ﻏﻴﺮ ﺍﻟﻠﻲ ﻛﺎﻥ ﻓﻲ ﺍﻟﺘﻠﻔﻮﻥ ! ﺍﻳﻮﺍﺍﺍﺍﺍﻩ ﺩﺍ ﻫﻮﻭﻭﻭ !
ﺍﻧﺘﻮ ﻣﺘﺨﻴﻠﻴﻦ ﺍﻧﺎ ﻭﺍﻗﻔﻪ ﻭ ﺑﻌﺎﻳﻦ ﻟﻜﻞ ﻭﺍﺣﺪ ﻓﻴﻬﻢ ﺑﺮﺍﻫﻮ ! ﺑﻘﻴﺖ ﻭﺍﻗﻔﻪ ﺑﻌﺎﻳﻦ ﻟﻴﻬﻮ ! ﺍﺍﻱ ﺍﻧﺎ ﻡ ﺷﻔﺘﻮ ﻳﻮﻡ ﻛﻨﺖ ﻣﻌﺎﻫﻢ ﻓﻲ ﺍﻟﺒﻴﺖ ﺑﺲ ﻭﺍﻟﻠﻪ ﻳﺎﻫﻮ ﻧﻔﺲ ﺍﻟﺼﻮﺕ ﺍﻟﻠﻲ ﻛﺎﻥ ﺑﻴﻘﻮﻝ ﻟﻲ ﺭﺯﺍﻥ : ‏( ﺍﻣﻲ ﻭﻳﻨﻬﺎ ؟ ‏) ﻭ ﺭﺩﺕ ﻟﻴﻬﻮ : ‏( ﻗﺼﺘﻜﻢ ﺷﻨﻮ ﺍﻧﺖ ﻭﺭﻳﻢ ﺍﻟﻠﻴﻠﻪ ﺭﺍﻳﺤﺔ ﻟﻴﻜﻢ ﺭﺿﻌﻪ ! ؟ ‏) ...
ﺍﻣﻲ ﻗﺎﻟﺖ ﻟﻲ : ﻭﻫﺎﺍﺍﺩ !!! ‏( ﺑﻲ ﻧﺒﺮﺓ ﺍﺳﺘﻐﺮﺍﺏ ﺍﻧﻪ ﺍﻟﻤﻮﻗﻔﻚ ﻛﺪﺍ ﺷﻨﻮ ؟؟ ‏)
ﺍﻡ ﺭﻳﻢ : ‏( ﻋﺎﻳﻨﺖ ﻟﻲ ﺭﺯﺍﻥ ﻭ ﻗﺎﻟﺖ ﻟﻴﻬﺎ ‏) ﻭﻫﺎﺍﺍﺩ !!! ‏( ﺑﻲ ﺍﺳﺘﻐﺮﺍﺏ ‏) ﻭ ﺭﺯﺍﻥ ﻡ ﺭﺩﺕ ﺑﺲ ﻫﺰﺕ ﻟﻴﻬﺎ ﺭﺍﺳﻬﺎ ﺍﻧﻪ ‏( ﺍﻳﻮﺍﺍﺍ ﻫﻲ ﺩﻱ ﻭﻫﺎﺩ ‏) ..
ﻛﻠﻬﻢ ﻛﺎﻧﻮ ﻣﺴﺘﻐﺮﺑﻴﻦ ﻓﻲ ﻭﻗﻔﺘﻲ ﺍﻟﻐﺮﻳﺒﻪ ﻭ ﻓﻲ ﻧﻈﺮﺍﺗﻲ ﻟﻴﻬﻢ ! ﻭ ﻣﺎ ﻗﺪﺭﺗﺎ ﺍﺳﻜﺖ ، ﻭ ﻣﻦ ﻏﻴﺮ ﻣﺎ ﺍﺣﺲ ! ﻗﻠﺖ ﻟﻲ ﻃﺎﺭﻕ ﺍﺧﻮﻱ : ‏( ﻫﻢ ﺩﻳﻞ !! ؟ ﺍﻧﺖ ﻣﺘﺄﻛﺪ ‏)
ﻃﺎﺭﻕ : ﻓﻲ ﺷﻨﻮ ﻳﺎ ﻭﻫﺎﺩ !!
ﻭﻟﻴﺪ : ﺍﺗﻔﻀﻠﻲ ﺍﻗﻌﺪﻱ ﻳﺎ ﺭﻳﻢ !!
ﻡ ﺭﺩﻳﺖ ﻟﻴﻬﻮ ﻭ ﺑﻐﺾ ﺍﻟﻨﻈﺮ ﻋﻦ ﺍﻟﺤﺎﺻﻞ ! ﻣﺸﻴﺖ ﺳﻠﻤﺖ ﻋﻠﻴﻬﻢ ، ﻭ ﺟﻴﺖ ﻗﻌﺪﺕ ﺟﻤﺐ ﺍﻣﻲ ! ﻛﻨﺖ ﺣﺎﺳﺔ ﺍﻧﻲ ﻣﺤﺘﺎﺟﺔ ﻗﻮﺓ ﺍﻛﺘﺮ ! ﺍﺣﺴﺎﺱ ﺍﻧﻚ ﺑﺘﺘﺤﺎﻣﻰ ﻓﻲ ﺍﻻﻧﺴﺎﻥ ﺩﺍ ﻻﻧﻚ ﻋﺎﺭﻑ ﺍﻧﻪ ﺣﻴﺤﻤﻴﻚ ﻭ ﻣﺎ ﺣﻴﺴﻤﺢ ﺑﻲ ﺍﻱ ﺣﺎﺟﺔ ﺗﻀﺮﻙ !!!
ﻭ ﺍﻧﺎ ﻗﺎﻋﺪﺓ ﺟﻤﺐ ﺍﻣﻲ ، ﻟﻘﻴﺖ ﺍﻣﻬﻢ ﺑﺘﻘﻮﻝ ﻟﻲ :
‏( ﺍﻧﺎ ﺧﺎﻟﺘﻚ ﻓﺎﻃﻤﺔ ﻳﺎ ﻭﻫﺎﺩ ، ﺍﻡ ﻭﻟﻴﺪ ﻭ ﺭﺯﺍﻥ ﻭ ﺭﻳﻢ ، ﻭ ﻃﺒﻌﺎً ﻣﺎ ﺍﺣﻜﻲ ﻟﻴﻜﻲ ﻋﻦ ﺍﺳﻤﻚ ﺩﺍ ﻋﺎﺟﺒﻨﻲ ﻛﻴﻒ ﻭ ﺍﻧﺘﻲ ﺳﻤﺤﺔ ﻭ ﺭﺑﻨﺎ ﻳﺤﻔﻈﻚ ﻳﺎﺭﺏ ! ‏)
ﻗﻠﺖ ﻟﻴﻬﺎ : ﺷﻜﺮﺍ ﻟﻴﻜﻲ ، ﻋﻈﻴﻢ ﺍﻟﺸﺮﻑ !
