مرتقب عز الدين

البارت الخامس والعشرون

❣️البارت الخامس وعشرون ❣️
............ مرتقب عز الدين............
للكاتبه 🌟نبأ ميثم 🌟

❤️..... ❤️❤️❤️...... ❤️
صدك هل حجي عز؟
ابو مرتقب . أي بويه اجيتك قبل ٢٠ سنه تقريبا لو أقل
جان عندي مرتقب عمره ٥ سنوات وبنتي هند
وطلعلي جلال وأخذ مرتقب بيده بس من طلع مرتقب جان يبجي وجلال كلي ابوي ضربة
جدي باوع الجلال بنضره غضب
صدك هل حجي جلال اني شوكت شفته وضربت انته تدري جان بنفسي عز يرجع دورت عليه ما لكيته!

قمر. راح نكضيه صدك وجذب تره زهكت ولا حبيتهم مينهضمون
ام مرتقب. اسكتو عاد
جلال. باوع المرتقب اي بويه صدك ابتسم مرتقب بحقاره
مرتقب. لعد منو ضربني
جلال. عادل ضربك واني كتله هيج سوي دنج عادل بخجل من نفسه

ابو جلال. انته شلون هيج تصرف بااي حق هيج تسوي ويه عز ليش هيج جلال!
جلال. بويه توقعت انته متقبل تشوفه بوكته جنت مريض تذكر من صارت عدك مشكلة بالقلب  خفت عليك واني أدري بيك أنته ضايج منه وغاضب عليه

ابو جلال. أنته شدخلك وليش تصرفت من شورك ولك جلال راح تجلطني شوكت تبطل سوالفك
ابو مرتقب. الفات مات بويه كافي خلي نسد موضوع
ابو جلال. يابويه اني من زمان سامحتك وحته دورت عليك بس مالكيتك

ابو مرتقب. هاي هيه بوية مايحتاج نتناقش بعد
ابو جلال. بارك الله بيك
ابو مرتقب. يله صار لازم نروح

ام جلال. شنو يمه بعد غياب شفتك وتريد تروح غداك يمنه والله مطلعون انت وعائلتك تباوتن هنا انتو رجعتو البيتكم

ابو مرتقب. لا يمه غير مره
ابو جلال. والله ماتطلعون وضلو يحلفون بينه ويلحون بقينه على اعصابنه لان اني ما حبيتهم واخوتي نفس حالة

تعرفنه على عائلة بيت جدي الحلوه فيلق جانو والجهال ثابره الامه تحس نص جهال عراق بيت جدي

قمر. مرتقب عيونك شبيك تباوع على هل ولد
مرتقب. الله ليجذني وره هذا حارث سالفه احسه جذاب!
قمر. يمعود يكولون عقله

مرتقب. مامصدك كل هذا
ليش هيج صار اكو سبب
قمر. مادري البنات يكولن سالفه قديمة ولك هذا لو بنيه وهل كد تباوع عليه جا شكيت انعجبت بيه

مرتقب. تالي عمري أخذا غير ريم؟
قمر. ريم تزوجت ياخويه كافي.... شجلبت بيه انسه وبلش حياة جديده
مرتقب. بعده بكلبي..... مالج دخل  هسه عرفيلي سالفة حارث انتي سباعية

جان حارث شاب طويل بس جاني ضهره وراسه ميرفعه ابد لابس قميص عريض وبنطرون هم عريض كلش عراض اكبر منه

قمر. اكولك شوف البنات شلون يباوعلك
بل أخص بنت جلال سميه دحس فرح من هيج يباوعن عليك
مرتقب.  بنت جلال فد دوره زايعته الكاع ولا عجبتني

قمر. هههه دسكت اسكت ليسمعون
نوب طالع تخبل لابس بنطرون كابوي نيلي وقميص اسود ومسوي كفه بل ردان فد شي من صار محامي طك هههه

انتبهت حارث يرفع نضره عليه ويدور وجهه مادري ليش اطمئنيتله عكس احساس مرتقب
هو بس ساكت ويباوع بل كاع وصدف يغافل الكاعدين ويباوع بل وجوهنه

كعدنه كلنه على سفره وجان الاكل خير من الله والناس هم خير من الله
يمكن طابخين بل كدوره مال لحسين لأن همه اهواي جهال ونسوان

جابو الجاي طبعا اني لازمه بمرتقب ليكلك هو أبويه لو امي متعلقة بي اهواي وهند وامي منطلقين بل سوالف ويه نسوان
مرتقب: لج بويه ادري مخلفج ونسيت...... روحي كعدي اهناك زرفتي خاصرتي ومن غير نكج

قمر. اوي شنو من اخ انته زعلت
رحت كعدت يم البنات
سمية. ههه شعندج لازكه باخوج شبيج تخافين
قمر. كلتيه بلسانج اخويه ولزكت بي قابل عيب فشلة

سميه. بس والله شكله كيوت علمين طالع صاك
قمر. غير عليه
سميه. هههه

قمر. اكلج شبي حارث ليش هيج فقير
سمية. والله لو شوفي قبل كم سنه شلون جان هيبه وعلي زحفت على بطني من كثر ماحلو وشخصية بس مادري شلون هيج فجأة بين يوم وليلة اندعم وصار بي هيج هو حته من مات ابوه كدام عينه ما صار بي هيج

قمر. عزه شلون مات ابوه
سميه. عصابة جافتين عليهم بل ليل واخذو الفلوس وبيتهم جان يجذب النضر وقتلوه
لارا. بيني وبينج اكو أخبار تكول هو شاف القاتل بس ميحجي
قمر. إذا شايف المجرم غير يخبر عنه

لارا. مادري والله هو جان يصرف بغموض ونوب من اندعم هيج حالته الصحية مو زينه
سمية. عمتي بجت دم بس تريد تعرف وهو مابدر من أي شي عبالك ناسي كل شي
هند. معقوله ما ان قهر على امهه
لارا. الله يعلم

هند. كلبي كام يلعب منه
سمية. لج ياا شوفي فقير وكارص وحده نهار كله لو طالع ومحد يدري بي وين يروح ويرجع حالته حاله
هند. شنو وين يروح
سمية. يختفي بل ايام والشهور ويرجع يضيع يمكن وقليل يحجي
قمر. عزه شنو السالفه فضولي ميه

لارا. كفيلج الله لو يصير مليون مو ميه كلشي ميحجي ومتلكين إله إثر
قمر. المجرم الما يترك دليل وراه

هند. شوف هاي دخلت زايد بل موضوع
سمية. جنه محاميه
قمر. أي قريبا اصير محاميه مثل جوجو
لارا. منو جوجو
هند. قصده مرتقب
سمية. شنو هازه كاروكه وجوجو
قمر. اوي عيني شغلات بين الاخوه شحارك حمامكم

لارا. هههه
قمر. خلي اكوم اكعد يم بيبتي اخذلي جم كلمه مفيدة بل حياة  طبعا همه كل أربع أو خمس أشخاص يحجون سوه عباره عن مجموعات بنات وحد شباب وحد جدي وعمامي وحد
سمية. يووو بيبتي تزرف الاذن

قمر. أي مو زين حته مترحين للدكتور وبل ابره مدري شنو  وعذاب بيبتي على جهاز تزرف اذانج

رحت يمهم شفت حارث طلع من باب المطبخ
رحت وراه لبست حذائي شلون مجان
وطلعت وراه راح للبستان
قمر. هلاوو صحت عليه

يتبع.....

..... ❤️❤️❤️....

بقلم
🌟 نبأ ميثم 🌟
ربي ايقضني من نومي  في احب الأوقات إليك....🥀