حب منبوذ

٢٨

ﺍﻧﺤﻨﺎ ﻣﻊ ﺻﻮﺕ ﺍﻟﺼﺮﺧﺔ ﺣﻘﺖ ﺭﻳﻢ ! ﻛﻞ ﻭﺍﺣﺪ ﺟﺮﻯ ﻓﻲ ﺍﺗﺠﺎﻩ ﻭ ﻡ ﻛﺎﻥ ﻓﻲ ﻋﻘﻞ ! ﺑﺲ ﻣﺨﻠﻮﻋﻴﻦ ﻭ ﺍﻣﻬﻢ ﺩﻱ ﺑﺲ ﺧﺘﺖ ﻳﺪﻫﺎ ﻋﻠﻰ ﺻﺪﺭﻫﺎ ، ﻭ ﻗﺎﻟﺖ ﺳﺠﻤﻲ ﺑﺘﻲ !!! ﺣﺼﻠﻮﻫﺎﺍ ! ﻭ ﻃﺒﻌﺎً ﻭﻟﻴﺪ ﻭ ﻃﺎﺭﻕ ﻛﺎﻧﻮ ﺍﺳﺮﻉ
ﻭﺍﺧﻒ ﻣﻨﻨﺎ !! ﻭ ﺑﻌﺪﻫﻢ ﺍﻧﺎ ﻭﺻﻠﺖ ﻣﻌﺎﻫﻢ !!
ﺍﻟﺨﻠﻌﻪ ﺍﻟﺪﺧﻠﺖ ﻓﻴﻨﻲ ﻭﻗﺖ ﻫﻲ ﺻﺮﺧﺖ ﻣﺎ ﺑﺘﺴﺎﻭﻱ ﺣﺎﺟﺔ ﻗﺼﺎﺩ ﺻﺮﺧﺘﻲ ﺑﻌﺪ ﻭﺻﻠﻨﺎﻫﺎ ﻭ ﻛﺎﻧﺖ ﻭﺍﻗﻌﻪ ﻓﻲ ﺍﻻﺭﺽ ﺯﻱ ﺍﻟﺠﺜﺔ !!
ﻭﻟﻴﺪ ﺩﺍ ﺷﺒﻪ ﺍﻧﻪ ﺟﻦّ ! ﻭ ﺑﻘﻰ ﻫﻮ ﺯﺍﺗﻮ ﻓﺎﻗﺪ ﺍﻟﻤﻨﻄﻖ !! ﻭ ﺷﺎﻟﻬﺎ ﺑﺮﺍﻫﻮ ﻣﺎ ﺍﺩﻯ ﻃﺎﺭﻕ ﺍﻱ ﻣﺠﺎﻝ ﺍﻧﻪ ﻳﺴﺎﻋﺪﻭ ، ﻭ ﻃﺎﺭﻕ ﺑﻴﻘﻮﻝ ﻟﻴﻬﻮ : ﺭﻗﺪﻫﺎ ﻋﻠﻰ ﺍﻟﺴﺮﻳﺮ .. ﺭﻗﺪﻫﺎﺍ !!!
ﻭ ﺍﻧﺎ ﺟﺮﻳﺖ ﻋﻠﻰ ﺟﻚ ﺍﻟﻤﻮﻳﻪ ﻣﻠﻴﺖ ﺍﻟﻜﺒﺎﻳﺔ ﻭ ﺟﻴﺖ ﺭﺍﺟﻌﻪ ! ! ﻧﺎﻭﻟﺘﺎ ﻃﺎﺭﻕ ﺍﻟﻜﺒﺎﻳﺔ ﻭ ﺑﻘﻰ ﻳﺮﺵ ﻋﻠﻴﻬﺎ ..
ﺭﺯﺍﻥ ، ﺩﻱ ﺍﻏﺮﺏ ﺍﻧﺴﺎﻧﺔ ﻻﻗﺘﻨﻲ ! ﺯﻭﻟﺔ ﺭﺩﻭﺩ ﻓﻌﻠﻬﺎ ﻛﻠﻬﺎ ﺻﺎﻣﺘﻪ ﻳﻌﻨﻲ ﻛﻨﺎ ﺑﻨﺘﺠﺎﺭﻯ ﻭ ﻧﺘﻄﺎﻗﺶ ﺍﻻ ﻫﻲ ﻭﺍﻗﻔﻪ ﻭ ﺑﺘﺒﻜﻲ ﺑﺲ !! ،، ﻡ ﻋﺎﺭﻓﻪ ﺑﺲ ﺣﺘﻰ ﺍﻣﻬﺎ ﺭﺩﺓ ﻓﻌﻠﻬﺎ ﻣﺎ ﺑﺘﺤﺼﻞ ﺭﺩﺓ ﻓﻌﻞ ﻭﻟﻴﺪ ﺍﻟﻠﻲ ﻛﺎﻥ ﺣـ ﻳﺠﻦ !!
ﺍﻣﻲ ﺑﻘﺖ ﺗﻘﻮﻟﻴﻬﻮ ﺍﺿﻐﻂ ﻋﻠﻰ ﺍﺻﺎﺑﻊ ﻳﺪﻫﺎ ! ﺍﻓﺮﻙ ﺍﻻﻃﺮﺍﻑ ﺣﻘﺖ ﺍﻟﻴﺪ !! .. ﺑﻘﻴﺖ ﻭﺍﻗﻔﻪ ﺟﻤﺐ ﺍﻣﻲ ﻭ ﺍﻗﻮﻟﻴﻬﺎ : ﻫﻲ ﻣﺎﻟﻬﺎ !! ﻭ ﻋﻴﻮﻧﻲ ﺭﻗﺮﻗﺖ ﻭﻓﺠﺎﺓ ﺑﻘﻴﺖ ﺑﺒﻜﻲ !! ﻟﻤﻦ ﻓﺎﻗﺖ ! ﺍﻭﻝ ﺣﺎﺟﺔ ﻋﻤﻠﺘﻬﺎ ﻣﺴﻜﺖ ﺭﺍﺳﻬﺎ ! ﻭ ﻛﻠﻨﺎ ﺍﺗﻜﺒﻴﻨﺎ ﻓﻮﻕ ﺭﺍﺳﻬﺎ ! ﻭ ﻛﻞ ﻭﺍﺣﺪ ﺑﺴﺄﻝ ﻓﻲ ﺍﺗﺠﺎﻩ ! ﺍﻧﺘﻲ ﻛﻮﻳﺴﻪ ؟؟
ﻛﻞ ﺍﻟﻘﺎﻟﺘﻮ ﺍﻧﺎ ﻣﺼﺪﻋﻪ ﺷﺪﻳﺪ ! ﻭﺩﻭﻧﻲ ﺍﻟﺒﻴﺖ !!
ﺍﻣﻲ ﻗﺎﻟﺖ ﻟﻴﻬﺎ : ﻳﺎ ﺑﺘﻲ ﻡ ﺗﺴﺘﻌﺠﻠﻲ ﻋﻠﻰ ﺍﻟﻤﺸﻲ ﺑﻴﺘﻲ ﻫﻨﺎ ﺯﺍﺗﻮ ﻟﻤﻦ ﺗﺒﻘﻰ ﻛﻮﻳﺴﻪ !
ﻗﺎﻟﺖ ﻟﻲ ﺍﻣﻲ : ﻣﺎ ﺑﻘﺪﺭ ﻫﻨﺎ ﻓﻲ ﺍﺻﻮﺍﺕ ﻛﺪﺍ ! ﺑﺘﻀﺎﻳﻘﻨﻲ ﺷﺪﻳﺪ ! ﻭﻟﻴﺪ ﻗﺎﻟﻴﻬﺎ : ﺍﺻﻮﺍﺗﻨﺎ ﻳﻌﻨﻲ ؟ ﻃﻴﺐ ﻡ ﻣﺸﻜﻠﻪ ﺍﺭﺗﺎﺣﻲ ﻫﻨﺎ ﺣﺒﺔ ﺍﻧﺤﻨﺎ ﺣﻨﺴﻜﺖ ﻣﺎ ﺣﻨﺰﻋﺠﻚ ! ﻗﺎﻟﺖ ﻟﻴﻬﻮ : ﻻﻻ ﻳﺎ ﻭﻟﻴﺪ ﻡ ﻛﺪﺍ ‏( ﻗﺎﻣﺖ ﻗﻌﺪﺕ ﻋﻠﻰ ﺣﻴﻠﻬﺎ ‏) ﺍﺫﺍ ﺧﻠﺼﺘﻮ ﻣﻤﻜﻦ ﻧﻤﺸﻲ ﺍﻟﺒﻴﺖ ؟
ﺍﻣﻬﻢ : ﺍﻱ ﻧﻤﺸﻲ ﺑﻌﺪ ﻛﺪﺍ ﻭ ﻣﻌﻠﻴﺶ ﻳﺎ ﺟﻤﺎﻋﺔ ﻗﻠﻘﻨﺎ ﺑﻴﻜﻢ ﺳﺎﻣﺤﻮﻧﺎ !
ﺍﻣﻲ : ﻻﻻ ﻳﺎﺥ ﺍﺻﻠﻮ ﻣﺎ ﺗﻘﻮﻟﻲ ﻛﺪﺍ ﺍﻟﺤﺎﻟﺔ ﻭﺍﺣﺪﺓ ﻭ ﺷﺮﻓﺘﻮﻧﺎ ﻭﺍﻟﻠﻪ , ﻭ ﻭﺍﻟﻠﻪ ﺩﺍﻳﺮﻧﻜﻢ ﺗﺘﻌﺸﻮ ﻣﻌﺎﻧﺎ ‏( ﻋﺎﻳﻨﺖ ﻟﻲ ﺭﻳﻢ ‏) ﻳﺎ ﺑﺘﻲ ، ﺍﻗﻌﺪﻱ ﻣﻌﺎﻧﺎ ﺣﺒﺔ ﻣﺎﻟﻚ ﻣﺎﺑﻴﺎﻧﺎ !
ﻓﺠﺄﺓ ﺭﻳﻢ ﻗﺎﻣﺖ ﻭ ﺟﺎﺕ ﻋﻠﻰ ﺍﻣﻲ ﻭ ﺑﺎﺳﺖ ﺭﺍﺳﻬﺎ ، ﻭ ﻗﺎﻟﺖ ﻟﻲ ﺍﻣﻲ : ﻭﺣﺎﺓ ﺍﻟﻠﻪ ﻳﺎ ﺧﺎﻟﺘﻲ ﺣﻨﺎﻥ ﺣﺒﻴﺘﻚ ﻣﺤﺒﺔ ﺍﻟﻠﻪ ﻭﺣﺪﻩ ﻋﺎﻟﻢ ﺑﻴﻬﺎ ﻣﺎ ﺗﻘﻮﻟﻲ ﻛﺪﺍ ﻃﻴﺐ !
