مرتقب عز الدين

البارت الرابع والثلاثون

❣️البارت الرابع الثلاثون❣️
......... مرتقب عز الدين .......
للكاتبه 🌟نبأ ميثم 🌟

_ هاا شو ندعي باب المطبخ شكو صالج ساعه صافنه
درت وجهي عليه صفنت بوجهه وبرطمت نزلت دموعي
مرتقب. ولج شبيج

قمر. مابيه شي
مرتقب. فوتي جوه كدامي يله يله ويدفع بيه
دخلت جوه صعدني ليفوك
جانت لارا كاعده مسحت دموعي

مرتقب . الماستي ممكن شويه اريد احجي ويه قمر
لارا. ادلل حبيبي
كعد على جربايه تعاي كعدي

رحت يمه
مرتقب. شبيج بنيتي شصاير
قمر. مصاير شي
_. شلون مصاير واني اول مره اشوفج تبجين من سنين
قمر. مرتقب وطكيته بجيهه

مرتقب. ياستار ربي شكو احد مااذيج تره شغلتي بالي
قمر. اوكف خلي افكر احجيلك لو لا
مرتقب . قمررر احجي تره بلشت افقد اعصابي يله كلبي احجي

قمر. شوف هو شسمه خرب يمكن خجلت واله اكلك مو وكت الخجل شغلة مصيريه هاي أو بعدين الوم حضي جاهز.... واحد ثنين ثلاثه احجي وهو صافن عليه شوي ويضربني راشدي  مرتقب حارث راح يجي يخطبني

مرتقب. ضيك عيونه وليش تبجين لعد إذا متردي كولي
قمر. شوف انت وين واني وين خاف اهلي ميقبلون مثل متعرف حارث على أساس عقلة شاخط
مرتقب. يعني انتي تردي

قمر. أي
مرتقب. بلا خجل شو زايعتج كاع بعد اخوج
قمر. هسه وكت الخجل ياخويه خاف يطير العريس شبيك
مرتقب. كمت أشك الكاعده كدامي بنيه مو ولد
قمر. رجعت ابجي شبيك دحجي صدك

مرتقب . اهو كافي تبجين روحي فرحي بخطوبتج لأن حارث  كلي من قبل روحي تونسي وفرحي واهلج وجلول مالتج عليه

قمر. يعني اهلهل
_. ثكلي شوي هسه الولد شيكول
قمر. هيه مره بل عمر هسه اني اطمئنيت خلي اروح افكر شلبس شسوي اخرتني وضيعت وكتي

مرتقب بله اني داز عليج طيح الله حضج هسه اني صرت أخرت وكتج يله ولي بره طايحه الحظ جري عدل لو ابطل ماازوجج
قمر. ههه اشاقه رايحه احجيله كل شي بلا مااخجل او الكر بالشي لان هو داعم الأول الي وسندي بالحياة

راحت قمر دخلت لارا
لارا.ها حبيبي الله يساعدك
مرتقب. هله بيج الماستي نعسان وميت تعب اريد انام
لارا. ارتاح حبيبي تمدد على سرير وفتحلي اديه تعاي نامي يمي انتي وابني
رحت يمه شبكته
مرتقب. اوف شنو هل ريحة....
لارا. بستة من صدره الله يخليك الي
مرتقب. ويخليج الي انتي وابني

لارا. بلكي طلعت بنيه
مرتقب. أمنية اطلبه من الله
لارا. عبالي تزعل لأن دوم تكول ابني
_. ههه لا فرحتي بل ولد والبنية نفس الشي بل اخير يضلون جهالي وامهم الماستي
عسى ماعشر بنات والله اصير ملك زماني 

لارا. انته وين اكو مثلك
باسني من خدي

💫قمر💫

دخلت لغرفتي فكره تجيبني وفكره توديني وسؤالي الأهم شلون راح يقتنعون واجه اليوم المنتضر

لبست تشيرت وبنطرون ورفعت شعري ذيل لحصان وكعدت لأن بيت عمي جلال كالو راح نجي
ام مرتقب. ادري عروس كاعده وخاله رجل على رجل

قمر. بكلبي طبعا عروس ها يمه
ام مرتقب. كومي ساعدي مرت اخوج حامل
قمر. أي رحت يمه لكيته تحضر بل كيك مسويه كيك
لارا.  مرتقب كلي حضري كيك