ﻛﻨﺖ ﺷﺎﻳﻔﻪ ﺭﻳﻢ ﺍﻛﺘﺮ ﻭﺣﺪﺓ ﻛﺎﻧﺖ ﻣﺮﺗﺎﺣﻪ ﻛﺪﺍ ﻣﻦ ﻗﻠﺒﻬﺎ ﺣﺴﻴﺘﺎ ، ﻣﺒﺘﺴﻤﺔ ﺷﺪﻳﺪ ، ﻋﻜﺲ ﺍﻭﻝ ﻣﺮﺓ ﺷﻔﺘﻬﺖ ﻓﻴﻬﺎ ! ﻭ ﺭﺯﺍﻥ !! ﺳﺎﻛﺘﻪ ﻭ ﻣﺒﺘﺴﻤﺔ ﻭ ﻣﺎ ﺑﺘﺘﻜﻠﻢ !! ﺍﻣﺎ ﻭﻟﻴﺪ ، ﻣﺎ ﺍﻇﻦ ﻓﻲ ﺯﻭﻝ ﻓﺎﻳﺘﻮ ﻓﻲ ﺳﻌﺎﺩﺗﻮ ﻭ ﻓﺮﺣﺘﻪ ! ﻗﺪﺭ ﺷﻨﻮ ﺍﻟﺸﺎﺏ ﺩﺍ ﻟﻄﻴﻒ ﻛﻴﻒ ﻭ ﻣﺮﻳﺢ ﻟﻠﻨﻈﺮ !! ﻣﺎ ﻗﺪﺭﺗﻪ ﺍﺗﺤﻤﻞ ﺍﻧﻲ ﻗﺎﻋﺪﺓ ﻭ ﻣﺎ ﻓﺎﻫﻤﻪ ، ﻭ ﺍﺳﺘﺄﺫﻧﺖ ﻣﻨﻬﻢ ، ﻭ ﻣﺸﻴﺖ ﻋﻠﻰ ﺍﻟﻤﻄﺒﺦ ! ﻭ ﺍﻧﺎ ﺑﻘﻮﻝ ﻟﻲ ﻃﺎﺭﻕ : ‏( ﻃﺎﺭﻕ ﺑﻌﺪ ﺍﺫﻧﻚ ﺗﻌﺎﻝ ﺩﻗﻴﻘﺔ ‏) !
ﺩﺧﻠﺖ ﺍﻟﻤﻄﺒﺦ ، ﺑﻘﻴﺖ ﻣﺎﺷﺔ ﻭ ﺟﺎﻳﺔ ، ﻭ ﻣﺎﺷﺔ ﻭ ﺟﺎﻳﺔ ﻟﻤﻦ ﻃﺎﺭﻕ ﺟﺎ !!
*ﻭﻟﻴﺪ ﺑﻴﺤﻜﻲ :*
ﻣﺎ ﺑﻨﻜﺮ ﻓﻲ ﺍﻥ ﻛﺎﻧﺖ ﻋﻨﺪﻱ ﻛﻤﻴﺔ ﺍﺳﺌﻠﺔ ﻭ ﻣﺎ ﺯﺍﻟﺖ !
ﻣﻦ ﻃﻠﻌﺖ ﻣﻦ ﺍﻟﺒﻴﺖ ﻛﻨﺖ ﺧﺎﺗﻲ %100 ﺍﻧﻪ ﺣﻨﻤﺸﻲ ﻋﻠﻰ ﺍﻟﺒﻴﺖ ﺩﺍﻙ ﺍﻟﻠﻲ ﺷﻔﺖ ﻭﻫﺎﺩ ﻣﺸﺖ ﻋﻠﻴﻬﻮ ﺍﻟﻴﻮﻡ ﺩﺍﻙ ، ﻭ ﻛﻨﺖ ﻓﺎﻛﺮ ﺍﻥ ﺍﻟﻤﺮﺓ ﺍﻟﻠﻲ ﻃﺮﺩﺗﻬﺎ ﺣﺘﻜﻮﻥ ﺍﻣﻬﺎ ! ﺑﺲ ﻻ ﺩﺍﻙ ﻃﻠﻊ ﻳﺎﻫﻮ ﺑﻴﺘﻬﻢ ﻭ ﻻ ﺍﻟﻤﺮﺓ ﺩﻳﻚ ﻃﻠﻌﺖ ﺍﻣﻬﺎ !! ﺍﺫﻥ ﺩﻳﻚ ﻣﻨﻮ ؟ ﻭ ﺩﺍﻙ ﺑﻴﺖ ﻣﻨﻮ . ؟؟
ﻛﻨﺖ ﻣﺤﺘﺎﺝ ﺍﻟﺮﺳﻤﻴﺎﺕ ﻭ ﺍﻟﺤﻮﺍﺟﺰ ﺍﻟﻠﻲ ﺑﻴﻨﻲ ﻭ ﺑﻴﻨﻬﺎ ﺩﻱ ﺗﺰﻭﻝ ﻋﺸﺎﻥ ﺑﺎﻟﺠﺪ ﻣﺤﺘﺎﺝ ﺍﻓﻬﻢ !!
ﻭ ﻣﻦ ﻟﺤﻈﺔ ﺩﺧﻠﻨﺎ ﻭ ﻗﻌﺪﻧﺎ ﺍﻟﺘﻮﺗﺮ ﺍﺗﺤﻜﻢ ﻓﻴﻨﻲ ! ﻛﻨﺖ ﺑﻌﺎﻳﻦ ﻟﻲ ﻛﻞ ﺭﻛﻦ ﻭ ﻛﻞ ﺯﻭﺍﻳﺔ ﻓﻲ ﺍﻟﺒﻴﺖ ! ﺍﻥ ﺩﺍ ﺑﻴﺖ ﻭﻫﺎﺩ ﻭ ﻫﻲ ﻋﺎﻳﺸﻪ ﻫﻨﺎ ﻭ ﺣﻴﺎﺗﻬﺎ ﻓﻲ ﺍﻟﺒﻴﺖ ﺩﺍ ! ﻳﻌﻨﻲ ﺍﻟﺒﺖ ﺩﻱ ﺩﺧﻠﺖ ﺟﻮﺍﻱ ﻛﺪﺍ ﺑﻄﺮﻳﻘﻪ ﻣﺎ ﻋﺎﺩﻳﻪ !! ﻛﻨﺖ ﻣﻨﺘﻈﺮ ﺍﻟﻠﺤﻈﺔ ﺍﻟﻠﻲ ﺗﺠﻲ ﻓﻴﻬﺎ ، ﻭ ﺃﺷﻮﻓﻬﺎﺍ !!