ﺍﻣﻲ : ‏( ﺧﺘﺖ ﻳﺪﻫﺎ ﻓﻲ ﻛﺘﻒ ﺭﻳﻢ ﻭ ﻗﺎﻟﺖ ﻟﻴﻬﺎ ﺭﺑﻨﺎ ﻳﺤﻔﻈﻚ ﻭ ﻣﺎ ﺗﺸﻮﻓﻲ ﺷﺮ ﺍﺑﺪﺍً ﻭ ﺷﻜﻠﻮ ﺍﻛﻠﻚ ﺿﻌﻴﻒ ، ﻭ ﺍﻻ ﻡ ﻛﺎﻥ ﻭﻗﻌﺘﻲ ﺍﻟﻮﻗﻌﻪ ﺩﻱ ، ﺧﻠﻲ ﺑﺎﻟﻚ ﻣﻦ ﻧﻔﺴﻚ ، ﺍﻟﺪﻧﻴﺎ ﺩﻱ ﺑﻲ ﻃﻮﻟﻬﺎ ﻭ ﻋﺮﺿﻬﺎ ﺩﺍ ﻋﺒﺎﺭﺓ ﻋﻦ ﻟﺤﻈﺎﺕ
ﻭﺣﺎﻭﻟﻲ ﺗﻐﺘﻨﻤﻲ ﻟﺤﻈﺎﺗﻚ ﺩﻱ ﺟﻤﺐ ﺍﻣﻚ ﻭ ﺍﺧﻮﺍﻧﻚ ﺩﻳﻞ ﻭ ﺍﻛﻴﺪ ﻧﻔﺴﻬﻢ ﻳﺸﻮﻓﻮﻙ ﺑﻲ ﺑﺨﻴﺮ ﻣﺎ ﺗﻘﻠﻘﻲ ﺑﻴﻬﻢ ﻻﻧﻮ ﻗﺒﻞ ﺷﻮﻳﺔ ، ﺣﺎﻟﻬﻢ ﺍﻟﻠﻪ ﻭﺣﺪﻩ ﻋﺎﻟﻢ ﺑﻴﻬﻮ ‏) ﺭﻳﻢ ﺣﻀﻨﺖ ﺍﻣﻲ !
ﻭ ﺭﺯﺍﻥ ﻭ ﺍﻣﻬﺎ ﻓﺎﻃﻤﺔ ﺑﻌﺎﻳﻨﻮ ﻟﻲ ﺑﻌﺾ !! ﺍﻣﺎ ﻋﻦ ﺍﺑﺘﺴﺎﻣﺔ ﻭﻟﻴﺪ ﻓﺎ ﻛﺎﻧﺖ ﻋﺎﻟﻢ ﺗﺎﻧﻲ !
ﻃﺎﺭﻕ : ﺳﻼﻣﺘﻚ ﻳﺎ ﺍﺳﺘﺎﺫﺓ ﺭﻳﻢ ، ﻭ ﺯﻱ ﻣﺎ ﺍﻣﻲ ﻗﺎﻟﺖ ﻟﻴﻜﻲ ، ﺧﻠﻲ ﺑﺎﻟﻚ ﻋﻠﻲ ﻧﻔﺴﻚ .
ﻗﺎﻟﺖ ﻟﻴﻬﻮ : ﺍﻭﻝ ﺣﺎﺟﺔ ﺧﻠﻲ ﻛﻠﻤﺔ ﺍﺳﺘﺎﺫﺓ ﺩﻱ ﻋﻠﻰ ﺟﻤﺐ ، ﻭ ﺗﺎﻧﻲ ﺣﺎﺟﺔ ﺗﺴﻠﻢ ﻳﺎﺭﺏ .
ﻭﻟﻴﺪ : ﻳﻼ ﻳﺎ ﺟﻤﺎﻋﻪ ﺍﻧﺤﻨﺎ ﻧﺴﺘﺄﺫﻥ ﻭ ﻓﺮﺻﺔ ﺳﻌﻴﺪﺓ ﺍﻥ ﺷﺎﺀﺍﻟﻠﻪ ..
ﻃﺎﺭﻕ : ﺗﻤﺎﻡ ﻳﺎ ﻭﻟﻴﺪ ﺑﺲ ﺗﻮﺻﻠﻮ ﻋﻠﻰ ﺧﻴﺮ ﻃﻤﻨﻲ ..
ﻭﻟﻴﺪ : ﻋﺪﻳﻠﺔ ﻳﺎ ﺯﻭﻝ .. ﻳﻼ ﻣﺸﻴﻨﺎﺍ ؟؟
ﻭ ﻣﺸﻰ ﻣﻦ ﺟﻤﺒﻲ ﻭ ﻣﺎ ﻋﺎﻳﻦ ﻟﻲ ، ﺍﺧﻮﺍﺗﻮ ﺳﻠﻤﻮ ﻋﻠﻲ ﺑﻲ ﺍﻣﻬﻢ ﻭ ﻗﺪﻣﻨﺎﻫﻢ ﻭ ﻓﺎﺗﻮ !!
ﺩﺧﻠﻨﺎ ﺍﻧﺎ ﻭﺍﻣﻲ ﻭ طارق ﺣﺼﻠﻨﺎ !! ﻟﺴﻪ ﻣﺎ ﺩﺧﻠﻨﺎ ﺯﻱ ﺍﻟﻨﺎﺱ ﺍﻣﻲ ﻗﺎﻟﺖ ﻟﻴﻨﺎ : ﻣﺎﻟﻜﻢ ﺍﻧﺘﻮ ﺍﻟﻠﻴﻠﻪ ﺟﻨﻴﺘﻮ ؟ ﺍﻟﻜﻼﻡ ﻣﺎﺑﻘﻰ ﻟﻴﻜﻢ ﺣﻠﻮ ﺍﻻ ﻗﺪﺍﻡ ﺍﻟﻨﺎﺱ ؟؟
ﻗﻠﺖ ﻟﻴﻬﺎ : ﻋﺸﺎﻥ ﺍﻧﺘﻲ ﻣﺎ ﻋﺎﺭﻓﻪ ﺍﻧﻲ ﺑﻌﺮﻑ ﺍﻟﻨﺎﺱ ﺩﻳﻞ ﻭ ﻟﻤﻦ ﺷﻔﺘﻬﻢ ﺍﺗﺼﺪﻣﺘﻪ ﻋﺪﻳﻞ !!
ﻗﺎﻟﺖ ﻟﻲ : ﻛﻴﻒ ﻳﻌﻨﻲ ؟
ﻃﺎﺭﻕ : ﺍﻭﻻً ﻛﺪﺍﺍﺍ ﻳﺎ ﺍﻣﻲ ﺍﻟﺸﺮﻛﺔ ﺍﻟﻠﻲ ﺍﻧﺎ ﺑﺸﺘﻐﻞ ﻓﻴﻬﺎ ﺍﺳﻤﻬﺎ ﺍﻟﺮﻳﻢ ! ﻭ ﺛﺎﻧﻴﺎً ﺍﻟﺸﺮﻛﺔ ﺩﻱ ﺣﻘﺖ ﺭﻳﻢ ﺩﻱ ﺯﺍﺗﺎﺍﺍ
ﻭ ﻛﺎﻧﺖ ﺣﺎﺟﺔ ﻏﺮﻳﺒﺔ ﺍﻧﻲ ﺍﻟﻘﻰ ﺻﺎﺣﺒﺔ ﺍﻟﺸﺮﻛﺔ ﻧﻔﺴﻬﺎ ﻓﻲ ﺑﻴﺘﻨﺎ ! ﻭ ﺍﻟﺤﺎﺟﺔ ﺍﻟﻼﺣﻈﺖ ﻟﻴﻬﺎ ، ﻟﻤﻦ ﻋﺮﻓﺖ ﻗﺎﻟﺖ ‏( ﻃﺎﺭﻕ ﺑﺸﺘﻐﻞ ﻣﻌﺎﻧﺎ ﻓﻲ ﺍﻟﺸﺮﻛﺔ ‏) ﻡ ﻗﺎﻟﺖ ﺑﺸﺘﻐﻞ ﻋﻨﺪﻫﺎ !!
ﻭﻫﺎﺩ : ﻏﺎﻳﺘﻮ ﺍﻟﺤﻤﺪﻟﻠﻪ ، ﻛﺎﻥ ﺩﻳﻞ ﻭ ﻻ ﻏﻴﺮﻫﻢ ﻳﺎﻫﻮ ﺍﻟﺤﻴﺤﺼﻞ ﻣﻌﺮﻭﻑ !
ﻃﺎﺭﻕ : ﻻ ﺍﺑﺪﺍً ﻣﺎ ﻣﻌﺮﻭﻑ !!
ﺍﻣﻲ : ﺷﻲ ﻏﺮﻳﺐ ، ﻃﻴﺐ ﺍﻧﺖ ﺑﺘﺸﺘﻐﻞ ﻣﻌﺎﻫﻢ ﻓﻲ ﺍﻟﺸﺮﻛﺔ ! ﻭ ﺷﺎﻑ ﻭﻫﺎﺩ ﺑﺘﻲ ﻭﻳﻦ ؟
ﻭﻫﺎﺩ : ﻓﻲ ﺑﻴﺘﻬﻢ ! ﻻﻥ ﺍﻟﻌﺮﻭﺱ ﺍﻟﻠﻲ ﺷﻐﺎﻟﻪ ﻓﻲ ﺍﻟﺘﻴﺎﺏ ﺣﻘﺘﻬﺎ ﺩﻱ ﻳﺎﻫﺎ ﺑﺘﻬﻢ ﺭﺯﺍﻥ !
ﺍﻣﻲ : ﺍﻟﻠﻪ ﺍﻛﺒﺮ !!! ﺩﺍ ﻛﻼﻡ ﺷﻨﻮ !!
ﻃﺎﺭﻕ : ﺑﻐﺾ ﺍﻟﻨﻈﺮ ﻋﻦ ﻣﻌﺮﻓﺘﻨﺎ ﺑﻴﻬﻢ ! ﻟﻮ ﻓﻲ ﻧﺼﻴﺐ ﺣﻴﺤﺼﻞ ﻟﻮ ﻣﺎﻑ ﻛﻤﺎﻥ ﻟﻲ ﺧﻴﺮ !!
ﺍﻧﺎ ﺧﻠﻴﺘﻬﻢ ﺑﺘﻜﻠﻤﻮ ﻭ ﺑﻘﻴﺖ ﺑﺮﻓﻊ ﻓﻲ ﺍﻟﺤﺎﺟﺎﺕ !! ﻋﻴﻨﻲ ﻭﻗﻌﺖ ﻋﻠﻰ ﻋﻠﺐ ﻭ ﺑﻮﻛﻴﻪ ﻭﺭﺩ ! ﻗﻠﺖ ﻟﻲ ﻃﺎﺭﻕ ﺩﻳﻞ ﺷﻨﻮ ؟؟ ﻗﺎﻟﻲ ﻭﻟﻴﺪ ﻛﺎﻥ ﺩﺍﺧﻞ ﺑﻴﻬﻢ !! ﻗﻠﺖ ﻟﻴﻬﻮ ﺗﻤﺎﻡ .. ﺧﻠﺼﺘﻪ ﻭ ﺩﺧﻠﺘﻪ ﻏﺮﻓﺘﻲ ، ﻏﻴﺮﺗﻪ ﻭ ﺭﻗﺪﺗﻪ !!
*ﺍﻣﺎ ﻓﻲ ﺟﺎﻧﺐ ﺭﻳﻢ -*
ﻃﻮﻝ ﺍﻟﺴﻜﺔ ﺳﺎﻛﺘﻴﻦ ﺣﺘﻰ ﻭﻟﻴﺪ ﻣﺰﺍﺟﻮ ﻛﺎﻥ ﻣﺨﺘﻠﻒ !
