فصليه ريهام

البارت الرابع عشر

الكاتبه كرستال الاسديه
14.....
................
ريهام:كعدت من البنج جنت دايخه شويه شفت اسد لازم فهودي حط فهد يحضني حسيت بشعور حلو ومحد حيعرف شعوري غير الامهات ثاني يوم رجعنه للبيت جان الشيخ مسوي ذبايح عمود فهودي والكل حضر من شيوخ ونسوان وزلم حته اهلي جوي جنت كلش فرحانه كل الحبهم يمي شكرت ربي على هل نعمه  ومرت الأيام والشهر وصار عمر فهد ١١ شهر وبيوم تمرض الشيخ كلش جنه كلنه خايفين نفقده بس للاسف هذا الي صار الشيخه كلش تعبت واسد اول مره اشوف ضعفه كعد يبجي بحضني ويكلي أبويه كسر ضهري ضليت ابجي ويا صارت الفاتحه الولد كلهم تعبو وخلصت الفاتحه وتقسم البيت وكل واحد اخذ حقه وكل واحد راح عاش بمنطقه بيت كاظم وازهار راحو سكنو ب الناصريه يم اهل ازهار وفاضل ورشا راحو بكربلاء لان فاضل يريد قريب على ابو وحسين وجنار بغداد عمود كليه جنار  واني واسد والشيخه ويانه رحنه بغداد  صراحه اني ماكدر بدون الشيخه ولا هيه تكدر بدونه وصرنه كل خميس نجتمع لو يجون يمنه لو نروح يمهم ابد منكطع ضلت الرحم واسد هم اطمئن انو الشيخه يمي من يروح يبات بدوام مرت الأشهر والأيام وصار عيد ميلاد فهد سوينه حفله واجوي الكل اهلي وإخوان أسد احتفلنه ....
جنار:عندي الكم  اني وحسين مفاجئه
الكل:يله كولو شنو
حسين:اني حصير اب 😂😂
الكل:الف مبروك يتربه بغزكم
محمد:لعد اني هم عندي الكم مفاجئه
الكل:كول يله 😂😂😂
محمد:اني هم حصير اب 😂😂😂
الكل:شنو اليوم الحمل العالمي
اسد:اكلج ريهام شنو بقت علينه اني هم اريد اصير اب
فاضل:ي والله رشا اني هم اريد اصير اب 😂😂😂
كاظم:جا هيه بقت عليه ازهار شدي حيلج اريد بزر 😂
ريهام:زين شمدريك مصاير اب 😂😂
اسد:اي غير ابني فهد لا دقيقه ليكون انتي حامل
ريهام:اي حامل😂😂😂
اسد:لكم حصير اب
ام اسد:ولك ليشوفك ميكول عندك ولد😂😂
اسد:يمه شسوي احب الجهال
الكل:يتربه بغزكم الف مبروك
ريهام:مرت الايام وكلشي طبيعي واني طبيت بشهر الرابع طلع بيه بنيه اسد كلش فرح والشيخه هم اسد اختار اسم ليال صارت عمر فهد سنه و اربعت اشهر بده يمشي ويكول بابا وماما واسد طاير بي اجتي اختي نرجس صالي ٦ سنوات مشايفته لان هيه ساكنه بتركيا صاير عده ولد وثنين بنات كلش فرحت جنت كلش مشتاقتله ......
يتبع.........
شنو حصير بالبارت الاخير خمنو...
ادعموني والله انزل باليوم بارتين والله العظيم اني كاتبه جديده حطولي لايك و تعليق.......