فصليه ريهام

البارت الثالث

الكاتبه كرستال الاسديه
3.....
.............
ريهام:اندكت الباب مثل صاقعه وكعت على راسنه جنه كلش خايفين بابا و علي طلعو جان اكو ولد يصيح اله اخذ حقنه منكم خلو ابنكم الجبان يعفن بالسجون اله انكتله ..........
نرجع شون عرف أسد واهله
اسد:هلو حسون شعجب داك عليه
حسين:والله ياخوي الحك مات مرتضى دعمه واحد
اسد:احس رجلي مشيلني من كد الصدمه ماعرف شسوي احس راح اوكع
الجندي:سيدي شبيك لكم يا ولد الضابط حيوكع
اسد:مابيه شي تسلمون طلعت من المقر شغلت السياره ومشيت كلش سريع بس اريد اوصل واشوف وصلت للمستشفى شفت أبويه واخوتي والشيوخ ولد عمي
ابو اسد:لكم وليدي راح بيه اله ناخذ حقنه امشي ولك حميد شغل السياره اله انروح نهجم بيتهم
اسد:بويه جاي وياك طلعنه بسياراتنه للبيت الكاتل ابنه ضليت ادك الباب واصيح لكم اطلعو طلع رجال ولد
ابو ريهام:يمعودين اهدو والي يرضيكم يصير
ابو اسد:باوع حضر عمامكم انتو مكاومين الكم مهله منا لحد متخلص الفاتحه
ريهام:صار هدوء بابا خابر عمامنه واجوي ناس صار بيتنه عباره عن ناس طابه ناس طالعه
ابو ريهام:ام ريهام باجر رايحين لهل الولد انشوف شيريدون
ام ريهام:والله كلبي على وليدي يارب افرجهه
ريهام:اجه اليوم الي راح بي بابا للناس جان يوم محلو كله صدمات واني كلبي يوجعني احس شي حيصير كعدت صليت وبجيت اجه بابا وسمعت امي تلطم وبابا يبجي
ريهام:ها بابا شرادو
ابو ريهام:رادو فصليه
ريهام :شنو فصليه
ام ريهام:يعني يريدون وحده من خوات الكاتل😭😭
ريهام:جتني مثل الصقعه على راسي عبالك كلشي راح مني طموحي احلامي مستقبلي كمت صعدت لغرفتي اجتي جنار وضلينه نبجي نزلت لبابا لان انقهرت على حال اهلي يربي سلمت حياتي بيدك
ريهام:بابا اني موافقه اروح 
ابو ريهام:بنتي والله ماخليهم ياخذوج
ريهام:اني كتلك موافقه وخلص هذا قراري
نمت واني ابجي صعدت عليه ماما كعدنه نحضر ملابسي امي حضرتلي كلشي جديد جني عروس بس بلا عرس رحت الصالون عدلت روحي من حواجبي وشعري بس شويه كصيته اطراف
ام ريهام:يمه ديري بالج باجر حياخذوج 😭يمه ماشبعت منج تمنيت ازفج بدله 😭😭
ريهام:يمه سامحيني اذا ضوجتكم بشي😭😭
ام ريهام :يمه انتي سامحينه يمه شعدنه غيرج 😭😭
ريهام:صعدت لغرفتي جان اليوم آخر يوم بيتنه مكدرت انام ضليت قلق كعدت اكلب بكتبي وذكريات والصور شون جنت وشون صرت اذن كمت صليت وابجي بحركه واكله ربي قدري وراضيه بي بس ربي هون عليه نزلت جوه هلاو صباحو
ابو ريهام:هلا بابا حبيبتي تعاي احضنج
ريهام:جيت بابا حبيبي
جنار:جا واني بابا زعلت
ابو ريهام:تعاي بنتي المدلله ريهام حضري نفسج عمود نروح بنتي سامحيني
ريهام:بابا كعد يحضني ويبجي ويتوسل اسامحه كعد ابجي ويا بابا انته سامحني 
ابو ريهام:يله كومي بنتي الحلوه
ريهام:حضرت نفسي لبست فستان اسود بسيط و لفيت شال احتراماا لهل الولد وشحاطه صعدت اني و بابا وعمامي بالسياره جان الطريق سريع وصلنه لمكان اسمه الناصريه فتنه بيت جنه قصر جان بي بستان وكراج جبير بي سيارات نزل بابا واني نزلت عمي كله للرجال جبير
العم:السلام عليكم هاي البنيه امانه عدكم و اخويه انطاكم اعز ماعنده
ابو اسد:بعيونه امانتكم وهيه مثل بتنه تفضلي بنتي
ريهام:جان اكو واحد معضل بس صاك بس يخنزر عليه عبالك يريد يموتني والله خفت منه دخلت للبيت جانت اكو مره حليوه والله قزمه وشويه سمينه
رشا مرت فاضل:تفضلي خيتي منا تعال شبل ودي الخاله للصاله
ريهام:وداني الطفل شبل مدري صطل والله ضحكت بكلبي ماحسيت غير انجريت من شعري وكعت بالكاع و نسوان التمن عليه وبعده محسيت فقدت الوعي.........
يتبع.........
شنو راح يصير ب ريهام معقوله ام أسد كتلته لو بنات عمه ريهام شنو مصيره خمنو ......
حبايبي دعموني اذا عجبتكم القصه اكمل اني بليوم انزل بارتين انطوني لايك وتعليق.....