ﻛﺎﻥ ﻛﻞ ﻣﺎ ﺍﻋﺎﻳﻦ ﻟﻴﻬﻮ ﻭ ﺍﺷﻮﻑ ﺍﻟﻌﻘﺪﺓ ﻭ ﺍﻟﺼﺮﺓ ﺍﻟﻠﻲ ﻓﻲ ﻭﺷﻮ ! ﺑﺤﺲ ﺑﺎﻟﺬﻧﺐ ﺍﻧﻲ ﻋﻜﺮﺕ ﻋﻠﻴﻬﻮ !
ﻭ ﺑﻌﺪ ﻭﺻﻠﻨﺎ ﺍﻟﺒﻴﺖ ، ﺍﻭﻝ ﻭﺍﺣﺪ ﻃﻠﻊ ﻟﻲ ﻏﺮﻓﺘﻮ ﻣﻦ ﻏﻴﺮ ﻣﺎ ﻳﻨﻄﻖ ﺑﻲ ﺣﺮﻑ ﻭﺍﺣﺪ !!
ﺍﺛﻨﺎﺀ ﻣﺎ ﺍﻧﺎ ﻃﺎﻟﻌﻪ ﻋﻠﻰ ﺍﻟﺴﻠﻢ ! ﺳﻤﻌﺖ ﺍﻣﻲ ﺑﺘﻘﻮﻝ ﻟﻲ ﺭﺯﺍﻥ ﺑﻲ ﺑﺼﻮﺕ ﻭﺍﻃﻲ : ‏( ﻳﻌﻨﻲ ﻣﺎ ﻋﺮﻓﺖ ﺗﺴﻮﻱ ﺍﻣﻮﺭ ﺍﻟﺠﻨﻮﻥ ﺣﻘﺘﻬﺎ ﺩﻱ ﺍﻻ ﺍﻟﻠﻴﻠﻪ ﻗﺪﺍﻡ ﺍﻟﻨﺎﺱ ! ‏) ..
ﻛﺘﻤﺘﻬﺎ ﻭ ﻃﻠﻌﺘﻪ ﻭ ﺍﺗﺨﻨﻘﺖ ﺷﺪﻳﺪ ..
ﻣﺸﻴﺖ ﻏﺮﻓﺖ ﻭﻟﻴﺪ ! ﺧﺒﻄﺖ ﻟﻴﻬﻮ ﺍﻟﺒﺎﺏ .. ﻗﺎﻟﻲ ﺍﺩﺧﻠﻲ .. ﻋﺎﻳﻨﺖ ﻟﻘﻴﺘﻮ ﺭﺍﻗﺪ ﺑﻲ ﻣﻼﺑﺴﻮ ﻓﻲ ﺍﻟﺴﺮﻳﺮ ﻭ ﺧﺎﺗﻲ ﻳﺪﻭ ﻓﻲ ﺟﺒﻬﺘﻮ !! ﻗﺎﻟﻲ ﺭﻳﻢ ! ‏( ﻭ ﻗﻌﺪ ‏) ﺗﻌﺎﻟﻲ ﺑﻘﻴﺘﻲ ﻛﻴﻒ ؟ ﻗﻠﺖ ﻟﻴﻬﻮ : ﺍﺳﺴﺴﻔﺔ ! ﻭ ﺑﻘﻴﺖ ﺑﺒﻜﻲ !
ﻗﺎﻟﻲ : ﺑﺘﺒﻜﻲ ﻟﺸﻨﻮ ﺍﻧﺘﻲ ﺍﺳﻲ ! ﻭ ﺍﺳﻔﻪ ﻓﻲ ﺷﻨﻮ ؟ ﺑﻄﻠﻲ ﺗﺨﻠﻒ !! ‏( ﺷﺎﻝ ﻣﻨﺪﻳﻞ ﻣﻦ ﺟﻤﺒﻮ ﻭ ﺑﻘﻰ ﻳﻤﺴﺢ ﻟﻲ ﺩﻣﻮﻋﻲ ‏) ﺑﻄﻠﻲ ﺧﻼﺹ ﺍﺳﻲ ﺍﻟﺒﺒﻜﻲ ﺷﻨﻮ ؟
ﻗﻠﺖ ﻟﻴﻬﻮ : ﺍﻗﺴﻢ ﺑﺎﻟﻠﻪ ﺍﻟﺤﺼﻞ ﺩﺍ ﻳﺎ ﻭﻟﻴﺪ ﻏﺼﺐ ﻋﻨﻲ ! ﺣﺘﻰ ﺍﻧﺎ ﻣﺎ ﺣﺴﻴﺖ ﻋﻠﻰ ﻧﻔﺴﻲ ! ﻓﺠﺎﺓ ﺑﻘﻴﺖ ﺑﺴﻤﻊ ﺍﺻﻮﺍﺕ ﻧﺎﺱ ﻭ ﺍﻻﺻﻮﺍﺕ ﺍﺗﺰﺍﺣﻤﺖ ﻋﻠﻲ ﻭ ﺑﻘﺖ ﻓﻲ ﺍﺿﺎﻧﻲ ﺯﻱ ﺻﻮﺕ ﺍﻟﻄﺎﺣﻮﻧﺔ ﻭ ﻛﻞ ﻣﺎﻟﻴﻬﻮ ﺍﻟﺼﻮﺕ ﺑﻴﻌﻠﻰّ ﻡ ﺍﺗﺤﻤﻠﺖ ﻭ ﺑﻌﺪﻫﺎ ﻡ ﻋﺎﺭﻓﻪ ﺍﻟﺤﺼﻞ ﺷﻨﻮ !
ﻓﻐﺼﺐ ﻋﻨﻲ ﻭﺍﻟﻠﻪ ، ﻣﺎ ﻗﺼﺪﻱ ﺍﻟﺤﺎﺟﺔ ﺩﻱ ﺗﺤﺼﻞ ﻗﺪﺍﻡ ﺍﻟﻨﺎﺱ ﻭﺍﺧﺮﺏ ﻋﻠﻴﻚ ﺣﺎﺟﺔ ! ﻗﺎﻟﻲ ﺍﻧﺘﻲ ﻣﺘﺨﻠﻔﻪ ! ﺗﺨﺮﺑﻲ ﻋﻠﻲ ! ﺩﺍ ﻛﻼﻡ ﺷﻨﻮ ﻳﺎ ﺭﻳﻢ ﺍﻧﺘﻲ ﺑﺎﻟﺠﺪ ﻋﻘﻠﻚ ﺩﺍ ﻣﺎﻃﺒﻴﻌﻲ ! ﻳﺎﺥ ﺍﻧﺘﻲ ﺍﺧﺘﻲ ﺍﻟﺒﺤﺒﻬﺎ ﻭﺧﻮﻓﺘﻴﻨﻲ ﻋﻠﻴﻜﻲ ﺩﺍ ﻛﻞ ﺍﻟﻜﻨﺖ ﺣﺎﺳﻴﻬﻮ ﻭﻗﺘﻬﺎ ﻭ ﻳﻌﻠﻢ ﺍﻟﻠﻪ ﺧﻮﻓﻬﻢ ﻋﻠﻴﻜﻲ ﻭﺷﻔﻘﺘﻬﻢ ﻋﻠﻴﻜﻲ ﻟﻮ ﻭﺻﻔﺖ ﻟﻴﻚ ﻣﻦ ﻫﻨﺎ ﻟﻤﻦ ﺑﻜﺮﺓ ﻣﺎ ﺣﺘﺴﺘﻮﻋﺒﻲ ! ﺍﻣﻬﻢ ﺩﻱ ﺗﺸﻴﻞ ﻭﺗﻔﺮﻙ ﻟﻴﻚ ﻳﺪﻙ ﻭﻫﺎﺩ ﻡ ﺧﻠﺖ ﻟﻴﻬﺎ ﻣﻮﻳﻪ ﻭﻻ ﺑﻜﻴﺔ ﻣﺎ ﺑﻜﺘﺎ ، ﻳﺎﺥ ﺩﻳﻞ ﻧﺎﺱ ﻛﺪﺍ ﺑﺲ ﺍﻟﺤﻤﺪﻟﻠﻪ ..
ﻗﻠﺖ ﻟﻴﻬﻮ : ﺭﺑﻨﺎ ﻳﻜﺘﺐ ﻟﻴﻚ ﺍﻟﻨﺼﻴﺐ ﻳﺎﺭﺏ .. ﻗﺎﻟﻲ ﺍﻣﻴﻦ .. ﻗﻤﺘﻪ ﻣﺸﻴﺖ ﻋﻠﻰ ﻏﺮﻓﺘﻲ !!
ﻏﻴﺮﺗﻪ ﻣﻼﺑﺴﻲ ﻭ ﺭﻗﺪﺗﻪ ! ﻛﻨﺖ ﺣﺎﺳﻪ ﻋﻘﻠﻲ ﺣﻴﻄﻴﺮ ﻣﻨﻲ ﺑﺴﺒﺐ ﺍﻟﺘﻔﻜﻴﺮ !!
ﻟﻴﻪ ﺣﺼﻞ ﻣﻌﺎﻱ ﻛﺪﺍ ! ﺍﺻﻮﺍﺕ ﺍﻟﺸﻔﻊ ﺍﻟﻠﻲ ﻛﻨﺖ ﺑﺴﻤﻌﺎ ! ﻭ ﺻﻮﺕ ﺑﻴﻘﻮﻝ ‏( ﺍﻣﻲ .. ﺍﻣﻲ .. ﺍﻣﻲ ‏) !
