مراهقة وأربعيني ( مكتملة)

البارت الثالث

مراهقة _ وَ _ أربَعيني
# للكاتبه_ بنين
البارت الثالث

"صفنتلها"....
ولگيت بروحي چم فلاح"
چم واحد نساني وراح

أنه الزارع عشرتي
بكل دروب الشوگ
چنت انشاف ما أنلاح

أنه الضويت چم ظلمه"
ودَرب عاثور
وهسة بحسره أتاني يمرني أي مصباح

العَله متوني غفو
عافو بروحي الغيم
ما مرني بشر لٱ گلي هم وانزاح"

أثاريني محطه
الناس بيه تعيش
وموعد هجرتي لمن يحس مرتاح"

مياسم : بعد سنة على طلعتنه من بيت جدي للبيت الجديد
كاعدين وحجه أبوي
أبو مياسم : حضر روحكم باجر نروح للنجف نزور أبوي وأمي
أم مياسم : تم أنشاء الله
مياسم : وصدك ثاني يوم طلعنه للنجف وصلنه للمقبره
قبور عشيرتنه وحدهة وجدي آلله يرحمة مكانه يم جدتي وصلنه لقبورنا ونشوفلك عمي أبو غضب وأبن عمي وبعد ولد كلمن كامش سلاحه
أبو غضب : هااا البواك عبالك أخليك تزور أبوي
وآلله إله ما خليك تلمس ترااااابه
أبو مياسم : خوويه أستهدي بالله وخلينه نزور ابوي من ندفن لهسة ما شايفه
ابو غضب : تحللللم حلللم اخليك تزوره
مياسم : وكب العياط بينهم وهاذا يصيح وذاك يصيح
ومانشوف إله غضب هاد على أبوي ويريد يطكه
مصطفى : هيييييييييييي أنته وحك هوة علي اذا تكربت لأبوي هسة هنااا اخليهم يدفنوك بدون مايغسلوك
غضب : بيك حضض
مياسم : وتكامشو مصطفى اخوي وغضب وكوه فاككوهم
أبو غضب : هسة لو تضل سنه هنا هم ما اخليك تزور ابوي ولا تتكرب لكبره
مياسم : بعد محاولات ابوي ويا عمي حتة يخلينه نزور جدي وفشل أيسنه ورجعنة للعماره
وابوي ضايج واحنة ضايجين لأن مازرنه جدي وامي نبع الحنان خطيه تهدي بأبوي وتصبر بينه
وصلنه للعماره ومر أسبوع ورجع أبوي وحده حتى يزور جدي وهم نفس الشي ما خلوه يزوره أني إلي جان كاتلني ومحيرني شلوون عرفو احنة راح نروح للنجف
مرت الأيام ورجعنا لدوامنه وبنص السنه كمت من اداوم اشوف غضب بسيارته يوكف يم مدرستي أني جنت أحب غضب وأنما مجرد حب طفوله هيج نكول هوة من نوع المغرور كللللش وزنكيل وحلوو ومرتب وكل البنات يتمننه واني جنت اكول أنيال الي تاخذه وتصير مرتة بس بعد الي سواه بابوي كرهتة وكمت كل ما اشوفه يم مدرستي روحي تلعب منه وضليت دوم أشوفه يم مدرستي بس ولا حاول يتقربلي ابد بس اني جنت كل ما اشوفه اروح اتفل عليه بس ولااا يحاجيني ابدد ماجنت اعرف ضامهن إلي اني جنت وكحه كللش وضحوكيه ولا هامتني الدنيا وجنت ما اهتم للدراسه بس ولا مره رسبت دائما انجح جنت أضحك ع المدرسين وجانو عندي أصدقاء هواي احنه مدرسه مختلطه أبوي من نوع الي مايحكم صح أحنه بلعماره وهاي المحافظه هواي كلام عليه ويكولون همج وميفكرون بس جدي جان غير جان مخلينه براحنه ويكول ما علينه بفيرنه ولا علينه بكلام الناس لأن اذا نضل ورا كلام الناس ما نخلص وأبوي جان رايه مثل جدي لذالك دخلت مدرسه مختلطه هية بعيدهة علينه بس جنت اكضي الدرب ويا صديقاتي ضحك وسوالف لمن نوصل وكلمن تدخل لبيتهة

