مرتقب عز الدين

الاخير

❣️..... الاخـــيــر......... ❣️
......... مرتقب عز الدين .......
للكاتبة: نبأ ميثم

❤️❤️❤️❤️❤️❤️❤️❤️❤️❤️❤️❤️

رحت ركض للبيت
مرتقب. شصاير
كلهم التفتولي أبويه يباوعلي بنضرات غريبه
مرتقب. شكو شصاير شبيكم
ابو مرتقب. البقاء في حياتك ابني

مرتقب. منو مات
ابو مرتقب. لارا انطتك عمره

احس الزمن رجعتي النقطه الصفر من بديت حياه جديده ادمرت للمره الثانية
كلشي ضاع فجأة كل الناس الي حبيتهم ديختفون من حياتي!

ابو مرتقب. مرتقب تسمعني شبيك ابني
مرتقب. بتررد شلون شلون ماتت

ابو مرتقب. بل ولاده بس الطفل ضل عايش دخلت جوه للبيت لكيت اختي قمر
قمر. البقية بحياتك خويه عفته ودخلت جوه صعدت الغرفتي شفت كاروك الاختارته لارا وبي طفل

تقربت يمه تنهدت جان كلش صغير
مرتقب. قيس أنته بقايا مال ابوك
ابوك مرتين فشل بل حب مرة ماكدرت احصل ريمتي
وهسه حبي الثاني الماستي أخذه الموت راح اترك درب الحب الغيري انت اجيت وامك راحت

لتحب مثلي لأن حضك مثل ابوك راح تدمر وتتعذب اني اعرف حض الولد على ابوه
نورت دنياك مندون ام وابوك عاشك خسر مرتين

جبل القوة انهار والدموع ملت وجهي بعد مااتحمل كل هذا ضغط حسيت بوب كله انسدت بوجهي

جن جنت بحلم وصحيت منه وافع مؤلم وحياتي اخذت منعطف مغاير عن قبل
لازم ايد قيس الصغيرة وايهم يمي بالكاع حرت بيهم ياترى شلون راح اكمل حياتي ويه طفلين شلون راح اعيشهم

شفت سميه صافنه عليه وتبجي وياي ماحاجيته شي هيه حست عليه انتبهت خلت وطلعت من الغرفة
جبت ورقتي ودفتري رسمت بيه لارا فوك الساعتين وحدي فوك محد دخل ولاشفت احد جنت منعزل تماما عن الخارج اتخيل لارا يمي

اني رجال بس اهنا دموعي خانتني ومارضت توكف
تحولت طفل ضربتين على رأس توجع راح عمر وهسه لارا زين اني شعندي عايش ليش ماروح يمهم ليش مقدرلي هل كد اعيش

💫قمر💫

مرت ايام الفاتحة كلش صعبه ومرتقب انعزل نهائيا
مو مرتقب اليشاقه حته من راحت ريم مو هيج تغير كلش

اما الجهال سمية حايره بيهم ماعرف ليش احسه متعاطفه وياهم ماطول مامئذيتهم عفته..... شفت بعيونه حنيه خاصة لهل طفلين محد كدر يعتني بيهم غيرة

وره الأربعين صار لازم كلمن يرجع البيته
حته سميه راحت البيتهم بس الي صار أيهم كام يبجي عليه تنحس وامي حارت بي
دخل مرتقب
مرتقب. شكو شصاير شبي يبجي ذاك يهمشله ويصح اب اب راح شاله وطلع بي

بل ليل كله ضلت تتباجه وحرنه بيهم اضاهر تعودو على سمية ماعرفنه شلون نسكتهم امي متكدر مرة جبيره وبس اني بالبيت
نزل مرتقب مرة ثانية. راح اجيب سميه