ﺍﺗﺼﻞ ﻋﻠﻲ ﺧﺎﻟﺪ ﻭﺍﻟﻜﻼﻡ ﺩﺍ ﻛﺎﻥ ﺍﻟﺴﺎﻋﻪ 11:43pm
ﺭﺩﻳﺖ ﻟﻴﻬﻮ :
** ﺧﺎﻟﺪ ‏( ﺑﻲ ﺻﻮﺕ ﻣﻜﺘﻮﻡ ‏)
__ ﺻﻮﺗﻚ ﻣﺎﻟﻮ ؟
** ﻣﺨﻨﻮﻗﻪ !
__ ﻳﺎﺭﺑﻲ ! ﻛﺎﻥ ﻋﻠﻲ ﺍﻗﺎﺑﻠﻚ ﺍﺳﻲ ﺍﺷﻮﻓﻚ ﻭ ﺍﺗﻄﻤﻦ ﻋﻠﻴﻜﻲ ﻳﺎﺭﻳﻢ ﺍﺻﻼ ﻗﻠﺒﻲ ﻣﻦ ﻗﺒﻴﻞ ﻛﺎﺗﻢ ﻋﻠﻲ ﻭ ﻣﺎﻛﻠﻨﻲ !
** ﺧﺎﻟﺪ ! ﺳﺎﻋﺪﻧﻲ !!!
__ ﺣﺎﺻﻞ ﺷﻨﻮ ؟
** ﺧﺎﻟﺪ ﺍﻧﺎ ﺑﺎﻟﺠﺪ ﻋﻴﺎﻧﻪ ؟ ﻫﻞ ﺍﻧﺎ ﻣﺠﻨﻮﻧﺔ ؟ ﻋﻨﺪﻱ ﻧﻔﺴﻴﺎﺕ ؟؟
__ ﻻ ﻳﺎ ﺭﻳﻢ ﺑﺲ ﻓﻲ ﺿﻐﻮﻃﺎﺕ ﺑﺘﺤﺼﻞ ﻭ *... ﻗﺎﻃﻌﺘﻮ *
** ﺍﻧﺎ ﺷﺒﻌﺘﻪ ﻳﺎ ﺧﺎﻟﺪ ﺍﻗﺴﻢ ﺑﺎﻟﻠﻪ ﺍﻛﺘﻔﻴﺖ ! ﻣﻦ ﺍﻟﻘﺎﻋﺪ ﻳﺤﺼﻞ ﻣﻌﺎﻱ ﺩﺍ ! ﺳﺎﻋﺪﻧﻲ ﻳﺎ ﺧﺎﻟﺪ !
__ ﺭﻳﻢ ﻗﻮﻟﻲ ﻻ ﺇﻟﻪ ﺍﻻ ﺍﻟﻠﻪ ﻳﺎ ﺯﻭﻟﺔ !
** ﺳﻴﺪﻧﺎ ﻣﺤﻤﺪ ﺭﺳﻮﻝ ﺍﻟﻠﻪ !! ﻋﺎﻳﺰﺓ ﺍﺗﻌﺎﻟﺞ ﻳﺎ ﺧﺎﻟﺪ ! ﺍﻧﺎ ﻋﺎﺭﻓﻪ ﺍﻧﻲ ﻣﺎ ﻋﻴﺎﻧﻪ ﺑﺲ ﺍﺣﻴﺎﻧﺎ ﺍﻟﻤﺮﻳﺾ ﺍﻟﻨﻔﺴﻲ ﻣﺎ ﺑﻴﺤﺲ ﺑﻲ ﻣﺮﺿﻮ ﺩﺍ ﺑﺲ ﺍﻟﻠﻲ ﺣﻮﻟﻴﻨﻮ ﺑﻜﻮﻧﻮ ﻣﺘﻀﺮﺭﻳﻦ ﻣﻦ ﻣﺮﺿﻪ ﺩﺍ ! ﻭﺣﺎﺳﻪ ﺍﻧﻲ ﺑﻀﺮ ﺍﻟﺤﻮﻟﻴﻨﻲ !
— ﺍﻻﻧﺴﺎﻥ ﻃﺒﻴﺐ ﻧﻔﺴﻮ ﻳﺎﺭﻳﻢ ! ﻭ ﺍﻧﺎ ﻣﻌﺎﻛﻲ ﻟﻼﺧﺮ ﺑﺲ ﻭﺭﻳﻨﻲ ﻣﻦ ﺍﻟﺒﺪﺍﻳﺔ ﻣﻦ ﻭﻗﺖ ﺍﻟﻜﻼﻡ ﺍﻟﻜﻨﺎ ﻣﻌﻠﻘﻨﻮ ﻟﺤﺪ ﺍﻟﻠﺤﻈﺔ ﺩﻱ ﻭ ﺍﻟﻠﻲ ﺧﻼﻙ ﺗﻘﻮﻟﻲ ﻛﻼﻣﻚ ﺩﺍ ﺍﺳﻲ ﺷﻨﻮ ؟؟
** ﻃﻴﺐ ! ﺍﻧﺎ ﻡ ﻛﻨﺖ ﻗﺎﺩﺭﺓ ﺍﺗﺼﺎﻟﺢ ﻣﻊ ﺍﻧﻲ ﻣﺎ ﻋﻨﺪﻱ ﺍﻫﻞ ، ﺭﻏﻢ ﺍﻧﻲ ﻣﻦ ﻗﻤﺘﻪ ﻋﺎﺭﻓﺎﻫﻢ ﻣﺎ ﺍﻫﻠﻲ ، ﻛﺘﺮﺓ ﺍﻟﺘﻔﻜﻴﺮ ﻋﻤﻠﺖ ﻟﻲ ﺿﻐﻂ ﻧﻔﺴﻲ ، ﻋﻼﻗﺘﻲ ﺑﺎﻟﻨﺎﺱ ﻛﺎﻧﺖ ﻣﻌﺪﻭﻣﺔ ﻡ ﺑﻘﺪﺭ ﺍﺗﻮﺍﺻﻞ ﻣﻊ ﺍﻟﻨﺎﺱ ، ﻭ ﺍﻟﻜﻼﻡ ﻛﺘﺮ
ﻭﺗﺼﻨﻴﻔﺎﺕ ﻣﺎ ﺗﺪﻳﻚ ﺍﻟﺪﺭﺏ ﺷﻲ ﻣﻐﺮﻭﺭﺓ ﻭ ﺷﻲ ﻣﺮﻳﻀﻪ ﻭ ... ﻭ .. ﺍﻟﺦ !! ﻗﺒﻞ ﺍﻟﻤﺮﺣﻠﺔ ﺩﻱ ، ﻛﻨﺖ ﺯﻭﻟﺔ ﻗﺮﺍﻳﺔ
ﻭ ﺍﺟﺘﻬﺎﺩ ﻭ ﺗﺨﻄﻴﻂ ! ﻗﺒﻞ ﺍﻟﻴﻮﻡ ﻡ ﻛﻨﺖ ﺍﻣﻠﻚ ﺣﺎﺟﺔ ﻭ ﻭﺣﺪﺓ ﻭﺣﺪﺓ ﺑﻨﻴﺖ ﻧﻔﺴﻲ ﺑﻲ ﺍﻓﻜﺎﺭﻱ ﺑﻲ ﻭﻗﺘﻲ ﺑﻲ ﺟﻬﺪﻱ ! ﺍﺷﺘﻐﻠﺘﻪ
ﻭ ﻗﺪﻣﺘﻪ ﻣﺸﺎﺭﻳﻊ ﻓﻲ ﺍﻻﺗﺴﺮﻕ ﻭ ﻓﻲ ﺍﻟﻠﻲ ﻡ ﺍﺗﻘﺒﻞ ، ﺍﺧﺮ ﺣﺎﺟﺔ ﻋﻤﻠﺘﻬﺎ ﺍﺧﺪﺕ ﻗﺮﺽ
ﻭﺍﺷﺘﻐﻠﺖ ﻋﻠﻴﻬﻮ ، ﻭ ﺍﺗﻀﺎﻋﻒ ﻭ ﺑﻘﻴﺖ ﺍﺳﺪﺩ ﻣﻊ ﺍﻟﻮﻗﺖ ﻟﻤﻦ ﻭﺻﻠﺖ ﻟﻠﻤﺮﺣﻠﻪ ﺩﻱ !! ﻛﻨﺖ ﺷﺎﻳﻔﻪ ﺍﻥ ﺗﺮﺑﻴﺘﻬﻢ ﻟﻲ ﺟﻤﻴﻞ ﻭ ﺩﻳﻦ ﻓﻲ ﺭﻗﺒﺘﻲ ﻻﺯﻡ ﺍﺳﺪﻭﻭ ، ﺑﻘﻴﺖ ﺑﺤﺎﻭﻝ ﺍﺳﺪ ﺍﻟﺠﻤﻴﻞ ﺩﺍ ﺑﺎﻟﻘﺮﻭﺵ ، ﺍﺷﺘﺮﻳﺖ ﺍﻟﺒﻴﺖ ﺩﺍ ﻭ ﺍﺳﺴﺴﺘﻮ ﻭ ﻋﺮﺑﺎﺕ ﻭ ﻏﻴﺮﻭ ! ﺷﻠﺘﻬﻢ ﻣﻦ ﺣﺘﺔ ﻭ ﺟﺒﺘﻬﻢ ﻓﻲ ﺣﺘﻪ !
ﻭﻟﺴﻪ ﺍﻟﻀﻐﻂ ﺍﻟﻨﻔﺴﻲ ﻣﺎﺷﻲ ﻓﻲ ﺯﻳﺎﺩﺓ ! ﻭ ﻓﻲ ﻳﻮﻡ ﺣﺼﻞ ﻧﻘﺎﺵ ، ﺭﻛﺒﺖ ﺭﻋﺒﻴﺘﻲ ﻭﻣﺸﻴﺖ ، ﻳﻌﻨﻲ ﺩﻱ ﺍﻛﺘﺮ ﺣﺎﺟﺔ ﻛﻨﺖ ﺑﺴﻮﻳﻬﺎ ﺍﻧﻲ ﻣﻦ ﺍﺯﻋﻞ ﺑﻬﺮﺏ ﺑﺲ ﺑﺮﻛﺐ ﺍﻟﻌﺮﺑﻴﻪ ﺩﻱ ﻭ ﻣﺤﻞ ﺗﻮﺩﻳﻨﻲ ﻭ ﻛﻨﺖ ﺑﻘﻮﻝ ﻟﻲ ﻧﻔﺴﻲ
‏( ﺍﺧﺮﺗﻲ ﻣﻮﺗﻪ ﻓﻲ ﺣﺎﺩﺙ ‏) !
__ ﺑﻌﺪ ﺍﻟﺸﺮ ﻋﻠﻴﻜﻲ !
** ﺍﻟﻴﻮﻡ ﺩﺍ ﺍﻧﺘﻬﻰ ﺑﻲ ﺍﻟﻤﻄﺎﻑ ﻓﻲ ﺍﻟﻨﻴﻞ ! ﻛﻨﺖ ﻣﺤﺘﺎﺟﺔ ﻣﻜﺎﻥ ﻓﺎﺿﻲ ﺑﺲ ﺍﺑﻜﻲ ﻭ ﺍﺻﺮﺥ ! ﻓﺎ ﺍﻟﻮﺍﺟﻬﻪ ﺍﻟﻮﻗﻔﺖ ﻓﻴﻬﺎ ﻛﺎﻧﺖ ﻣﻬﺠﻮﺭﺓ ! ﻭ ﻧﺰﻟﺖ ﻭ ﻗﻌﺪﺕ ﻓﻲ ﺍﻟﺘﺮﺍﺏ ﻭ ﺍﺛﻨﺎﺀ ﻡ ﺍﻧﺎ ﺑﺒﻜﻲ ! ﺳﻤﻌﺖ ﺻﻮﺕ ﺯﻭﻝ ﺑﺘﻜﻠﻢ ﻣﻌﺎﻱ ، ﺑﻴﻘﻮﻝ ﻟﻲ ‏( ﺻﻠﻲ ﺭﻛﻌﺘﻴﻦ ‏) ﺭﻓﻌﺖ ﺭﺍﺳﻲ ﻟﻘﻴﺘﻮ ﺯﻭﻝ ﻻﺑﺲ ﺍﺑﻴﺾ ﻭﻗﺎﻋﺪ ﻉ ﻣﺴﺎﻓﻪ ﻛﻮﻳﺴﻪ ﻣﻨﻲ ! ﻭ ﻓﺠﺎﺓ ﺍﺧﺘﻔﻰ ! ﺭﺟﻌﺖ ﻋﺮﺑﻴﺘﻲ ﻛﻨﺖ ﺑﺸﻮﻓﻮ ! ﺭﺟﻌﺖ ﺍﻟﺒﻴﺖ ﻭ ﻣﻦ ﻭﻗﺘﻬﺎ ﺑﻘﻴﺖ ﺑﺸﻮﻓﻮ ﻛﻞ ﻭﻗﺖ ﻭﺍﻟﺘﺎﻧﻲ ! ﺍﻳﻘﻨﺖ ﺗﻤﺎﻣﺎً ﺍﻧﻲ ﻣﺮﻳﻀﻪ ﻓﻌﻼﺍً .. ﻭ ﻟﻤﻦ ﺍﺗﻘﺎﺑﻠﻨﺎ ﻓﻲ ﺍﻟﻤﺮﺳﻢ ﺣﻖ ﻃﻪ ﺍﻧﺎ ﺟﻴﺖ ﻋﺸﺎﻥ ﺍﻭﺻﻒ ﻟﻴﻬﻮ ﺍﻟﻄﻴﻒ ﺩﺍ ﻭ ﻳﺮﺳﻤﻮ ﻟﻲ ﻡ ﻛﻨﺖ ﻋﺎﺭﻓﻪ ﺍﻟﻐﺎﻳﺔ ﻣﻦ ﻛﺪﺍ ﺷﻨﻮ ! ﻭ ﻑ ﺍﻟﻨﻬﺎﻳﻪ ﺣﺮﻗﺖ ﺍﻟﺮﺳﻤﺔ ﺩﻱ ﻓﻲ ﻧﻔﺲ ﺍﻟﻤﻜﺎﻥ ﺍﻟﻠﻲ ﺷﻔﺖ ﻓﻴﻪ ﺍﻟﻄﻴﻒ ﺩﺍ ﺍﻭﻝ ﻣﺮﺓ !!