ﻭ ﻟﻤﻦ ﺟﺎﺕ ! ﺟﺎﺕ ﻣﻌﺎﻫﺎ ﻛﻞ ﺑﻬﺠﺔ ﻭ ﻛﻞ ﻓﺮﺣﺔ ﻭ ﻛﻞ ﺍﺣﺴﺎﺱ ﺑﺎﻻﻣﺎﻥ ﻭﺍﻟﺮﺍﺣﻪ ﺣﺴﻴﺘﻮ ! ﻣﺸﺎﻋﺮﻱ ﺗﺠﺎﻩ ﺍﻻﻧﺴﺎﻧﻪ ﺩﻱ ﻓﺎﻗﺖ ﻃﺎﻗﺘﻲ ! ﻗﺪﺭ ﺷﻨﻮ ﺍﻻﻧﺴﺎﻧﺔ ﺩﻱ ﺳﻤﺤﺔ ﻛﺪﺍ ! ﺑﺲ !!... ﺭﻏﻢ ﺍﻥ ﺭﺩﺓ ﻓﻌﻠﻬﺎ ﺍﻟﻐﺮﻳﺒﻪ ﻭ ﻭﻗﻔﺘﻬﺎ ﻭ ﺻﺪﻣﺘﻬﺎ ﺍﻟﻠﻲ ﻣﺎ ﻛﺎﻥ ﻓﻲ ﺯﻭﻝ ﻓﺎﻫﻤﻬﺎ ! ﺍﻧﺎ ﻛﻨﺖ ﻓﺎﻫﻢ ! ﺍﻧﻬﺎ ﺍﺗﺼﺪﻣﺖ ﻟﻤﻦ ﺷﺎﻓﺖ ﺭﺯﺍﻥ ﻭ ﺭﻳﻢ ﻻﻧﻪ ﻡ ﻋﻨﺪﻫﺎ ﺍﻱ ﺧﻠﻔﻴﻪ ﻋﻨﻲ !! ﻭ ﺧﺘﻰ ﺭﺯﺍﻥ ﻭ ﺭﻳﻢ ﺍﺗﻮﻗﻊ ﻋﺎﺭﻓﻴﻦ !!!
*ﻭﻫﺎﺩ ﺑﺘﻘﻮﻝ :*
ﻃﺎﺭﻕ ﺟﺎﻧﻲ ! ﻭ ﻗﺎﻝ ﻟﻲ :
__ ﻣﻤﻜﻦ ﺗﻘﻴﻔﻲ ﻓﻲ ﺣﺘﺔ ﻭﺣﺪﺓ ﻋﺸﺎﻥ ﻭﺗﺮﺗﻴﻨﻲ !! ﻣﺎﻟﻚ ﺍﻧﺘﻲ ﻣﺨﻠﻮﻋﺔ ﻣﻦ ﺟﻴﺘﻲ ! ﻣﺶ ﺍﺗﻜﻠﻤﻨﺎ ﻳﺎ ﻭﻫﺎﺩ ﻓﻲ ﺍﻟﻤﻮﺿﻮﻉ ﺩﺍ ! ﺗﺎﻧﻲ ﺍﻟﺒﻮﺗﺮﻙ ﺷﻨﻮ ؟
** ﻃﺎﺭﻕ ﺍﻧﺖ ﻣﺎ ﻓﺎﻫﻢ ﺣﺎﺟﺔ !
__ ﻓﻲ ﺷﻨﻮ ؟
** ﺍﻧﺎ ﺑﻌﺮﻑ ﺍﻟﻨﺎﺱ ﺩﻳﻞ !! ﻭ ﺍﺑﺪﺍً ﻣﺎ ﺍﺗﻮﻗﻌﺖ ﺍﻥ ﻭﻟﻴﺪ ﺩﺍ ﻭﻟﺪﻫﻢ !
__ ﺑﺘﻌﺮﻓﻴﻬﻢ ﻣﻦ ﻭﻳﻦ ؟
** ﺍﻧﺎ ﻋﺎﺭﻓﻪ ﺍﻥ ﺩﺍ ﻡ ﻭﻗﺘﻮ ﺑﺲ ﻣﺎ ﻗﺪﺭﺗﺎ ﺍﺗﺠﺎﻭﺯ ! ﻳﺎﺥ ﺍﺧﺘﻬﻢ ﺩﻱ ﻫﻲ ﺍﺗﺼﻠﺖ ﺑﻲ ﻋﺸﺎﻥ ﺷﻐﻞ ﻭ ﺍﻟﺘﻴﺎﺏ ﺍﻻﺳﻲ ﺷﻐﺎﻟﻪ ﻓﻴﻬﻢ ﺩﻱ ﺣﻘﺘﻬﺎ ؟
__ ﻗﺼﺪﻙ ﺍﺳﺘﺎﺫﺓ ﺭﻳﻢ ؟
** ﻻﻻ ﺭﺯﺍﻥ ﺍﻟﺼﻐﻴﺮﺓ !!
__ ﻳﻌﻨﻲ ﻫﻮ ﺷﺎﻓﻚ ﻓﻲ ﺑﻴﺘﻬﻢ ﻭﻻ ﻗﺎﺑﻠﺘﻴﻬﺎ ﻭﻳﻦ ﺍﻧﺘﻲ ؟
** ﺍﻳﻮﺓ ﻱ ﻃﺎﺭﻕ ﺑﺲ ﺩﻳﻞ ﺑﺎﻟﺬﺍﺕ ﻣﺎ ﺣﻴﺘﻘﺒﻠﻮﻧﻲ ، ﺩﻳﻞ ﻣﻦ ﻏﻴﺮ ﻟﻲ ﺣﺎﺟﺔ ﻋﺎﻟﻢ ﻭ ﺍﻧﺤﻨﺎ ﻋﺎﻟﻢ ﺗﺎﻧﻲ ! ﺷﻮﻑ ﻳﺎ ﻃﺎﺭﻕ .. ﺣﺎﻭﻝ ﺗﺘﻜﻠﻢ ﻣﻊ ﻭﻟﻴﺪ ﺩﺍ ﻓﻲ ﺍﻗﺮﺏ ﻭﻗﺖ !
