My Elementary Series - Volume 2

My Sophomore Series ... (Chapter 9, Jan, What Happened to You?)

Maya-maya ay may narinig akong katok.

"Gel... Gel... Andiyan ka ba sa loob?" rinig kong tawag ni Feljan.

Napamulat agad ako ng mata.

"Jan... teka lang." sabi ko kay Jan.

"Wag na... dito ka na lang. Kunwari tulog ka na." bulong nito.

Di na lang ako kumibo.

"Gel... Gel... gising ka pa ba? May tawag ka sa telepono. Long distance daw." sabi ni Feljan. "Si Kuya Paolo."

Agad akong bumangon. Bago pa ako mahawakan ni Jan ay nabuksan ko na ang pinto.

"Feljan... sorry... nasa banyo ako kanina.?" agad kong tanong.

Dumiretso ako sa dining area kung saan may extension ang telepono.

"Hello.. Kuya Pao!!!" sigaw ko.

Kaagad na nakita kong lumabas ng kwarto si Jan.

"Kuya Pao... napatawag ka?" excited kong tanong.

"Ano bang klaseng tanong yan? Di ba sabi ko tatawag naman ako." medyo pagalit nitong sabi.

"Sorry po." nalungkot ako at pinagalitan niya ako.

"Di ako galit. Galit ako sa nandiyan ngayon. Nandiyan ba si Jan?" diretso nitong tanong.

Napatingin ako kay Jan.

"Andito po." sagot ko naman.

"Ano'ng ginagawa niya diyan?" galit na galit ang boses ni Kuya Paolo.

"Di mo po siya pinapunta dito?" tanong ko.

"E gago ba ako? Papupuntahin ko siya diyan? Para ano? Para hawaan ka ng sakit niya?" di pa rin humihina ang boses ni Kuya Paolo.

"Kuya?" naguluhan ako sa sinabi niya.

"May sakit ang gagong iyan. Kung alam ko lang na maysakit siya e di ko na sana siya pinapunta diyan." nagngingitngit ito.

"Kuya... di kita maintindihan."

Lumalapit na sa akin si Jan.

"Diyan ka lang." sigaw ko dito. Ibinalik ko ang atensiyon ko kay Kuya Paolo. "Kuya... paliwanag mo naman."

"Yang Jan na yan... na dati mong boyfriend... may STD na yan."

"STD?" ulit ko pa.

"Oo. Wanted yan dito sa Fed."

Di ko naintindihan kung ano yung Fed kaya nakuha agad ni Kuya Paolo.

"Fed. Federal Ministry of Health. Isa yan sa mga may kaso ng STD dito na tumakas lang pauwi diyan dahil may sakit iyan. STD o Sexually Transmitted Disease... nakakahawang sakit dahil sa sex." paliwanag nito.

"Kuya naman e. Wag ka namang ganyan." sabi ko dito. Ayaw kong maniwala.

Lumapit na naman si Jan.

"Gel... ano daw sabi niya?" nag-aalangan ang mukha ni Jan.

Hinarap ko siya.

"Totoo bang maysakit ka?" tanong ko.

Tumahimik ito.

Di ako sinagot. Bumalik sa kwarto ko. Maya-maya ay kinuha ang dala nitong bag at walang sabi-sabing bumaba ng hagdan. Narinig ko ang pababang yabag nito. Hanggang sa narinig ko ang pagsara ng pinto sa sala.

"Kuya... sorry... kailangan kong habulin si Jan." di na ako nag-isip.

Ibinaba ko na ang telepono kahit naririnig kong tumatawag na sa akin si Kuya Paolo sa kabilang linya.