__ ﺑﻌﺪﻫﺎ ﺷﻔﺘﻴﻬﻮ ؟
** ﻻ ﺍﺑﺪﺍً
__ ﻃﻴﺐ ﺍﺫﺍ ﻡ ﺷﻔﺘﻴﻬﻮ ﻣﻦ ﻭﻗﺘﻬﺎ ﺍﺳﻲ ﺣﺼﻞ ﺷﻨﻮ ؟
** ﺍﻟﺤﺼﻞ ﻳﺎ ﺧﺎﻟﺪ ﺍﻥ ﺍﻣﻲ ﺍﻛﺘﺮ ﻭﺣﺪﺓ ﻣﻘﺘﻨﻌﻪ ﺍﻧﻲ ﻣﺮﻳﻀﻪ ﻧﻔﺴﻴﺎً ﻭ ﺗﻘﺮﻳﺒﺎً ﺑﺘﺘﻌﺎﻣﻞ ﻣﻌﺎﻱ ﻋﻠﻰ ﺍﻻﺳﺎﺱ ﺩﺍ !! ﻭ ﺟﺎﺕ ﻓﻲ ﻓﺘﺮﺓ ﺣﺎﻭﻟﺖ ﺗﻘﻨﻊ ﺍﺑﻮﻱ ﺑﺲ ﺍﺑﻮﻱ ﻣﺎ ﺑﻴﻔﺮﺽ ﻋﻠﻲ ﺣﺎﺟﺔ ! ﺑﺪﻋﻤﻨﻲ ﻭ ﺑﺼﺪﻗﻨﻲ ﺷﺪﻳﺪ !!
ﺍﻟﻤﻬﻢ ، ﺍﻧﺤﻨﺎ ﻣﺸﻴﻨﺎ ﺗﻌﺎﺭﻑ ﻟﻲ ﻭﺣﺪﺓ ﻋﺎﻳﺰﻫﺎ ﻭﻟﻴﺪ ﺍﺧﻮﻱ ﺯﻱ ﻡ ﻭﺭﻳﺘﻚ ! ﻭ ﺑﻌﺪ ﺍﻧﺖ ﺍﺗﺼﻠﺖ ﻋﻠﻲ ﻭ ﻗﻔﻠﺖ ﻣﻨﻚ ! ﻓﺠﺎﺓ ﺍﺗﻠﻔﺖ ﻭﺭﺍﻱ ﺷﻔﺖ ﺻﻮﺭﺓ ﻣﻌﻠﻘﻪ ! ﻋﺎﻳﻨﺖ ﻟﻴﻬﺎ ﻭ ﺑﻌﺪﻫﺎ ﺑﻘﻴﺖ ﺑﺴﻤﻊ ﺍﺻﻮﺍﺕ !! ﻭ ﺻﻮﺕ ﻃﻔﻞ ﺑﻴﻘﻮﻝ ‏( ﺍﻣﻲ .. ﺍﻣﻲ .. ﺍﻣﻲ ‏) ... ﺑﻲ ﻟﺤﻨﻬﺎ ﻭ ﺍﻟﻠﺤﻦ ﻡ ﻛﺎﻥ ﻏﺮﻳﺐ ﻋﻠﻲ ﻭ ﻓﺠﺎﺓ ﺍﻻﺻﻮﺍﺕ ﺯﺍﺩﺕ ﻋﻠﻲ ﻟﻤﻦ ﺻﺮﺧﺘﻪ ﻭ ﻡ ﺣﺴﻴﺖ ﺑﻲ ﻧﻔﺴﻲ ﺑﻌﺪﻫﺎ !!
ﺍﻟﺠﺮﺣﻨﻲ ﺷﺪﻳﺪ ﻳﺎ ﺧﺎﻟﺪ ! ﺍﻥ ﺍﻣﻲ ﻣﻔﺘﻜﺮﺓ ﺍﻧﻲ ﻣﺘﻌﻤﺪﺓ ﺗﺼﺮﻓﻲ ﺩﺍ ﻗﺪﺍﻡ ﺍﻟﻨﺎﺱ ﻧﺴﺎﺑﺔ ﻭﻟﻴﺪ ! ﻭ ﺍﻧﻲ ﻋﺎﻳﺰﺓ ﺍﺧﺮﺏ ﻋﻠﻴﻬﻮ ! ﺍﻟﺤﺎﺟﺔ ﺩﻱ ﺟﺮﺣﺘﻨﻲ ﺷﺪﻳﺪ ، ﺑﺎﻟﺠﺪ ﺍﻧﺎ ﻟﻮ ﻣﺤﺘﺎﺟﺔ ﻋﻼﺝ ! ﻻﺯﻡ ﺍﺗﻌﺎﻟﺞ !!!!
— ﺭﻳﻢ ! ﺍﺳﻒ ﻟﻲ ﺳﺆﺍﻟﻲ ﺑﺲ ﺍﻧﺘﻲ ﺑﺘﺼﻠﻲ ؟
** ﻻ
__ ﺳﺎﻓﺮﺗﻲ ﻛﻢ ﺑﻠﺪ ؟
** ﻛﺘﻴﺮ ! ﺍﻱ ﺑﻠﺪ ﻛﻨﺖ ﺩﺍﻳﺮﺓ ﺍﻣﺸﻴﻬﺎ ﺑﻤﺸﻴﻬﺎ !
__ ﺣﺼﻞ ﻓﻜﺮﺗﻲ ﺗﻤﺸﻲ ﺗﻌﻤﻠﻲ ﻋُﻤﺮﺓ ؟
** ﻻ
__ ﺍﻋﺘﻘﺪ ﺑﻌﺪ ﻛﻼﻣﻲ ﺩﺍ ﺣﺘﻜﻮﻧﻲ ﻟﻘﻴﺘﻲ ﺣﻞ ﻟﻲ ﺟﺰﺀ ﻛﺒﻴﺮ ﻣﻦ ﻣﺨﺎﻭﻓﻚ ﺩﻱ !! ﻭ ﻳﺎ ﺭﻳﻢ ﺍﻟﻀﻐﻂ ﺍﻟﻨﻔﺴﻲ ﺍﻛﺒﺮ ﻣﺮﺽ ﻭ ﻣﺮﺽ ﻣﺎﻟﻴﻬﻮ ﻋﻼﺝ ﻋﻨﺪ ﺍﻱ ﺩﻛﺘﻮﺭ ﻓﻲ ﺍﻟﺪﻧﻴﺎ ﺩﻱ ! ﻻﻥ ﻋﻼﺟﻮ ﺑﻴﺒﺪﺍ ﻣﻦ ﻋﻨﺪﻙ ﻭ ﺑﻴﻨﺘﻬﻲ ﻋﻨﺪﻙ !!
ﻭﺍﻧﺘﻲ ﻣﻦ ﺟﻮﺍﻙ ﻣﻘﺘﻨﻌﻪ ﺍﻧﻚ ﻣﺎ ﻣﺮﻳﻀﻪ ﻭ ﻣﺎﻓﻲ ﻭﺣﺪﺓ ﻣﺮﻳﻀﻪ ﺣﺘﺘﻜﻠﻢ ﺑﺎﻟﻤﻨﻄﻖ ﺩﺍ ! ﻭ ﺍﻟﺰﻭﻝ ﺍﻟﺸﻔﺘﻴﻬﻮ ﺩﺍ ﻧﺎﺗﺞ ﺿﻐﻂ ﻧﻔﺴﻲ ! ﺩﻱ ﺗﻬﻴﺂﺕ ﻡ ﺍﻛﺘﺮ !
** ﺧﺎﻟﺪ ! ﺷﻜﺮﺍً ﻟﻮﺟﻮﺩﻙ !
__ ﻭ ﺍﻧﺎ ﺑﻲ ﻛﻞ ﺣﺎﺟﺔ ﻓﻴﻜﻲ ﺑﺤﺒﻚ ﻳﺎﺭﻳﻢ !
** ..... ‏( ﺑﺲ ﺑﻤﺴﺢ ﻓﻲ ﺩﻣﻮﻋﻲ ‏) ﺭﻏﻢ ﺍﻥ ﺣﺒﻚ ﻟﻲ ﺩﺍ ﺟﺎ ﺑﻲ ﺳﺮﻋﺔ ! ﺑﺲ ﻛﻤﺎﻥ ﻣﻘﺘﻨﻌﻪ ﺍﻥ ﺍﻟﺤﺐ ﻡ ﻣﺤﺘﺎﺝ ﻟﻴﻬﻮ ﺯﻣﻦ ! ﻭ ﺣﺘﻰ ﻟﻮ ﺣﺒﻴﺘﻨﻲ ﺭﻏﻢ ﻛﻞ ﺣﺎﺟﺔ ﻓﻴﻨﻲ ، ﺍﻧﺎ ﻣﺘﺎﻛﺪﺓ ﺍﻥ ﻓﻲ ﺣﺎﺟﺔ ﺣﺘﺎﺛﺮ ﻋﻠﻰ ﺍﻟﺤﺐ ﺩﺍ !!
