فصليه ريهام

البارت الخامس

الكاتبه كرستال الاسديه
5.......
..................
ريهام:ماحس اله سوسن جرت شعري وضربتني على ضهري وخنكتني ضليت ابجي واصيح وماكدر اتنفس جان يجي أسد يوخره
اسد: ولج سوسن طلعي برا ومالج حق اضربيه هاي مرتي فهمتي طلعي برا
سوسن:ها يبن عمي غيرتك ام السحوره
اسد:طلعي برا فهمتي لو لا واذا اشوفج بعد توصلين يم ريهام متلومين اله نفسج
ريهام:شكرا الك لان ساعدتني
اسد:لاعبالج ميت عليج بس لخاطر أبويه وخرته اله جان اني هم موتج يله وخري خلي انام
ريهام:واني وين انام ؟؟
اسد:شبيج بس تلطمين هذا مكان نامي بي جربايه شعرضه شطوله واذا ميعجبج نامي بالكاع
ريهام:اخذت مخده وغطه وهوه نام بس اني صار عندي قلق منمت افكر باهلي وشون جنت اسهر اني وجنار مشتاقتلهم يربي ساعدني وضليت ابجي محسيت بالوقت اذن كمت صليت وبجيت وقريت قران ونمت شويه حسيت ساعه بل 7:00 كمت نزلت سويت ريوك للكل وحطيت السفره جتي رشا
رشا:شبيج ولج وجهج اصفر
ريهام:والله ماعرف يرشا بس مشتاقه لهلي 😭😭وحضنت رشا
رشا:لا تبجين كتلج اذا تخلين أسد الج تملكين الدنيا والله كافي بجي اني اختج وامج
ريهام:شكراا حبيبتي
دلال:ها يحلوين شبيكم تبجون
ريهام:لا بس مشتاقه لهلي وبجيت
دلال:احنه اهلج كافي ولج رهومه متلوكلج البجي يله ترا اريد اصير عمه مره رابعه 😂😂
رشا:ولج دلال متبطلين سوالفج😂😂
ريهام:اني كلش خجلت ومعرفت شحجي الشيخه صاحت حضرو الريوك رحنه حطينه الاكل بس صار هدوء الكل ملتهي بالكله خلصنه شلنه الماعين ورشا غسلتهن
ام اسد:ريهام يمه تعاي اريدج بالحجره ماتي
ريهام:صار شيخه
الشيخه:باعي ريهام شدي حيلج وتقربي ل اسد ترا كلبه طيب بس مقهور على اخو اعذري
ريهام:صار شيخه والله حقه
ام اسد:ريهام صيحيلي يمه انتي مثل دلال حبيتج يله يمه كومي اريدج انتي اليوم سوين الغده اريد اشوف طبخج
ريهام:صار يمه كمت رحت للمطبخ طلعت دجاج غسلته ونكعته بالخل بعدين شويته وسويت تمن وفوكاه الاله  صارت الساعه ب 11:00
ام اسد:ريهام روحي كعدي اسد هذا ناسي نفسه
ريهام:صار يمه رحت واني خايفه تقربت يمه أسد أسد أسد كوم الشيخه تريدك
اسد:اي هسه كمت بس حضريلي الحمام وحضري ملابسي
ريهام:كام سبح وبدل ونزل واني لميت الغرفه ونضفته جان يصعد أسد
اسد:ريهام تعاي احجي وياج 
ريهام:جيت كعدت بصفه بس خايفه بس مبين كلبه طيب
اسد:يبنت الناس اني معندي شي وياج واقتنعت الي صار قدر وانتي مالج ذنب بس اريد تهتمين بكلشي يخصني ملابسي اكلي غرفتي وتكعديني للدوام اني دوامي عشره ب عشره مفهوم
ريهام:صار تدلل نزل أسد واني هم نزلت صارت الساعه ب 1:00الشيخه كالت حضرو الغده يله الحجي جوعان حضرنه الغده والكل كعد ياكل فده كعدت بصف دلال
ام اسد :كومي يمه ريهام كعدي بصف اسد زوجج
ريهام:اني نصدمت وكمت كعدت بصفه بس هيج شعور حلو حسيت عندي سند وضهر كعدنه ناكل جان الشيخ كال
ابو اسد:شنو هل اكل الطيب حجيه يسلم ايدج على هل اكل اليفتح النفس
كاظم :عاشت ايدج يمه والله طيب
فاضل :يمه صايره تبدعين عاشت ايدج
اسد:يمه شنو هل اكل الطيب يخبل يمه من فدوه ليدج
بيبيت اسد :ولكم فلك طركم هذا طباخ الحليوه ريهام وانته طباخ مرتك هذا يمكموع
ابو اسد:عاشت ايدج بويه ريهام
ام اسد:بعد جنتي وطبخه الحلو
ريهام:الكل عجبه الطبخ وكلولي عاشت ايدج بس أسد مكلي شكد مغرور كمنه شلنه الماعين ودلال غسلتهن ورشا سوت الجاي وازهار لمت البيت واني اخذت الجاي الهم ورجعت جان يجي اسد ورايه
اسد:ريهام تعاي للغرفه اريدج
ريهام:هذا شيريد مني صعدت للغرفه لكيته ديبدل
اسد:ريهام تريدين شي اني طالع للكهوه ويه اصدقائي
ريهام:اريد سلامتك بس لاحضت دك تليفونه هواي حته هوه ارتبك ومجاوب بيني وبين نفسي اكيد يحب شيسوي بيه اني واني شكو ضجت اصلن كم شهر وارجع لهلي
اسد:ريهام وين شارده شبيج صالي ساعه احجي وياج
ريهام:ها ها اسفه وياك
اسد:يله اني طالعه مع السلامه
ريهام:الله وياك جان اليوم عادي فكرت لازم اكسبه كلام الشيخه براسي بس خاف يحب يربي نزلت سويت العشه ويه البنات هوه كال اتعشو ماجي اكلنه وغسلنه الماعين كعدنه احنه البنات والشيخه
الشيخه:  يبنات اريد تحضرون ريهام اليوم تمكيج
وتبدل فهمتو
البنات:كلهم فد احجايه صار شيخه
ريهام:كلولي يله ننتضرج يالعروس كمت سبحت وطلعت شسورت شعري وحطيت مكياج خفيف بس خايفه يربي جان الشيخه تنطيني صندوق بي اجهاز عروس من ملابس نوم وملابس بيت و مكياج وعطور وذهب تفاجئت
ام اسد:باعي يمه هذني الج شي بسيط
ريهام:شكرا يمه راحت الشيخه  لبست هل ملابس بس ستحيت يربي جسمي بين حته حاولت اغطي بس بعده مكشوف جان ماحس اله انفتحت الباب طب اسد ضل مصدوم وجامد بمكان واني هم ضليت صافنه عليه ....................
يتبع............
شنو راح يصير بين اسد وريهام معقوله حصير مرته من هاي اليله خمنو......
حبايب ادعموني والله انزل باليوم بارتين أنطوني لايك وتعليق