شوية هكذا ودخل سراج مع احمد ... تعمرت الصالة بالتصفير و زغاريت .... لمحها قاعدة مع رنيم فطاولة مجبودة شوية على ناس ، كانت لابسة روبة فينو تهبل ... زاد حلاها مكياج سامبل ... اما هذا الكل كانت حابسة دمعتها في عنيها ... الحزن باين عليها ... قلبو وجعو عليها كيشافها بهذيك الحالة ... بصح واش يدير لازمهم يصبرو شوية .... هو هكاك حتى تلمو عليه العائلة كامل يشطحو معاه وهو ماعينوش فالشطيح ... يشطح بسيف عليه ... آية تشوف فيه و قلبها يزير عليها .. مزية رنيم واقفة معاها تهدي فيها ... ورهف مرة على مرة تجي طل عليها ... كملو شطحو وكل واحد شد بلاصتو باه تهبط العروسة يلبسو الخاتم ... بصح استغربو كيماشافو حتى فرد من عائلتها .... فهذاك الوقت طلع الجد للمنصة ... الجد: احم احم اليوم كيما علبالكم خطبة حفيدي سراج وشارلو بيدو باه يطلع عندو ... طلع عندو وقعد يحوس بعينيه لمحها .. الحد: آية ممكن تتفضلي عندنا شافت فيه مستغربة ..قعدت تشوف فيه و في سراج لي حتى هو مابعيدش عليها مستغرب ....الجد : آية رانا نستناو ارواحي .... ولات تحكي مع رنيم بين شفافها ...آية: رنيم خايفة يكون جدي عرف حاجة .. ويبهدلني ... رنيم: آية هبلتي ؟! جدي محال يعمل هكا ... محال يبهدلك قدام ناس ... مايقدرش يسىء لواحد من العائلة قدام ناس مهما يكون جدي صعيب بصح حنا كلشي عندو ... روحي زربي سمعت كلامها وطلعت عندهم تجر في رجليها .... أحمد: فراس زعمة يكون جدي فاقلهم؟! .. فراس: مانعرف ربي جيب الخير .... وصلت لعندهم زاد عيط لامها وبوها و ام سراج ... الجد: آية وشبيه وجهك صفر هكا ؟! .... فطيمة ام آية ولات تمسحلها على وجها .. فطيمة: آية وشبيك بنتي مريضة ؟! آية: تخرج فالكلام من فمها بسيف ... آية: اهه نن تعبانة شوية برك ... الجد: نقدرو نكملو الخطبة ولا تعبانة ... مافهمتش واش يقصد .... جبدو سراج على جنب .. سراج: جدي واش راه صاري بنت صاحبك وصاحبك وين راهم و آية واش دخلها فالحكاية ؟! ... الجد: امشي نكملو الخطبة اليوم خطبتك نتي آية يزي من الكلام وناس تشوف فينا ... بعد الخطبة عندي معاكم كلام آخر ... تلاح ليه حضنو وباسو .. ربي خليك لينا جدو .. تهدر صح ؟! . الجد : ابعد ابعد عليا ... رجعو وين واقفين الجماعة ... الجد: احم سمحولي ناس الكل ... كان عندي حاجة ضرورية نحكيها مع حفيدي و رجعتلكم ... مانطولش عليكم كي ما قلتلكم اليوم خطبة حفيدي سراج المختاري و آية آل عمار .... شافت فجدها بصدمة ... آية : ججدي .... شافت في سراج لقاتو يبتسم معاها و ابتسامة عريضة .... قدمت ليهم أم سراج في يدها صينية الخواتم .... سمية: وليدي لبسلها الخاتم ... هزو من عندها و طلعلها ا يدها لبسهولها .... زادت قدمتلها الصينية ... سمية : رنيم بنتي لبسي لسراج الخاتم ... ماهيش مصدقة واش راهو يصير ... هزت الخاتم و لبستهولو .. وهي مصدومة .... . قرب ليها باسها من جبهتها ... لثما دموعها لقو طريقهم على خدها ... دموع الفرحة مخلطين مع الخوف وشيء لي عاشت اليوم ... ناس الكل فرحانتلهم وأخيرا اجتمعو في نهار ماكانوش ماتوقعوهش ..... حضنها وزيرها ليه حب يدخلها بين ضلوعو ... همس في ودنها ... سراج: نحبك يا عمري .. آية: سراج بصح كيفاش حتى ؟! .. سراج: مانعرفش جدي هو لي قرر .. ماتخممي في والو المهم اليوم خطبتنا و تهنينا من المهم هذاك وبنتو .... آية زادت زيرت عليه نحبك سراج.. سمية: بعد بعد من كنتي .... طبعتو و ضمتها ليها ... ياعمري تعرفي راني فرحانة بزاااف اليوم ... ربي يسعدكم حبيبتي و نفرح بيكم عن قريب ..... بعدت عليها وشدتلها وجها بين يديها تمسحلها فالدموع .. شوت حبيبتي اسكتي اليوم يوم فرحك .... مانحبش نشوفك تبكي ...يا يما عروستي كانت كل الوقت قدامي و انا لا خبر يطلع منكم زوج .... بصح نقولك يعطيك صحة قدرتي عليه و رديتيه لطريق بعد ماكان هامل .... تبسمت معاها .... سراج: هكا ماما بدلتيني فيسع؟! .. سمية: ايه دوكا ولاو عندي 2 بنات ...سراج : شوف اسيدي .... ولاو يضحكو زوج عليه ..... كملو جاو الكل سلمو عليهم وباركولهم ... آية وسراج طايرين بالفرحة .... السهرية كامل و هي دموعها مانشفوش ... حب حياتها من سنين وهيا تحلم بهذي اللحظة اليوم قاعدة تعيش فيها .... وسراج مابعيدش عليها ... من قدامها ماتحركش كل دقيقة ييوسلها يدها.....
#Døū_døūchā💙💎
أنت تقرأ
#عائلة_المختاري 🔥
Actionشخصان من نفس العائلة البنت تحب الولد وهو يكون ولد خالتها لكن هو يكرها بسبب غير معروف ،هل يشيء القدر ان يجمعهما ؟!🖤، الولد يسعى للانتقام من اكبر مافيا روسيا على وفاة والده....... 🔥