__ ‏( ﺳﻜﺖ ‏) !!!
** ﻫﻬﻬﻪ ﺗﺼﺒﺢ ﻋﻠﻰ ﺧﻴﺮ !
__ ﺑﺘﻀﺤﻜﻲ !! ؟
** ﺍﻳﻮﺍﺍﺍ
__ ﻭ ﺍﻟﺴﺒﺐ !
** ﺳﻜﻮﺗﻚ ﺍﻟﻠﻲ ﺑﻴﺜﺒﺖ ﺻﺤﺔ ﻛﻼﻣﻲ ! ﻋﺸﺎﻥ ﻛﺪﺍ ﺣﺎﻭﻝ ﺗﺘﺤﻜﻢ ﻓﻲ ﻣﺸﺎﻋﺮﻙ ﻣﻦ ﺍﻭﻟﻬﺎ ! ﻭ ﻡ ﺗﺨﻠﻲ ﺍﻟﻤﻮﺿﻮﻉ ﻳﺎﺧﺪ ﻭﻗﺖ ﻭ ﻳﺘﻌﻘﺪ ! ﻭ ﺍﺗﺼﺎﻟﺢ ﻣﻊ ﺍﻟﻮﺍﻗﻊ !
__ ﺑﺘﻘﻮﻟﻲ ﻛﺪﺍ ﻟﻴﻪ ﺍﻧﺘﻲ ؟؟
** ﻋﺸﺎﻥ ﺍﺗﺼﺎﻟﻚ ﺑﻲ ﻗﺒﻴﻞ ! ﻭ ﻋﺸﺎﻥ ﺑﺤﺒﻚ ﺍﻟﻘﻠﺘﻬﺎ ﻛﺎﻧﻚ ﺑﺘﻮﺍﺳﻲ ﺑﻴﻬﺎ ﻧﻔﺴﻚ ! ﻭ ﻋﺸﺎﻥ ﺳﻜﻮﺗﻚ ﺍﻻﺳﻲ !
ﻭﻋﺸﺎﻥ ﺍﻧﺎ ﻣﺘﺼﺎﻟﺤﻪ ﻣﻊ ﺍﻟﻮﺍﻗﻊ !!
__ ﻳﺎ ﺑﺖ ﺍﻟﻨﺎﺱ ﺍﻧﺘﻲ ﻣﺎ ﻃﺒﻴﻌﻴﻪ !
** ﺭﺑﻨﺎ ﻣﺎ ﺑﻴﺪﻱ ﻛﻞ ﺷﻲ ... ﺗﺼﺒﺢ ﻋﻠﻰ ﺧﻴﺮ ﺗﺎﻧﻲ * ﻗﻔﻠﺘﺎ * ﻭ ﺑﻘﻴﺖ ﺑﻀﺤﻚ ﺿﺤﻚ ﻏﺮﻳﺐ !!
*ﺍﻣﺎ ﻓﻲ ﺟﺎﻧﺐ ﻭﻫﺎﺩ -*
ﺍﺗﺠﺎﻭﺯﺕ ﻛﻞ ﺣﺎﺟﺔ ﺍﻻ ﻭﻟﻴﺪ ﺍﻟﻠﻲ ﻣﺮ ﻣﻦ ﺟﻤﺒﻲ ﻭ ﻣﺎ ﻋﺎﻳﻦ ﻟﻲ ﺯﻱ ﻋﺎﺩﺗﻮ ! ﻫﻪ ﻫﻬﻪ .. ﻣﺶ ﻗﻠﺖ ﻟﻴﻚ ﻳﺎ ﻭﻟﻴﺪ ﺍﻥ ﺍﻟﻘﺼﻪ ﺣﺘﻨﺘﻬﻲ ﻗﺒﻞ ﺗﺒﺪﺃ !!
ﺍﺗﺬﻛﺮﺕ ﺍﻥ ﻃﺎﺭﻕ ﻣﺎ ﺣﺎﺏ ﺳﻴﺮﺓ ﻟﻲ ﺍﻥ ﻛﻠﻤﻮ ! ؟ ﻭ ﺍﺫﺍ ﻣﺎ ﻛﻠﻤﻮ ﻃﻴﺐ ﻟﺸﻨﻮ ﺳﺎﻗﻮ ﺍﻟﺼﺎﻟﻮﻥ ﺍﻟﺘﺎﻧﻲ !! ﻗﺎﻃﻊ ﻛﻼﻣﻲ ﺍﺗﺼﺎﻝ ﻣﻦ ﻭﻟﻴﺪ !! ﺭﺩﻳﺖ ﻭ ﻛﺎﻥ ﻻﺯﻡ ﺍﺭﺩ !
ﻣﺎ ﺳﻠﻢ ﻋﻠﻲ ﺣﺘﻰ ﻃﻮﺍﻟﻲ ﻗﺎﻝ ﻟﻲ :
__ ﻳﻮﻡ ﻛﻨﺘﻲ ﻋﻨﺪﻧﺎ ﻓﻲ ﺍﻟﺒﻴﺖ ! ﻭ ﻃﻠﻌﺘﻲ ﻭ ﺭﻛﺒﺘﻲ ﺍﻻﻣﺠﺎﺩ ، ﻭ ﻣﺸﻴﺘﻲ ﺣﻲ ﺍﻝ ‏( .. ‏) ! ﻭ ﺧﺒﻄﺘﻲ ﻛﺘﻴﺮ ﻓﻲ ﺍﻟﺒﺎﺏ ﻭ ﻓﺘﺤﺖ ﻟﻴﻚ ﻣﺮﺓ ﺑﻲ ﺻﺤﺔ ﻛﻮﻳﺴﻪ !! ﻭ .. ﺍﻟﺦ ﺩﻱ ﻣﻨﻮ ؟؟
** ‏( ﻛﻨﺖ ﻣﺼﺪﻭﻣﺔ ‏) ..... ﻡ ﺭﺩﻳﺖ
__ ﻣﻤﻜﻦ ﺍﻋﺮﻑ ﺑﻌﺪ ﺍﺫﻧﻚ ؟
** ﻭ ﺍﻧﺖ ﻣﺘﺎﺑﻌﻨﻲ ﻣﺜﻼً ؟
__ ﻣﺘﺎﺑﻌﻚ ﻋﺸﺎﻥ ﺍﺻﻞ ﺑﻴﺘﻜﻢ ﻣﺎ ﻋﺸﺎﻥ ﻋﺎﻳﺰ ﺍﺷﺎﻏﻠﻚ ! ﻭﺍﻟﺪﻟﻴﻞ ﻣﺎ ﺣﺴﻴﺘﻲ ﺑﻲ ﻭﺟﻮﺩﻱ ﺍﺻﻼً ﺣﺘﻰ ﻭ ﺍﻧﺘﻲ ﻣﺎﺭﺓ ﻣﻦ ﺟﻤﺒﻲ
ﻭﺑﺘﺒﻜﻲ !!
** ﺷﺶ .. ﺷﺸـ ﻫﻪ ﺷﻨﻮ ؟؟
__ ﺭﺩﻱ ﻟﻲ ﻣﻦ ﻓﻀﻠﻚ !!
** ﻭ ﺍﺭﺩ ﻟﻴﻚ ﺑﻲ ﺻﻔﺘﻚ منو ؟
__ ﻟﻮ ﻡ ﺷﺎﻳﻔﻪ ﻓﻴﻨﻲ ﺍﻧﺴﺎﻥ ﻣﻨﺎﺳﺐ ﻟﻴﻚ ، ﺭﺩﻱ ﻟﻲ ﺑﻲ ﺻﻔﺘﻲ ﻗﺎﻃﻊ ﻣﻮﺿﻮﻉ ! ﺍﻧﺴﺎﻥ ﻓﻀﻮﻟﻲ ﻭ ﻡ ﻋﻨﺪﻭ ﻣﻮﺿﻮﻉ !! ؟
** ﺍﻧﺴﺎﻥ ﻣﻨﺎﺳﺐ ﻟﻲ !! ﻟﺤﻈﺔ ! ﺍﻧﺖ ﻃﺎﺭﻕ ﻗﺎﻟﻴﻚ ﺷﻨﻮ ﻟﻤﻦ ﻣﺸﻴﺘﻮ ﺍﻟﺼﺎﻟﻮﻥ ؟
__ ﻣﻦ ﻣﺘﻴﻦ ﺍﻟﺤﺮﻳﻢ ﺑﺘﺪﺧﻠﻮ ﻓﻲ ﻛﻼﻡ ﺍﻟﺮﺟﺎﻝ ؟
** ﻭﻟﻴﺪ ! ﺍﻟﻤﻮﺿﻮﻉ ﺣﺴﺎﺱ ﺷﺪﻳﺪ ! ﻣﻦ ﻓﻀﻠﻚ !!
__ ﺍﻧﺎ ﺍﻟﺴﺄﻟﺖ ﺍﻭﻝ !
** ﻃﻴﺐ ﻛﻠﻮ ﻣﺮﺗﺒﻂ ﺑﻲ ﺑﻌﻀﻮ ! ﺍﺟﺎﺑﺘﻚ ﻣﺮﺗﺒﻄﺔ ﺑﻲ ﺍﺟﺎﺑﺘﻲ !
__ ﻭﺍﺿﺢ ﺍﻧﻚ ﻋﻨﻴﺪﺓ ﺷﺪﻳﺪ !!
** ﻡ ﻋﻨﻴﺪﺓ ! ﺑﺲ ﺷﺎﻳﻔﻪ ﺍﻧﻬﺎ ﺣﺎﺟﺔ ﻣﻦ ﺣﻘﻲ ﻃﺎﻟﻤﺎ ﺩﺧﻠﺖ ﺑﻴﺘﻨﺎ ﺑﻲ ﺳﺒﺒﻲ !
__ ﺍﺳﻤﻌﻲ ! ﺍﺍﺍﺍﻩ .... ﺳﻜﺖ !!
** ﻳﺒﻘﻰ ﻃﺎﺭﻕ ﻛﻠﻤﻚ ﺑﻲ ﻗﺼﺘﻲ ! ﺻﺢ ؟؟
__ ﺍﻳﻮﺓ ﻛﻠﻤﻨﻲ !
** ﺍﺗﻮﻗﻌﺖ ﺣﻈﺮ ﺑﺪﻝ ﺍﺗﺼﺎﻟﻚ ﺩﺍ !
__ ﺍﺣﻈﺮﻙ ! ﺍﺣﻈﺮﻙ ﻟﻴﻪ ﺍﺧﺘﺮﺗﻲ ﺣﻴﺎﺗﻚ ﺍﻧﺘﻲ ؟ ﻭ ﻻ ﻏﻠﻄﺘﻲ ﺍﻧﺘﻲ ؟؟ ﻋﺎﻳﻨﻲ ﻟﻨﻔﺴﻚ ﺍﻧﺘﻲ ﻋﺎﻳﺸﻪ ﻭﻳﻦ ﻭﻣﻊ ﻣﻨﻮ ! ﺷﻮﻓﻲ ﺍﻣﻚ
ﻭ ﺷﻮﻓﻲ ﺍﺧﻮﻛﻲ ﻭ ﺷﻮﻓﻲ ﻧﻔﺴﻚ ﻭ ﺍﻧﺘﻲ ﺑﺘﺤﻜﻲ ﻋﻨﻬﻢ ﻭ ﺑﺘﻌﺮﻓﻲ ﻋﻦ ﻧﻔﺴﻚ ﺑﻴﻬﻢ ! ﺣﺘﻌﺮﻓﻲ ﻗﺪﺭ ﺷﻨﻮ ﺍﻧﺘﻲ ﺍﻧﺴﺎﻧﺔ ﻣﺤﻈﻮﻇﺔ
ﻭ ﻡ ﻧﺎﻗﺼﻚ ﺷﻲ ! ﻭ ﺍﻟﺤﺎﺟﺔ ﺩﻱ ﻣﺎ ﺣﺘﻐﻴﺮ ﺭﻏﺒﺘﻲ ﺍﻻﻭﻟﻰ ﻭﻻ ﺑﻲ ﺍﻱ ﺷﻜﻞ ﻣﻦ ﺍﻻﺷﻜﺎﻝ !