__ ﻣﺎ ﻋﺎﻳﺰ ﺍﺻﺪﻣﻚ ﻳﺎ ﻭﻫﺎﺩ ! ﻟﻜﻦ ... ﺍﺍﺍﺍ ...
** ﺷﻨﻮ ﺗﺎﻧﻲ ؟
__ ﺍﻟﺸﺮﻛﺔ ﺍﻟﻠﻲ ﺑﺸﺘﻐﻞ ﻓﻴﻬﺎ ! ﺷﺮﻛﺔ ﺍﻟﺮﻳﻢ ﻳﺎﻫﺎ ﺣﻘﺖ ﺭﻳﻢ ﺩﻱ ﺯﺍﺗﺎ !
** ﺍﻟﻠﻪ ﺍﻛﺒﺮ ... ﺍﻟﻠﻪ ﺍﻛﺒﺮ ﻳﺎ ﻃﺎﺭﻕ ﻓﻲ ﺷﻨﻮ ﻫﻮ ؟ ﺍﻧﺎ ﻣﺎ ﻓﺎﻫﻤﻪ !! ﻟﻴﻪ ﺣﺎﺳﻪ ﺍﻧﺤﻨﺎ ﻗﺎﻋﺪﻳﻦ ﺟﻮﺍ ﺩﺍﻳﺮﺓ ﻭﺣﺪﺓ ؟
__ ﻭﻫﺎﺩ ! ﺍﻧﺤﻨﺎ ﻣﺴﺨﻨﺎﻫﺎ ﺑﻲ ﺗﺼﺮﻓﺎﺗﻨﺎ ﺍﻟﻐﺮﻳﺒﻪ ﺩﻱ ! ﺧﻠﻴﻜﻲ ﻃﺒﻴﻌﻴﻪ ﻭ ﺍﻧﺎ ﺣﺄﺭﺗﺐ ﻛﻞ ﺣﺎﺟﺔ ! ﺭﻏﻢ ﺍﻧﻲ ﻣﻦ ﺷﻔﺖ ﺭﻳﻢ ﺩﻱ ﺍﺗﻮﺗﺮﺗﺎ ﻭ ﻋﻨﺪﻱ ﻣﻌﺎﻫﺎ ﻣﻮﺍﻗﻒ ﻗﺪﻳﻤﺔ ﻓﻲ ﺍﻟﺸﺮﻛﺔ ﺑﺲ ﺭﻏﻢ ﻛﺪﺍ ﻫﻲ ﺍﻛﺘﺮ ﻭﺣﺪﺓ ﻛﺎﻧﺖ ﻣﺮﺗﺎﺣﻪ ﻭ ﺍﻗﺴﻤﻠﻚ ﺑﺎﻟﻠﻪ ! ﺍﻻﺑﺘﺴﺎﻣﺔ ﺍﻝ ﻓﻲ ﻭﺷﻬﺎ ﺩﻱ ! ﻡ ﺣﺼﻞ ﺷﻔﺘﻬﺎ ﺑﺎﻟﻐﻠﻂ ﻓﻲ ﺍﻟﺸﺮﻛﺔ ! ﻭ ﺍﻛﺘﺮ ﻭﺣﺪﻩ ﻫﻲ ﻣﺒﺘﺴﻤﺔ ﻭ ﺭﺍﻳﻘﻪ ﻓﻲ ﺍﻟﻘﻌﺪﻩ ﺩﻱ ﻛﻠﻬﺎ ...
** ﻋﺎﻳﻦ . ... ﺍﻧﺎ ﺣﺄﺷﻴﻞ ﺍﻟﺼﻴﻨﻴﺔ ﺩﻱ ! ﺍﻧﺖ ﺟﻴﺐ ﺍﻟﺘﺎﻧﻴﻪ !! ..... ﻭ ﻃﺎﺭﻕ ﻃﻠﻊ ﻗﺪﺍﻣﻲ ، ﻭ ﺍﻧﺎ ﻭﺭﺍﻫﻮﻭﻭ !
ﺭﺟﻌﺖ ﺩﺧﻠﺖ ﺑﻲ ﺍبتسامتي ﺍﻻﻭﻟﻲ ﻭ ﺍﻧﺎ ﺑﻨﺰﻝ ﻓﻲ ﺍﻟﺼﻴﻨﻴﺔ ﻭ ﺑﻘﺪﻡ ﻟﻴﻬﻢ ، ﻭ ﺭﺟﻌﺖ ﻗﻌﺪﺕ ﺟﻤﺐ ﺍﻣﻲ ﺍﻟﻠﻲ ﻛﺎﻧﺖ ﻣﺴﺘﻐﺮﺑﻪ ﻓﻴﻨﺎ ﺍﻧﺎ ﻭ ﻃﺎﺭﻕ ‏( ﺍﻥ ﻣﺎﻟﻜﻢ ﺍﻧﺘﻮ ﺟﻨﻴﺘﻮ (!! !!
ﻓﺠﺎﺓ ﺍﻟﺠﻮ ﺻﻦ ﻭ ﻣﺎ ﻛﺎﻥ ﻓﻲ ﺻﻮﺕ ﻏﻴﺮ ﺻﻮﺕ ﻭﻟﻴﺪ ، ﻭﻫﻮ ﺑﻴﻘﻮﻝ ﻭﻫﻮ ﺑﻴﻌﺎﻳﻦ ﻟﻲ ﻣﻦ ﺑﻌﻴﺪ :
ﺍﻧﺎ ﻭﻟﻴﺪ ﺻﻼﺡ ﺍﻟﺪﻳﻦ ﻣﺤﻤﺪ ﺍﻟﻐﺮﺑﻲ ، ﻋﻤﺮﻱ 30 ﺳﻨﺔ * ﻗﺎﻃﻌﺘﻮ ﺭﻳﻢ * ﻭﻟﻴﺪ 30 ﺩﻱ ﺍﻧﺖ ﻭﺍﻗﻒ ﻓﻴﻬﺎ ﻣﻦ 2016 ﻫﻬﻬﻬﻪ ... ﻗﻌﺪﻭ ﻳﻀﺤﻜﻮ ﻭ ﻗﺎﻟﻴﻬﺎ ﻳﺎ ﺯﻭﻟﺔ ﻭﺣﺎﺓ ﺍﻟﻠﻪ 30 ﻭﻛﻢ ﺷﻬﺮ ﻛﺪﺍﺍﺍ ﻫﻪ !!
ﺍﻟﻤﻬﻢ ، ﺩﺭﺳﺖ ﺍﺩﺍﺭﺓ ﺍﻋﻤﺎﻝ ﻭ ﺑﺰﻧﺲ ﺯﻱ ﺍﻻﺳﺘﺎﺫﺓ ﺭﻳﻢ ، ﺍﻭ ﻫﻲ ﺯﻱ ﻻﻥ ﺍﻧﺎ ﺍﻟﻜﺒﻴﺮ ، ﻭ ﺑﻌﺪﻫﺎ ﺍﺷﺘﻐﻠﺖ ﺟﺎﻱ ﻭ ﺟﺎﻱ ﻳﺎﻫﺎ ﺍﻟﻤﺪﺍﻗﺸﻪ ﺍﻻﻭﻟﻰ ﺩﻳﻚ ، ﻭ ﻣﻦ ﻣﺪﺍﻗﺸﺘﻲ ﺩﻱ ﻃﻠﻌﺖ ﻟﻲ ﺑﻲ ﻣﺒﻠﻎ ﻛﻮﻳﺲ ﻭ ﺑﺪﻳﺖ ﺷﺮﺍﻛﺔ ﻣﻊ ﻭﺍﺣﺪ ﻭ ﻣﻊ ﺍﻟﻮﻗﺖ ﻃﻮﺭﺕ ﻧﻔﺴﻲ ﻟﻤﻦ ﺍﻣﺘﻠﻜﺖ ﻭﻛﺎﻟﺔ ﺳﻔﺮ ﺍﻟﺤﻤﺪﻟﻠﻪ ! ﻭ .... ﻭﺍﻟﻠﻪ ﻳﺎﺥ ﻣﺘﻮﺗﺮ ﺷﻮﻳﺔ ﺍﻟﺼﺮﺍﺣﻪ ﻫﻬﻪ ..
