مراهقة وأربعيني ( مكتملة)

البارت الثامن

#مراهقة _و أربعيني
#للكاتبة: بنين
البارت : الثامن

ماعندي حمل يطشر بريح
اجودر وين ما ذبتني دنياي
يم الناس اضحك ضحك خالين
بس وحدي من ادمع انگلب ناي
تعبني الوگت گد مانه تعبته
وعطش للنوم جفني وفوطرت شفته
شوگت ارجع لروحي واجمع اللي راح
بس بيش اجمع البريح طشرته
مفتاح السوالف بلگلب مدفون
وبشفافي قفل علمني على السكته
تبعتك ياگلب عالمامش اعمي العين
والمامش ولك ياجدم واصلته
گلي شحصلت من صاحبيت الغيم
مدري بيا جزيره العمر ضيعته

مياسم : بداية حملي ماچانت تلعب نفسي من الأكل و عادي اكلي ويا عيالي بس من دخلت شهر إثالث بدأ لربو يضايقني اكون نايمة اصحى و انا ماكدر اتنفس ومن رحت للدكتورة كاتلي حالات الربو اربعة و انتي بلثالثة يعني حالتج خطرة جسمج ضعيف و الجنين خطير عليه اذا انتي تختنگين لأن هو هم يصير عند نقص بالأوكسجين و رحمج بحالة يرثي لها كتبتلي كومة ادوية و گالت دائماً اكون بمكان بيه تهوية علمود ما أختنگ واني كلشي ولا الطفل أخاف عليه ،،روحي بيه لان هوة الي راح يلهيني.

من صرت بشهر الخامس صار يصير عندي نزيف كلما غضب يتقربلي ورحت للدكتورة و كاتلي حجم الجنين صغير فميسد مجري إلدم و بعد العلاقة الحميمية يصير تغير بعنق الرحم فعادي فحالتچ طبيعي بس من يكون بس قطرات اذا كان كانه يصب عليچ ارجعيلي ممكن يكون اجهاض لاسمح الله ظهري اتعذبت منه دوم متشنج و يوجعني و نوم مااضوگ طعمه ابد من ورا غضب. وأخذت سونار وطلعت إبنيه حمدت الله وشكرته لأن اهم شي إتمام الخلقه واني احب البنات وغضب هم ما أعترض علا هاذا الشي.

بديت اسمن صرت جني منفوخة بهوا وگمت أحب أكل فواكه و حليب و الله ايام كشرة المهم معاملة غضب ماتختلف غير انه بطل يضربني بس الشغل من كوي و غسل و طبخ عليه لمن يشوفوني ميتة تعب ذاك الوگت ارتاح ام غضب كل ماتشوفني نازلة من الدرج تضل تصرخ تعال يغضبببب تعااال شوووف شوف مريتك تكمز من فوگ الدرج تريد تسقط ابنك يجي غضب يهدد والله اموتچ وعلي أكسرچ وأذبحچ يگلك طالعه من فطر الگاع لو يخليني النهار كله البنات يراقبني. و الله مريضين عبالهم اكتل روح هي جزء مني. وأني اتمناهة أمنية من ألله يصير عندي طفل ويلهيني عنهم وعن مصايبهم وطراگيعهم. الله بلاني بيهم اني الي جنت مدلله ولا هامني شي تالي اصير خدامه عد غضب وأمه وياريتهة محترمتني لو مقدرتني ماكووو ضاله بس دورر عرك اني شايفه النسوان الي بعمرهة گاضيات. وقتهن صلاة وتسبيح وتستغفر الله. مو گاعده علة على گلبي. لاتعرف حلال ولاتعرف حرام.

من صرت بالشهور الاخيرة گالتلي الدكتورة نصبر لمن إدخلين أسبوع من شهرج.
لما دخلت اسبوع من شهري رحت للدكتورة و غضب وياي فحصتني و كالت عندج التهاب بالمثانة و خطير لأن هي المسالك البولية و مدري وشنو و حتى انتي ماتكدرين تولدي طبيعي ابد ماتتحملين لازم يدخلوج من باچر لان الجنين عنده نقص بالأوكسجين

المهم دخلوني و انا گلت لغضب مااولد اذا مو امي وياي صار الصبح موعد العملية و اني مصرة ماادخل قبل مايجيني أحد من اهلي المهم غضب كالي بلغتهم و مارح يوصلون الا باچر كتله عادي ننتظرهم عيط عليه و گالي

غضب. : أدخلين للعمليات وغصب عليچ

و ام غضب وراه تگلي خايفة تموتين اطمني عمر الشقي بقي و مارح تموتين غضب كال لامه انو يريد يحچي وياي وحدنا طلعت وهي دردم ألتفتلي غضب گالي هسة تجي الممرضة تخليها تجهزچ و أدخلين لا والله تشوفين إلي عمرچ ماشايفته. من الاخير خضعت لأمر الوقع و دخلت العملية و چانت تخدير عام اجه الدكتور المخدر وگام يسألني و هو يجهز الأبرة و مادري بنفسي انفصلت عن العالم نوم ثگيل مو مريح ابد و جسمي كانه بس هوا مابية اتحكم بأي عضو المهم خرجوني لغرفه عادية و صحيت امي عد راسي و ابوي واگف ويا غضب. من شفت أبوي أرتحت گلت همزين ذكرني. وگال عندي، بنيه خلي أروح أشوفهة. تحمدولي ع السلامه سألت عن الچنين كالولي بالخدج و حاطيلهة اوكسجين لان جانت . زرگه مختنگه طلبت يجبوهة إلي ارضعهة كالوا مو زين ترضعيهة الا بعد ٤٨ ساعة يخرج البنج من جسمج ممكن تشوفيهة بس انتي تروحين إلهة گتلهم ايي بس أهم شي أشوف بنيتي حبيبتي.

ابوي باس راسي و جانت الفرحة تشع من عيونه تعجبت گلت ذاك اليوم طردني من بيته وهسة فرحاان شعجب؟ امي طايرة من الفرح. غضب جامد و ماتقرب مني لليل امي احتاجت اغراض إليه اخذهة ابوي يجيبوهن من بقينا اول شي گاله الي گالي تدرين لو چانت بنتي ميتة جنت كتلتچ وراهة ادري بيج ماچنتي تريدين إدخلين العمليه علمود أتموت بنتي و تفتكين منهة ومني بس ماكو مفك مني والله انهضمت و حزت بنفسي وخاطري هذا ابو بنتي بدال مايبوس راسي و يتحمدلي بالسلامة يهددني. والله ماشفت قساوه مثل قساوته مرات لا والله مو مرات دائماً احسه مريض مرض نفسي ومراح اخلص منه العمر گله. مرات أگول خلي أتحمله بلگي يتعدل إسلوبه وياي ويحترمني ويقدرني. بس يصير العكس ويضل يزيد بلضرب وعدم التفاهم.
طلعت من المستشفى بعد يومين. بنتي بقت اسبوع امي تبات يمها لان اني مااكدر.تقريباً اسبوع وطلعوهة
وجنت اتمنى تصير عندي بنيه. وجنت حابه أسميهة فضه لان كللش. حلو. هاذا الإسم وعاجبني. من گلت لغضب. ماقبل وبعدين أمي قنعته ...يتبع