** ﻳﺎ ﺯﻭﻝ !!!!!!! ﺍﻧﺖ ﺑﺘﺘﻜﻠﻢ ﻋﻦ ﺷﻨﻮ !!!!
ﻃﺎﺭﻕ ﻣﺎ ﻗﺎﻟﻴﻚ ﺍﻧﻲ ﻣﺠﻬﻮﻟﺔ ﺍﻟﻬﻮﻳﺔ !! ؟ ﺑﺎﻟﺪﺍﺭﺟﻲ ﻛﺪﺍ ﺑﻨﺖ ﺣﺮﺍﻡ ! ؟
__ ﻗﺎﻝ ﻟﻲ ! ﻭﺑﺮﺿﻮ ﺩﺍﻳﺮﻙ " ﻳﺎ ﻣﺮﻳﻢ " ﻋﻨﺪﻙ ﺭﺃﻱ ؟
** !!........
*ﺟﺰﺋﻴﺔ ﻣﻌﻠﻘﺔ*
*ﺭﻳﻢ ﺑﺘﺤﻜﻲ :*
ﺻﺤﻴﺖ ﺍﻟﺼﺒﺎﺡ ، ﻗﺒﻞ ﻣﺎﺭﻳﺎﻥ ﺗﺠﻲ !
ﻟﺒﺴﺘﻪ ﻭ ﺟﻬﺰﺗﻪ ! ﻭ ﻓﺠﺎﺓ ﺳﻤﻌﺖ ﺟﻮﻃﺔ ﻭﺍﺻﻮﺍﺕ ﺑﺮﺍ ! ﺟﺮﻳﺖ ﻓﻲ ﺍﻟﺴﻠﻢ ﻟﻘﻴﺖ ! ﻭﻟﻴﺪ ﻭ ﺍﻣﻲ ﻓﻲ ﺍﻟﺼﺎﻟﻮﻥ ﺍﻟﺘﺤﺖ ! ﻟﻤﻦ ﻭﺻﻠﺘﻬﻢ ﻭ ﻟﻴﺪ ﻛﺎﻥ ﻣﺎﺷﻲ ﻋﻠﻰ ﺑﺎﺏ ﺍﻟﺸﺎﺭﻉ ! ﻟﻘﻴﺖ ﺍﻣﻲ ﺻﺮﺧﺖ ﻭ ﺑﺘﻘﻮﻟﻴﻬﻮ : ﺍﺍﺍﺍﺳﻤﻊ ﻫﻨﺎﺍﺍ " ﺣﺪ ﺍﻟﻠﻪ ﺑﻴﻨﻲ ﻭﺑﻴﻨﻚ ﻳﺎ ﻭﻟﻴﺪ ﺗﺠﻴﺐ ﻟﻲ ﺑﺖ ﺣﺮﺍﻡ ﻓﻲ ﺑﻴﺘﻲ ﺩﺍ "" !!
ﺍﻧﺎ ﻭﻗﻔﺖ ﻣﺼﺪﻭﻣﺔ !! ﺟﺮﻳﺖ ﻧﺰﻟﺘﻪ ﻗﻠﺖ ﻟﻴﻬﺎ ﻓﻲ ﺷﻨﻮ ﻳﺎ ﺍﻣﻲ !! ﺍﺳﺄﻟﻲ ﺍﺧﻮﻛﻲ ﺍﻟﻤﺎ ﺑﻴﺨﺠﻞ ﻋﻠﻰ ﺩﻣﻪ !
ﻋﺎﻳﻨﺖ ﻟﻲ ﻭﻟﻴﺪ ! ﻛﺎﻥ ﻃﻠﻊ ﻭ ﻗﻔﻞ ﺍﻟﺒﺎﺏ !
ﺟﺮﻳﺖ ﻭﺭﺍﻫﻮ ، ﻭ ﺑﻘﻴﺖ ﺑﻨﺎﺩﻱ ﻓﻴﻬﻮﻭﻭ .. ‏( ﺍﺣﺴﺎﺱ ﺍﻧﻪ ﻛﻞ ﺍﻟﺴﻨﻴﻦ ﺩﻱ ﻛﺎﻥ ﺑﻴﺤﺎﻭﻝ ﻳﺴﻌﺪﻧﻲ ﻭ ﺑﻴﻌﻤﻞ ﻗﺪﺭﺗﻮ ﻋﺸﺎﻥ ﺍﺿﺤﻚ
ﻡ ﻛﺎﻥ ﻫﺎﻳﻦ ﻋﻠﻲ ﺍﺧﻠﻴﻬﻮ ﻛﺪﺍ ‏) ..
ﻟﻤﻦ ﻭﺻﻠﺘﻮ ﻓﻲ ﻧﺺ ﺍﻟﺸﺎﺭﻉ ﻣﺴﻜﺘﻮ ﻟﻔﺘﻮ !!
ﻗﻠﺖ ﻟﻴﻬﻮ : ﻓﻲ ﺷﻨﻮ ؟؟
ﻗﺎﻟﻲ : ﺭﻳﻢ ﻛﺪﻱ ﺧﻠﻴﻨﻲ ﺍﺳﻲ ! ﻭ ﺍﺭﺟﻌﻲ ﺍﻟﺒﻴﺖ !
ﻗﻠﺖ ﻟﻴﻬﻮ : ﻭﺍﻟﻠﻪ ﻣﺎ ﺑﺮﺟﻊ ﻣﻦ ﻏﻴﺮﻙ ! ﻭ ﻻ ﺍﻗﻮﻟﻴﻚ ! ﺗﻌﺎﻝ ﻣﻌﺎﻱ .. ‏( ﺟﺮﻳﺘﻮ ﻣﻦ ﻳﺪﻭ ﻋﻠﻰ ﺍﻟﻌﺮﺑﻴﺔ ‏) ﺍﺭﻛﺐ ﺍﺭﻛﺐ ..
__ ﺭﻳﻢ ﻣﺶ ﻋﻨﺪﻙ ﺷﻐﻞ ؟؟
** ﻣﺎ ﺷﻐﻠﺘﻚ ، ﺍﺭﻛﺐ ! .. ﻭ ﺍﺗﺤﺮﻛﻨﺎ ﻭ ﺍﻧﺎ ﻡ ﻋﺎﺭﻓﻪ ﺳﺎﻳﻘﺎﻫﻮ ﻭﻳﻦ !! ﺣﺘﻰ ﺍﻧﺎ ﺍﻓﻜﺎﺭﻱ ﻛﺎﻧﺖ ﻣﺘﻀﺎﺭﺑﻪ
ﻭﻣﺘﻮﺗﺮﺓ ﻭ ﻣﺎ ﻓﺎﻫﻤﻪ ﻓﻲ ﺷﻨﻮ ﺑﺲ ﻛﻨﺖ ﻋﺎﺭﻓﻪ ﺍﻥ ﺟﻤﻠﺔ ﺍﻣﻲ ﺩﻱ ﺍﻛﻴﺪ ﻗﺎﺻﺪﺓ ﺑﻴﻬﺎ ﻭﻫﺎﺩ !!
ﻟﻤﻦ ﻭﻗﻔﺖ ﺍﻟﻌﺮﺑﻴﻪ ! ﻗﻠﺖ ﻟﻴﻬﻮ ﺍﻟﺤﺎﺻﻞ ﺷﻨﻮ ﺑﻴﻨﻚ ﻭ ﺑﻴﻦ ﺍﻣﻲ !!
__ ﻣﻮﺿﻮﻉ ﻳﺎ ﺭﻳﻢ ﺑﺨﺼﻮﺹ ﻭﻫﺎﺩ !
** ﺧﺶ ﻑ ﺍﻟﻤﻮﺿﻮﻉ ﺍﺣﻜﻲ ﻃﻮﺍﻟﻲ ! ﻟﺤﺪ ﺍﻣﺒﺎﺭﺡ ﻛﻨﺎ ﻛﻮﻳﺴﻴﻦ ﻓﻲ ﺷﻨﻮ ﺗﺎﻧﻲ ؟
__ ﻭﻫﺎﺩ .. ﺍﺍﻩ ﺩﻳﻞ ﻣﺎ ﺍﻫﻠﻬﺎ ﻳﺎ ﺭﻳﻢ ! ﺭﺑﻮﻫﺎ ﺑﺲ ، ﻭ ﻗﺼﺘﺎ ﻃﻮﻳﻠﻪ .. ﻃﻮﻳﻠﺔ ﺷﺪﻳﺪ ، ﻛﻠﻬﺎ ﺣﻜﺎﻫﺎ ﻟﻲ ﻃﺎﺭﻕ ﺍﻣﺒﺎﺭﺡ ﻟﻤﻦ ﻣﺸﻴﻨﺎ ﺍﻟﺼﺎﻟﻮﻥ !
** ﺍﺣﻜﻴﻬﺎ ﻟﻲ ! ﻣﻦ ﻓﻀﻠﻚ ؟
__ ﻃﻴﺐ !
*ﻓﻼﺵ ﺑﺎﻙ*
ﻓﻲ ﻧﻔﺲ ﺍﻟﻴﻮﻡ ﺩﺍ ﺍﻟﺴﺎﻋﺔ 8:30 - ﺍﻟﻜﻼﻡ ﺍﻟﻠﻲ ﺣﺼﻞ ﺑﻴﻦ ﻃﺎﺭﻕ ﻭ ﻭﻟﻴﺪ ..
ﻃﺎﺭﻕ : ﺍﺗﻔﻀﻞ ﺍﻗﻌﺪ ! ﻣﻌﻠﻴﺶ ﺟﺒﺘﻚ ﻫﻨﺎ ﻻﻧﻮ ﻣﺎ ﺑﻴﻨﻔﻊ ﺍﺗﻜﻠﻢ ﻫﻨﺎﻙ ! ﻭ ﻣﻦ ﺍﻭﻝ ﻣﺮﺓ ﻛﻠﻤﺘﻨﻲ ﻭﺭﻳﺘﻚ ﺍﻧﻪ ﻻﺯﻡ ﺍﺗﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﺍﻻﻭﻝ !!
ﻭﻟﻴﺪ : ﻳﺎ ﺯﻭﻝ ﺍﻧﺖ ﻟﺴﻪ ﻣﺎﺳﻚ ﻣﻮﺿﻮﻋﻚ ﺩﺍ ﻫﻬﻪ ﻳﺎﺥ ﺍﻟﺤﺘﻪ ﻫﻨﺎ ﻋﻨﺪﻛﻢ ﻫﺎﺩﻳﻪ ﺷﺪﻳﺪ !