ﺍﻧﺎ ﻛﻨﺖ ﺑﺘﻔﺎﺩﻯ ﺍﻋﺎﻳﻦ ﻟﻴﻬﻮ ! ﻭ ﺣﺎﺳﺔ ﺑﻲ ﻛﻼﻣﻮ ﺍﻟﻤﻮﺟﻪ ﻟﻲ ! ﻭ ﺍﺧﺮ ﺣﺎﺟﺔ ﻗﺎﻟﻬﺎ ﺍﻧﺎ ﻣﺒﺴﻮﻁ ﺑﺎﻟﻈﺮﻭﻑ ﺍﻟﺠﻤﻌﺘﻨﻲ ﺑﻴﻜﻢ ﻭ ﺑﺘﻤﻨﻰ ﺭﺑﻨﺎ ﻳﺤﻘﻖ ﻟﻲ ﻣﺮﺍﺩﻱ ... ﺳﻜﺖ ﻭ ﻗﺎﻝ ﻟﻲ :
__ ﻣﻤﻜﻦ ﺗﺘﻜﻠﻤﻲ ﻋﻦ ﻧﻔﺴﻚ ﺷﻮﻳﺔ ﻳﺎ ﻭﻫﺎﺩ ؟
** ‏( ﻡ ﺍﺗﺮﺩﺩﺕ ﺍﺑﺪﺍً ‏) ﺃﻧﺎ ﻭﻫﺎﺩ ﺑﻨﺖ ﺣﻨﺎﻥ ‏( ﻋﺎﻳﻨﺖ ﻟﻲ ﺍﻣﻲ ‏) ﻭ ﺣﺴﻴﻦ ! ﻭ ﺍﻧﺠﺒﺘﻨﻲ ﺍﻟﺪﻧﻴﺎ ! ﻋﻤﺮﻱ ﺍﻛﺒﺮ ﻣﻦ ﻣﺎ ﺍﺑﺪﻭ ﻋﻠﻴﻪ ﺧﺎﺭﺟﻴﺎً ‏( ﻛﻨﺖ ﻣﺒﺘﺴﻤﺔ ﻭ ﺍﻧﺎ ﺑﺘﻜﻠﻢ ‏) ، ﺍﻣﺎﺍﺍﺍ ﺑﺎﻟﺴﻨﻮﺍﺕ 25 ﺳﻨﺔ ، ﺑﺎﻟﻨﺴﺒﺔ ﻟﻠﺪﺭﺍﺳﺔ ، ﺩﺭﺳﺖ ﻫﻨﺪﺳﺔ ﺗﺼﺎﻣﻴﻢ ﺩﺍﺧﻠﻴﺔ !
ﺭﺩﺕ ﻟﻲ ﺍﻣﻬﻢ : ﻟﻴﻪ ﻭﻫﺎﺩ ﺑﺖ ﺣﻨﺎﻥ ﻭ ﺣﺴﻴﻦ ! ﻳﻌﻨﻲ ﻓﻲ ﺍﻟﻌﺎﺩﺓ ﺑﺠﻲ ﺍﺳﻢ ﺍﻻﺏ ﻃﻮﺍﻟﻲ !
** ﺑﺎﻟﻨﺴﺒﺔ ﻟﻲ ﺍﻟﻮﺿﻊ ﻣﺨﺘﻠﻒ ! * ﻗﺎﻃﻌﻨﻲ ﻃﺎﺭﻕ ﺍﻓﺘﻜﺮﻧﻲ ﻋﺎﻳﺰﺓ ﺍﺗﻜﻠﻢ ﺑﻲ ﻗﺼﺘﻲ .. * ﻗﺎﻟﻴﻬﻢ ﻣﺪﻭ ﻳﺪﻛﻢ ﻳﺎ ﺟﻤﺎﻋﻪ ﺍﺗﻔﻀﻠﻮ ﺍﺗﻔﻀﻠﻮﻭﻭﻭ !!
ﺑﺲ ﺍﻧﺎ ﻛﻨﺖ ﻣﺼﻤﻤﺔ ﺍﺭﺩ ﻟﻴﻬﺎ .. ﻭ ﺑﻌﺪ ﻃﺎﺭﻕ ﺧﻠﺺ ﻛﻼﻣﻮ ، ﻗﻠﺖ ﻟﻴﻬﺎ :
** ﻛﻨﺖ ﺑﻘﻮﻟﻴﻜﻲ ﺍﻥ ﺍﻟﻮﺿﻊ ﺑﺎﻟﻨﺴﺒﺔ ﻟﻲ ﻣﺨﺘﻠﻒ ‏( ﻃﺎﺭﻕ ﻗﻌﺪ ﻳﻘﺢ ﻭ ﻳﻘﺢ ﻋﺸﺎﻥ ﻳﺴﻜﺘﻨﻲ ﻭ ﻭﻟﻴﺪ ﺷﺎﺑﻜﻮ ﺻﺤﺔ ، ﻫﺎﻙ ﻣﻮﻳﺔ ‏) .. ﻭ ﻛﻤﻠﺖ ﻛﻼﻣﻲ : ﺍﻧﺎ ﻭﻫﺎﺩ ﺑﻨﺖ ﺣﻨﺎﻥ ﻋﻠﺸﺎﻥ ﻫﻲ ﺳﺎﻧﺪﺍﻧﻲ ﻭ ﺩﻋﻤﻲ ﻭ ﻗﻮﺗﻲ ﻭ ﺣﻴﺎﺗﻲ ﻛﻠﻬﺎ ﻭ ﻧﻔﺲ ﺍﻟﺸﻲ ﺍﺑﻮﻱ ﺣﺴﻴﻦ ﺭﺣﻤﺔ ﺍﻟﻠﻪ ﻋﻠﻴﻪ ! ﺍﻻﺗﻨﻴﻦ ﺳﻨﺪﻱ ﻋﺸﺎﻥ ﻛﺪﺍ ﺍﺳﻤﻲ ﻣﺎ ﺑﻴﻨﻔﻊ ﻳﻜﻮﻥ ﻭﻫﺎﺩ ﻭ ﺑﺲ ! ﻻ ﻭﻫﺎﺩ ﺑﻨﺖ ﺣﻨﺎﻥ ﻭ ﺣﺴﻴﻦ ﻻﻧﻬﻢ ﺳﺎﻧﺪﻳﻦ ﺍﺳﻤﻲ ﺯﻱ ﻣﺎ ﺳﺎﻧﺪﻧﻲ !!!! ﺑﻌﺪ ﺧﻠﺼﺖ ﻛﻼﻣﻲ ، ﻻﺣﻈﺖ ﺍﻥ ﺍﻻﺑﺘﺴﺎﻣﺔ ﺍﻟﻠﻲ ﻛﺎﻧﺖ ﻣﺠﻮﺩﺓ ﻓﻲ ﻭﺵ ﺭﻳﻢ ﺍﺑﺘﺪﺍ ﺗﺨﺘﻔﻲ ﺗﺪﺭﻳﺠﻴﺎً !
