عند أماني :
بدات تحل فعينيها بشوية مزالت فيها الدوخة وقت عملو الحادث تجرحت شوية على يدها .... ومن راسها الطبيب طمن سراج على حالتها ... بلي ماعندها حتى حاجة تخوف ... شوية وتفتح لباب دخلت امها تجري عندها تحضن وتبوس وتحمد في ربي لي بنتها عايشة بصح قلبها يوجع فيها كيفاش رايحة تقابلها بحقيقة موت راجلها لي مزالو مافرحوش بعضاهم .... أماني فالوقت هذاك بدات تحل في عينيها بالسيف من تأثير الضربة والدواء ...فاقت مع روحها وكانها كانت في عالم آخر ... ولات تصيح آدم آدم وين راهو آدم امها تحاول تهدن فيها ... بصح والو ماقدرتلهاش ... حتى تفتح لباب ودخل سراج : طاطا وشبيها ؟! ... شهرازاد: اجري اجري وليدي عيط لطبيب ماحبتش تهدن .... شوية وجا طبيب عطاها إبرة مخدر ... وهي تحاول تتفادا فيها ... كاش كاش ماصرا ... أماني : ماما ماما عيشك قولو ماحباش قولو يبعد آدم وينو وينو آدم ماما .... جيبولي آدم ... ماما عيشك ..... آآآآدم بعد المعركة قل صوتها وغاب حسها.....
فاتت ليلة كحلة على كل فرد من عائلة المختاري .... فاليوم ثاني كانو الاعمام والاخوال البنات و لولاد كامل متجمعين يتقبلو فالعزاء ... أمو مطيشا على الفوتاي دايخة من كثرة البكاء ... الجد مقابلها مش قادر يوقف على رجليه فقد احد من حفادو لعزاز عليه .... في غرفتها مطيشة مش باينة فاطنة ولا غايبة عن الوعي شاردة فالفراغ دموعها يسيلو بدون صوت قاعدة أماني في غرفتها وامها بجنبها تربت على كتافها هي تاني ساكتة أصلا مش لاقية وش تقول ولا كفاش تتصرف .... بالنسبة لرنيم لي قاعدة فالحديقة راسها مرخي تبكي .... ماهيش مستوعبة موت خوها كانت منهارة كليا ... هي هكا وخرج فراس شافها قلبو تقطع عليها ... قرب بشوية وقعد جنبها .... فراس: رنيم يزي من البكا ... لازم تتقواي على روحك .. باه توقفي جنب امك ... امك محتاجتك ... كوني معاها كيف خيالها و ماتخليهاش وحدها راهي تمر باصعب فترات حياتها ... و رد بالك نتي على روحك .... رنيم مكتوب ربي كاتبتلو يموت .... ماديرش فروحك هكا ... حتى انا راهو ولد خالتي و خويا .... راني لدوكا مصدوم بصح واش نديرو ربي دا امامتو لبكا مراحش يرجعو ..... ..... ماقدرتش تجاوبو مزالت كيما راهي .... تقدم ليها وجبدها عندو شحات راسها في صدرو وقوات فالبكا .... تقول كانت مستنية فيه يعمل هكاك باه تفرغ مافي قلبها ..... رنيم : آآآآدم راح راح وخلاني .... اهي هو خويا الوحيد ... كيفاش راح نقدر نعيش حياتي بلابيه .... وقعدت تهدر فكلام مش مفهوم فراس: رنيم ماراحش نقولك اسكتي و لا ... ابكي فرغي قلبك كيما تحبي .. بصح آخر مرة نشوفك هكا منهارة ... كيما وصيتك كوني قوية ... ونوعدك راح نكون معاك و نتجاوزو هاذ المحنة مع بعض .... و نوعدك راح ناخد مكانة آدم في حياتك .. ونحميك من كل حاجة ممكن تضرك ولا تاديك ولا توجع قلبك ولو بشوية .... قالها و شبح قبضة ايدو .... وحس بغصة في قلبو ... لانو عارف روحو محال يقدر يلعب دور الأخ ديما في حياتها وعارف احاسيسو ومشاعرو ليها عمرهم ماكانو احاسيس اخوة ..... و كي زادت شبحت عليه كأنها نزاح شوية من شيء لي حاملتو في قلبها ......
#Døū_døchā💎💙
أنت تقرأ
#عائلة_المختاري 🔥
Actionشخصان من نفس العائلة البنت تحب الولد وهو يكون ولد خالتها لكن هو يكرها بسبب غير معروف ،هل يشيء القدر ان يجمعهما ؟!🖤، الولد يسعى للانتقام من اكبر مافيا روسيا على وفاة والده....... 🔥