** ﻡ ﺷﺪﻳﺪ ﻟﻮ ﺍﻟﺤﺘﺔ ﻫﺎﺩﻳﻪ ﺍﻟﺠﻴﺮﺍﻥ ﻣﺰﻋﺠﻴﻦ !
__ ﻏﺎﻳﺘﻮ ﺍﻟﻠﻪ ﻳﻜﻮﻥ ﻓﻲ ﻋﻮﻧﻜﻢ
** ﺍﻣﻴﻦ ﻳﺎﺭﺏ .. ﺍﺍﺍﻩ ﺍﻟﻠﻬﻢ ﻗﻮﺓ .. ﻃﻴﺐ ﻱ ﻭﻟﻴﺪ ! ﻣﻮﺿﻮﻋﻲ ﺑﻲ ﺑﺨﺼﻮﺹ ﻭﻫﺎﺩ ﺍﺧﺘﻲ ! ﻋﺎﻳﺰﻙ ﺗﺴﻤﻊ ﻟﻼﺧﺮ ﺑﺪﻭﻥ ﻡ ﺗﻘﺎﻃﻌﻨﻲ !! ﺍﺍﻟﻘﺼﺔ ﺑﺪﺕ ﻣﻦ 94 ، ﻭ 93 ﻛﺎﻧﺖ ﻭﻻﺩﺓ ﻭﻫﺎﺩ ﺍﺧﺘﻲ ﺍﻭ ﺑﻤﻌﻨﻰ ﺍﺻﺢ ‏( ﻣﺮﻳﻢ ‏) ، ﺑﺲ ﺍﻟﻘﺪﺭ ﺟﻤﻌﻨﺎ ﺑﻴﻬﺎ ﻓﻲ 2001 ﻭ ﻛﺎﻥ ﻋﻤﺮﻫﺎ 8 ﺳﻨﻮﺍﺕ !
__ ﻛﻴﻒ ؟
** ﻳﻌﻨﻲ ﻭﻫﺎﺩ ﻣﺎ ﺍﺧﺘﻲ ﺷﻘﻴﻘﺘﻲ ! ﻭﻫﺎﺩ ﻭﺍﺳﻤﻬﺎ ﺍﻟﺤﻘﻴﻘﻲ ﻣﺮﻳﻢ ، ﺑﺲ ﺍﺑﻮﻱ ﺍﺧﺘﺎﺭ ﺍﻻﺳﻢ ﺩﺍ ﻻﺳﺒﺎﺏ ﻛﺘﻴﺮﺓ ﺍﻭﻟﻬﺎ ﺍﻧﻪ ﻳﺤﻤﻴﻬﺎ ! ﻭ ﻳﺒﻌﺪ ﻋﻨﻬﺎ ﺟﻤﻠﺔ ﻭﺣﺪﺓ ﻟﺼﻘﺖ ﻓﻴﻬﺎ ﻟﻤﺪﺓ 8 ﺳﻨﻮﺍﺕ .. ﻭ ‏( ....... ‏) ﻭ ﺣﻜﻰ ﻟﻴﻬﻮ ﺍﻟﻘﺼﺔ ﻛﺎﻣﻠﺔ ﻣﻦ ﺍﻭﻝ ﺳﺎﻣﻴﺔ ﻟﺤﺪ ﺍﻟﻠﺤﻈﻪ ﺩﻱ !!
__ .... ﻡ ﺭﺩ
** ﻋﺸﺎﻥ ﺍﻟﻤﻮﺿﻮﻉ ﺣﺴﺎﺱ ﻛﻨﺖ ﻣﻔﻀﻞ ﺗﺠﻲ ﺑﺮﺍﻙ ﻭ ﺑﻌﺪ ﺗﻨﻮﺭ ﺍﻫﻠﻚ ﺣﺘﻰ ﺗﺠﻲ ، ﻭ ﺣﺎﻟﻴﺎً ﻣﺎ ﻓﺎﺕ ﺷﻲ ﺑﻌﺪ ﺗﺮﺟﻊ ﺍﻟﺒﻴﺖ ﺗﻘﺪﺭ ﺗﻘﻮﻝ ﻟﻠﻮﺍﻟﺪﺓ ﺍﻥ ﻡ ﺣﺼﻞ ﻧﺼﻴﺐ ﻣﻦ ﻏﻴﺮ ﻡ ﺗﺤﻜﻲ ﺍﻻﺳﺒﺎﺏ !!
__ ﻟﺤﻈﻪ ﺧﻠﻴﻨﻲ ﺍﺳﺘﻮﻋﺐ ﺍﻭﻝ ، ﻳﻌﻨﻲ ﻭﻫﺎﺩ ﻋﺎﺷﺖ ﻛﻞ ﺩﺍ !! ﻭﻫﺎﺍﺍﺩ !!!! ، ﻃﻴﺐ ﺧﻠﻴﻨﺎ ﻗﺎﻋﺪﻳﻦ ﻫﻨﺎ ﺷﻮﻳﻪ ﻻﻧﻮ ﻡ ﺣﻘﺪﺭ ﺍﻃﻠﻊ ﻛﺪﺍ !
** ﺍﺧﺪ ﻭﻗﺘﻚ !
__ ﻃﺎﺭﻕ ! ﻗﺪﺭ ﺷﻨﻮ ﺍﻣﻚ ﻣﺮﺓ ﻋﻈﻴﻤﺔ ! ﻳﻌﻨﻲ ! ﺍﺳﻤﻊ ﺍﺳﻤﻊ ! ﻋﺸﺎﻥ ﻡ ﺍﻟﻠﺨﺒﻂ ﻓﻲ ﺍﻟﻜﻼﻡ ! ﻳﻌﻨﻲ ﻓﻜﺮﺓ ﺍﻧﻲ ﺍﺧﻠﻲ ﻭﻫﺎﺩ ﻋﺸﺎﻥ ﺍﻟﺴﺒﺐ ﺩﺍ ﺍﻧﺎ ﺷﺎﻳﻔﻮ ﺳﺒﺐ ﺳﻄﺤﻲ ! ﺍﻧﻲ ﺍﻟﻮﻡ ﺍﻧﺴﺎﻥ ﻋﻠﻰ ﺣﺎﺟﺔ ﻫﻮ ﻣﺎ ﻋﻤﻠﻬﺎ ! ﻭﻭﻫﺎﺩ ﺍﺗﺮﺑﺖ ﻓﻲ ﻧﺼﻜﻢ ﺑﻴﻦ ﺍﻡ ﻭﺍﺏ ﻭﺍﺥ ! ﻳﻌﻨﻲ .. ﺍﺍﺍﻩ ﻳﺎ ﺭﺏ ﺍﻟﻌﺒﺎﺩ ! ﺍﺳﻤﻊ ﺍﻧﺎ ﺑﺎﻗﻲ ﻋﻠﻰ ﻭﻫﺎﺩ ﻣﻬﻤﺎ ﻛﻠﻒ ﺍﻟﺘﻤﻦ !
** ﻭ ﺍﻫﻠﻚ ؟
__ ﺍﻫﻠﻲ ﻣﺎ ﺣﻴﺮﻓﻀﻮ ! ﻻﺳﺒﺎﺏ ﻡ ﻟﻲ ﺻﻼﺣﻴﺔ ﺍﺗﻜﻠﻢ ﻓﻴﻬﺎ ! ﻭ ﻱ ﺭﻳﺖ ﻡ ﺗﺠﻴﺐ ﺳﻴﺮﺓ ﻟﻲ ﻭﻫﺎﺩ ﺑﻲ ﺣﺎﺟﺔ ! ﻻﺯﻡ ﺗﻌﺮﻑ ﻣﻨﻲ ﺑﻄﺮﻳﻘﻪ ﻏﻴﺮ ﻣﺒﺎﺷﺮﺓ !
** ﻣﺎ ﻋﺎﺭﻑ ﺑﺲ ﺍﻫﻠﻚ ﻭ ﺍﻧﺖ ﺍﺩﺭﻯ ﺑﻴﻬﻢ ، ﺑﺲ ﻣﻦ ﻏﻴﺮ ﻛﻠﻤﺔ ﻭﻻ ﺣﺎﺟﺔ ﺗﻮﺻﻞ ﻭﻫﺎﺩ ﻭ ﺗﺠﺮﺣﻬﺎ ﻻﻧﻲ ﻣﺎ ﺣﺄﻗﺒﻞ ﺑﻲ ﻛﺪﺍ ﺑﻲ ﺍﻱ ﺷﻜﻞ ﻣﻦ ﺍﻻﺷﻜﺎﻝ ، ﺳﻮﺍﺀ ﻣﻨﻚ ﻭﻻ ﻣﻦ ﺍﺳﺮﺗﻚ !
__ ﻣﻌﻘﻮﻝ ﻳﺎ ﻃﺎﺭﻕ ! ﻳﺎ ﺯﻭﻝ ﺍﻧﺎ ﺭﺍﺟﻞ ، ﻭ ﺍﺧﺘﻚ ﺍﺣﺘﺮﺍﻣﻬﺎ ﻭ ﻗﻴﻤﺘﻬﺎ ﻣﺎﻓﻲ ﺯﻭﻝ ﺑﻴﺘﺨﻄﺎﻫﺎ !
** ﻭﻧﻌﻢ ﺍﻟﺮﺍﺟﻞ ! ﻣﺸﻴﻨﺎ ﻋﻠﻰ ﺍﻟﺠﻤﺎﻋﻪ ؟
__ ﻣﺸﻴﻨﺎ ....
ﻣﺎ ﻗﺪﺭﺗﺎ ﺍﺳﻤﻊ ﻛﻼﻡ ﻭﻟﻴﺪ ﻟﻼﺧﺮ !!! ﻭ ﻗﺎﻃﻌﺘﻮ ﻭ ﺑﻲ ﺣﺴﻴﻲ ﻗﻠﺖ ﻟﻴﻬﻮ :
ﺍﺳﻤﻬﺎﺍﺍﺍ ﻣﺮﻳﻴﻴﻴﻴﻴﻴﻴﻤﻤﻢ !!!!!!
ﻣﺮﻳﻢ !! ؟ ﻣﺮﺭﺭﺭﺭﻳﻢ !!! ﻃﻪ ! ﺍﻟﺮﺳﻤﺔ !! ﻣﺮﺭﺭﺭﻳﻢ !!
ﻛﻨﺖ ﻋﺎﺭﻓﻪ ﺍﻧﻬﺎ ﺍﻟﻠﻲ ﻓﻲ ﺍﻟﺮﺳﻤﺔ ﻳﺎ ﻭ ﻟﻴﺪ !!!
ﻳﺘﺒﻊ .....
# ﻣﻠﺤﻮﻇﺔ
ﻟﻌﺸﺎﻕ ﺍﻟﻠﻐﺔ ﺍﻟﻌﺮﺑﻴﺔ
ﺍﻟﺮﻭﺍﻳﺔ ﺣﺘﻨﺰﻝ ﻓﻲ ﺍﻟﻤﺪﻭﻧﺔ ﺑﺎﻟﻠﻐﺔ ﺍﻟﻌﺮﺑﻴﺔ !
" ﻗﺮﻳﺒﺎً "
ﺗﻮﻗﻌﺎﺗﻜﻢ ﻻﺣﺪﺍﺙ ﺍﻟﺤﻠﻘﺔ ﺍﻟﺠﺎﻳﺔ
ﺑﺎﻗﻲ ﺣﻠﻘﺘﻴﻦ 💔
# ﺍﺳﺘﻜﻜﺎﻧﺔﺓ ..🔍..
# ﺳﺤﺮ _ ﺳﻤﻴﺮ