ﻭ ﺑﻌﺪﻫﺎ ، ﻃﺎﺭﻕ ﻭﻗﻒ ﻋﻠﻰ ﺣﻴﻠﻮ ﻭ ﻗﺎﻝ : ﺍﺳﺘﺄﺫﻧﻜﻢ ﺑﺲ ، ﻭﻟﻴﺪ ﻣﻤﻜﻦ ﺗﺠﻲ ﻣﻌﺎﻱ ؟ ﻣﺤﺘﺎﺝ ﺍﺗﻜﻠﻢ ﻣﻌﺎﻙ ! ﻃﻮﺍﻟﻲ ﻭﻟﻴﺪ ﻗﺎﻡ ﻭ ﻗﺎﻟﻴﻬﻮ ﺟﺪﺍﺍً .. ﻭ ﻣﺸﻮ ﻋﻠﻰ ﺍﻟﺼﺎﻟﻮﻥ ﺍﻟﺒﺮﺍ ﺣﻖ ﺍﻟﺮﺟﺎﻝ !!
ﻣﻦ ﺍﻟﻠﺤﻈﻪ ﺩﻱ ﻭ ﺍﻻﺑﺘﺴﺎﻣﺔ ﻡ ﻓﺎﺭﻗﺘﻨﻲ ﻭ ﺑﻌﺎﻳﻦ ﻟﻲ ﺍﻣﻲ ﻛﺄﻧﻲ ﺑﺘﻘﻮﻯ ﺑﻴﻬﺎ !
ﺑﻌﺪﻫﺎ ﺭﻳﻢ ﻛﺎﻧﺖ ﺑﺘﺤﺎﻭﻝ ﺗﻔﺘﺢ ﻣﻌﺎﻱ ﻣﻮﺍﺿﻴﻊ ، ﻣﻦ ﻧﺎﺣﻴﺔ ﺷﻐﻞ ! ﻭ ﻣﻮﺍﺿﻴﻊ ﺍﺟﺘﻤﺎﻋﻴﺔ ﻣﺸﺘﺮﻛﺔ ! ﻭ ﺭﺯﺍﻥ ﺳﺎﻛﺘﻪ ! ﻭ ﻣﻜﺘﻔﻴﺔ ﺑﺎﻻﺑﺘﺴﺎﻣﺔ !! ﻭﺍﻧﺎ ﺑﺮﺩ ﻋﻠﻴﻬﺎ ﺑﺲ ﺑﻲ ﻗﻠﺐ ﻭ ﻓﻜﺮ ﻣﺸﻐﻮﻝ ! ﻋﻦ ﺍﻧﻪ ‏( ﻳﺎ ﺭﺑﻲ ﻃﺎﺭﻕ ﻛﻠﻢ . ﻭﻟﻴﺪ ﻭﻻ ﻟﺴﺴﻪ ؟ ‏) ..
*ﺭﻳﻢ ﺑﺘﺤﻜﻲ :*
ﻟﻤﻌﺔ ﻋﻴﻮﻥ ﻭﻫﺎﺩ ﻭ ﻫﻲ ﺑﺘﺤﻜﻲ ﻋﻦ ﺍﻫﻠﻬﺎ ، ﺧﻠﺖ ﺍﻟﺤﻨﻴﻦ ﺍﻟﻠﻲ ﺟﻮﺍﻱ ﺍﺗﻀﺎﻋﻒ ﺗﺠﺎﻩ ﺍﻫﻠﻲ ﻭ ﻡ ﻛﻨﺖ ﺣﺎﺳﻪ ﺑﻲ ﻓﻘﺪﻱ ﺷﺪﻳﺪ ﻛﺪﺍ ﺍﻻ ﺑﻌﺪ ﻭﻫﺎﺩ ﻭﺻﻔﺖ ﺍﻫﻠﻬﺎ ﺑﺎﻟﻘﻮﺓ ﺩﻱ ﻭ ﺍﻟﻔﺨﺮ ﺩﺍ !!
ﻛﻨﺖ ﺑﺤﺎﻭﻝ ﺍﻓﺘﺢ ﻣﻌﺎﻫﺎ ﻣﻮﺍﺿﻴﻊ ﻭ ﺍﺗﻜﻠﻢ ﻣﻌﺎﻫﺎ ﻭ ﺍﺗﻌﺮﻑ ﺑﻴﻬﺎ ! ﻭ ﺍﺛﻨﺎﺀ ﻛﻼﻣﻲ ﻣﻌﺎﻫﺎ ﺗﻠﻔﻮﻧﻲ ﺭﻥّ !
ﻃﻠﻌﺘﻮ ﻣﻦ ﺍﻟﺸﻨﻄﻪ ! ﻭ ﻛﺎﻥ ﺧﺎﻟﺪ ! ﻭ ﺑﻘﻴﺖ ﻣﺤﺘﺎﺭﺓ ﺑﻴﻦ ﺍﺭﺩ ﻭﻻ ﻣﺎ ﺍﺭﺩ ! ﻟﻤﻦ ﺍﻟﻤﻜﺎﻟﻤﺔ ﻓﺼﻠﺖ ! ﻭ ﺭﺟﻊ ﻟﻲ ﺑﻲ ﺭﺳﺎﻟﺔ ! ﻛﺎﺗﺐ ﻟﻲ ﻓﻴﻬﺎ } : ﺍﺭﺟﻌﻲ ﻟﻲ ﺿﺮﻭﺭﻱ {
ﻗﺮﻳﺖ ﺍﻟﺮﺳﺎﻟﺔ ﻭ ﻗﻠﻘﺘﻪ ﺷﺪﻳﺪ ! ﻻﻧﻪ ﻋﺎﺭﻑ ﺍﻧﻲ ﻣﺎ ﻓﺎﺿﻴﺔ ﻓﺎ ﻋﻘﻠﻲ ﺭﻓﺾ ﻳﺴﺘﻘﺒﻞ ﺍﻱ ﺣﺎﺟﺔ ﻣﻨﻄﻘﻴﻪ ﻭ ﻛﻞ ﺍﻟﺤﺎﺳﻪ ﺑﻴﻬﻮ ﻛﺎﻥ ﻗﻠﻖ ...