قمر. خرب يفتهم بسوالف الضيافة
لارا. محامي بعد متفوته فايته
قمر. صح والله

ضلينه نشتغل ونسوالف اندكت الباب
اني راح افتح الباب
طلعو بيت عمي جلال وعادل وسحر
بوستهم وعمتي تبتسم بوجهي

دخل آخر شي حارث غمزلي
حارث. شلونج مريتي
قمر. بعدني مصرت مريتك
حارث. ثواني قليلة وصيرين مريتي طالعه تخبلين
قمر. أنته الاحلى

حارث. يحضي منيلي بله هاي خلقت واحد ديخطب لو ساحلي للاعدام چان لابس بنطرون عريض كلش
وقميص هم عريض وضهره منحني وشعره يمكن راكعه بتفله ورايح صفح 😂
ليشوفه ولا يكول حارث ابو جسم الرياضي الهيبه
وجتافه تجنن وعضلات

يلبس هيج حته ميبين جسمه الملابس مغيرات مضهره مرات الترتيب إله دور جبير بشكل البشر
هو من النوع يكشخ كشخه مصايره واكيد ميركع شعره بتفله يخلي جل

قمر. القرد بعين أمه غزال
حارث. يعني اني قرد يابومه
قمر. رجاءاً تره ابطل مازوجك
حارث. بطلي وشوفي شسوي بيج
قمر. دفوت هسه فوت

حارث. والله ماعرف شلون اهلج راح يزوجوج الي ياخوفي
قمر. اني قابلة ومرتقب هم النصر حليفنا يله نبدي المعركه
حارث. جاهزة حضري سيفج والمعدات راح اجيب المدافع

قمر. هجوم
حارث. الله أكبر
مرتقب. هي هي لا كملت من كل عقلكم تزوجون وانتو نفس الخبال صدك جذب جهالكم شيطلعون
حارث. محاربين

قمر. نحن ندافع عن حب الوطن
مرتقب. دخلو جوه لايجيكم هوان ابو مرتقب طاير ويطيركم انتو وجهالكم المحاربين

حارث. مرتقب كلشي تمام
_. ماحجيت ويه الوالد
حارث. خرب تسوية صدمه
مرتقب. اسكت اضغط عليه كدامكم وراح ينحرج
قمر. سون هجوم مفاجئ

_. عفيه بل ضبط نسطره سطر بعد ميندل دربه
دخلنه جوه مرتقب ذب المسواك وفات هو وحارث رحت كعدت يمهم وبصفي لارا

لارا. شويه ثانيه إذا طولو بيت جلول اشنق روحي اهنا
قمر.شبيج معطبه لخاطر الله
لارا. قندرت النعل سمية شوفي عيونه على مرتقب

قمر. ههههه
لارا. لضحكين
قمر. هههههههه
لارا.وجع
قمر. اشاقه وياج بعد بيتي خليه تمر على خير واني اربيه الج

لارا. شو متحمسه
قمر. سكتي لج عمي ديحجي
جلال. اليوم يابو مرتقب اجيناك بطلب واتمنه ماتردنه ولو هو كلشي بل قسمه يبتسم باستهزاء نضرات حارث قاتله من جوه لي جوه

ابو مرتقب. اطلب ابو احمد وان شاء الله مانردكم
جلال. أريد اطلب ايد قمر الحارث
لارا. وج حيوانه سدي حلكج وصعدي فوك على أساس خجلتي

قمر. هفف يعني مااسمع شي أمري الله وكفت بل باب باوعلي حارث شمرلي بوسه واني هم شمرتله وفلتت خرب نضراته تموت ضحك من شمرتله بوسه جان كل مركز على ابوية

مرتقب. يتبع.....
❤️❤️❤️❤️❤️❤️❤️❤️❤️❤️
بقلم
🌟نبأ ميثم 🌟

ويسالونك عن الحياة؟
قل هي بجمال يوسف، وحزن ابيه
وغدر إخوانه......

مشهد من البارت القادم
ابو مرتقب. هل زواج ميصير يعني ميصير بناتي مزايدات عندي حته اشمرهن هيج شمرهه
مرتقب. قمر تزوج حارث يعني