جنت توني طالعه من المدرسه اني وصديقتي بيتهة قريب ع المدرسه ويانه ولد أسمه سلوان خوش ولد وحباب وأحسبه مثل أخوي طلع ويانه من طلعنه صارت سيارت غضب مقابيلي يم المكتبه
غلست ومشيت اجه وراي
غضب : اصعدي اوصلج
مياسم : تفلت عليه وكتله
ما اصعد لو تموت..
هوة ما حجه بس مسح وجهة
أني مشيت وضليت امشي بسرعه من غبائي بس اريد اخلص منه دخلت لشارع فاارغ وخررابه مهجور
ما احس إله سياره شاخطه كدامي
باوعت هاذا غضب
نزل من السياره ونطاني راااااشدددي لهسة من اتذكره خدي ينمل
صعدني سحللل للسياره واني مسطوره من الراشدي احس اذاني بعد ما اسمع بيهن
ضل يمشي بلسياره شويه وكف ما نطق ولا حرف بس شغل جكَاره وطفاهة بيدي يمممه أني من شوغت رووحي كمت اصرخ بكل صوتي
سد حلكَي وكَالي
غضب : مووو أنه بت البواكَ تتفل بوجهي هووواي تجاوزتي وتعديتي حدودج
عليمن شاايفه نفسج يااا عاااهر
مصاحبه ولدددد وضاله تتمضحكين وياااهم مووو
عبالج اذا تبرين منكم تلعبين بكيفج غاب القط العب يافار لااااا يااا مياسسسم أني إلج ولأبوج البوااااااكَ
وآلله إله اكرهج بعيشتج قسم بآلله اذا اشوفج تحجين او واكفه ويااا ولد بلمدرسه او اي ولد أله ادمرررج دماااار تريدين تنتقمين مناااا لأن فضحنه ابوج تريدين تنزلين روسنا بلكَاع مووو
مياسم : اني هنا تعالو دورو علة ألساني مالتكوه ابد
ضأله بس كاضه ايدي وابجي من الألم وهوة مستمر يغلط ويفشر واني بس عيوني تصب
وصلني للبيت وضل يدك بلباب لمن فتحه اخوي مصطفى من شافني وشاف حالي الي يبجي تخبللل وكام يصيح
مصكفى : وللجج منووو وياااج ليش هيج تبجين احجييييي
مياسم : قبل لا انطق ولااا حرف حجه غضب
غضب : اني شفتهة بسياره وية واحد ولو مو اني جا اخذهة وضاع شرفكم
مياسم : مصطفى عيونه صارن بكصتة وصار احمررر من العصبيه سحبني من أيد غضب وسحللل للمطبخ
مصكفى : اليوم إله امووتج ونخلص منج حقيررررة تركبين وياا ولد احجيييي شسوالللج
مياسم : علة الصوت العالي اجو اهلي كلهم ومن بينهم ابوي
أبو مياسم : شكوووو شبيكم تصيحون فضحتونه
مياسم : مصطفى كَال لأبوي الي حجاه غضب إله
سحبني من ايد مصطفى وألتفت لمصطفى انطاه راشدي
أبو مياسم : وللللككك شلوووون تصددك بغضب وتشك بأختك ولكك هاااي تربااات ايدي وماتسوي هيييج شييي انته مو تدري بغضب معادينه من زماااان نسيت هوووة هاذا الي هد علة ابوك لوووو لاااا عود هاذا أنته الجبيرررر هيج تشك بأهتك وتصدك بهاذا النذلللل
ولك لو مسويه شي جان ما اجت ملابسهة مرتبه شوووف شووف شعرايه ماا طالعه منهة وملابسهة مرتبات لو اشوفهة كداامي ما اصدك ولك هاي تربات ايدي وتربات حجي جواد شلون تشك بيهة
يوليدي لااا تتسرع ترره تندم وآلله المفروض تكون سئلتهة احتويتهة موو تسحلل بيهة تريد تموتهة
لان مبين النذل كاتلهة
مياسم : إلتفتلي ابوي وكَال
أبو مياسم : أحجيلي ياابه أحجيلي كللشي
مياسم : قوويت نفسي ومسحت دموعي وحجيت كلشي إلى ان من تفلت علة غضب ادري بيه يذبحني لأن مايحب الوكاحه والأستهتار راويته الحرك تخبللل ومام يصيح ويغلط علة غضب
بعدهة أمي اخذتني غسلتلي وغيرت ملابس وهدئتني
مر يومين واني ما مداومه أخاف
أجه مصطفى اعتذر مني
مصطفى : أني آسف خويه ميوسه
مياسم : عادي حبيبي مصار شي
أجه باسني براسي وبعد هاي اليومين داومت وما شفت غضب أبدددد وخلصت السنه....
يتتبع