مراهقة وأربعيني ( مكتملة)

البارت السابع عشر

#مراهقة _و أربعيني
الكاتبة بنين

البارت السابع عشر .......................

شفت شيب بشبابي من وكت ليش
وشفت حسره وشفت اه وشفت ويل
ما شايف شمس بس غيم دنياي
شوكت يطلع نهار ويرحل الليل؟
خلص عمري عذاب بوسط آهات
تعب حيلي وبعد ما بيه كل حيل

مياسم : البنات يعتنن بية.. لان حالتي كلش ما تتطمن..
مر يومين واني الفكرة ما راحت من بالي.. وضالة افكر واخطط بيني وبين نفسي.. ايي لازم اسوي هيج لأن اذا اضل ويا غضب نهايتي الموت أكيد.. ولازم ارجع بتي لحضني.. كاعدة بلغرفة وبتي بحضني دخلت امي نامت.. واني كمت حطيت ملابس جم قطعة الي ولبتي.. وطلعت ذهبي كلة وعندي فلوس بلكنتور.. باوعت الفلوس خير من الله اكدر اعيش بيهن اني وبتي
ويا الذهب مالتي..

غضب نايم بغرفة الضيوف.. وامي يمي.. نزلت على حنان

حنان : تفضل
مياسم : ها نايمة لو كاعدة..
حنان :ها ولج تعاي شنزلج ونتي مريضة
مياسم : قفلت الباب وكعدت يمهة..

حنان : شكوو ولج وجهج مايطمن مية الف لطام بي
مياسم : حنان اني اليوم اجيتج وادري بيج تحبيني وماترديني..وانتي ماترضين بلظلم
حنان : وتالي تحجين لو لا
مياسم : حنان اني مليت من اخوج وتعاملة وياي ومليت من ظلمكم.. واريد بنيتي بحضني.. وانتي تشوفين امج شلون منغصتني بعيشتي.. واخوج أكبر ظالم بلدنيا.. وجاي تشوفين.. يكوم يكتلني يكعد يكتلني.. وضالة

مكفخة .. وخدامة.. وحياتي طايح حضهة.. لا أهل.. لا عزوة.. لا سند.. لا رجل.. لا اطفال.. ولا شهادة.. اني اريد انهزم.. كافي ظلم.. كافي ضيم.. كافي قهر.. كافي مكفخة وضرب .. وأهانة.. كافي خدمة.. كافي ذل.. كاااااااافي رحمة لأمة الإسلام رحمة لربكم.. ولكم الله يرحم ويسامح ويغفر. وانتم عباد الله ماترحمووون.. كمت ابجي فقدت بس ابجي واكول حسبي آلله ونعم الوكيل

حنان : ااااخ ياكلبج شكد تحمل وتعب وعانة ويا امي وغضب.. وهم من اهلج

أدري بأمي أنسانة ظالمة وماتخاف آلله.. وحك الله ماراضية عليهة وعلى عمايلهة وياج وأدري حرام الجاي تسوي حرمتج من بتج وأنتي تشوفين شلون من إحجي تسكتني وماترضة احجي او ادافع عنج.. كافي يبعد روحي كافي.. والله اني وياج بكلشي تسوي.. شتردين اني حاضرة..

مياسم : كلشي ماريد بس كون انهزم وماريد اخوج يندل مكاني..
حنان : تم الترديه يجرالج
مياسم : صدك يعني راح تساعديني
حنان : ايي بس وين تنهزمين
مياسم : اني اريد اروح لمكاني بعيد كلللش ومايجي على بال ايي شخص وبلأخص غضب

حنان :روحي لمورتانيا
مياسم : حيييييل وين وصلتيني كبل لموروتانيا
حنان : هههههه لا والله بس اني احب هاي الدولة لذالك كتلج روحي عليهة
مياسم :وشلون اعيش هناك اني قصدت اروح لبغداد للبصرة.. للكوت لكربلة.. هيج محافظات