فصليه الشيخ وضاح

البارت الثاني والعشرون

حزني و انته
اثنينكم نفس المعزّه
ياهو منكم ما اشوفه
ايبزني گلبي

رسول المنصوري

مريم:كالتلي حاامل

وضاح:بقييت مصدوم

سماره:الله عليييج

مريم:ايي ولله بس فدوه سماره لاتكولين الاحد هسه

سماره:ولجججج خطيه وضااح

مريم:بعدين موو هسه

سماره:زين وضع الجنين شوونه يااشهر

مريم:كالتلي وضع جنين زين وكالتلي انه بالشهر الثالث

سماره:ولج وهيج ماحسيتي على روحج

مريم:معرف مجنت منتبها ابد ولله

وضاح:ضلن يسولفن واني مصدوم من الخبر خلصت الاتصال سماره وامي فرحانه هلهلت

ام محمد:يمه صلااوااات واخيرا راح اشوف وليداتك

سماره:خويه الف مبروك ولله فرحتلكم

جنه:نزلت بسرعه شكوو

سماره:مريم حامل

جنه:صدددككك راااااح اصيرر عمه

وضاح:فرحانين واني بعدني مصدوم يعني راح اصير اب بداخلي فرحه بس معرف شوون اوصفها زين ليش متريدني اعرف

ام محمد:يمه امانه رجع مريتك

وضاح:يمه هسه سمعتيها متريدني اعرف بموضوع طفل شوون ارجعها

الحجيه:جاا شني ابنه يربى عند الغربى

وضاح:يصير خير عوفو سالفه هسه صااعد انام سااعه عفتهم وصعدت بس مكدرت انام بقت بس الافكار براسي معقوله من ليله وحده حامل الحمدلله يااربي ماكو اعتراض على رزقك بعدين كوه نمت

مريم:واكفه على المرايه اباوع البطني امسح عليها وبالي خاايفه لاسماره تحجي الوضاح بس لاهيه حلفت مااتحجيله شي رحت نزلت كعدت بلمطبخ وماما واكفه معرف شسوي اكوول ماما شدسوين

الام:كيكه

مريم:مشتهيا دولمه ولله بسرعه باوعتلي وضحكت

الام:انتي مشتهيا لو طفل

مريم:ولله معرف يجوز ثنينه

الام:-تريدها حامضه لو حلوه

مريم:-حامضه

الام:-تدللين باجر اسويلج

مريم:-ماما خابرت سماره وكتلها بسرعه باوعتلي

الام:-شكالتلج

مريم:فرحت هواي بس حلفتها مااتكول الوضاح

الام:-ولشوكت تردين تبقين ضامه عنه ياامي

مريم:-معرف بس مو هسه

الام:-ومثلا اخته راح تبقى سااكته وماتكله