كل واحد طلع لغرفتو .... رنيم حكات كلشي لاية واش صرا معاها هي و فراس .... و فراس كيفيكف حكا الاولاد بالاعتراف تاعو .... فرحولو وتمناولو غير لكان تقبل و يجي نهار و يشوفهم مع بعض .....
في اليوم التالي ....
كانو متلايمين على الطابلة الرجال كامل راحو بكري للشركة الا فراس قعد فدار عندو اجتماع حتى العشية ... مايقدروش يخليو النساء وحداهم .. كل يوم يقعد واحد منهم وقت يجيو هما يروح فراس .. فهذاك الوقت جاتهم الخادمة (سلوى) وقفت فوق راس رنيم ... سلوى : انسة رنيم سامي راهو جاء فالصالون يستنا فيك .... رنيم: اه وقتاش جاء ؟! ... سلوى: هذا وين دخلتو ... رنيم: اوكي قولو دقيقة ونجي ... فراس: هز راسو بغش باين من عينيه لي طلعو حومر دم .... وشنو هذا وقت يحب يجي وقت يحب يروح .... شاف في رنيم .... احترمونا شوية .... هذا قصر العائلة و فيه رجال . وشنو هذو دخلات والخرجات ... وزيد راجل غريب مامبا ولا راجلك .... ..ماحبتش حتى تشوف فيه ولا تجاوبو رنيم: ماما نطلع نبدل حوايجي ونخرج مع سامي للجنينة كيما قلتلك لبارح .... خلاتهم وطلعت .... سمية : فراس علاه تهدر معاها هكا ... سعاد: يا وليدي علاش الغش هذا كامل هي طلبت الاذن مني ومن بوها الا يقدر يجي لهنا باه يتفاهمو فتحضرات العرس ... و بوها قبل نتوما شوف كيفاش غالقين علينا مافاهمين والو ماتخلونا نخرجو ماندخلو .... والعرس قرب لازم يتفاهمو .... مسح على وجهو بغش وناض بصحتكم ... أمو قعدت تشوف فيه حتى طلع فالدروج ... حابة تتاكد من شيء ليشافتو لبارح الا صح ولا ... لازم في اقرب وقت نجمعهم ويفهموها بسيف عليهم .... رنيم كانت في شمبرتها تلبس و تخمم في فراس وطلعاتو هذو ليام ... لبست كملت (الصورة 👇) طلقت شعرها هزت تليفونها و خارجة فتحت لباب لقاتو فوجها .... دزها و دخل معاها لشمبرة .... رنيم: اااا نتا وشبيك .... فراس: رنيم نتي حابة تهبليني ؟! .... رنيم: فراس نتا لي راح تهبلني وشنو هذا واش هذو الحركات لي راك تعمل فيهم .... قريب نولي مرت راجل ابعد عليا .... فراس: قتلك ماراح تكوني مرت حتى واحد بخلافي انا .... وهذاك طحان مراحش تهبطي عندو غير نساي ..... رنيم : هههه والله نتا بالحق هبلت . ... اخطيني خطيني .. دارلها براسو نن نن ... رنيم: اوووف ياربي ... فراس: راجل يستنا عيب ... فراس: خليه يستنا .... بدا يقرب ليها و هيا تبعد حتى حصرها فالحيط .... رنيم: فراس بعد مني والله نعيط نلمهم عليك ... فراس: ايه مذابيا يتلمو كامل علينا ... نقولهم واش في قلبي كامل ... و سي سامي تاعك يفهم روحو يخطينا .... قعدت تشوف فيه تايهة تكذب لكان تقول ماعجبهاش الحال وهي بقربو .... لا بالعكس رايحة طير بالفرحة ... بصح ماتقدرش تخلي سامي الانسان لي وقف معاها في بزاف حوايج وهو لي داولها جروحها بعد ماخلاها فراس و راح ... هي وعدتو لي هي راح تبقا معاه وتكون مرتو ... ماتقدرش تبني سعادتها على حسابو هو .... لازم تعفص على قلبها وتقبل سامي راجلها ... وفراس يبقا حاجة من الماضي ... فطنت من شرودها كيحط فراس يديه على وسطها و جبدها ليه .... حط جبينو على جبيتها ويهدر .... فراس: رنيم ماتهبطش عندو خليني انا نروح نتكلم مع ونفهمو لي هذا العرس ماراحش يتم نتي ماتحبوش ماتحبش تاخدو .... رنيم: نتا واش راك تقول ؟! ... شكون قال هذا الكلام .... حطت يديها على صدرو و دزتو ... رنيم : فراااااااس يزي يزي راك كترت و سكتلك بزاف .... انا وياك مانقدروش نكونو مع بعض افهم .... وقت حبيتك انا نتا واش درت بلاما نزيد نعاود نحكي راك عارف روحك واش درت فيا ... كي كنت انا وحدي نتا وين ؟! بعد ما جرحتني بهذاك الكلام و رحت وخليتني نتعدب وحدي نتا وين كنت اه ؟! هو هو سامي لي حبني و وقف معايا هو لي داوالي جروحي و نساني في همومي .... دوكا بعد شيء هذا كامل جاي تقولي نحبك .... قتلك صاي سامحتك بصح انسان تكون بيني و بينك حاجة .. ... قدم ليها بشوية و شدلها وجها .. رنيم شوف فيا جاو عينيها ف عينيه .... فراس: نسئلك سؤال وجاوبني عليه بلا كذوب .... كي تجاوبني راح نخرج منا مهما يكون جوابك .... فراس: رنيم نتي مازلتي تحبيني ؟! .. رنيم نزلو دموعها يحرقو على خدها .... فراس: رنيم جاوبيني نحكي معاك .... طاحت فاللرض و تبكي رنيم: ايه ايه نحبك وكل يوم نخمم فيك ... ماقدرتش ننساك و مقدرتش نكرهك مهما واش درت فيا قلبي طحان هذا طحان ولا تخبط فبلاصت قلبها ..... اهي اهي. ... ومبعد شافت فيه .... بصح محال نكون معاك غير سامي ليكون راجلي ... قعد يشوف فيها غاضتو بزاااف شفو حالها هو بيدو لي ردها هكا .. بصح مزال الوقت وراح يعمل اي حاجة باه يردها ليه ... هبط عندها باسها على جبينها و ناض خرج .... قعدت تشوف فيه حايرة بعد ماقالتلو هذاك لكلام توقعت ردت فعلو تكون بخلاف هذي... فهذاك الوقت نوقز تليفونها ... ناضت بسيف عليها لقاتو سامي. .... عرفت روحها طولت عليه وتقلق ... كوبات و بعتتلو ميساج ...< شوية ونهبط اسمحلي طولت عليك ›» .... ماحبتش تربوندي عليه ... ماقدراش حتى تهدر ... وقفت مقابلة لمراية سنوات حالتها شوية ... هزت تليفونها و هبطت عندو ......
#Døū_døūchā💙💎
أنت تقرأ
#عائلة_المختاري 🔥
Actionشخصان من نفس العائلة البنت تحب الولد وهو يكون ولد خالتها لكن هو يكرها بسبب غير معروف ،هل يشيء القدر ان يجمعهما ؟!🖤، الولد يسعى للانتقام من اكبر مافيا روسيا على وفاة والده....... 🔥