ﻟﻤﻦ ﻏﻠﺒﻨﻲ ! ﻋﺎﻳﻨﺖ ﻟﻲ ﻭﺍﻟﺪﺓ ﻭﻫﺎﺩ ! ﻗﻠﺖ ﻟﻴﻬﺎ :
ﻣﻤﻜﻦ ﺍﺭﺩ ﻋﻠﻰ ﺍﻟﻤﻜﺎﻟﻤﺔ ؟ ﻳﻌﻨﻲ ﺍﻃﻠﻊ ﺍﻟﺤﻮﺵ ؟؟
ﻗﺎﻟﺖ ﻟﻲ : ﻻﻻ ... ﺧﺸﻲ ﺍﻟﻐﺮﻓﻪ ﺣﻘﺖ ﺍﻟﺼﺎﻟﻮﻥ ﺍﻟﺒﻲ ﺟﺎﻱ ﺩﻱ ! ﻗﻠﺖ ﻟﻴﻬﺎ ﺍﺳﻔﻪ ﻟﻠﻐﻠﺒﺔ ﺑﺲ ﻣﻀﻄﺮﺓ ﺍﺭﺩ !!
ﻗﺎﻟﺖ ﻟﻲ ﺍﻟﺒﻴﺖ ﺑﻴﺘﻚ ! ﻭﻫﺎﺩ ﻗﺎﻟﺖ ﻟﻲ ، ﺧﺸﻲ ﻣﻦ ﻫﻨﺎ ﻭﻻ ﺍﻗﻮم ﻣﻌﺎﻛﻲ !
ﻗﻠﺖ ﻟﻴﻬﺎ ﻻﻻﻻ ، ﻡ ﻳﺤﺘﺎﺝ ... ﻭ ﻣﺸﻴﺖ ﺯﻱ ﻣﺎ ﻭﺻﻔﻮ ﻟﻲ ! ﺩﺧﻠﺘﻪ .. ‏( ﻫﻲ ﻡ ﻏﺮﻓﺔ ﻟﻴﻬﺎ ﺑﺎﺏ ، ﺑﺲ ﻛﻠﻮ ﺑﻴﻔﺘﺢ ﻋﻠﻰ ﺑﻌﺾ ﻭ ﺩﻱ ﻛﺎﻧﺖ ﺩﺍﺧﻠﻪ ﻟﻲ ﺟﻮﺍ ﺷﻮﻳﻪ ﻛﺪﺍ ﺯﻱ ﺍﻟﻤﺎﺧﺪﺓ ﺯﺍﻭﻳﺔ ، ﻭ ﻛﺎﻥ ﻓﻴﻬﺎ ﺳﺮﻳﺮ ﻭﺍﺣﺪ ﻭ ﻛﺮﺳﻴﻦ ﺑﺎﻗﻲ ﺍﻟﺠﻠﻮﺱ ﺍﻻﻭﻝ ﻣﺨﺘﻮﺗﻴﻦ ﺑﻲ ﺯﺍﻭﻳﺔ ‏) ..
ﻗﻌﺪﺕ ﻓﻲ ﻃﺮﻑ ﺍﻟﻜﺮﺳﻲ ﻭ ﺍﺩﻳﺖ ﺿﻬﺮﻱ ﻟﻠﺴﺮﻳﺮ .. ﻭ ﻛﺎﻥ ﺑﺎﻟﻲ ﻣﻊ ﺧﺎﻟﺪ !! ﻭ ﻗﺒﻞ ﺍﺗﺼﻞ ﻟﻘﻴﺖ ﺑﻴﺘﺼﻞ .. ﺭﺩﻳﺖ ﻃﻮﺍﻟﻲ :
** ﻗﻠﻘﺖ ﺑﻲ ! ﺍﻧﺖ ﻛﻮﻳﺲ ؟
__ ﺣﻤﺪﻟﻠﻪ ﻛﻮﻳﺲ ! ﺍﺗﺎﺧﺮﺗﻮ !
** ﺍﻳﻮﺓ ﺑﺼﺮﺍﺣﻪ ﻗﻌﺪﺗﻬﻢ ﻣﺎ ﺑﻴﻨﺰﻫﺞ ﻣﻨﻬﺎ ﻧﺎﺱ ﺣﺒﺎﺑﻴﻦ ﺑﺲ ﻣﺸﻮﺍﺭﻫﻢ ﺑﻌﻴﺪ ﺷﻮﻳﻪ ﻋﺸﺎﻥ ﻛﺪﺍ !
__ ﺍﺳﻲ ﺭﺟﻌﺘﻮ ﻃﺒﻌﺎً ﺻﺢ ؟
** ﻻﻻ ﻟﺴﻪ !
__ ﻭ ﺭﺩﻳﺘﻲ ﻟﻲ ﻛﻴﻒ ؟
** ﺍﺳﺘﺄﺫﻧﺖ ﻣﻨﻬﻢ ﺩﺧﻠﺖ ﻟﻲ ﺻﺎﻟﻮﻥ ! ﻛﺪﻱ ﺧﻠﻴﻚ ﻣﻦ ﺩﺍ ! ﺣﺎﺻﻞ ﺷﻨﻮ ؟؟
__ ﻣﺨﻨﻮﻕ ﺷﻮﻳﺔ ﻭ ﺩﺍﻳﺮ ﺍﺳﻤﻊ ﺻﻮﺗﻚ !
** ﺣﺎﺻﻞ ﺷﻨﻮ ﺍﻫﻠﻚ ﺑﺨﻴﺮ !!
__ ﺍﻱ ﺑﺨﻴﺮ !
** ﺍﺣﻜﻲ ﻃﻴﺐ !
__ ﺍﺑﻮﻛﻲ ﺣﻴﺠﻲ ﺍﻟﺴﻮﺩﺍﻥ ﻣﺘﻴﻦ ؟
** ﺍﺑﻮﻱ ! ﻟﻴﻪ ؟؟
__ ﺍﺳﻤﻌﻲ ! ﺍﻧﺎ ﺩﺍﻳﺮ ﺍﺟﻲ ﺍﺗﻘﺪﻡ ﻟﻴﻜﻲ ! ﻭ ﻳﺎﺭﻳﺖ ﻓﻲ ﺍﻗﺮﺏ ﻭﻗﺖ ﻣﻤﻜﻦ !!!
** ﺷﺸﺶ ﺷﺶ ﺷﻨﻮﻭﻭ !!! ﺧﺎﻟﺪ ! ﻓﻲ ﺷﻨﻮ ؟
__ ﺑﺤﺒﻚ ﺑﺲ ﻳﺎﺭﻳﻢ ، ﻭ ﺩﺍﻳﺮﺍﻙ ﻟﻲ
** ‏( ﺍﺗﺼﺪﻣﺘﻪ ‏) ﺧﺦ ﺧﺎﻟﺪ !! ﻳﺎ ﺯﻭﻝ ﺑﺴﻢ ﺍﻟﻠﻪ ﻓﻴﻚ ﺷﻲ ﺍﻧﺖ ؟؟
__ ﺭﻳﻢ !! ﺍﻧﺎ ﺑﺤﺒﻚ !!! ﻭ ﻣﺎ ﺩﺍﻳﺮ ﻣﻨﻚ ﺭﺩ ﺍﻧﺎ ﺑﻮﺭﻳﻜﻲ ﻭ ﺧﻼﺹ !! ﺑﻌﺪ ﺩﺍ ﺗﻘﺪﺭﻱ ﺗﻘﻔﻠﻲ ﺗﺮﺟﻌﻲ ﻟﻠﻨﺎﺱ !
** ﺧﺎﻟﺪ !
__ ﻣﺎ ﺧﺎﻟﺪ ﻱ ﺭﻳﻢ ﻛﻞ ﺍﻟﻜﻨﺖ ﻣﺤﺘﺎﺟﻮ ﺍﺳﻤﻊ ﺻﻮﺗﻚ ﻭ ﺳﻤﻌﺘﻮ ، ﻟﻤﻦ ﺗﺮﺟﻌﻲ ﺍﻟﺒﻴﺖ ﻧﺘﻜﻠﻢ ! ﻣﻨﺘﻈﺮﻙ ﻳﻼﺍﺍ ﺳﻼﻡ !
** ﺧﺎﻟﺪ !! * ﻗﻔﻞ *
ﻡ ﻋﺎﺭﻓﻪ ﻛﻨﺖ ﺍﺣﺪﺩ ﺍﺣﺴﺎﺳﻲ ! ﺧﺎﻟﺪ ﻣﺎﻟﻮ ! ؟ ﻭ ﺑﻴﺤﺒﻨﻲ ﺍﻧﺎ ! ﻣﻦ ﻏﻴﺮ ﻡ ﺍﺣﺲ ﻗﻤﺘﻪ ﻣﻦ ﺍﻟﻜﺮﺳﻲ ! ﻭ ﺍﺗﻠﻔﺖ ﻭﺭﺍﺍﺍﻱ !! ﻓﺠﺎﺓ ﺟﺎﻧﻲ ﺍﺣﺴﺎﺱ ﻗﻮﻱ ! ﺍﻧﻲ ﺑﻌﺮﻑ ﺍﻟﻤﻜﺎﻥ ﺩﺍ !! ﻭ ﻓﺠﺄﺓ ﺑﻘﻴﺖ ﺳﺎﻣﻌﻪ ﺍﺻﻮﺍﺕ ﺩﻭﺷﻪ ! ﺍﺻﻮﺍﺕ ﺭﺍﺟﻞ ﻭ ﻣﺮﺓ !! ﻭ ﺻﻮﺕ ﺷﺎﻓﻊ !!! ﺧﺘﻴﺖ ﻳﺪﻱ ﻓﻲ ﺍﺿﺎﻧﻲ ﻭ ﻏﻤﻀﺖ ﻋﻴﻮﻧﻲ !!
*ﺍﻣﺎ ﻭﻫﺎﺩ ! ﺑﺘﻘﻮﻝ :*
ﻭ ﺑﻘﻴﺖ ﻗﺎﻋﺪﺓ ﻣﻨﺘﻈﺮﺓ ﺭﺩﺓ ﻓﻌﻞ ﻭﻟﻴﺪ .. ﻭ ﻓﺎﺗﺖ ﺩﻗﻴﻘﺔ ! ﻭ ﺍﺗﻨﻴﻦ .. ﻭ ﺗﻼﺗﻪ .. ﻟﺤﺪ 17 ﺩﻗﻴﻘﺔ ﺣﺘﻰ ﺟﻮ ﺩﺍﺧﻠﻴﻦ ... ﻭ ﻟﻤﻦ ﺳﻤﻌﺖ ﺍﺻﻮﺍﺗﻬﻢ . ﻭﻫﻤﺎ ﺟﺎﻳﻦ ﺩﺍﺧﻠﻴﻦ ﻋﻠﻰ ﺣﺘﺘﻨﺎ ! ﺩﻣﻲ ﻧﺸﻒ ، ﻭ ﺟﻮ ﺩﺍﺧﻠﻴﻦ ﻋﺎﺩﻱ ﺟﺪﺍً ، ﻛﻨﺖ ﻣﺘﺮﻏﺒﺔ ﻣﻼﻣﺢ ﻭﻟﻴﺪ ! ﻋﺸﺎﻥ ﺍﺣﺲ ﺑﻲ ﺭﺩﺓ ﻓﻌﻠﻮ ! ﻡ ﻛﺎﻥ ﻓﻲ ﺍﻱ ﺣﺎﺟﺔ !!
ﺣﺘﻰ ﻋﺎﻳﻨﺖ ﻟﻲ ﻃﺎﺭﻕ ﺷﺪﻳﺪ ﻋﺸﺎﻥ ﺍﻋﺮﻑ ﺍﺫﺍ ﻛﻠﻤﻮ ﻭﻻﻻ ﻭﺍﻟﺰﻭﻝ ﺩﺍ ﻋﺎﺩﻱ ﻛﺪﺍ !! ﻭ ﻃﺎﺭﻕ ﻛﻤﺎﻥ ﻛﺎﻥ ﻋﺎﺩﻱ ﺷﺪﻳﺪ ....
ﺍﻣﻪ ﺑﺘﻘﻮﻝ ﻟﻴﻬﻮ : ﺍﺗﺎﺧﺮﺗﻮ !
ﻭﻟﻴﺪ : ﺍﻳﻮﺓ ﻛﻨﺖ ﺑﻨﺘﻜﻠﻢ ﻓﻲ ﻣﻮﺿﻮﻉ !! ﻭﻳﻨﺎ ﺭﻳﻢ ؟؟
ﻣﻊ ﺳﺆﺍﻟﻮ ﻋﻦ ﺭﻳﻢ ، ﺳﻤﻌﻨﺎ ﺻﺮﺭﺭﺭﺭﺧﺔ ﺑﻲ ﺣﺴﺴﺲ ﻭﺍﺍﺍﺍﺍﺍﺣﺪ !

ﻳﺘﺒﻊ .....
# ﺍﺳﺘﻜﻜﺎﻧﺔﺓ ....🍅
# ﺳﺤﺮ _ ﺳﻤﻴﺮ .....